ଓଡ଼ିଶାର ୪ଶିଶୁଙ୍କୁ ଜାତୀୟ ସାହସିକତା ପୁରସ୍କାର, ଶୁଭେଚ୍ଛା ଜଣାଇଲେ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର: ବିରଳ ସାହସ ପ୍ରଦର୍ଶନ କରି ଉଦାହାରଣ ସୃଷ୍ଟି କରିଥିବା ଓଡ଼ିଶାର ୪ ଶିଶୁ ଜାତୀୟ ସାହସିକତା ପୁରସ୍କାର-୨୦୧୮ ପାଇବା ପାଇଁ ମନୋନୀତ ହୋଇଛନ୍ତି । ସେମାନେ ହେଲେ ସୁବର୍ଣ୍ଣପୁର ଜିଲ୍ଲା ତରଭା ବ୍ଳକ ଅନ୍ତର୍ଗତ କେନ୍ଦୁମୁଣ୍ଡା ଗାଁର ଝିଲି ବାଗ୍‌, କଳାହାଣ୍ଡି ଜିଲ୍ଲା ଥୁ.ରାମପୁର ବ୍ଲକ ତେରିଭେଜିଗୁଡା ଗ୍ରାମର ରଞ୍ଜିତା ମାଝୀ, ଜଗତସିଂହପୁର ଜିଲ୍ଲା ବାଲିକୁଦା ତହସିଲ ଅନ୍ତର୍ଗତ ଇଚ୍ଛାପୁର ଗ୍ରାମର ବିଶ୍ୱଜିତ୍‌ ପୁହାଣ ଏବଂ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ କନ୍ଦିରା ଗ୍ରାମର ସିତୁ ମଲ୍ଲିକ । ଆସନ୍ତା ସାଧାରଣତନ୍ତ୍ର ଦିବସରେ ଦିଲ୍ଲୀରେ ଅନୁଷ୍ଠିତ ଏକ ସ୍ୱତନ୍ତ୍ର ଉତ୍ସବରେ ରାଷ୍ଟ୍ରପତି ସେମାନଙ୍କୁ ପୁରସ୍କୃତ କରିବେ । ଉତ୍ସବରେ ଯୋଗଦେବାକୁ ସେମାନେ ଦିଲ୍ଲୀ ଯାତ୍ରା କରିଛନ୍ତି ।

ଏହି ପିଲାମାନେ ଅନନ୍ୟ ସାହସିକତା ଦେଖାଇ ପ୍ରତ୍ୟେକ ଓଡ଼ିଆଙ୍କ ପାଇଁ ଗର୍ବ ଓ ଗୌରବ ଆଣିଛନ୍ତି । ଏହି ସାହାସୀ ବାଳକ ଓ ବାଳିକାଙ୍କ ଉଜ୍ଜଳ ଭବିଷ୍ୟତ କାମନା କରୁଛି ।

— Dharmendra Pradhan (@dpradhanbjp) January 18, 2019

୨୦୧୮ ଜୁନ୍‌ ୧୬ ତାରିଖ । ଝିଲି ବାଗ୍‌ ଅନ୍ୟ ସାଥୀଙ୍କ ସହ ଘର ଅଗଣାରେ ଖେଳୁଥିଲେ । ସେତେବେଳେ ତାଙ୍କ ସାନ ଭଉଣୀ ମିଲି(୫ବର୍ଷ ) ଅଚାନକ ଚାନ୍ଦିନୀ ନଥିବା ୨୫ ଫୁଟ୍‌ ଗଭୀରର ଏକ କୂଅରେ ପଡ଼ିଯାଇଥିଲା । ଏହା ଦେଖି ଝିଲି କୂଅ ଭିତରକୁ ଡ଼େଇଁ ପଡ଼ି ମିଲିକୁ ପାଣି ଭିତରେ ଟେକି ଧରିଥିଲା । ଗ୍ରାମବାସୀ ପହଞ୍ଚି ଦୁଇ ଭଉଣୀଙ୍କୁ ଉଦ୍ଧାର କରିଥିଲେ । ସେହିପରି ସେପ୍ଟେମ୍ୱର ମାସରେ ରଞ୍ଜିତା ମାଝୀ ୭ମ ଶ୍ରେଣୀରେ ପଢୁଥିବା ବେଳେ ତାଙ୍କ ବିବାହ ଗ୍ରମାର ଜଣେ ୪୦ ବର୍ଷର ମଦୁଆ ବ୍ୟକ୍ତିଙ୍କ ସହ ଠିକ୍‌ ହୋଇଥିଲା । ହଷ୍ଟେଲ ରହି ପଢୁଥିବା ରଞ୍ଜିତା ଦଶହରା ଛୁଟିରେ ଘରକୁ ଗଲେ ତାଙ୍କର ବିବାହ ହୋଇଯିବ ଜାଣି ଏ ସଂକ୍ରାନ୍ତରେ ସ୍କୁଲର ପ୍ରଧାନ ଶିକ୍ଷୟିତ୍ରୀ ଜଣାଇଥିଲେ । ଛୁଟିରେ ତାଙ୍କୁ ହଷ୍ଟେଲରେ ରହିବାକୁ ଅନୁମତି ଦେବାକୁ ଅନୁରୋଧ କରିଥିଲେ । ପ୍ରଧାନ ଶିକ୍ଷୟିତ୍ରୀ ଜିଲ୍ଲାପାଳଙ୍କୁ ଜଣାଇଥିଲେ । ଜିଲ୍ଲାପାଳଙ୍କ ନିର୍ଦ୍ଦେଶରେ ଶିଶୁ ସୁରକ୍ଷା କମିଟି ହଷ୍ଟେଲରୁ ରଞ୍ଜିତାଙ୍କୁ ଉଦ୍ଦାର କରିବା ସହ ରଞ୍ଜିତାଙ୍କ ଗାଁକୁ ଯାଇ ସ୍କୁଲକୁ ଯାଉନଥିବା ତାଙ୍କ ଦୁଇ ଭଉଣୀଙ୍କୁ ମଧ୍ୟ ଉଦ୍ଧାର କରିଥିଲେ ।

