ପୋଲିସ ବାବୁ ପୋଛିଦେଲା ସିନ୍ଦୁର, ଭାଙ୍ଗିଦେଲା ଶଙ୍ଖା..

ଭୁବନେଶ୍ୱର:  ସ୍ୱାମୀଙ୍କୁ ପିଟିପିଟି ପୋଲିସ କରିଦେଇଥିଲା ରକ୍ତାକ୍ତ । ଆଉ ସ୍ୱାମୀଙ୍କର ପତ୍ତାମିଳୁନି । ସ୍ୱାମୀଙ୍କ ଖବର ନଜାଣି ଏବେ ସ୍ତ୍ରୀର ଆକୁଳ ନିବେଦନ । ସେପଟେ ଘଟଣାର ଦୀର୍ଘସମୟ ପରେ ବି ଚୁପ୍ ରହିଛନ୍ତି କେନ୍ଦ୍ରାପଡା ଏସପି ନୀତିଶେଖର । ଆଉ ଚର୍ଚ୍ଚାକୁ ଆସିଛନ୍ତି ପୋଲିସ ଡିଜି ଓ ଗୃହମନ୍ତ୍ରୀ ।

ସୁରକ୍ଷିତ ଅଛି କି ଶଙ୍ଖା ସିନ୍ଦୁର ? ସନ୍ତୋଷ ଅଛନ୍ତି କେଉଁଠି ? ପତ୍ନୀଙ୍କ ଅଭିଯୋଗ କାନୁନଗୋ ବାବୁ ତାଙ୍କ ସ୍ୱାମୀଙ୍କୁ ମାରିଦେଇଛନ୍ତି । ପୋଲିସ କହୁଛି ପୋଲିସ ଆଖିରେ ଧୂଳିଦେଇ ସେ ଚମ୍ପଟ ମାରିଛନ୍ତି । ସନ୍ତୋଷ ଜଣେ ଦୁର୍ଦ୍ଦାନ୍ତ ଅପରାଧୀ ନା ନିର୍ଦ୍ଦୋଶ ତାହା ଭିନ୍ନ ପ୍ରସଙ୍ଗ । ତାଙ୍କର ଓ ତାଙ୍କ ପତ୍ନୀ ଓ ପରିବାରର ମାନବାଅଧିକାର ସୁରକ୍ଷାର ଗ୍ୟାରେଣ୍ଟି ଦେଇଛି ଦେଶର ନିୟମ । ହେଲେ ଘଟଣାର ଦୀର୍ଘସମୟ ପରେ ବି ଚୁପ୍ କାହିଁକି ଟିମ୍ ନିତିଶେଖର ? ମୋ ସରକାର, ମୋ ପୋଲିସ, ୫ଟି କଣ କାମରେ ଆସିବ ନାହିଁ ବିକଳ ହୋଇ ଶଙ୍ଖାସିନ୍ଦୁର ପାଇଁ ଲଢୁଥିବା କେନ୍ଦ୍ରାପଡାର ଗରିବ ଘରର ଝିଅ ପାଇଁ ।

ନ୍ୟାୟ ପାଇଁ ଏସପି ଅଫିସରେ ଗୁହାରି କରିଛନ୍ତି ମହିଳା ଜଣଙ୍କ । ନିଜ ଶଙ୍ଖା ସିନ୍ଦୁର ଫେରାଇ ଦେବାକୁ କରିଛନ୍ତି ନିବେଦନ । ସେପଟେ ପୋଲିସ ବାବୁ ବିଧବା କରିଦେବାକୁ ଦେଇଛନ୍ତି ଧମକ । ଆଉ ସନ୍ତୋଷର ମିଳୁନି ପତ୍ତା । ହେଲେ ଏଯାଏଁ ମୁହଁ ଖୋଲୁନାହାନ୍ତି ଏସପି ନୀତିଶେଖରଙ୍କ ଟିମ୍  ।ଆଉ ସମୟ ପରେ ସମୟ ଗଢି ଚାଲିଥିବା ବେଳେ ସାଧାରଣ ଲୋକ ଚିନ୍ତା ବ୍ୟକ୍ତ କରୁଥିବା ବେଳେ ନା ପୋଲିସ ଡିଜି ନା ଗୃହମନ୍ତ୍ରୀ କେହି ମଧ୍ୟ ଘଟଣାକୁ ଗୁରୁତ୍ୱ ଦେଉନାହାନ୍ତି । ମହିଳା ଜଣଙ୍କ ନିଜ ପ୍ରତି ହୋଇଥିବା ଅନ୍ୟାୟ କଥାର ଭିଡିଓ ସୋସିଆଲ ମିଡିଆରେ ଭାଇରାଲ୍ କରିବା ପରେ ସମସ୍ତଙ୍କ ନୀରବତା ଏବେ ପୋଲିସ ବିଭାଗକୁ କାଠଗଡାକୁ ଆଣିଛି ।

