ବଢ଼ୁଛି ବେଆଇନ୍‌ କଫ୍‌ ସିରଫ୍‌ ନିଶା କାରବାର, ରୋକିବାରେ ପୋଲିସ ଫ୍ଲପ୍‌

ବଢ଼ୁଛି ବେଆଇନ୍‌ କଫ୍‌ ସିରଫ୍‌ ନିଶା କାରବାର, ରୋକିବାରେ ପୋଲିସ ଫ୍ଲପ୍‌

by Aryan Cross

ନୂଆପଡ଼ା: ରାଜ୍ୟରେ ଯୁବ ପିଢ଼ି ଏବେ ନିଶା କବଳରେ । ପୂର୍ବରୁ ମଦ ଗଞ୍ଜେଇ ଭଳି ନିଶା ଲୋକଙ୍କୁ ଘାରିଥିବା ବେଳେ ଏବେ ଡ୍ରଗ୍ସ, ବ୍ରାଉନ୍‌ ସୁଗାର, କଫ୍‌ ସିରଫ୍‌ ନିଶା ଘାରିଛି । କଫ୍‌ ସିରଫ୍‌କୁ ନିଶା ଭାବେ ବ୍ୟବହାର କରିବାର ମାତ୍ରା ଏବେ ଦିନକୁ ଦିନ ବଢ଼ିବାରେ ଲାଗିଛି ।

ନୂଆପଡ଼ା ଓ କୋମନା ଅଞ୍ଚଳର ଯୁବପିଢ଼ି ଏବେ କଫ୍‌ ସିରଫ୍‌ ନିଶାରେ ଉବୁଟୁବୁ ହେଉଛନ୍ତି । ଫଳରେ ଏହି କଫ୍‌ ସିରଫ୍‌ର ବ୍ୟବସାୟ ଧୀରେ ଧୀରେ ଏହି ଅଞ୍ଚଳରେ କାୟା ବିସ୍ତାର କରିବାକୁ ଲାଗିଛି । ତେବେ ପୋଲିସ ଅପାରଗତା ଓ ଛଉଦାସୀନତା ଯୋଗୁଁ ଏହି ଅଞ୍ଚଳରେ ଏଭଳି ନିଶା କାରବାର ବଢ଼ିବାରେ ଲାଗିଛି ବୋଲି ଚର୍ଚ୍ଚା ହେଲାଣି । ଏହି କଫ୍‌ ସିରଫ୍‌ ଅଳ୍ପ ଦାମ୍‌ ହୋଇଥିବା ସହ ଅଧିକ ନିଶା ହେଉଥିବାରୁ ଏହାର ଚାହିଦା ନିଶାଖୋରଙ୍କ ମଧ୍ୟରେ ବଢ଼ୁଥିବା ଜଣେ ବ୍ୟବସାୟୀ କହିଛନ୍ତି ।

ତେବେ ବେଆଇନ୍‌ ଭାବେ କୋମନା ବ୍ଲକସ୍ଥିତ ଦୋହେଲପଡା ଗାଁର ଗୋପୀନାଥ ଅଦା ଏହି କଫ୍‌ ସିରଫ ବିକ୍ରି କରୁଥିବାରୁ ତାଙ୍କୁ ଗତକାଲି କୋମନା ପୋଲିସ ଗିରଫ କରିଛି । ବ୍ୟବସାୟ ଉଦେଶ୍ୟରେ ତାଙ୍କ ଘରେ ରଖାଯାଇଥିବା ୧୩୧ଟି କଫ ସିରଫ ବୋତଲକୁ ପୋଲିସ ଜବତ କରିଛି ।

ବିଶ୍ୱସ୍ତ ସୂତ୍ରରୁ ସୂଚନା ପାଇବା ପରେ କୋମନା ପୋଲିସ ଗୋପୀନାଥ ଘରେ ଚଢ଼ାଉ କରି କଫ୍‌ ସିରଫ୍‌ ବୋତଲ ଜବତ କରିବା ସହ ତାକୁ ଗିରଫ କରିଥିଲା । ତେବେ ଗୋପୀନାଥ ଏହି କଫ୍‌ ସିରଫ୍‌ ଗୁଡ଼ିକୁ କୋମନା ବ୍ଲକର ସଞ୍ଜୟ କୁମାର ଯୋଶୀଙ୍କ ଠାରୁ କିଣି ଥିଲା । ତେଣୁ ଏହି ବେଆଇନ୍‌ ବ୍ୟବସାୟରେ ସଞ୍ଜୟ ସମ୍ପୃକ୍ତି ଥିବାରୁ ପୋଲିସ ମଧ୍ୟ ତାକୁ ଗିରଫ କରି କୋର୍ଟ ଚାଲାଣ କରିଛି ।

