ଆବାସ କେଳେଙ୍କାରୀକୁ ନେଇ ରାଜ୍ୟ ସରକାରଙ୍କୁ ଘେରିଲା ରାଜ୍ୟ ବିଜେପି

by Aryan Cross

ଭୁବନେଶ୍ୱର: ଥମୁନି ପକ୍କାଘର ପଲିଟିକ୍ସ୍ । ଆବାସ କେଳେଙ୍କାରୀକୁ ନେଇ ରାଜ୍ୟ ସରକାରଙ୍କୁ ଘେରିଲା ରାଜ୍ୟ ବିଜେପି । ଶାସକ ବିରୋଧୀଙ୍କ ଭିତରେ ଜୋର ଧରିଲା ଆରୋପ ପ୍ରତ୍ୟାରୋପ । କେନ୍ଦ୍ରୀୟ ଯୋଜନାକୁ ହଡ଼ପ ଅଭିଯୋଗରେ ବିଜେପି ଦେଇଛି ରଣ ହୁଙ୍କାର । କେନ୍ଦ୍ରୀୟ ଯୋଜନା ହଡପ ଓ ସେଥିରେ କରାଯାଉଥିବା ଚଞ୍ଚକତାକୁ ନେଇ ଆଜି ରାଜଭବନ ସମ୍ମୁଖରେ ବିଜେପି ଗଣଧାରଣା ଦେବା ସହ ରାଜ୍ୟପାଳଙ୍କୁ ଭେଟି ସ୍ମାରକ ପତ୍ର ପ୍ରଦାନ କରିଛି । ବିଜେପିର 4 ଦଫା ସମ୍ବଳିତ ଅଭିଯୋରେ ରହିଛି, ପ୍ରଧାନ ମନ୍ତ୍ରୀ ଆବାସ ଯୋଜନାର ନାମ ପରିବର୍ତ୍ତନ, ହୀତାଧୀକାରୀ ଚୟନ ପ୍ରକ୍ରିୟାରେ ଚଞ୍ଚକତା, ଆବାସ କରାଇ ଦେବା ନାଁରେ ବିଜେଡି ବିଧାୟକଙ୍କ ପିସି ଆଦାୟ ଓ ପ୍ରକୃତ ହୀତାଧିକାରୀଙ୍କୁ ଅଣଦେଖା କରାଯାଉଥିବାରୁ 2022 ସୁଦ୍ଧା ସମସ୍ତଙ୍କ ପାଖରେ ପକ୍କାଘର ନ ପହଂଚିବାର ସନ୍ଦେହ । ତେବେ ଏହା ପୂର୍ବରୁ ଗତ ୨୭ ତାରିଖରେ ବିଜେପି ପକ୍ଷରୁ ଏହି ସମାନ ପ୍ରସଙ୍ଗକୁ ନେଇ ରାଜ୍ୟର ସମସ୍ତ ବ୍ଲକ୍ ଓ ପୌରପାଳିକା ଆଗରେ ବିକ୍ଷୋଭ ପ୍ରଦର୍ଶନ ମଧ୍ୟ କରାଯାଇଛି ।

ପକ୍କାଘରକୁ ନେଇ ବିଜେଡି ଓ ବିଜେପିର ଆରୋପ ପ୍ରତ୍ୟାରୋପ ଭିତରେ ସମ୍ନାକୁ ଆସିଛି ସାଙ୍ଘିତିକ ସତ । ପକ୍କାଘର ପାଇଁ କେନ୍ଦ୍ର ସରକାର ଦେଇଥିବା ଅର୍ଥ ରାଶୀକୁ ଖର୍ଚ୍ଚ କରିପାରୁନାହାନ୍ତି ରାଜ୍ୟ ସରକାର । ରାଜୀବ ଆବାସ ଯୋଜନା 2018 ମସିହାରୁ ବନ୍ଦ କରାଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ସେଥିରେ ମିଳିଥିବା ଅର୍ଥ ରାଶୀକୁ ଖର୍ଚ୍ଚ କରାଯାଇ ପାରିନାହିଁ । ଏ କଥା ଆମେ କହୁନୁ ବରଂ ଓଡିଶା ଅର୍ବାନ ହାଉସିଂ ମିଶନର ଜଏଣ୍ଟ ଡାଇରେକ୍ଟର ଲେଖିଥିବା ଏହି ଚିଠି କହୁଛି । ଯେଉଁଥିରେ ସିଧାସିଧା ଲେଖା ଯାଇଛି କି, 2009ରେ ରାଜ୍ୟର 16 ୟୁଏଲବିରେ ରାଜୀବ ଆବାସ ଯୋଜନାର କାର୍ଯ୍ୟକାରିତା ଲାଗି କେନ୍ଦ୍ର ସରକାର 17 ହଜାର 297 କୋଟି 86 ଲକ୍ଷ ଟଙ୍କା ଦେଇଥିବା ବେଳେ 10 ହଜାର 67 କୋଟି 52 ଲକ୍ଷ ଟଙ୍କାର ୟୁଟିଲାଇଜେସନ ସାର୍ଟିଫିକେଟ ଦାଖଲ କରାଯାଇଛି । ବାକି ଅର୍ଥ ରାଶୀର ଖର୍ଚ୍ଚ ଉପରେ କ’ଣ ଅଗ୍ରଗତି ହୋଇଛି ତାହାର ରିପୋର୍ଟ ଭୁବନେଶ୍ୱର, କଟକ, ବ୍ରହ୍ମପୁର ଓ ଯାଜପୁରର ପୌରପାଳିକାକୁ ମାଗିଛନ୍ତି ଓଡିଶା ଅରବାନ ହାଉସିଂ ମିଶନର ଜଏଣ୍ଟ ଡାଇରେକ୍ଟର ।

