ନବୀନଙ୍କ ପଞ୍ଚମ ପାଳି: ବିଜେଡିର ୨ପ୍ରତିଶତ କମିଛି, ବିଜେପିର ୧୬ ପ୍ରତିଶତ ବଢିଛି ଓ କଂଗ୍ରେସ ସତ୍ତା ହରାଉଛି

ନବୀନଙ୍କ ପଞ୍ଚମ ପାଳି: ବିଜେଡିର ୨ପ୍ରତିଶତ କମିଛି, ବିଜେପିର ୧୬ ପ୍ରତିଶତ ବଢିଛି ଓ କଂଗ୍ରେସ ସତ୍ତ...

by Aryan Cross

ଭୁବନେଶ୍ୱର: ଆସିଯାଇଛି ନିର୍ବାଚନ ଫଳାଫଳ । ପୁଣି ପଞ୍ଚମଥର ଓଡ଼ିଶା ତଥା ଓଡ଼ିଆଙ୍କ ଭାଗ୍ୟ ଓ ଭବିଷ୍ୟତର ମଙ୍ଗ ଧରିଲେ ନବୀନ ପଟ୍ଟନାୟକ । ବହୁମତ ସହ ପୁଣି କ୍ଷମତାକୁ ଫେରିଛନ୍ତି ନବୀନ । ପୁଣି ବିଜେଡି ଓ ନବୀନଙ୍କୁ ସଫଳତା ମିଳିଥିଲେ ହେଁ ବଦଳିଯାଇଛି ରାଜ୍ୟ ରାଜ୍ୟନୀତିର ଚେହେରା ।

2019 ନିର୍ବାଚନର ଫଳାଫଳକୁ ଆକଳନ କଲେ ଜଣାଯିବ ଯେ, 2014 ନିର୍ବାଚନ ତୁଳନାରେ ବିଜେପିର ଭୋଟ ପ୍ରତିଶତ ବୃଦ୍ଧି ପାଇଛି । କିନ୍ତୁ ଦଳକୁ ରାଜ୍ୟରେ ଅଧିକ ଆସନ ମିଳିପାରିନାହିଁ । ଅନ୍ୟପଟେ ବିଜୁ ଜନତା ଦଳ ବା ବିଜେଡି 2014 ତୁଳନାରେ ପାଖାପାଖି 2 ପ୍ରତିଶତ କମ୍ ଭୋଟ ସତ୍ତ୍ୱେ ସଂଖ୍ୟା ଗରିଷ୍ଠତା ହାସିଲ କରିଛି । ଏବଂ ପଞ୍ଚମ ଥର ପାଇଁ ପୁଣି ସିଂହାସନ ହାତେଇବାକୁ ଯାଉଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ।

ସେହିପରି ତ୍ରିମୂଖୀ ଲଢେଇର ତୃତୀୟ ଦଳ କଂଗ୍ରେସ, ଯିଏ ଓଡ଼ିଶାରେ ସତ୍ତା ହରେଇବାକୁ ବସିଲାଣି । 2014ରେ ବିଜେପିର ଭୋଟ ହାର 21.88 ପ୍ରତିଶତ ଥିବା ବେଳେ 2019 ନିର୍ବାଚନରେ ଏହା 16.49 ପ୍ରତିଶତକୁ ବଢି 38.37 ପ୍ରତିଶତରେ ପହଞ୍ଚିଛି । ତେବେ ଭୋଟ ହାର ବଢିଥିଲେ ସୁଦ୍ଧା ସେହି ଅନୁପାତରେ ବିଜେପି ବିଧାନସଭା କ୍ଷେତ୍ରରେ ପ୍ରଦର୍ଶନ କରିପାରି ନାହିଁ । ଏସବୁ ଭିତରେ ବିରୋଧୀ ଦଳର ସ୍ଥାନ ହଡ଼ପ କରିଛି ବିଜେପି ଓ କଂଗ୍ରେସ ଚାଲିଯାଇଛି ପଛକୁ ।