ତେବେ ପୂର୍ବରୁ ମଧ୍ୟ ଏଭଳି କିଛି ଅସାଧୁ ବ୍ୟବସାୟୀଙ୍କୁ ପୋଲିସ ଗିରଫ କରିଥିଲା କିନ୍ତୁ ପର ମୂହୁର୍ତ୍ତରେ ତାଙ୍କୁ ଛାଡ଼ି ଦିଆଯାଇଥିଲା । ପରେ ସେମାନେ ପୁଣି ସେହି ଚୋରା ନିଶା ବ୍ୟବସାୟ କରୁଥିବା ଦେଖାଯାଇଛି ।

ପାଟ୍ରୋଲିଂ ବେଳେ ୮୮ କେଜି ଗଞ୍ଜେଇ ଜବତ

by Swayangprajna Mishra

During patrolling, 88 kg of cannabis was seized

ମାଲକାନଗିରି : ଅବକାରୀ ବିଭାଗ ହାବୁଡରେ ପଡିଲେ ଗଞ୍ଜେଇ ଚୋରା ଚାଲାଣ କାରୀ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଅଞ୍ଚଳରୁ ଏକ କାର ଯୋଗେ ଗଞ୍ଜେଇ ଚୋରା ଚାଲାଣ କରୁଥିବା ସମୟରେ ମାଲକାନଗିରି ଅବକାରୀ ବିଭାଗ ହାତରେ ଧରା ପଡିଲା ଜଣେ ଚୋରା ଚାଲାଣ କାରୀ । ସୂଚନା ମୁତାବକ ମାଲକାନଗିରି ସହର ନିକଟରେ ଥିବା ଗୌଡ଼ଗୁଡା ଛକ ଠାରେ ଅବକାରୀ ବିଭାଗର କର୍ମଚାରୀ ମାନେ ଗୁଇନ୍ଦା ସୂଚନା ପାଇ ପେଟ୍ରଲିଙ୍ଗ କରୁଥିବା ସମୟରେ ଦ୍ରୁତ ଗତିରେ ଏକ କାର ମାଲକାନଗିରି ସହର ଆଡ଼କୁ ଆସୁଥିବା ଦେଖିବାକୁ ପାଇଥିଲେ ।

ଅଧିକ ପଢନ୍ତୁ : ଗଞ୍ଜେଇ ଚୋରା ଚାଲାଣର ମାଷ୍ଟର ମାଇଣ୍ଡ ହୋମଗାର୍ଡ

ପରେ ସନ୍ଦେହ ହେବାରୁ ଉକ୍ତ କାରକୁ ଅଟକାଇ ଯାଞ୍ଚ କରିବାରୁ ସେଠାରୁ 88 କେଜି ଗଞ୍ଜେଇ ବାହାରି ଥିଲା । ଯାହାର ଆନୁମାନିକ ବଜାର ମୁଲ୍ୟ 8 ଲକ୍ଷ ଟଙ୍କାରୁ ଉର୍ଦ୍ଧ୍ବ ହୋଇଥିବା ବେଳେ ଏହି ଚୋରା ଚାଲାଣରେ ସାମିଲ ଥିବା ଜଣେ ବ୍ୟକ୍ତିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ନେଇ ସୂଚନା ଦେଇଛନ୍ତି ଅବକାରୀ ଉପ ନିରୀକ୍ଷକ।

