Nityani Anna Bhog is stopped at Radhamohan temple in Baripada

ଅର୍ଗସ ବ୍ୟୁରୋ : ଦିନ ୧୧ଟା ବେଳେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ପ୍ରୀତିରଞ୍ଜନ ଘଡେଇ ଓ ଅନ୍ୟ ଅଧିକାରୀଙ୍କ ଉପସ୍ଥିତିରେ ଫଳାଫଳ ଘୋଷଣା ସହ ପୁସ୍ତିକା ଉନ୍ମୋଚନ କରାଯାଇଥିଲା । ରାଙ୍କ ପାଇଥିବା ଛାତ୍ରଛାତ୍ରୀମାନେ ରାଜ୍ୟରେ ଥିବା ବିଭିନ୍ନ ସରକାରୀ ଓ ବେସରକାରୀ ବିଶ୍ବବିଦ୍ୟାଳୟ ଏବଂ ଶିକ୍ଷାନୁଷ୍ଠାନ ଗୁଡିକରେ ପ୍ରଚଳିତ ୧୨ଟି ବୈଷୟିକ ଏବଂ ବୃତ୍ତିଗତ ପାଠ୍ୟକ୍ରମରେ ନାମ ଲେଖାଇ ପାରିବେ । www.ojee.nic.inରେ ରେଜଲ୍ଟ ଉପଲବ୍ଧ । ୨୩ ବିଷୟରେ ୨୩ ଜଣ ଟପ୍ପରଙ୍କ ନାଁ ଘୋଷଣା ହୋଇଛି ।  ଅଧିକ ପଢନ୍ତୁ  : ଓଜେଇଇ ରେଜଲ୍ଟ, ବି-ଫାର୍ମରେ ସୌରଭ କୁମାର ପତି ଟପ୍ପର ବି. ଫାର୍ମାରେ ସୌରଭ କୁମାର ପତି ଟପ୍ପର ହୋଇଥିବା ବେଳେ, ଲାଟେରାଲ ଏଣ୍ଟ୍ରି ଟେକନିକାଲ ଡିପ୍ଲୋମାରେ ରଜତ ଶତ୍ରୁଶଲ, ଲାଟେରାଲ ଏଣ୍ଟ୍ରି ଟେକନିକାଲ ବିଏସସିରେ ରକ୍ଷିତ ରାଜ ଗୁପ୍ତା,  ଲାଟେରାଲ ଏଣ୍ଟି ଫାର୍ମରେ ସୁଭଶ୍ରୀ ମହାନ୍ତି ଟପ୍ପର ହୋଇଛନ୍ତି । ସେହିପରି ଏମବିଏରେ ସତ୍ୟଜିତ ସାହୁ, ଏମସିଏରେ ଅପୂର୍ବ ସୁନ୍ଦର ନାୟକ, ବି.କାଟ (ସିନେମାଟୋଗ୍ରାଫି ଓ ସାଉଣ୍ଡ ରେକଡ଼ିଂ)ରେ ପ୍ରିୟଙ୍କା ଦେ, ବି.କ୍ୟାଟ୍ ଇନ୍ ଫିଲ୍ମ ଏଡିଟିଂରେ ସଞ୍ଚାଲି ଗୁପ୍ତା ଟପ୍ପର ହୋଇଛନ୍ତି । ଏମ. ଫାର୍ମରେ ରଶ୍ମୀରଞ୍ଜନ ପାଣିଗ୍ରାହୀ, ଏମ. ଆର୍କରେ ପ୍ରିୟଙ୍କା କେଡିଆ, ଏମ. ପ୍ଲାନରେ ରୁପଲ ରତ୍ନପ୍ରିୟା ଟପ୍ପର ହୋଇଛନ୍ତି । ଇଲେକ୍ଟ୍ରିକାଲ ଇଞ୍ଜିନିୟରିଂରେ ସତ୍ୟଜିତ ମହାନ୍ତି, ମେକାନିକାଲ ଇଂଜିନିୟରିଂରେ ସୁମିତ ପରିଡ଼ା, କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂରେ ଦୀପକ କୁମାର ସ୍ବାଇଁ ଟପ୍ପର ହୋଇଛନ୍ତି ।   