ସରକାର ବିରୋଧୀ ହାଓ୍ୱା ବା Anti Incumbency ସୃଷ୍ଟି ହେବା ପରେ ମଧ୍ୟ 4ଟି ପାଳି ଶାସନ ଗାଦିରେ ବସିଥିବା ବିଜେଡିର ଭୋଟ ହାର ସେଭଳି ଆଖିଦୃଷ୍ଟିଆ ହ୍ରାସ ହୋଇନାହିଁ । 2014ପେ ବିଜେଡିକୁ ମୋଟ 44.77 ପ୍ରତିଶତ ଭୋଟ ମିଳିଥିବା ବେଳେ ଏଥର ନିର୍ବାଚନରେ 42.49 ପ୍ରତିଶତ ଭୋଟ ମିଳିଛି । ତେବେ ପ୍ରାୟ ଦୁଇ ପ୍ରତିଶତ ଭୋଟ ହ୍ରାସ ହୋଇଛି ବିଜେଡିର । ଏଣୁ ଏଥିରେ ବିଜେଡିର ସେପରି କିଛି ବଡ଼ ଧରଣର କ୍ଷତି ହୋଇ ନାହିଁ । ଅନ୍ୟପଟେ କଂଗ୍ରେସ ରାଜ୍ୟରେ ନିଜର ସତ୍ତା ହରାଇବା ଦିଗକୁ ମାଡି ଚାଲିଛି ।

ଗତ ଦୁଇ ଦଶନ୍ଧି ଧରି କ୍ଷମତାରୁ ଦୂରରେ ଥିବା ଏହି ଦଳ 2014ରେ 26.38 ପ୍ରତିଶତ ଭୋଟ ପାଇଥିବା ବେଳେ ଚଳିତ ଥର ପାଇଛି 13.67 ପ୍ରତିଶତ । ରାଜ୍ୟରେ ମୁଖ୍ୟ ବିରୋଧୀ ଦଳ ଭୂମିକାରେ ଥିବା କଂଗ୍ରେସ ଏହି ତୃତୀୟ ସ୍ଥାନକୁ ଖସି ଯାଇଛି । ଜାତୀୟ ଦଳ କଂଗ୍ରେସର ପ୍ରାୟ 13 ପ୍ରତିଶତ ଭୋଟ କମିଥିବା ବେଳେ ବିଜେପିକୁ 16 ପ୍ରତିଶତ ଅଧିକ ଭୋଟ ମିଳିଛି । ବିଜେପି 2014ରୁ ରାଜ୍ୟ ବିଜେଡି ଶାସନ ବିପକ୍ଷରେ ବ୍ୟାପକ ଜନମତ ସୃଷ୍ଟି କରିବାକୁ ଲାଗିଥିଲା । କିନ୍ତୁ କଂଗ୍ରେସ ଏହା ଭିତରେ ବିରୋଧି ସ୍ଥାନରୁ ଦୂରେଇ ଗଲା । ବ୍ୟାପକ ଦୁର୍ନୀତି ଓ କେଳେଙ୍କାରୀ ପ୍ରସଙ୍ଗ ନେଇ ବିଜେଡି ବିରୁଦ୍ଧରେ ବିଜେପି ରାଜ ରାସ୍ତାକୁ ଆସି ମଧ୍ୟ ସେଭଳି କିଛି ବିଜେଡିର କ୍ଷତି କରିପାରିଲା ନାହିଁ । ଏବେ ପଞ୍ଚମ ଥର ପାଇଁ ବିନା ବାଧକରେ ସରକାର ଗଢିବେ ନବୀନ ।

ମନ୍ନତରେ ସବୁକିଛି ଠିକ ଅଛି ତ?