ମନ୍ଦିରରୁ ସିରିଜ ଲୁଟ୍

by Banajyotshna Ray

ଅର୍ଗସ ବ୍ୟୁରୋ: ମନ୍ଦିରରୁ ସିରିଜ ଲୁଟ୍ । ବାଲେଶ୍ଵର ଜିଲ୍ଲା କମର୍ଦ୍ଦା ଥାନା ଅନ୍ତର୍ଗତ ମହାଗବ ପଞ୍ଚାୟତରେ ଥିବା 3 ଟି ମନ୍ଦିରରୁ ବଲମ୍ବିତ ରାତିରେ ଦୁର୍ବୁତ ମାନେ ସିରିଜ୍ ଲୁଟ କରିଛନ୍ତି । ମା ମଙ୍ଗଳା ମନ୍ଦିର ରୁ ସୁନା ରୂପା , ବାସୁଳୀ ମନ୍ଦିରରୁ ତାଲା ଭଙ୍ଗୀ ଲୁଟ୍ କରିଥିବା ସୂଚନା ,ତାରେଣୀ ମନ୍ଦିର ରୁ ତାଲା ଭଙ୍ଗୀ ଲକ୍ଷାଧିକ ଟଙ୍କାର ସୁନା ଅଳଙ୍କାର ଆସବା ପତ୍ର ଲୁଟିନେଇଥିବା ଅଭିଯୋଗ । ଖବରପାଇ ଘଟଣା ସ୍ଥଳରେ କମର୍ଦ୍ଦା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ୩ଟି ମନ୍ଦିରରୁ ଚୋରି ହୋଇଥିବାବେଳେ ପୋଲିସର ଚିନ୍ତା ବଢ଼ିଛି।

ଅଧିକ ପଢ଼ନ୍ତୁ ଓଡିଶା ଖବର:

ଦୁର୍ନିତ୍ତିଗ୍ରସ୍ତଙ୍କୁ ବିଜେଡିର ସମ୍ମାନ

by Banajyotshna Ray

ଅର୍ଗସ ବ୍ୟୁରୋ: ଦୁର୍ନିତ୍ତିଗ୍ରସ୍ତଙ୍କୁ ବିଜେଡିର ସମ୍ମାନ । ପୁଣି ସାମ୍ନାକୁ ଆସିଲା ବିଜେଡିର ଦୋ-ମୁହାଁ ଚରିତ୍ର । ରେମୁଣା ବିଧାୟକଙ୍କୁ ମିଛ ବହିଷ୍କୃତ ସତ ସମ୍ମାନ । ଗତ 21 ତାରିଖରେ ବିଜେଡି ପକ୍ଷରୁ ଏହି ପ୍ରେସ ରିଲିଜରେ ସ୍ପଷ୍ଟ ଲେଖା ଯାଇଛି ଯେ ଜନ ବିରୋଧୀ କାର୍ଯ୍ୟ ଯୋଗୁଁ ରେମୁଣା ବିଧାୟକ ସୁଧାଂଶୁ ଶେଖର ପରିଡା ବହିଷ୍କୃତ କରାଯାଇଛି । ହେଲେ ବିଜେଡିରୁ ବହିଷ୍କୃତ ହୋଇ ବି ଦଳର ସାଂଗଠନିକ ବୈଠକରେ ଯୋଗ ଦେଇଛନ୍ତି ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ା ।

ଗତକାଲି ରେମୁଣା ନିର୍ବାଚନମଣ୍ଡଳୀର ଭୀମପୁରାଠାରେ ବିଜେଡିର ସାଂଗଠନିକ ବୈଠକରେ ଯୋଗ ଦେଇ ଦଳ କିଭଳି ଆଗକୁ ବଢ଼ିବ, ସେ ସମ୍ପର୍କରେ ଦଳୀୟ ନେତା ଓ କର୍ମୀଙ୍କୁ ଆହ୍ୱାନ ଦେଇଛନ୍ତି । ବାଲେଶ୍ବର ଜିଲ୍ଲା ପର୍ଯ୍ୟବେକ୍ଷକର ମନ୍ତ୍ରୀ ପ୍ରତାପ ଦେବଙ୍କ ନିର୍ଦ୍ଦେଶରେ ରେମୁଣା ବିଧାୟକଙ୍କୁ ଡକାଯାଇଥିବା ଜଣାପଡିଛି । ଯାହାର ଅଡିଓ ଓ ଭିଡିଓ ସାମ୍ନାକୁ ଆସିବା ପରେ ବାଲେଶ୍ବରରେ ରାଜନୈତିକ ଚର୍ଚ୍ଚା ଜୋର ଧରିଛି ।