୨୦୧୭ ଅଗଷ୍ଟ ୧୪ରେ ଇଚ୍ଛାପୁର ଗ୍ରମା ମାମୁଁ ଘରକୁ ବୁଲି ଆସିଥିବା ୫ ବର୍ଷର ବାଳିକା ମାମୁନି ମାଚଗାଁ କେନାଲ ପାଖରେ ସାଙ୍ଗମାନଙ୍କ ସହ ଖେଳୁଥିବାବେଳେ ଗୋଡ ଖସିଯିବାରୁ କେନାଲରେ ପଡ଼ିଯାଇଥିଲେ । କେନାଲରେ ପ୍ରାୟ ୬ରୁ ୭ ଫୁଟର ପାଣି ଥିବାବେଳେ ମାମୁନି ବୁଡ଼ି ଯାଇଥିଲେ ।କୂଳରେ ଥିବା ସାଙ୍ଗମାନଙ୍କ ପାଟି ଶୁଣି ସେ ସମୟରେ ପାଖରେ ଥିବା ବିଶ୍ୱଜିତ୍‌ ପୁହାଣ ସଙ୍ଗେ ସଙ୍ଗେ କେନାଳକୁ ଡ଼େଇଁ ମାମୁନିଙ୍କୁ ଉଦ୍ଧାର କରିଥିଲେ ।

୨୦୧୮ ଫେବ୍ରୁଆରୀ ୨୦ ତାରିଖରେ ସିତୁ ମଲ୍ଲିକ ମାମୁ ବିନୋଦ ମଲ୍ଲିକଙ୍କ ସହ ରାତିରେ କ୍ଷେତକୁ ଫସଲ ଜଗିବାକୁ ଯାଇଥିଲେ । ବିନୋଦ ଶୌଚ ହେବାକୁ ପାଖରେ ଥିବା କେନାଲକୁ ଯାଇଥିଲେ । କେନାଲରେ ଗୋଡ଼ ଧୋଉଥିବା ବେଳେ ଏକ କୁମ୍ଭୀର ବିନୋଦଙ୍କ ବାମ ହାତକୁ କାମୁଡ଼ି ପାଣି ଭିତରକୁ ଟାଣିଥିଲା । ବିନୋଦଙ୍କ ପାଟି ଶୁଣି କୂଳରେ ଛିଡ଼ା ହୋଇଥିବା ସିତୁ କୁମ୍ଭୀରକୁ ଦେଖି ଆଦୌ ଭୟଭୀତ ନହୋଇ ମାମୁଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ । କୁମ୍ଭୀର ଆଖିକୁ ଯର୍ଚ୍ଚ ଲାିଟ୍‌ ପକାଇବା ସହ ମୁଣ୍ଡକୁ ଏକ ବାଡ଼ିରେ ବାଡ଼େଇଥିଲେ । କୁମ୍ଭୀର ବିନୋଦଙ୍କୁ ଛାଡ଼ି ପାଣିକୁ ପଳାଇଥିଲା । ତେବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରି ୪ଜଣଙ୍କୁ ଶୁଭେଚ୍ଛା ଜଣାଇବା ସହ ସେମାନଙ୍କ ୁଜ୍ଜ୍ୱଳ ଭବିଷ୍ୟତ କାମନା କରିଛନ୍ତି । ଏହାସହ କହିଛନ୍ତି ଯେ, ଏହି ପିଲାମାନେ ପ୍ରତ୍ୟେକ ସଡ଼ିବଙ୍କ ପାଇଁ ଗର୍ବ ସ ଗୌରବ ଆଣିଛନ୍ତି ।