ତେବେ ବିଜେପିର ଅଭିଯୋଗ ଉପରେ ଜବାବ ରଖିଛି ବିଜେଡି । ଦଳ ପକ୍ଷରୁ କୁହାଯାଇଛି, ବିଜେପି ପାଖରେ କୌଣସି ପ୍ରସଙ୍ଗ ନାହିଁ । ସେଥିପାଇଁ ନିଜ ରାଜନୈତିକ ପ୍ରାସଙ୍ଗିକତା ରଖିବା ପାଇଁ ବିଜେପି ନେତାମାନେ ଏପରି ଅପ୍ରସଙ୍ଗକୁ ଉଠାଉଛନ୍ତି । ସେପଟେ ବିଜେଡି ବିଜେପିର ଏପରି କଳିରୁ ଫାଇଦା ନେବାକୁ ଚେଷ୍ଟା କରିଛି କଂଗ୍ରେସ ।

ସାଧାରଣ ନିର୍ବାଚନ ସମୟରେ ରାଜ୍ୟ ସରକାର 19 ଲକ୍ଷ ପକ୍କାଘର ନିର୍ମାଣ କରିଥିବାର ଦମ୍ଭୋକ୍ତି ବାଢିଥିଲେ । ମାତ୍ର ଗତ ତିନୋଟି ଆର୍ଥିକ ବଜେଟରେ ସରକାର ବିଜୁ ପକ୍କାଘର ପାଇଁ କୌଣସି ଅର୍ଥ ବ୍ୟୟବରାଦ କରିନାହାନ୍ତି । ଯେତେବଳେ କି କେନ୍ଦ୍ର ସରକାର ପ୍ରଧାନ ମନ୍ତ୍ରୀ ଆବାସ ଯୋଜନା ଜରିଆରେ 2017-18ରେ 3100 କୋଟି, 2018-19 ରେ 3600 କୋଟି, 2019-20ରେ 4820 କୋଟି ଟଙ୍କାର ଅନୁଦାନ ଦେଇ ସାରିଛନ୍ତି । ସେହିଭଳି ବିଜେଡି ତାର 2014 ନିର୍ବାଚନୀ ଇସ୍ତାହାରରେ ସମସ୍ତଙ୍କୁ ପକ୍କାଘର ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିବା ବେଳେ ବର୍ତ୍ତମାନ ସୁଦ୍ଧା ବି ରାଜ୍ୟରେ 30 ଲକ୍ଷ ଲୋକ ବିନା ପକ୍କା ଘରରେ ଜୀବନ ଯାପନ କରୁଛନ୍ତି । ତେବେ ଏଠାରେ ପ୍ରଶ୍ନ ଉଠୁଛି ରାଜ୍ୟ ସରକାର ଯଦି ଏତେ ମାତ୍ରାରେ ପକ୍କା ଘର ନିର୍ମାଣ କଲେ ସେ ଘର ଗଲା କେଉଁଆଡେ ? ପ୍ରଧାନମନ୍ତ୍ରୀଙ୍କ ଘୋଷଣା ଅନୁଯାୟୀ 2022 ସୁଦ୍ଧା ରାଜ୍ୟରେ ସମସ୍ତଙ୍କ ପାଇଁ ପକ୍କା ଘର ହୋଇପାରିବ କି ବୋଲି ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ?

