୨୦୧୭ ଜୁଲାଇ ମାସରେ କଳିଙ୍ଗ ଷ୍ଟାଡିୟମ୍ରେ ଆୟୋଜିତ ହୋଇଥିବା ଏସିଆନ୍ ଆଥଲେଟିକ୍ ଚାମ୍ପିଅନ୍ସିପ୍ରେ ଚୋପ୍ରା ଭାଗ ନେଇଥିବା ବେଳେ ତାଙ୍କ ଦକ୍ଷିଣ କାନ୍ଧରେ ଯନ୍ତ୍ରଣା ହେଉଥିବାରୁ ଏକ ସନ୍ଧ୍ୟାରେ ନିଜର ଜଣେ ବନ୍ଧୁଙ୍କ ସହ ଅର୍ଥୋପେଡିକ୍ ଓ ସ୍ପୋର୍ଟସ୍ ମେଡିସିନ୍ ବିଶେଷଜ୍ଞ ଡାକ୍ତର (ମେଜର) ସାର୍ଥକ ପଟ୍ଟନାୟକଙ୍କ କ୍ଲିନିକ୍କୁ ଆସିଥିଲେ ।
ମୁଁ ଏହି ଯୁବ ଆଥଲେଟ୍ଙ୍କର ଚିକିତ୍ସା କରିଥିଲି ଏବଂ ତାଙ୍କର ଏହି ଯନ୍ତ୍ରଣା ମୁଖ୍ୟତଃ ମାଂସପେଶୀ ଜନିତ ଥିଲା ବୋଲି ଜଣାପଡିଥିଲା । ଖୁବ୍ ଯତ୍ନର ସହ ଓ ଉଚିତ୍ ପଦ୍ଧତିରେ ତାଙ୍କର ଏହି ସମସ୍ୟାର ଚିକିତ୍ସା କରାଯାଇଥିଲା ବୋଲି ମେଜର ପଟ୍ଟନାୟକ କହିଛନ୍ତି । ତାଙ୍କ ବନ୍ଧୁଙ୍କର ମଧ୍ୟ ଚିକିତ୍ସା କରିଥିଲେ ଡାକ୍ତର ପଟ୍ଟନାୟକ । ଡାକ୍ତର ପଟ୍ଟନାୟକ ବର୍ତମାନ ସମ୍
ଅଲ୍ଟିମେଟ୍ ମେଡିକେୟାରର ଆର୍ଥୋ୍ରସ୍କୋପି, ସ୍ପୋର୍ଟସ୍ ମେଡିସିନ୍ ଓ ସର୍ଜରୀ ବିଭାଗର ସିନିୟର୍ କନ୍ସଲଟାଂଟ ଭାବେ କାର୍ଯ୍ୟରତ ଅଛନ୍ତି ।
ଏହି ଖେଳାଳୀ ଜଣକ ଖୁବ୍ ମିଷ୍ଟଭାଷୀ, ଭଦ୍ର ଓ ମାର୍ଜିତ ବ୍ୟବହାର ସମ୍ପନ୍ନ ଜଣାପଡିଥିଲେ । ମୁଁ ଭାରତୀୟ ସେନାବାହିନୀର ଜଣେ ଅବସରପ୍ରାପ୍ତ ଅଧିକାରୀ ବୋଲି ଜାଣି ସେ ଖୁବ୍ ଖୁସି ହୋଇଯାଇଥିଲେ ବୋଲି ଡାକ୍ତର ପଟ୍ଟନାୟକ କହିଛନ୍ତି ।
ଜୁଲାଇ ୬ ରୁ ୯ ତାରିଖ ୨୦୧୭ରେ ଆୟୋଜିତ ଏହି ଚାମ୍ପିଅନ୍ସିପ୍ରେ ଚୋପ୍ରା ପୁରୁଷ ଜାଭେଲିନ୍ ଥ୍ରୋରେ ସ୍ୱର୍ଣ୍ଣ ପଦକ ହାସଲ କରିଥିଲେ । ଚୋପ୍ରା ଜାଭେଲିନ୍କୁ ୮୫.୨୩ ମିଟର ଦୂରକୁ ଫିଙ୍ଗି କାତାରର ଅହମ୍ମଦ ବାଦେର ମଗୋରଙ୍କୁ ହରାଇ ଚାମ୍ପିଅନ୍ସିପ୍ ରେକର୍ଡ ସୃଷ୍ଟି କରିଥିଲେ ।
ଚଳିତ ଅଲିମ୍ପିକ୍ସରେ ସେ ଗୋଲ୍ଡ ମେଡାଲ୍ ହାସଲ କରିବା ନେଇ ମୁଁ ଖୁବ୍ ଗର୍ବ ଅନୁଭବ କରୁଛି । ଚାରି ବର୍ଷ ତଳର ତାଙ୍କର ମୋ ସହ ଥିବା ସ୍ମୃତିକୁ ସବୁବେଳେ ମନେ ପକାଇବି । ସେ ଆଗକୁ ମଧ୍ୟ ଏହିଭଳି ବିଜୟ ହାସଲ କରି ଦେଶ ପାଇଁ ଗୌରବଆଣନ୍ତୁ ବୋଲି ଡାକ୍ତର (ମେଜର) ପଟ୍ଟନାୟକ କହିଛନ୍ତି ।
ଡାକ୍ତର (ମେଜର) ପଟ୍ଟନାୟକ ବିଶେଷ ଭାବରେ ଜଣେ ଲିଗାମେଂଟ ଓ କାର୍ଟିଲେଜ୍ ରିକନ୍ଷ୍ଟ୍ରିକ୍ସନ୍ ସର୍ଜରୀ, ସୋଲ୍ଡର୍ ଆର୍ଥ୍ରୋସ୍କୋପି ଏବଂ ସ୍ପୋର୍ଟସ ସର୍ଜରୀ ବିଶେଷଜ୍ଞ ଏବଂ ସେ ୟୁଏସ୍ଏର ପେନ୍ସିଲ୍ଭାନିଆର ସ୍ପୋର୍ଟସ ମେଡିସିନ୍ ବିଭାଗରୁ ଫେଲୋସିପ୍ ମଧ୍ୟ ଗ୍ରହଣ କରିଛନ୍ତି । ସେହିପରି ଆର୍ଥ୍ରୋସ୍କୋପି ଓ ସ୍ପୋର୍ଟସ ମେଡିସିନ୍ରେ ସ୍ପେନ୍ର କ୍ଲିନିକା ମୋମ୍ପିଆ ଓ ସାଉଥ ଆଫ୍ରିକାର ସ୍ପୋର୍ଟସ୍ ସାଇନ୍ସ ଇନ୍ଷ୍ଟିଚ୍ୟୁଟ୍ରୁ ମଧ୍ୟ ପ୍ରଶିକ୍ଷଣ ଗ୍ରହଣ କରିଛନ୍ତି ।