ଓଜେଇଇ ଦେଇପାରିନଥିବା ଛାତ୍ରଛାତ୍ରୀଙ୍କ ପାଇଁ ଆସନ୍ତା ୨୬ ତାରିଖରୁ ୩୦ ତାରିଖ ପର୍ଯ୍ୟନ୍ତ ସ୍ପେଶାଲ ଓଜେଇଇ ହେବ ।  ଏଥିପାଇଁ ଜୁନ୍‌ ୧ ତାରିଖରୁ ପଞ୍ଜିକରଣ ଆରମ୍ଭ ହୋଇଥିବା ବେଳେ, ୮ ତାରିଖ ପର୍ଯ୍ୟନ୍ତ ଚାଲିବ । ଜୁନ୍ ମାସ ମଧ୍ୟରେ କାଉନ୍ସେଲିଂ ପ୍ରକ୍ରିୟା ଆରମ୍ଭ ହେବ ।

ଅର୍ଗସ ବ୍ୟୁରୋ: ମଲାପରେ ମଣିଷ ମଶାଣିକୁ ଯାଏ। ଏ ନସ୍ବର ସଂସାରରେ ଛାଡି ଯାଏ ସ୍ବପ୍ନ ଆଉ ନିଜର ଇପସିତ ଇଚ୍ଛାମାନଙ୍କୁ। ଠିକ୍ ଅଞ୍ଜଳି କୁଲକର୍ଣ୍ଣିଙ୍କ ପରି। ଇଚ୍ଛା ଥିଲା ସ୍ବାମୀଙ୍କ ସହ ପର୍ବତ ଆରୋହଣ କରିବେ। ମାଉଣ୍ଟ ଏଭରେଷ୍ଟ ଉପରେ ଏକାଠି ଛିଡା ହେବେ। ହେଲେ ଇଶ୍ବର ଏ ଇଚ୍ଛା ପୁରଣ କଲେନି। ମଲାବେଳେ ସ୍ବାମୀଙ୍କ ହାତ ଉପରେ ହାତ ଥୋଇ ନିଜ ଶେଷ ଇଚ୍ଛାକୁ ତାଙ୍କ ଉପରେ ଛାଡି ଯାଇଥିଲେ ଅଞ୍ଜଳୀ । ଯାହା ଆଜି ପୂରଣ ହୋଇଛି। ମୃତ ଅଞ୍ଜଳିଙ୍କ ସ୍ବାମୀ ଆଜି ଏଭରେଷ୍ଟର ସର୍ବାଚ୍ଚ ଶିଖରରେ ଛିଡା ହୋଇ ସ୍ମୃତି ତର୍ପଣ କରିଛନ୍ତି। ଦେଖ ଅଞ୍ଜଳି, ତୁମ ଶରଦ ତୁମ ଶେଷ ଇଚ୍ଛା ପୂରଣ କରିଛନ୍ତି।     ସ୍ତ୍ରୀ ମୃତ୍ୟୁ ପରେ ସ୍ୱାମୀ ଏକାକୀ ହୋଇଯାଏ । ଜୀବନସାଥୀକୁ ହରାଇ ଭାଙ୍ଗି ପଡେ । କିଏ ସ୍ତ୍ରୀର ମୃତ୍ୟୁ ପରେ ବଡ ପ୍ରତିମା ତିଆରି କରେ ତ କିଏ ଆଉ କଣ କରେ । କିନ୍ତୁ ଶରଦଙ୍କ ପାଇଁ ଚ୍ୟାଲେଞ୍ଜ କିଛି ଭିନ୍ନ ଥିଲା। କିନ୍ତୁ ଇରାଦା ପକ୍କା ଥିଲା ଆଉ ସଚ୍ଚା ଥିଲା।  ସେଇଥିପାଇଁ, 60 ବର୍ଷ ବୟସରେ ଧର୍ମପତ୍ନୀଙ୍କ ଶେଷ ଇଚ୍ଛା ପୂରଣ କରିଛନ୍ତି ଶରଦ।  