ରାଉରକେଲା ରେଳ ଷ୍ଟେସନରେ ଚୋରାଚାଲାଣ, ୧୧ଜଣ ନାବାଳକ ଓ ନାବାଳିକାଙ୍କୁ ଉଦ୍ଧାର କଲା ଚାଇଲ୍ଡ ଲାଇନ

ରାଉରକେଲା: ଦିବା ଲୋକରେ ନାବାଳକ ଓ ନାବାଳିକାଙ୍କୁ ଚୋରାଚାଲାଣ । ଟ୍ରେନ୍‌ରେ ପିଲାଙ୍କୁ ଚାଲାଣ କରାଯାଉଥିବା ନେଇ ଚାଇଲ୍ଡ  ଲାଇନ୍‌କୁ ଖବର ମିଳିଥିଲା । ଖବର ପାଇ ଚାଇଲ୍ଡ ଲାଇନ ଓ ଜିଆର୍‌ପି ଟିମ୍‌ ମିଳିତ ଭାବେ ଏହି ଚାଲାଣକୁ ରୋକିଛନ୍ତି । ଏହାସହ ୨ ଜଣ ଦଲାଲଙ୍କୁ ମଧ୍ୟ ଅଟକ ରଖାଯାଇଛି ।

ରାଜ୍ୟ ବାହାରକୁ ନାବାଳକ ଓ ନାବାଳିକାଙ୍କୁ ଚୋରା ଚାଲାଣ କରିବା ଉଦ୍ୟମକୁ ପୋଲିସ ପଣ୍ଡ କରିଛି । ରାଉରକେଲା ରେଳ ଷ୍ଟେସନରେ ୧୧ ଜଣ ନାବାଳକ ଓ ନାବାଳିକାଙ୍କୁ ଉଦ୍ଧାର କରାଯାଇଛି । ହାୱଡା-ମୁମ୍ବାଇ ଗୀତାଞ୍ଜଳି ଏକ୍ସପ୍ରେସରୁ ୯ ଜଣ ନାବାଳିକା ଏବଂ ୨ ନାବାଳକୁ ଉଦ୍ଧାର କରାଯାଇଛି । ଉଦ୍ଧାର ପିଲାମାନେ ବିହାର କଟିହାର ଅଂଚଳର ବୋଲି ଜଣାପଡ଼ିଛି । ସମସ୍ତଙ୍କୁ ସର୍ଟଷ୍ଟେ ହୋମ୍‌ରେ ରଖାଯାଇଛି । ସେପଟେ ଚାଲାଣ କରୁଥିବା ୨ ଜଣ ଦଲାଲଙ୍କୁ ଅଟକ ରଖାଯାଇଛି । ଏ ନେଇ ଅଧିକ ଖୋଳତାଡ଼ କରାଯାଉଛି ।