ବିଜେଡି ସହ ମ୍ୟାଚ୍‌ ଫିକ୍ସିଂ ଅଭିଯୋଗ ଆଣି ଦଳ ଛାଡ଼ୁଛନ୍ତି କଂଗ୍ରେସ ନେତା !

ଲାଲ୍ ଡାଏରୀ ଖୋଲିବ ମଦ ସାମ୍ରାଜ୍ୟର କଳା ଗୁମର ?  ଲାଲ ଡାଏରୀରେ ଲୁଚିଛି ବଡ ସତ ! କୋଟି କୋଟି ଟଙ୍କାର କଳାକାହାଣୀ ଲୁଚିଛି ଏହି ଡାଏରୀରେ । ଆଉ ଡାଏରୀ ସାମ୍ନାକୁ ଆସିବା ପରେ ଏବେ ଅପେକ୍ଷା କେବେ , କାହାକୁ ବାନ୍ଧୁଛି ସିବିଆଇ ? ଗୁରୁତ୍ଵପୂର୍ଣ୍ଣ କଥା ହେଲା ବଲାଙ୍ଗିରରୁ ରେଡ୍‌ ହୋଇଥିବା ଟଙ୍କା କାଳେ ରାଜନୈତିକ ପାଣ୍ଠି ଭାବରେ ବ୍ୟବହାର କରିଯାଇଥାଆନ୍ତା । ହେଲେ ନିର୍ବାଚନ ପୂର୍ବରୁ ଆଇଟି ରେଡ୍‌ ପଡିବାରୁ ଅଧା ରାସ୍ତାରେ ଖୋଲିଗଲା ଗୁମୁର ।

ଆଇଟି ରେଡ୍‌ରେ ପୁଳାପୁଳା ଟଙ୍କା ବାହାରିବା ପରେ ଏବେ ଛାନିଆ ହେଲେଣି ବିଜେଡି ନେତା । କୁହାଯାଉଛି କି ଆଲମାରୀରେ ଥିବା ଏହି ଟଙ୍କା କୁଆଡେ ନିର୍ବାଚନ ବେଳେ ବିଜେଡି ବାଣ୍ଟିଥାଆନ୍ତା । ହେଲେ ଭାଗ୍ୟ ଖରାପ । ଏବେ ସବୁକୁ ରେଡ୍‌ କଲା ଆଇଟି ଟିମ । କିନ୍ତୁ ମିଳିଥିବା ଡାଏରୀରେ ସବୁ ନେତାଙ୍କର କାରସାଦି ଲୁଚି ହୋଇ ରହିଛି । ଆଉ ପୋଥି ଖୋଜିଲେ ସମସ୍ତଙ୍କର ଅକଲ ଗୁଡୁମ ହେବ ବୋଲି ଚର୍ଚ୍ଚା ବି ବଢିଛି । ଖାସ୍‌ କରି ସନ୍ଦେହ ଘେରରେ ଏବେ ପରିବହନ ମନ୍ତ୍ରୀ ଟୁକୁନି ସାହୁ, ବିଧାୟର ସୁଶାନ୍ତ ସିଂ, ନିରଞ୍ଜନ ପୂଜାରୀ ଓ ପ୍ରଦୀପ ଅମାତ୍‌ ଅଛନ୍ତି । ଆଶ୍ଚର୍ଯ୍ୟର କଥା ହେଲା,  ଧୀରଜ ସାହୁ ଝାଡଖଣ୍ଡର କଂଗ୍ରେସ ରାଜ୍ୟସଭା ସଦସ୍ୟ ଅଛନ୍ତି । ତାଙ୍କ ଭାଇ ଉଦୟ ସାହୁ, ଶିବ ପ୍ରସାଦ ସାହୁ ବି ବେପାରରେ ସାମିଲ୍ । ପୁରା ପରିବାରର ଅକ୍ତିଆରରେ ପଶ୍ଚିମ ଓଡ଼ିଶାର ମଦ ସାମ୍ରାଜ୍ୟ ଥିଲା ହେଲେ ଏବେ ରେଡ୍‌ ପରେ ସବୁ ଓଲଟପାଲଟ ହେଲା । ସମୟ କହିବ କେବେ ସାମ୍ନାକୁ ଆସୁଛି ପୂରା ସତ ।