ହେଲେ ଘଟଣାର ସମୟ ଗଡିଗଡି ଚାଲିଥିଲେ ମଧ୍ୟ ଏଯାଏଁ ପୋଲିସ ଏହି ମାମଲାରେ ମୁହଁ ଖୋଲୁନାହିଁ । ଯାହାକୁ ନେଇ ପୁଣିଥରେ ବିବାଦକୁ ଆସିଛି ଏସପି ନୀତିଶେଖରଙ୍କ ଟିମ୍ଆ । ଆଉ ପୁଣିଥରେ ଏସପି ନୀତିଶେଖରଙ୍କ ଟିମ୍ ର ପାରିବାପଣିଆ ଉପରେ ସୃଷ୍ଟି ହୋଇଛି ବଡ ପ୍ରଶ୍ନ । ଯଦି ସନ୍ତୋଷ ଜଣେ ଦୁର୍ଦ୍ଦାନ୍ତ ଅପରାଧୀ ଓ ପୋଲିସ ହେପାଜତରୁ ଖସିଯାଇଛି ତାହାହେଲେ କାହିଁକି ଏଯାଏଁ ଦାୟିତ୍ୱରେ ଥିବା ପୋଲିସ ବାବୁଙ୍କ ବିରୋଧରେ ହୋଇନାହିଁ କାର୍ଯ୍ୟାନୁଷ୍ଠାନ ? ଯଦି ସନ୍ତୋଷ ପୋଲିସ ହେପାଜତରୁ ଖସିନାହିଁ ତେବେ ସେ କେଉଁଠି ଅଛି । ସ୍ତ୍ରୀଙ୍କ ଆକୁଳ ନିବେଦନ ଶୁଣି କାହିଁକି ଜାଗୁନି ଟିମ୍ ନୀତିଶଖର । ଯଦି କେନ୍ଦ୍ରାପଡା ପୋଲିସ ଚୁପ୍ ବସିଛି କାହିଁକି ଡିଜି କାର୍ଯ୍ୟାଳୟ ଏହା ଉପରେ ହସ୍ତକ୍ଷେପ କରୁନି ତାହାକୁ ନେଇ ଏବେ ସାଧାରଣରେ ଉଠିଛି ପ୍ରଶ୍ନ  ।

ହାଜତ ମୃତ୍ୟୁ ମାମଲାରେ କେନ୍ଦ୍ରାପଡା ପୋଲିସର ଟ୍ରାକ୍ ରେକର୍ଡ ପୁରୁଣା । ନିକଟ ଅତୀତରେ ହାଜତ ହତ୍ୟା ପରି ସଙ୍ଗୀନ ଅଭିଯୋଗ ରହିଛି କେନ୍ଦ୍ରାପଡା ପୋଲିସ ନାଁର । କେନ୍ଦ୍ରାପଡା ଜିଲ୍ଲାର ଆଦର୍ଶ ଥାନାରେ ଜଣଙ୍କୁ ପିଟିପିଟି ମାରିଦେବାର ଅଭିଯୋଗ ଥିବା ବେଳେ ମହାକାଳପଡା ଥାନା ମଧ୍ୟ ବିବାଦକୁ ଆସିଛି । କେବଳ ସେତିକି ନୁହେଁ ଟାଉନଥାନା ଆଇଆଇସି ଜଣେ ମହିଳାଙ୍କୁ ର୍ଦୃବ୍ୟବହାର କରିଥିବା ବେଳେ ନିକିରାଇ ଥାନା ଅଞ୍ଚଳରେ ଘଟିଥିବା ଘଟଣା ଏବେ ଟିମ୍ ନୀତିଶେଖରକୁ ବିବାଦକୁ ଟାଣିନେଇଛି ।