nilachal polytechnic

୨୫ ବର୍ଷରେ ପାଦ ଥାପିଲା ନିଳାଚଳ ପଲିଟେକନିକ

by Jitendra Dash

ଅର୍ଗସ ବ୍ୟୁରୋ : ୨୫ ବର୍ଷରେ ପାଦ ଥାପିଲା ନିଳାଚଳ ପଲିଟେକନିକ । ରାଜ୍ୟର ଅଗ୍ରଣୀ ବୈଷୟିକ ଶିକ୍ଷାନୁଷ୍ଠାନ ଭାବରେ ଏହା ବେଶ ଜଣାଶୁଣା । ଏ ବର୍ଷ ଏହି ଶିକ୍ଷାନୁଷ୍ଠାନ ତାର ରୌପ୍ୟ ଜୟନ୍ତୀ ପାଳନ କରୁଛି । ଆଜିର କାର୍ଯ୍ୟକ୍ରମରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଯୋଗ ଦେଇଛନ୍ତି । ଏଠାରେ ଉତ୍ତୀର୍ଣ୍ଣ ହେଉଥିବା ପିଲାମାନେ ବୃତ୍ତି କ୍ଷେତ୍ରରେ ରାଜ୍ୟ ତଥା ଦେଶର ନାମୀ କମ୍ପାନୀ ମାନଙ୍କରେ ସଫଳତାର ସହିତ କାମ କରୁଛନ୍ତି ।

ବିଗତ ୨୫ ବର୍ଷ ଧରି କାର୍ଯ୍ୟରତ ଉଚ୍ଚ ଶିକ୍ଷିତ ତାଲିମ ପ୍ରାପ୍ତ ଶିକ୍ଷକ ଓ ଶିକ୍ଷୟତ୍ରୀ ମାନେ ଶିକ୍ଷାଦାନ କରି ଆସୁଛନ୍ତି । ବୃତ୍ତିଗତ କ୍ଷେତ୍ରରେ ଏହି ଶିକ୍ଷାନୁଷ୍ଠାନର ୨୫ ରୁ ଉର୍ଦ୍ଧ୍ବ ପ୍ରାକ୍ତନ ଛାତ୍ରଛାତ୍ରୀମାନେ ବିଦେଶରେ ଚାକିରୀ କରି ବାର୍ଷିକ ୨୦ ଲକ୍ଷରୁ ଆରମ୍ଭ କରି ୬୦ ଲକ୍ଷ ପ୍ୟାକେଜରେ କାମ କରୁଛନ୍ତି । ଆଗକୁ ମଧ୍ୟ ଏହି ଶିକ୍ଷାନୁଷ୍ଠାନ ପିଲାଙ୍କର ଭବିଷ୍ୟତ ଗଢିବା ଦିଗରେ ଚେଷ୍ଟିତ ରହିବ ବୋଲି କହିଛନ୍ତି ଶିକ୍ଷାନୁଷ୍ଠାନ ସମ୍ପାଦକ ସରୋଜ କୁମାର ସାହୁ ।

ଦ୍ବିତୀୟ ଦିନରେ ଆରମ୍ଭରୁ ଗୃହରେ ତାତି

by Manini Pattanayak

The speaker announced the adjournment of the house till 11:30.

ଭୁବନେଶ୍ୱର: ଦ୍ବିତୀୟ ଦିନରେ ଆରମ୍ଭରୁ ଗୃହରେ ତାତି। ରାଜ୍ୟରେ ଭୁଶୁଡ଼ିଥିବା ଗଣତାନ୍ତ୍ରିକ ବ୍ୟବସ୍ଥାକୁ ନେଇ ବିଜେପି ବିଧାୟକଙ୍କ ହୋ-ହଲ୍ଲା ଫଳରେ ଚାଲିପାରିଲାନି ଗୃହ।

ମନ୍ତ୍ରୀ ବଡ଼ ନା ସଚିବ ବଡ଼ ପ୍ରସଙ୍ଗରେ ୱେଲ୍ କୁ ଯାଇ ବିଜେପି ବିଧାୟକଙ୍କ ନାରାବାଜି ଭିତରେ ଗୃହ ଚାଲିପାରିନି। ଫଳରେ ଦିନ 11ଟା 30 ଯାଏ ଗୃହକୁ ମୁଲତବୀ ଘୋଷଣା କରିଛନ୍ତି ବାଚସ୍ପତି।

