କର୍ତ୍ତବ୍ୟରତ ସାମ୍ବାଦିକଙ୍କୁ ଆକ୍ରମଣ

ଖୋର୍ଦ୍ଧା: ସାମ୍ୱାଦିକଙ୍କୁ ଆକ୍ରମଣ । ରାଜ୍ୟରେ ସାମ୍ବାଦିକମାନେ ଏବେ ଅସୁରକ୍ଷିତ କିଛି ଦିନ ପୂର୍ବରୁ ବାଲେଶ୍ୱରରେ ଜଣେ କର୍ତ୍ତବ୍ୟ ରତ ସାମ୍ବାଦିକଙ୍କୁ ଆକ୍ରମଣ କରାଯାଇଥିବା ଘଟଣା ମନରୁ ଲିଭିନଥିବା ବେଳେ ଆଜି ଜଣେ କର୍ତ୍ତବ୍ୟରତ ସାମ୍ବାଦିକକୁ ସ୍ଫଷ୍ଟ ଦିବାଲୋକରେ ଆକ୍ରମଣ ହୋଇଛି । ଦୁର୍ବୁତ୍ତ ମାନଙ୍କ ଆକ୍ରମଣରେ ସାମ୍ବାଦିକ ଜଣଙ୍କ ଗୁରୁତର ଆହତ ହୋଇଛନ୍ତି । ଆହତ ସାମ୍ବାଦିକ ଜଣଙ୍କ ପାଣ୍ଡବ ସାହୁ । ଏଭଳି ଏକ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବୋଲଗଡରେ ।

ବୋଲଗଡ ପରମାନନ୍ଦ ମହାବିଦ୍ୟାଳୟ ବାର୍ଷିକ ଉତ୍ସବ ଚାଲିଥିବା ସମୟରେ କେତେକ ବିଶୃଙ୍ଖଳିତ ଛାତ୍ର ମହାବିଦ୍ୟାଳୟରେ ଗଣ୍ଡଗୋଳ ଆରମ୍ଭ କରି ମହାବିଦ୍ୟାଳୟ ମୂଖ୍ୟଫାଟକ ଭଙ୍ଗାରୁଜା କରୁଥିଲେ । ସେହିସମୟରେ ଜଣେ କର୍ତ୍ତବ୍ୟରତ ସାମ୍ବାଦିକ କ୍ୟାମେରାରେ ଫଟୋଚିତ୍ର ଉତ୍ତୋଳନ କରୁଥିବା ସମୟରେ ଗଣ୍ଡଗୋଳରେ ଲିପ୍ତ ଥିବା କେତେକ ଛାତ୍ର ହଠାତ ପାଣ୍ଡବଙ୍କ ଉପରକୁ ଆକ୍ରମଣ କରିଥିଲେ । ଆକ୍ରମଣ ବେଳର ଦୃଶ୍ୟ ମହାବିଦ୍ୟାଳୟରେ ଲାଗିଥିବା ସିସିଟିଭିରେ କଏଦ ହୋଇଛି । ଆହତ ସାମ୍ବାଦିକ ଜଣଙ୍କ ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସିତ ହେଉଛନ୍ତି । ତେବେ ବୋଲଗଡ ଥାନାରେ ଅଭିଯୋଗ କରିଛନ୍ତି । ତେବେ ପୋଲିସ ଅଭିଯୋଗକ୍ରମେ ତଦନ୍ତ ଆରମ୍ଭ କରି ଜଣଙ୍କୁ ଅଟକ ରଖି ପଚରାଉଚୁରା ଜାରି ରଖିଛି ।। ସେପଟେ ଏହି ଘଟଣାକୁ ନେଇ ଦୃଢ କାର୍ଯ୍ୟାନୁଷ୍ଠାନ ଦାବି କଲା ବୋଲଗଡ ସାମ୍ବାଦିକ ସଂଘ ।