ଦର୍ଶକବନ୍ଧୁ ଏତେ କଥା ଜାଣିବା ଆଗରୁ ଆସନ୍ତୁ ଥରେ ଏ ପ୍ରେମ କାହାଣୀର ଫ୍ଲାସ ବ୍ୟାକକୁ ଯିବା। ଶରଦ ଆଉ ଅଞ୍ଜଳୀଙ୍କୁ ବୁଝିବା।  ମହାରାଷ୍ଟ୍ରର ପର୍ବତାରୋହୀ ଶରଦ କୁଲକର୍ନି ।  ସ୍ତ୍ରୀ ଅଞ୍ଜଳି କୁଲକର୍ନି । ଦିନେ ସ୍ୱାମୀ ସ୍ତ୍ରୀ ନିଷ୍ପତ୍ତି ନେଲେ ପର୍ବତାରୋହଣ କରିବେ । ଗୌରବମୟ ମାଉଣ୍ଟ ଆଭେରେଷ୍ଟରରୁ ପର୍ବତ ଚଢିବା ଆରମ୍ଭ କରିବେ । କିନ୍ତୁ ଅଚାନକ ଜୀବନର ଗତିପଥ ସବୁ ବଦଳିଗଲା ।  2019 ମେ । ସମସ୍ତ ପ୍ରସ୍ତୁତି ସହ ଏଭେରେଷ୍ଟ ଚଢିବାକୁ ଦୁହେଁ ବାହାରି ପଡିଲେ । ହେଲେ ପାହାଡ ଚଢିବା ସମୟରେ ପର୍ବତାରୋହୀଙ୍କ ସଂଖ୍ୟା ଧିରେ ଧିରେ ବଢିବାରେ ଲାଗିଲା । ସେ ଯେତେ ଉପରକୁ ଯାଉଥିଲେ ଟ୍ରାଫିକ୍ ବଢି ବଢି ଚାଲିଥାଏ । ଏମିତି ଏକ ସ୍ଥାନ ଆସିଲା ଯେଉଁଠି ଦଉଡି ଧରି ଉପରକୁ ଚଢିବାକୁ ପଡେ । ପୁଣି ତଦଳକୁ ଖସିବାକୁ ପଡେ । ସ୍ତ୍ରୀ ଅଞ୍ଜଳି ଥକା ହୋଇ ପଡୁଥାନ୍ତି । ଅଣନିଶ୍ୱାସୀ ହୋଇ ପଡୁଥାନ୍ତି । ଛାତି ଫୁଲି ଉଠୁଥାଏ । ସେତେବେଳେ ସ୍ୱାମୀ ପିଠି ଥାପୁଡେଇ ହାତ ଧରି ଉପରକୁ ଯିବାକୁ ସାହସ ଦେଉ ଥାନ୍ତି ।  ହେଲେ ଅଧିକ ଭିଡ ଓ ଅକ୍ସିଜେନ୍ ର ଅଭାବ ହେତୁ ଅଞ୍ଜଳି ସେଇଠି ଆଖି ମୁଦିଦେଲେ । ମୃତ୍ୟୁ ଏତେ ଆକସ୍ମିକ ଥିଲା ଯେ କୁଲକର୍ନି ବାବୁ କିଛି ବୁଝିଲା ବେଳକୁ ସାତ ଜନ୍ମରେ ସାଥୀ ତାଙ୍କୁ ଏକାକୀ କରି ଦେଇ ତା ବାଟରେ ଚାଲିଯାଇଥିଲା ।  ସମୟକ୍ରମେ ସେ ଅନୁଭବ କଲେ ଯେ ଏବେ ତାଙ୍କ ଦାୟିତ୍ୱ ସ୍ତ୍ରୀର ସ୍ପପ୍ନ ପୁରା କରିବେ । ବୟସ 60 ବର୍ଷ । ହେଲେ ଭିତରେ ଯୁଆନ ଭଳି ଫୂର୍ତ୍ତି ଥାଏ । ବାହାରି ପଡିଲେ । ଦେଖୁ ଦେଖୁ 4 ଟି ପର୍ବତ ଚଢିଲେ ।  