ରାଜ୍ୟ ପୋଲିସର ମୁଷ୍ଟିମେୟ ଅଧିକାରୀ ଶାସକ ଦଳର ବୋଲକରା ସାଜିଛନ୍ତି: ଧର୍ମେନ୍ଦ୍ର

ଜୟପୁର: ଓଡ଼ିଶା ପୋଲିସର ବର୍ବରତା ବଢୁଥିବାର ଖବର ସାମ୍ନାକୁ ଆସୁଛି । ବେଳେବେଳେ ପୋଲିସ ଶାସକ ଦଳର କର୍ମୀଙ୍କ ଆକ୍ରୋଶରେ ଶିକାର ହୋଇ ଲହୁଲୁହାଣ ହେଉଥିବା ମଧ୍ୟ ଦେଖିବାକୁ ମିଳୁଛି । ଗତକାଲି ରାଜ୍ୟ ବିଜେପି ମୁଖପାତ୍ର ତଥା ହିଞ୍ଜିଳିର ବିଧାୟକ ପ୍ରାର୍ଥୀ ପୀତାମ୍ବର ଆଚାର୍ଯ୍ୟଙ୍କ ସହ ଜଣେ ପୋଲିସ କର୍ମୀଙ୍କ କଥା କଟାକଟି ଭିଓିଓ  ସାମ୍ନାକୁ ଆସିଛି । ବିଜେପି ନେତା ପୀତାମ୍ବରଙ୍କ ଅଭିଯୋଗ କ୍ରମେ ପୋଲିସ ସେଠାରେ ଯାଉଥିବା ବିଜେଡି ଗାଡ଼ିକୁ ନଅଟକାଇବା ସହ ତାଙ୍କ ଗାଡ଼ିକୁ ଉଦ୍ଦେଶ୍ୟମୂଳକ ଭାବେ ଅଟକାଇଥିଲା ।

ସେ ଯାହା ହେଉ ବିଭିନ୍ନ ସମୟରେ ସାଧରଣ ଲୋକଙ୍କ ପାଖରୁ ପୋଲିସ ବିରୋଧରେ ମିଳୁଥିବା ଖବର ରାଜ୍ୟ ପୋଲିସର ନିରପେକ୍ଷତା ଉପରେ ପ୍ରଶ୍ନ ଉଠାଉଛି । ଏହି ପରିପ୍ରେକ୍ଷିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜର ପ୍ରତିକ୍ରିୟା ରଖିଛନ୍ତି । ଓଡିଶା ପୋଲିସ ବିଭାଗର କିଛି ମୁଷ୍ଟିମେୟ ଅଧିକାରୀ ବିଶଷତଃ ଗଞ୍ଜାମ ଜିଲ୍ଲାର ଜଣେ-ଦୁଇ ଜଣ ପୋଲିସ ଅଧିକାରୀ ଆଉ ପୋଲିସ ହୋଇନାହାନ୍ତି । ନିରପେକ୍ଷତା ରାଜ୍ୟ ପୋଲସି ଡିଜିଙ୍କ ଠାରୁ ଆଶା କରାଯାଏ ନାହିଁ । ପୋଲିସ ଡିଜି ଓଡିଶା ବିଜୁ ଜନତା ଦଳର ସେକେଟ୍ରି ଜେନେରାଲ୍ ଭାବେ କାମ କରୁଛନ୍ତି ବୋଲି ଅଭିଯୋଗ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ଗଣମାଧ୍ୟମ ପ୍ରତିନିଧିଙ୍କ ଏ ସମ୍ପର୍କିତ ଏ ପ୍ରଶ୍ନର ଉତ୍ତରରେ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ପୋଲିସ ଡିଜିଙ୍କର ଦୁଇ ଜଣ ଅଧିକାରୀ ବିଜେଡିର ବଚସ୍କର ସାଜିଥିବା ବେଳେ ରାଜନୈତିକ ପ୍ରତିପକ୍ଷଙ୍କୁ ଧମକେଇବା,  ଅତ୍ୟାଚାର ଓ ହାରାସ କାମରେ ଲାଗିଛନ୍ତି । ପ୍ରଜାତନ୍ତ୍ରରେ ଏହା ନିନ୍ଦନୀୟ ବୋଲି ସେ  କହିଥିବା ବେଳେ ଏନେଇ ନିର୍ବାଚନ ଆୟୋଗକୁ ଦୃଷ୍ଟି ଆକର୍ଷଣ କରାଯାଉଛି ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।

ଅନ୍ୟ ଏକ ପୃଥକ ପ୍ରସଙ୍ଗରେ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ନିର୍ବାଚନ ପରିପ୍ରେକ୍ଷୀରେ ପ୍ରାର୍ଥୀତ୍ୱ ଗୋଟେ ମହତ୍ୱପୂର୍ଣ୍ଣ ବିଷୟ । ସାଢେ ୪ କୋଟି ଓଡିଆ ଲୋକମାନଙ୍କ ଭିତରୁ ୩ କୋଟି ୨୪ ଲକ୍ଷ ଭୋଟର  ଏଥର ପରିବର୍ତନ ପାଇଁ ନିର୍ବାଚନ ଲଢୁଛନ୍ତି । ଏଥର ପ୍ରାର୍ଥୀତ୍ୱ ଗୌଣ ହେବ । ପ୍ରଧାନମନ୍ତ୍ରୀ କିଏ ହେବ, ଓଡିଶାର ଶାସନର ଡୋରୋ କେଉଁ ମତ ପାଖରେ ରହିବ, ସ୍ଥିର ସରକାର ନା ଅସ୍ଥିର ସରକାର ହେବ, ବିକାଶ କରୁଥିବା ନା ଦୁର୍ନୀତି ସରକାର ରହିବ ଏ ଗୁଡିକ ନିର୍ବାଚନର ପ୍ରମୁଖ ପ୍ରସଙ୍ଗ ହୋଇଛି ବୋଲି ସେ କହିଛନ୍ତି ।