ଟିଏମସି ସାଂସଦ ଟଙ୍କା ନେବା ମାମଲାରେ ଉଦ୍ୟୋଗପତି ଦର୍ଶନ ହିରାନନ୍ଦାନି ଓ ଆଇନଜୀବୀ ଜୟ ଅନନ୍ତ ଦେହାଦ୍ରାଇ ସିବିଆଇ କୋର୍ଟ ଓ ସଂସଦର ଏଥିକ୍ସ କମିଟିକୁ ଦେଇଥିବା ଦୁଇଟି ଭିନ୍ନ ସତ୍ୟପାଠରେ ମହୁଆଙ୍କ ସହ ଓଡ଼ିଆ ସାଂସଦ ପିନାକୀ ମିଶ୍ରଙ୍କ ସମ୍ପର୍କ ବାବଦରେ ସ୍ପଷ୍ଟ ଭାବେ ଉଲ୍ଲେଖ କରିଛନ୍ତି। ପିନାକୀଙ୍କ ଜରିଆରେ ୨ କୋଟି ଟଙ୍କାର ହାୱଲା ଚ୍ୟାନେଲ୍ କାରବାର ହୋଇଥିବା ଅଭିଯୋଗ ରହିଛି । ଏହାକୁ ନେଇ ପୁଣି ସାଂସଦ ପିନାକୀ ମିଶ୍ର ଓ ତାଙ୍କ ଦଳକୁ ଟାର୍ଗେଟ୍ କରିଛି ବିଜେପି। ମନି ଟ୍ରେଲ ଓ ପିନାକୀଙ୍କ ସମ୍ପୃକ୍ତିର ତଦନ୍ତ ସହ ଏ ମାମଲାରେ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ଦାବି କରିଛି।  ମହୁଆ ମୈତ୍ରଙ୍କ ସହ ସମ୍ପୃକ୍ତି ଅଭିଯୋଗର ସତ୍ୟତା ନେଇ ଏଯାଏଁ ସ୍ପଷ୍ଟ ଉତ୍ତର ରଖିନାହାନ୍ତି ପିନାକୀ । ଓଲଟା ପ୍ରେସ୍ ରିଲିଜ ଜାରି କରି ଅଭିଯୋଗ ଆଣୁଥିବା ଲୋକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନର ଧମକ ଦେଇଥିଲେ । ସେପଟେ ଏଯାଏଁ ଚୁପ୍ ରହିଥିବା ବିଜୁ ଜନତା ଦଳର ମୁଖପାତ୍ର ଏବେ ପିନାକୀଙ୍କ ବିରୋଧରେ ଥିବା ଅଭିଯୋଗକୁ ଖଣ୍ଡନ କରିଛନ୍ତି।  24 ବର୍ଷ ହେଲା ଦୁର୍ନୀତିକୁ ପ୍ରୋତ୍ସାହନ ଦିଏ ନାହିଁ ବୋଲି ପ୍ରଚାର କରିଆସୁଛି ବିଜେଡି । ପିନାକୀଙ୍କ ବିରୋଧରେ ଆସିଥିବା ସଂଗୀନ ଅଭିଯୋଗ ନେଇ ଏଯାଏଁ କାହିଁକି ଚୁପ୍ ରହିଛନ୍ତି ବିଜୁ ଜନତା ଦଳର ମୁଖିଆ ? 

 ଅଧିକ ପଢନ୍ତୁ ଭାରତ ଖବର

ଝାଡଖଣ୍ଡର କଂଗ୍ରେସ ସାଂସଦ ଧୀରଜ ସାହୁଙ୍କ ବଲାଙ୍ଗିର ମଦ ଭାଟ୍ଟି ଓ ଅଫିସରୁ ୨ ଶହ କୋଟି ଟଙ୍କା ଜବତ ପରେ ସାରା ଦେଶରେ ଚର୍ଚ୍ଚା । ଏ ଟଙ୍କା କେଉଁଠୁ ଆସିଲା ? ନିର୍ବାଚନରେ ବିଜେଡି ଟଙ୍କା ବାଣ୍ଟିଥାଆନ୍ତା କି ? ଏତେ ଚୋରି ହେଉଥିଲା ପୋଲିସ କେମିତି ଜାଣିପାରୁନଥିଲା ? କିଛି ଏମିତି ପ୍ରଶ୍ନ ଏବେ ସାଧାରଣରେ ଉଙ୍କି ମାରୁଥିବା ବେଳେ ପରିବହନ ମନ୍ତ୍ରୀ ଟୁକୁନି ସାହୁଙ୍କ ଉପରେ ବଢିଛି ସନ୍ଦେହ ।

ସେପଟେ ମଦ ବେପାରୀଙ୍କ ସହ ବିଜେଡି ନେତାଙ୍କ ଲିଙ୍କ ନେଇ ବଡ଼ ଅଭଯୋଗ କରିଛି ବିଜେପି । ଦଳର ମୁଖପାତ୍ର ମନୋଜ ମହାପାତ୍ର ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ଅଭିଯୋଗ କରିଛନ୍ତି ନିର୍ବାଚନ ପାଇଁ ସାହୁ ବ୍ରଦର୍ସ ଏବଂ କମ୍ପାନୀଙ୍କ ପାଖରେ ବିଜେଡି ଟଙ୍କା ରଖିଥିଲା । ସାହୁ ବ୍ରଦର୍ସଙ୍କର ଟିଟଲାଗଡ଼, ସୋନପୁର, ବୌଦ୍ଧା ରାୟଗଡ଼ାର ମନ୍ତ୍ରୀ ଏବଂ ବରଗଡ଼ର ପୂର୍ବତନ ମନ୍ତ୍ରୀଙ୍କ ସହ ସମ୍ପର୍କ ଅଛି । ଏବେ ସନ୍ଦେହ ଘେରରେ ମନ୍ତ୍ରୀ ଟୁକୁନି ସାହୁ, ନିରଞ୍ଜନ ପୂଜା, ପ୍ରଦୀପ ଅମାତ, ସୁଶାନ୍ତ ସିଂହ ପ୍ରମୁଖ । ଏବେ ସିବିଆଇ ଇଡି ଘାଣ୍ଟିଲେ ଫସିବେ ବିଜେଡି ନେତା-ମନ୍ତ୍ରୀ-ବିଧାୟକ । ତେବେ ଟଙ୍କା ବାବଦରେ କିନ୍ତୁ ମୁହଁ ଖୋଲିନାହାନ୍ତି ବିଜେଡି ନେତା ।