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ଉଜ୍ଜୈନରେ ମହାକାଳେଶ୍ବର ମନ୍ଦିର ଦର୍ଶନ କଲେ ଜାହ୍ନବୀ

by Ritu Das

ଅର୍ଗସ ବ୍ୟୁରୋ: ବଲିଉଡ ଅଭିନେତ୍ରୀ ଜାହ୍ନବୀ କପୁର ନିକଟରେ ଉଜ୍ଜୈନର ମହାକାଳେଶ୍ବର ମନ୍ଦିର ପରିଦର୍ଶନ କରିବାକୁ ଯାଉଛନ୍ତି। ଜାହ୍ନବୀ କିନ୍ତୁ ଏଥର ଏକା ଯାଇନାହାନ୍ତି ବରଂ ତାଙ୍କ ବୟଫ୍ରେଣ୍ଡ ଶିଖରଙ୍କ ସହ ଦେଖିବାକୁ ମିଳିଥିଲା। ଯେଉଁଥିରେ ମହାକାଳେଶ୍ବର ମନ୍ଦିରକୁ ଦୁଇଜଣ ଯାଇ ପୂଜା କରିଥିଲେ। ବର୍ତ୍ତମାନ ତାଙ୍କର ଏହି ଭିଡିଓ ସାମ୍ନାକୁ ଆସିଛି।

#WATCH मध्य प्रदेश: अभिनेत्री जान्हवी कपूर ने उज्जैन के महाकालेश्वर मंदिर में दर्शन किए। pic.twitter.com/i3WQ0TFTV2 — ANI_HindiNews (@AHindinews) December 4, 2023

ଭିଡିଓରେ ଜାହ୍ନବୀ ଶିଖରଙ୍କ ପାଖରେ ବସିଥିବାର ଦେଖିବାକୁ ମିଳିଛି। ମନ୍ଦିରରେ ଜୋରସୋରରେ ଭଜନ କାର୍ଯ୍ୟକ୍ରମ ଚାଲିଛି। ଏହି ସମୟରେ ଜାହ୍ନବୀ ହାଲକା ଗୋଲାପୀ ରଙ୍ଗର ଶାଢ଼ୀ ପିନ୍ଧିଛନ୍ତି। ଆଉ ବହୁତ ସୁନ୍ଦର ଦିଶୁଛନ୍ତି। ଭଜନ ଚାଲିଥିବାବେଳେ ଦୁହେଁ ତାଳି ମାରୁଥିବାର ନଜର ଆସିଛନ୍ତି। ଅଭିନେତ୍ରୀଙ୍କ ଏହି ଭିଡିଓ ଏବେ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଏହା ପ୍ରଥମ ଥର ନୁହେଁ ଯେ ଜାହ୍ନବୀଙ୍କୁ ମନ୍ଦିରରେ ଦେଖିବାକୁ ମିଳିଥିଲା। ଏହାପୂର୍ବରୁ ବି ଦୁହେଁ ଅନେକ ଥର ଦର୍ଶନ କରିବାକୁ ଆସିଥିଲେ।

ଅଧିକ ପଢ଼ନ୍ତୁ ମନୋରଞ୍ଜନ ଖବର

ରାୟପୁରର ଜିତିଲେ ଓଡିଆ ପୁଅ ପୁରନ୍ଦର ମିଶ୍ର

by Smruti Parija

odia-candidate-purander-mishra-wins-in-chhatishgarh

ଅର୍ଗସ ବ୍ୟୁରୋ: ବହୁମତ ସହିତ ପୁରନ୍ଦର କଂଗ୍ରେସ ହାତରୁ ରାୟପୁର ଉତ୍ତର ଆସନ ଛଡେଇ ନେଇଛନ୍ତି । କଂଗ୍ରେସର କୁଲଦୀପ ଜୁନେଜାଙ୍କୁ 23,054 ଖଣ୍ଡ ଅଧିକ ଭୋଟ୍ ରେ ଜିତିଛନ୍ତି ପୁରନ୍ଦର । ପୁରନ୍ଦରଙ୍କ ବିଜୟ ପରେ ଛତିଶଗଡ ଓଡିଆ ସମାଜରେ ଖୁସିର ଲହରି ଖେଳିଯାଇଛି । ବିଜୟର ସମସ୍ତ ଶ୍ରେୟ ମହାପ୍ରଭୁ ଜଗନ୍ନାଥଙ୍କୁ ଦେଇଛନ୍ତି ପୁରନ୍ଦର । ଏହାସହ ପ୍ରଚାରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସାମିଲ ହୋଇଥିବାରୁ ତାଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ।