ଅଧିକ ପଢନ୍ତୁ ଓଡ଼ିଶା ଖବର

ଆଜି ମହାପ୍ରଭୁଙ୍କ ପାର୍ଶ୍ବ ପରିବର୍ତ୍ତନ ଏକାଦଶୀ ନୀତି

by Manini Pattanayak

Today, the ekadashi Niti of Lord parswa paribartan will be held in the temple.

ପୁରୀ: ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ପାର୍ଶ୍ବ ପରିବର୍ତ୍ତନ ଏକାଦଶୀ ନୀତି ଅନୁଷ୍ଠିତ ହେବ । ଏଥିପାଇଁ ଆଜି ସକାଳୁ ମହାପ୍ରଭୁଙ୍କ ସ୍ବତନ୍ତ୍ର ନୀତି ଆରମ୍ଭ ହୋଇଛି । ସକାଳ ଧୂପ ଓ ଭୋଗମଣ୍ଡପ ପରେ ଶ୍ରୀବିଗ୍ରହଙ୍କୁ ମହାସ୍ନାନ କରାଯାଇ ନୂଆଲୁଗା ଓ ଚନ୍ଦନ ଲାଗି କରାଯିବ ।

ସନ୍ଧ୍ୟା ଆଳତୀ ପରେ ଏକାଦଶୀ ବେଢାକୁ ମଦନମୋହନ ବିଜେ କରିବା ପରେ ବେଢା ପରିକ୍ରମା କରି ଅନ୍ୟାନ୍ୟ ନୀତି କାନ୍ତି ବଢିବ । ଆସନ୍ତାକାଲି ଶ୍ରୀମନ୍ଦିରରେ ବାମନ ଜନ୍ମ ନୀତି ସହ ଶ୍ରୀନହରରେ ଗଜପତି ମହାରାଜଙ୍କ ସୁନିଆ ଉତ୍ସବ ପାଳନ କରାଯିବ ।

ଅଧିକ ପଢନ୍ତୁ ଓଡ଼ିଶା ଖବର

ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଲେ ଧର୍ମେନ୍ଦ୍ର

by Manini Pattanayak

Dharmendra participated in the mega blood donation camp organized by the BJP

ଅନୁଗୁଳ: ଅନୁଗୁଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଛେଣ୍ଡିପଦା ପରଙ୍ଗ ପଞ୍ଚାୟତ କାର୍ଯ୍ୟାଳୟରେ ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଇଛନ୍ତି । ମୋଦି ସରକାରଙ୍କ ସେବାପକ୍ଷ ପାଳନ ଅବସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଛି । ଏହାପରେ ସହିଦ ବିକା ନାୟକଙ୍କ ଜନ୍ମମାଟି ତାଳଚେର ଚନ୍ଦ୍ରବିଲ ଗାଁକୁ ଯାଇ `ମୋ ଦେଶ ମୋ ମାଟି' କାର୍ଯ୍ୟକ୍ରମରେ ସାମିଲ ହେବେ କେନ୍ଦ୍ରମନ୍ତ୍ରୀ ।

ମାଟି ସଂଗ୍ରହ କରି ସହିଦ ପରିବାରଙ୍କୁ ସମ୍ମାନିତ କରିବେ ଓ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଏହାଛଡା ବୃକ୍ଷ ରୋପଣ କାର୍ଯ୍ୟକ୍ରମରେ ମଧ୍ୟ ଯୋଗ ଦେବା ସହ ଛାତ୍ରଛାତ୍ରୀଙ୍କୁ ଶପଥ ପାଠ କରାଇବେ ଧର୍ମେନ୍ଦ୍ର ପ୍ରଧାନ।

ଅଧିକ ପଢନ୍ତୁ ଓଡ଼ିଶା ଖବର

Download Argus News App

nilachal polytechnic

Download Mobile App