ମଦୁଆ ପୁଅର ଉନ୍ମୁକ୍ତ କାଣ୍ଡ, କଳି ଯୋଗୁ ଘରେ ଲଗାଇଲା ନିଆଁ

ମଦୁଆ ପୁଅର ଉନ୍ମୁକ୍ତ କାଣ୍ଡ, କଳି ଯୋଗୁ ଘରେ ଲଗାଇଲା ନିଆଁ

by Aryan Cross

ଅନୁଗୁଳ: ମଦୁଆ ପୁଅର ଉନ୍ମୁକ୍ତ କାଣ୍ଡ । ଘରୋଇ କଳିକୁ କେନ୍ଦ୍ର କରି ନିଜ ଘରେ ଅଧରାତିରେ ଲଗାଇଲା ନିଆଁ । ଅନୁଗୁଳ ଜିଲ୍ଲା ପାଳଲହଡା ବ୍ଲକ ଅନ୍ତର୍ଗତ ପାଳଲହଡା ଥାନା କନ୍ତଳା ଗ୍ରାମର ଗୋରା ପ୍ରଧାନଙ୍କ ମଝିଆଁ ପୁଅ ଘରୋଇ କଳିକୁ କେନ୍ଦ୍ର କରି ଘରେ ସମସ୍ତେ ଶୋଇଥିବା ବେଳେ ଘରେ ନିଆଁ ଲଗାଇଦେଇଥିଲା । ଫଳରେ ଘରର ଆସବାବ ପତ୍ର ସହ ଛେଳି କୁକୁଡ଼ା ଜୀବନ୍ତ ଦଗ୍ଧ ହୋଇଯାଇଛି । ଦୁଇ ବଖରା ଘର ସମ୍ପୂର୍ଣ ଭାବେ ଜଳିଯାଇଛି । ଘଟଣା ସ୍ଥଳରେ ଗାଁ ଲୋକ ପହଂଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ମଧ୍ୟ ନିଆଁ ଆୟତ ହୋଇପାରିନଥିଲା । ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ ।

ନୂଆ ଘର ତିଆରି ଚାଲିଥିଲା, ବାହାରେ ଶୋଇଥିବାବେଳେ କାମୁଡିଦେଲା ସାପ

by Smruti Parija

minor-boy-died-due-to-snake-bite-in-balasore

ବାଲେଶ୍ୱର: ବାଲେଶ୍ୱର ଜିଲ୍ଲା ସୋର ବ୍ଲକ ମାଣିପୁର ପଂଚାୟତ ରଣପୁର ଗ୍ରାମର ଜଣେ ଅଷ୍ଟମ ଶ୍ରେଣୀର ଛାତ୍ର ସାପ କାମୁଡ଼ାରେ ମୃତ୍ୟୁବରଣ କରିଛନ୍ତି । ସୂଚନା ଅନୁସାରେ ଗ୍ରାମର ରତ୍ନାକର ମହାନ୍ତିଙ୍କ 13 ବର୍ଷୀୟ ପୁଅ ଲିଖିଲ ମହାନ୍ତି ଦନ୍ତୋର ଉଚ୍ଚ ବିଦ୍ୟାଳୟରେ ଅଷ୍ଟମ ଶ୍ରେଣୀରେ ପଢୁଥିଲେ । ନୂତନ ଭାବେ ନିଜ ଘର କାମ ଚାଲିଥିବାରୁ ଘର ପାଖକୁ ଲାଗି ଏକ ପଲାରେ ସପରିବାର ଶୋଇଥିଲେ ।

ଗତକାଲି ବିଳମ୍ବିତ ରାତିରେ ଶୋଇଥିବାବେଳେ ଏକ ବିଷଧର ସାପ ତାଙ୍କ ଗୋଡ଼କୁ କାମୁଡିଥିଲା । ପରିବାର ଲୋକେ ତାଙ୍କୁ ଉଦ୍ଧାର କରି ସୋର ଡାକ୍ତରଖାନାକୁ ଆଣିଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଆହୁରି ପଢନ୍ତୁ ଓଡିଶା ଖବର...

୨୦୨୪ ରେ ଓଡ଼ିଶାରେ ଫୁଲ୍ ଦମରେ ଲଢ଼ିବ ବିଜେପି

by Ritu Das

ଅର୍ଗସ ବ୍ୟୁରୋ: ୨୦୨୪ ରେ ଓଡ଼ିଶାରେ ଫୁଲ୍ ଦମରେ ଲଢ଼ିବ ବିଜେପି। ଓଡିଶା ଗସ୍ତରେ ଆସି ସାମ୍ୱାଦିକ ସମ୍ମିଳନୀ କରି ଏହା କହିଛନ୍ତି କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର। ସେ କହିଛନ୍ତି ବିଜେପି କାର୍ଯ୍ୟକର୍ତ୍ତାଙ୍କ ଦଳ। ଓଡ଼ିଶାରେ କାର୍ଯ୍ୟକର୍ତ୍ତାଙ୍କ ଦମରେ ଲଢ଼ିବ ବିଜେପି ଆଉ ଭଲ ଫଳାଫଳ ମଧ୍ୟ କରିବ।ଓଡ଼ିଶାକୁ କେଉଁଠି ଭେଦଭାବ କରିନୁ। ଗଣତନ୍ତ୍ରରେ ଜନତା ବଡ଼। ତେଣୁ ଓଡ଼ିଶାରେ ବିଜେପି ନିଜ ଦମରେ ଲଢି ଭଲ ଫଳାଫଳ କରିବ।