by Swayangprajna Mishra

ଅର୍ଗସ ବ୍ୟୁରୋ : ବ୍ଲକବଷ୍ଟର ମୁଭି 'ଜୱାନ'ର ସଫଳତା ପରେ ଏବେ ଚର୍ଚ୍ଚାରେ ରହୁଛନ୍ତି ଶାହରୁଖ ଖାନ. ନିଜର ଦମଦାର ଅଭିନୟକୁ ନେଇ ତାଙ୍କ ଫ୍ୟାନମାନଙ୍କ ଭିତରେ କ୍ରେଜ ବଢିବାରେ ଲାଗିଛି. ତେବେ ଶାହାରୁଖ ନିଜ ଏକ୍ସ ହ୍ୟାଣ୍ଡଲରେ "ଆକ୍ସ ଶାହରୁଖ"କୁ ନେଇ ଏକ ହ୍ୟାସଟ୍ୟାଗ ସହ ପୋଷ୍ଟ କରିଥିଲେ. ଯାହାକୁ ନେଇ ଜଣେ ଫ୍ୟାନ ତାଙ୍କ ନିଜ ଫୋଟୋ ମନ୍ନତ ସାମ୍ନାରେ ଛିଡା ହୋଇ ପୋଷ୍ଟ କରିବା ସହ ଲେଖିଥିଲେ, ଶାହାରୁଖ, ମୁଁ ବର୍ତ୍ତମାନ ଆପଣଙ୍କ ମନ୍ନତ ପାଖରେ ହିଁ ଅଛି. ସେଠାରେ ଆପଣଙ୍କ ଠାରୁ ବର୍ତ୍ତମାନ ମୁଁ ଗୋଟେ ହ୍ୟାଲୋ ଆଶା କରି ପାରିବି କି ? କିମ୍ବା ଟ୍ବିଟରରେ ଗୋଟେ ରିପ୍ଲାଏ ପାଇ ପାରିବି କି ?

Yaar main Mannat mein nahi hoon kaam par laga hua hoon. Just check all good there na??! Ha ha #Jawan https://t.co/Mc9LARrten — Shah Rukh Khan (@iamsrk) September 22, 2023

ତେବେ ଶାହରୁଖ ଏହାକୁ ନେଇ ମଜାଦାର ରିପ୍ଲାଇ ଦେଇଛନ୍ତି. ସେ ଲେଖିଛନ୍ତି, "ମୁଁ ବର୍ତ୍ତମାନ ମୋ କାମରେ ଅଛି, ମନ୍ନତରେ ନାହିଁ. ଚେକ କରନ୍ତୁ ତ ସେଠାରୁ ସବୁ ଠିକଠାକ ଅଛି କି ନାହିଁ". ଶାହାରୁଖଙ୍କ ଏହି ରିପ୍ଲାଇକୁ ନେଇ ସୋସିଆଲ ମିଡିଆରେ ବେଶ ଚର୍ଚ୍ଚା ଲାଗି ରହିଛି. ଏହାକୁ ନେଇ ପୁଣିଥରେ ତାଙ୍କ ଫ୍ୟାନ ଲେଖିଛନ୍ତି, "ମୁଁ ବି ମଜା କରୁଥିଲି ସାର. ମୁଁ ମଧ୍ୟ ଏବେ କାମରେ ଅଛି. ଖୁବଶୀଘ୍ର ମନ୍ନତ ଆସୁଛି". ତେବେ ଶାହରୁଖଙ୍କ ଫିଲ୍ମ କଥା କହିଲେ, ଏବେ ଶାହରୁଖଙ୍କ ୨ ଟି ମୁଭି 'ପଠାନ' ଏବଂ 'ଜୱାନ' ବେଶ ସଫଳତା ପାଇଛି.

ନୂତନ ଲକ୍ଷ୍ମୀ ମନ୍ଦିର ପ୍ରତିଷ୍ଠା ନେଇ କଳସଯାତ୍ରା

by Ritu Das

ଅର୍ଗସ ବ୍ୟୁରୋ: ଆଜି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହର କୁଚେ଼ଇବୁଢ଼ୀ ଠାରେ ଖୁବ୍ ଆନନ୍ଦର ସହିତ ଜଗତ ଜନନୀ ମା' ଲକ୍ଷ୍ମୀଙ୍କର କଳସ ଯାତ୍ରା ଅନୁଷ୍ଠିତ ହୋଇ ଯାଇଅଛି। ଏଥିରେ ୧୮୬ଜଣ ଭକ୍ତ କଳସ ନେଇ ଆସିଥିଲେ।