2023 ମେ 23 । ସକାଳ 10.23 । ମାଉଣ୍ଟ ଏଭେରେଷ୍ଟରେ ପାଦ ଥାପିଲେ କୁଲକର୍ନି ବାବୁ । ଆଖି ଛଳ ଛଳ ହୋଇ ଯାଇଥାଏ । ପୁରୁଣା କଥା ସବୁ ଆଖି ଆଗରେ ନାଚି ଯାଉଥାଏ । ମନରେ ପୁଳାଏ କୋହ ଓ ଆଖିରେ ଖୁସିର ହସ ନେଇ ଶେଷରେ ସେ ଶିଖର ଛୁଇଁଲେ । ପତ୍ନୀଙ୍କ ସ୍ୱପ୍ନ ପୂରା ହେଲା । ଜୀବନ ନାଟକରେ ଏ ପ୍ରେମ କାହାଣୀରା କ୍ଲାଇମାକ୍ସ ହୁଏତ ବଡ଼ କଷ୍ଟକର ଥିଲା। କିନ୍ତୁ ଆନାୟାସରେ ଅନେକଙ୍କୁ ଅନେକ କିଛି କହିଗଲା।  

ଅର୍ଗସ ବ୍ୟୁରୋ : ଯଶ୍ୱସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କେନ୍ଦ୍ରରେ ସରକାରର ୯ବର୍ଷ ପୂର୍ତି ଅବସରରେ ବିଜେପି ପକ୍ଷରୁ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନାକୁ ସାଧାରଣ ଲୋକଙ୍କ ପାଖରେ ପହଁଚାଇବା ପାଇଁ ଆରମ୍ଭ କରାଯାଇଥିବା ମହାଜନସମ୍ପର୍କ ଅଭିଯାନରେ ସାମିଲ୍ ହେବା ପାଇଁ କୋରାପୁଟ, ନବରଙ୍ଗପୁର, ମାଲକାନଗିରି ଗସ୍ତ କରିଛନ୍ତି ବିଜେପି ରାଜ୍ୟ ସଭାପତି ଶ୍ରୀ ମନମୋହନ ସାମଲ । ଅଧିକ ପଢନ୍ତୁ ଓଡ଼ିଶା ଖବର ରାଜ୍ୟ ସଭାପତି ଭାବେ ଦାୟିତ୍ୱ ନେବା ପରେ ଏହା ହେଉଛି ଶ୍ରୀ ସାମଲଙ୍କର ଅବିଭକ୍ତ କୋରାପୁଟକୁ ପ୍ରଥମ ଗସ୍ତ । ଏହି ଅବସରରେ ଜୁନ ୩ରେ କୋରାପୁଟ, ଜୁନ ୪ରେ ମାଲକାନଗିରି, ଜୁନ ୫ରେ ନବରଙ୍ଗପୁରରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । ୩ଟି ଯାକ ଜିଲ୍ଲାରେ କର୍ମୀ ସମ୍ମିଳନୀ, ପ୍ରମୁଖ କାର୍ଯ୍ୟକର୍ତାଙ୍କ ସହ ବୈଠକ, ବୁଦ୍ଧିଜିବୀ ସମ୍ମିଳନୀ, ବିଭିନ୍ନ ବିଶିଷ୍ଟ ବ୍ୟକ୍ତିବିଶେଷଙ୍କ ସହ ସାକ୍ଷାତର କାର୍ଯ୍ୟକ୍ରମ ରହିଛି ।