ଏହାସହ ଜଗନ୍ନାଥ ସଂସ୍କୃତି ଓଡିଆ ସଂସ୍କୃତି ବଞ୍ଚାଇ ରଖିବାକୁ ସମସ୍ତ ଚେଷ୍ଟା କରିବା ନେଇ କହିଛନ୍ତି ପୁରନ୍ଦର ମିଶ୍ର । 35 ଲକ୍ଷ ଜନସଂଖ୍ୟାକୁ ପ୍ରତିନିଧିତ୍ୱ କରୁଥିବା ଛତିଶଗଡ ସ୍ଥିତ ବୃହତ ଓଡିଆ ସମାଜର ସଭାପତି ଏବଂ ଜଣେ ବିଶିଷ୍ଟ ସମାଜସେବୀ ପୁରନ୍ଦର ମିଶ୍ର । ଏହାସହ ରାୟପୁରରେ ଥିବା ଜଗନ୍ନାଥ ମନ୍ଦିର ସେବା ସମିତିର ସଂସ୍ଥାପକ ମଧ୍ୟ । ବର୍ତ୍ତମାନ ସେ ଛତିଶଗଡ ରାଜ୍ୟ ବିଜେପି କାର୍ଯ୍ୟକାରିଣୀ ସଦସ୍ୟ ଭାବେ କାର୍ଯ୍ୟ କରୁଛନ୍ତି । ଏହାସହ ଆସାମ, ଝାଡଖଣ୍ଡ, ଓଡିଶା, ଗୁଜୁରାଟର ଲୋକସଭା ଓ ବିଧାନସଭା ନିର୍ବାଚନରେ ବିଜେପି ପର୍ଯ୍ୟବେକ୍ଷକ ରୂପେ କାର୍ଯ୍ୟ କରସାରିଛନ୍ତି ।

ପୁରନ୍ଦର ଗତ 25 ବର୍ଷ ଧରି ନିଶା ମୁକ୍ତ ଅଭିଯାନ ଚଳାଇ 22 ହଜାର 650 ଲୋକଙ୍କୁ ନିଶା ସେବନରୁ ନିବୃତ୍ତ କରିପାରିଛନ୍ତି । ସେ ଓଡିଶାର ମୂଳ ବାସିନ୍ଦା ହୋଇଥିବାବେଳେ ବର୍ତ୍ତମାନ ରାୟପୁରର ଶଙ୍କର ନଗର ଅଞ୍ଚଳରେ ରହୁଛନ୍ତି ।

ଏ ବିଜୟ ଅଭୂତପୂର୍ବ- ପ୍ରଧାନମନ୍ତ୍ରୀ

ଅବହେଳିତ ରାବନଦର ଜଳପ୍ରପାତ

by Ritu Das

ଅର୍ଗସ ବ୍ୟୁରୋ: ଶୀତଦିନେ ଆସିଲେ ସମସ୍ତେ କେଉଁଆଡେ ନା କେଉଁ ଆଡେ ବୁଲିବାକୁ ଭଲ ପାଆନ୍ତି। ଜଳପ୍ରପାତ ହେଲେ ତାର ମଜା ଅଲଗା। ଆମ ଓଡ଼ିଶାରେ ପ୍ରାକୃତିକ ସୌନ୍ଦର୍ଯ୍ୟ ଭରପୁର ରହିଛି। କିନ୍ତୁ ସବୁ ସ୍ଥାନରେ ବିକାଶ ହେଉ ନ ଥିବାରୁ ପର୍ଯ୍ୟଟନ କ୍ଷେତ୍ରଗୁଡ଼ିକ ଅବହେଳିତ ଅବସ୍ଥାରେ ପଡ଼ିରହିଛି। ଖାଲି ଉଦଘାଟନୀ ଫିତା କାଟିବାପାଇଁ ବିଜେଡି ସରକାରରେ ଥିବା ମନ୍ତ୍ରୀମାନେ ଧାଇଁଯାଉଛନ୍ତି କିନ୍ତୁ ପରେ ଏହା ଯଥା ପୂର୍ବଂ ତଥା ପରଂ ସ୍ଥିତି।