ଏହି ଯାତ୍ରା ରାଇରଙ୍ଗପୁର ଖଡ଼ଖାଇ ନଈରୁ ଆରମ୍ଭ କରି କୁଚେ଼ଇବୁଢ଼ୀ ସ୍ଥିତ ଲକ୍ଷ୍ମୀ ମଣ୍ଡପ ଠାରେ ଶେଷ ହୋଇଥିଲା। ତେବେ ମୁଖ୍ୟ ପୂଜକଙ୍କ କହିବା ଅନୁସାରେ ଆଜକୁ ବାୟାଳିସ ବର୍ଷ ପୂର୍ବରୁ ଏଠାରେ ପୂଜାର୍ଚ୍ଚନା ହୋଇ ଆସୁଥିବା ବେଳେ କୌଣସି ଭବ୍ୟ ମନ୍ଦିର ହୋଇ ପାରିନଥିଲା ତେବେ କମିଟି ମେମ୍ବର ଏବଂ ରାଇରଙ୍ଗପୁର ବାସୀଙ୍କ ସହଯୋଗରେ ଏହି ମନ୍ଦିରଟି ନିର୍ମାଣ ହୋଇଅଛି। ଏହି ଯାତ୍ରାଟି ରାଇରଙ୍ଗପୁର ପୋଲିସଙ୍କ ସୁରକ୍ଷାରେ ସଫଳ ହୋଇଥିଲା।

ଅଧିକ ପଢ଼ନ୍ତୁ ଓଡ଼ିଶା ଖବର

ଆସିଷ୍ଟାଣ୍ଟ କଲେକ୍ଟର ମୃତ୍ୟୁ ଘଟଣା: ପୋଲିସ କହୁଛି ପାଣିରେ ବୁଡ଼ି ଆତ୍ମହତ୍ୟା କରିଛନ୍ତି

by Ritu Das

ଅର୍ଗସ ବ୍ୟୁରୋ: ରାଉରକେଲା ଆସିଷ୍ଟାଣ୍ଟ କଲେକ୍ଟର ମୃତ୍ୟୁ ଘଟଣାରେ ଆସିଲା ଶବ ବ୍ୟବଚ୍ଛେଦ ରିପୋର୍ଟ। ରିପୋର୍ଟ ରେ ପାଣି ରେ ବୁଡି ଆତ୍ମହତ୍ୟା କରିଥିବା କହିଲା ପୋଲିସ। ସେପଟେ ପରିବାର ଲୋକ ହତ୍ୟା ହୋଇଥିବା ଅଭିଯୋଗ କରିଛନ୍ତି।

ଗତ 16 ତାରିଖରୁ ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜ ରାଜଗାଙ୍ଗପୁର ବ୍ଲକ୍ ରାମବାହାଲ ଘରକୁ ଫେରି ନ ଥିବାରୁ 17 ତାରିଖ ଦିନ ପରିବାର ପକ୍ଷରୁ ଉଦିତନଗର ଥାନାରେ ଦିଆଯାଇଥିଲା ମିସିଂ ରିପୋର୍ଟ। ସେଇଦିନ ସନ୍ଧ୍ୟାରେ ସୁସ୍ମିତା ଏକ ହୋଟେଲ ରେ ଥିବା ନେଇ ପରିବାର ଲୋକଙ୍କୁ ଜଣାଇ ଥିଲା ପୋଲିସ। ପରିବାର ଲୋକେ ରାଜଗାଙ୍ଗପୁରରୁ ଆସି ପୋଲିସ ସହିତ ହୋଟେଲ ଯାଇ ସୁସ୍ମିତା ଙ୍କୁ ବୁଝାଶୁଝା କରିଥିଲେ । ଘରକୁ ଯିବା ପାଇଁ କହିଥିଲେ ପରିବାର ଲୋକେ ସୁସ୍ମିତା ମିଟିଂ ଥିବାନେଇ କହି ହୋଟେଲ ରହିଥିଲେ। 18 ତାରିଖ ସନ୍ଧ୍ୟାରେ ଟ୍ରାଫିକ୍ ଗେଟ୍ ନିକଟରେ ଥିବା ସେନସରି ପାର୍କ ପୋଖରୀରୁ ମୃତଦେହ ଜବତ କରିଥିଲା ପ୍ଲାଣ୍ଟ ସାଇଡ ପୋଲିସ। 19 ତାରିଖ ଦିନ ପରିବାର ଲୋକଙ୍କୁ ଖବର ଦେବାରୁ ସେ ଶବକୁ ଚିହ୍ନଟ କରିବା ପରେ ଜଣାପଡ଼ିଥିଲା କି ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜଙ୍କର ବୋଲି। କିନ୍ତୁ ପରିବାର ଲୋକ ଅଭିଯୋଗ କରିଛନ୍ତି ଯେ ଏହା ଏକ ଯୋଜନା ବଦ୍ଧ ଭାବେ ହତ୍ୟା କରାଯାଇଛି। ଗତ 20 ତାରିଖ ଦିନ ପରିବାର ଲୋକେ ସୁନ୍ଦରଗଡ଼ ଜିଲ୍ଲାପାଳ ଗାଭାଲି ପରାଗ ହର୍ଷଦ, ଅତିରିକ୍ତ ଜିଲ୍ଲାପାଳ ଡଃ ଶୁଭଙ୍କର ମହାପାତ୍ର, ଗୁରୁଣ୍ଡିଆ ବିଡିଓ ବି ଲାକ୍ରା, ସିଡିପିଓ ଲାକ୍ରା ମାଡାମ ଓ ତାଙ୍କୁ ଜଗିରହିଥିବା ଏସ୍ଆଇ ଲଗୁନ୍ ମାଡାମଙ୍କ ନାମରେ ଲିଖିତ ଅଭିଯୋଗ କରିଥିଲେ ପରିବାର ଲୋକେ l ସେପଟେ 20 ତାରିଖରୁ ଅଭିଯୋଗ ହୋଇଥିଲେ ହେଁ ଏବେ ଯାଏଁ ଏଫ୍ଆଇର ରେଜିଷ୍ଟର ନ ହେବା ଏକ ପ୍ରକାର ସନ୍ଦେହ ସ୍ରୁଷ୍ଟି କରୁଛି। ଏଫ୍ଆଇର ଗ୍ରହଣ କରିବେ ନାହିଁ ବୋଲି ପ୍ଲାଣ୍ଟ ସାଇଡ ଆଇଆଇସି ଜ୍ୟୋତି ରଞ୍ଜନ ପତି ସିଧା ସଳଖ ମନା କରିଥିବା ସୁସ୍ମିତା ଙ୍କ ଭାଇ ସନ୍ଦୀପ ଅଭିଯୋଗ କରିଛନ୍ତି।