ନବୀନଙ୍କ ଜନବିରୋଧୀ ଜବାବ ରଖିଲେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର। କହିଲେ କେହି ଜନ ବିରୋଧୀ ହୋଇ ପାରିବେ ନାହିଁ। ସରକାର ବିରୋଧୀ ହୋଇଥିବେ। ବିଜେପି ଓ ମୋଦି ସରକାର ଗରିବ ଲୋକଙ୍କର । ବିଜେପି ଗରିବ କଲ୍ୟାଣ ପାଇଁ ଲୋକଙ୍କ ହିତ କଥା ଉଠାଉଛି। ଆମର କେମିତି ଜନ ବିରୋଧୀ ହେଲୁ ବୋଲି ପାଲଟା ପ୍ରଶ୍ନ କରିଛନ୍ତି। ମୋଦୀ ଜନବିରୋଧୀ କଥା କହି ନାହାନ୍ତି। ତେଣୁ ଜନ ବିରୋଧୀ ନୁହେଁ ବିରୋଧୀ ସରକାର କହିଥିବେ।

ଓଡ଼ିଶାରେ କେନ୍ଦ୍ରୀୟ ଯୋଜନାର ଦୁର୍ନୀତିର କାର୍ଯ୍ୟାନୁଷ୍ଠାନ ନେବ କେନ୍ଦ୍ର। ପଶ୍ଚିମବଙ୍ଗରେ ମଧ୍ୟ ଆବାସ ଏବଂ ଅନ୍ୟ କେନ୍ଦ୍ରୀୟ ଯୋଜନାରେ ଦୁର୍ନୀତି ହୋଇଥିଲା। କେନ୍ଦ୍ର ସରକାର ତାଙ୍କୁ ନୋଟିସ କରିଥିଲେ। ମନରେଗା ଯୋଜନାରେ ଦୁର୍ନୀତିଗ୍ରସ୍ତଙ୍କ ଉପରେ କାର୍ଯ୍ୟାନୁଷ୍ଠାନ ନହେବା ଯାଏଁ ପଶ୍ଚିମବଙ୍ଗକୁ ମନରେଗା ଅନୁଦାନ ବନ୍ଦ ହୋଇଥିଲା। ଓଡ଼ିଶାରେ ବି କେନ୍ଦ୍ରୀୟ ଯୋଜନାରେ ମଧ୍ୟ କାର୍ଯ୍ୟାନୁଷ୍ଠାନ ହେବ। ନୋଟିସ ଦିଆଯାଇଛି ଉତ୍ତର ନମିଳିଲେ ପୁଣି ନୋଟିସ ହେବ। ଏହା ସହ ଓଡିଶାକୁ କେନ୍ଦ୍ରୀୟ ଅନୁଦାନର ହିସାବ ଦେଇଛନ୍ତି ଅନୁରାଗ ଠାକୁର। କଂଗ୍ରେସ ସରକାର ସମୟରେ ଓଡିଶାକୁ ମାତ୍ର ୨ ଲକ୍ଷ କୋଟି ୬୩ ହଜାର ୨୪୩ କୋଟି ମିଳିଥିଲା ହେଲେ ଏନଡିଏ ସରକାର ବେଳେ ଏହା ୧୮ ଲକ୍ଷ ୮୩ ହଜାର ୬୫୪ କୋଟିରେ ପହଞ୍ଚିଛି। ଏନଡିଏ ସମୟରେ 50000 କୋଟି ରାଜସ୍ୱ ମିଳିଛି ଖଣି କ୍ଷେତ୍ରରୁ. କଂଗ୍ରେସ ସମୟରେ ମାତ୍ର 5000 କୋଟି ମିଳୁଥିଲା।ରାଜ୍ୟ ସରକାର ସେସବୁ କାର୍ଯ୍ୟକାରୀ କରିବାକୁ ଅନୁରୋଧ କରୁଛନ୍ତି। ଏହା ମହିଳା ସଂରକ୍ଷଣ ବିଲ ଏବଂ ଜି ୨୦ ଭାରତକୁ ବିଶ୍ୱରେ ନୂଆ ପରିଚୟ ଦେଇଛି। ଏହାର ଶ୍ରେୟ ମୋଦୀଙ୍କର।

ଅଧିକ ପଢ଼ନ୍ତୁ ରାଜନୀତି ଖବର

କୃଷ୍ଣପ୍ରସାଦ; କାନ୍ଥ ପଡି ଶାଶୁ ମୃତ

by Smruti Parija

mother-in-law-killed-due-to-wall-collapsed-in-krushnaprasad

ପୁରୀ: କୃଷ୍ଣପ୍ରସାଦରେ ଓଲଟିଲା ଘର କାନ୍ଥ । କାନ୍ଥ ପଡି ଶାଶୁର ମୃତ୍ୟୁ ହୋଇଥିବାବେଳେ ବୋହୁ ଗୁରୁତର ଅଛନ୍ତି । ଘରେ ଶୋଇଥିବା ବେଳେ ମାଟି କାନ୍ଥ ଭୁଶୁଡି ପଡିଥିଲା । କୃଷ୍ଣପ୍ରସାଦ ପାଇକସାହିରେ ଏହି ଅଘଟଣ ଘଟିଛି । ଗୁରୁତର ଅବସ୍ଥାରେ ଶାଶୁ ଏବଂ ବୋହୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ସେପଟେ କିନ୍ତୁ ଶାଶୁ ମଲି ଦଳାଇକୁ ଡାକ୍ତର ମୃତ ଘୋଷଣା କରିଛନ୍ତି । ସେପଟେ ବୋହୁ ଗୁରୁତର ଆହତ ଅବସ୍ଥାରେ ଚିକିତ୍ସିତ ହୋଇ ଫେରିଛନ୍ତି ।