ଏମିତି ଏକ ସ୍ଥାନ ରହିଛି ଭବାନୀପାଟଣାରେ। ଭବାନୀପାଟଣାରୁ ପ୍ରାୟ ୧୨ କିଲୋମିଟର ଦୂରରେ ଅବସ୍ଥିତ ରାବନଦର ଜଳପ୍ରପାତ। ପ୍ରତିଦିନ ଦୂର ଦୂରାନ୍ତରୁ ଶହ ଶହ ପର୍ଯ୍ୟଟକ ବୁଲିବା ପାଇଁ ଏଠିକି ଆସିଥାନ୍ତି। ବର୍ତ୍ତମାନ ପିକନିକ ଋତୁ ଆସୁଥିବାରୁ ଲୋକଙ୍କ ଗହଳି ମଧ୍ୟ ଦେଖିବାକୁ ମିଳୁଛି। ଘଞ୍ଚ ଜଙ୍ଗଲ ମଧ୍ୟରେ ପ୍ରକୃତିର ଏତେ ସୁନ୍ଦର ସ୍ଥାନ ରହିଛି, ଯାହା ଲୋକଙ୍କ ମନ କିଣୁଛି। ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠିରୁ ୨୯ ଲକ୍ଷ ଖର୍ଚ୍ଚ କରି ବିକାଶ କାର୍ଯ୍ୟ କରାଗଲା। କିନ୍ତୁ ନିମ୍ନମାନର କାମ ଓ ରକ୍ଷଣାବେକ୍ଷଣ ଅଭାବରୁ ବର୍ତ୍ତମାନ ଏହି ଜଳପ୍ରପାତର ଅବସ୍ଥା ଏବେ ଶୋଚନୀୟ ହୋଇପଡ଼ିଛି। ନା ଅଛି ଗମନାଗମନକୁ ରାସ୍ତା ନା ଅଛି ଶୌଚାଳୟ ବ୍ୟବସ୍ଥା। ଏଭଳି ଅବ୍ୟବସ୍ଥା ଥିଲେ ମଧ୍ୟ ଏଥିପ୍ରତି କାହାର ନଜର ପଡ଼ୁନି।

ଭବାନିପାଟଣାରୁ ଭରଙ୍ଗପଦର୍ ପର୍ଯ୍ୟନ୍ତ ରାସ୍ତା ଠିକ୍ ଥିବା ବେଳେ, ତା ଆଗକୁ ରାସ୍ତା କଦର୍ଯ୍ୟ ଅବସ୍ଥାରେ ରହିଛି। ରାସ୍ତାରେ ଥିବା ମେଟାଲ୍ ପଥର ଗୁଡ଼ିକ ବାହାରି ପଡ଼ିଛି। ଶୌଚାଳୟ ବ୍ୟବସ୍ଥା ରହିଛି, କିନ୍ତୁ ସଫା ରହୁ ନାହିଁ। ଯାହା ଫଳରେ ମହିଳା ମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। କିଛି ବର୍ଷ ପୂର୍ବରୁ ସେଇଠି ରେଷ୍ଟୁରାଣ୍ଟ ମଧ୍ୟ ଖୋଲା ଯାଇଥିଲା କିନ୍ତୁ ତାହା ବର୍ତ୍ତମାନ ବନ୍ଦ ପଡିଛି। କୌଣସି ନେଟୱର୍କ ନଥିବା ଯୋଗୁଁ ପର୍ଯ୍ୟଟକ ହଇରାଣ ହେଉଛନ୍ତି। ୨୦୨୧ ରେ ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟ ଶଙ୍କର ମିଶ୍ର ଗୃହ ରାଷ୍ଟ୍ର ମନ୍ତ୍ରୀ ଥିବା ବେଳେ ଏହାର ଉଦଘାଟନ କରିଥିଲେ। କିନ୍ତୁ ବର୍ତ୍ତମାନ ତାହାର କାମ ଅବସ୍ଥା ରହିଛି କାହାର ନଜର ନାହିଁ।
ଉଦଘାଟନୀ ଫିତା କାଟିବା ପାଇଁ ଆଗରେ ରହିଥାନ୍ତି ବିଜେଡି ସରକାରଙ୍କ ମନ୍ତ୍ରୀଗଣ। କିନ୍ତୁ ଫିତା କାଟିବା ପରେ ରକ୍ଷଣାବେକ୍ଷଣ ପାଇଁ କାହିଁକି ପଛରେ ରହିଥାନ୍ତି ତାହା ହେଉଛି ବଡ଼ ପ୍ରଶ୍ନ।