ଏପଟେ ପୋଲିସ ପିଏମ ରିପୋର୍ଟରେ ପାଣିରେ ବୁଡି ଆତ୍ମହତ୍ୟା କରିଥିବା ନେଇ କହିଥିବା ବେଳେ କେଉଁ କାରଣରୁ ଆତ୍ମହତ୍ୟା କରିଛି ତାହା ମଧ୍ୟ ସ୍ପଷ୍ଟ କରିନାହିଁ। ସେପଟେ ପରିବାର ଲୋକେ ଅଭିଯୋଗ କରିଥିଲେ କୌଣସି କାରଣରୁ ସୁସ୍ମିତା ଡିପ୍ରେସନରେ ଥିବା ନେଇ ସୁନ୍ଦରଗଡ଼ ଜିଲ୍ଲାପାଳ କିପରି ଜାଣିଲେ ? ଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ ଙ୍କ କୌଣସି ଗୁପ୍ତ କଥା ଜାଣି ଥିଲେ କି ସୁସ୍ମିତା? ସେପଟେ ଏତେ ଦିନ ଧରି କାହିଁକି ଲିଖିତ ଅଭିଯୋଗ ହୋଇଥିଲେ ହେଁ କାହିଁକି କରିନାହାନ୍ତି ଏଫ୍ଆଇର ରେଜିଷ୍ଟର। କଣ ଥାଇ ପାରେ କାରଣ ? ଏପଟେ ଜିଲ୍ଲା ପ୍ରଶାସନ କିମ୍ବା ରାଉରକେଲା ଏସ୍ପି ମିତ୍ରଭାନୁ ମହାପାତ୍ର କାହିଁକି ମୁହଁ ଖୋଲୁ ନାହାଁନ୍ତି। ପରିବାର ଲୋକେ ଉଚ୍ଚ ସ୍ତରୀୟ ତଦନ୍ତ ଦାବି କରିଛନ୍ତି। ଆମ ପ୍ରତିନିଧିଙ୍କ ହାତରେ ଲାଗିଛି ସିସିଟିଭି ଫୁଟେଜର ଚିତ୍ର। ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜ ହୋଟେଲରୁ ବାହାରୁ ଥିବାର ଫୁଟେଜ ମିଳିଛି।