ମୋତେ ନୋଟିସ୍ ଆସିନି, ଏହା ବିଜେଡିର ରାଜନୈତିକ ଚାଲ୍ କହିଲେ ଭୃଗୁ

ବାତ୍ୟା ପ୍ରଭାବରେ ତାମିଲନାଡୁରେ ହୋଇଛି ଜଳ ପ୍ରଳୟ । ଦୁଇ ଦିନ ହେଲା ଜାରି ରହିଛି ପ୍ରବଳ ବର୍ଷା। ଚେନ୍ନାଇ ସମେତ ଅନେକ ଅଞ୍ଚଳ ହୋଇଛି ଜଳମଗ୍ନ। ରାସ୍ତା ଘାଟରେ ପାଣିର ସୁଅ ଚାଲିଛି। ପାଲମ ଅଞ୍ଚଳରେ ରାସ୍ତା ଉପରେ ଅଣ୍ଟାଏ ପାଣି ଚାଲିଛି । ବର୍ଷା ପାଣିର ସୁଅରେ କାର୍ ସବୁ କାଗଜ ଡଙ୍ଗା ଭଳି ଭାସିବାର ଏ ଦୃଶ୍ୟ ତ ସମସ୍ତଙ୍କୁ ଭୟଭୀତ କରିଛି। ଗତ 48 ଘଣ୍ଟା ମଧ୍ୟରେ 400ରୁ 500 ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଛି । 

ଚେନ୍ନାଇର ବହୁ ଆପାର୍ଟମେଣ୍ଟର ତଳ ମହଲା ବୁଡ଼ି ଯାଇଥିବାରୁ ଲୋକେ ନାହିଁ ନଥିବା ଅସୁବିଧାର ସାମ୍ନା କରିଛନ୍ତି । ରାସ୍ତାରୁ ନେଇ ବସଷ୍ଟାଣ୍ଡ, ବିମାନ ବନ୍ଦର ସବୁ ସ୍ଥାନ ପୋଖରୀର ଭ୍ରମ ସୃଷ୍ଟି ହୋଇଛି। ବେଶ୍ କିଛି ଘଣ୍ଟା ପାଇଁ ଠପ୍ ହୋଇଗଲା ଚେନ୍ନାଇ ବିମାନ ବନ୍ଦର । 30ଟି ବିମାନ ଏବଂ 100ରୁ ଅଧିକ ଟ୍ରେନ୍ ବାତିଲ କରାଯାଇଛି । ବର୍ଷା ବିତ୍ପାତରେ ଚେନ୍ନାଇରେ 12 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ବିଭିନ୍ନ ସ୍ଥାନରେ ବିଦ୍ୟୁତ୍ ଖୁଣ୍ଟ, ଗଛ ଉପୁଡ଼ିବା ସହ ପ୍ରବଳ କ୍ଷୟକ୍ଷତି କରିଛି । 

ବାତ୍ୟାର ପ୍ରଭାବ ଓଡ଼ିଶାର ଦକ୍ଷିଣ ଭାଗରେ ମଧ୍ୟ ପଡ଼ିଛି । ପବନ ସେମିତି କ୍ଷତି କରିନଥିଲେ ବି ଦକ୍ଷିଣ ଓଡ଼ିଶାର କିଛି ସ୍ଥାନରେ ତୁହାକୁ ତୁହା ବର୍ଷା ଲାଗି ରହିଛି। 24 ଘଣ୍ଟା ମଧ୍ୟରେ ମାଲକାନଗିରି, କୋରାପୁଟ, ରାୟଗଡ଼ାର କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ନେଇ ଅନୁମାନ କରିଛି ପାଣିପାଗ ବିଭାଗ । ଏଥିସହ ବୁଧବାର ଗଞ୍ଜାମ, ଗଜପତି, ନବରଙ୍ଗପୁର, କଳାହାଣ୍ଡି ଓ କନ୍ଧମାଳରେ ବର୍ଷା ଲାଗିରହିବା ନେଇ ୟେଲୋ ୱାର୍ଣ୍ଣିଂ ମଧ୍ୟ ଜାରି କରାଯାଇଛି । ସବୁଠାରୁ ବେଶୀ ଚିନ୍ତାରେ ପଡ଼ିଛନ୍ତି ଚାଷୀ। ଅମଳ ଋତୁରେ ବର୍ଷା ଫଳରେ ବର୍ଷକର ଶ୍ରମ ନଷ୍ଟ ହେଲେ ବଢ଼ିଯିବ ଚାଷୀଙ୍କ ଦୂର୍ଦ୍ଦଶା । ଜମିଠୁ ଖଳା ଯାଏଁ ବର୍ଷା ଦାଉରୁ ଫସଲ ରକ୍ଷା କରିବାକୁ ଦିନ ରାତି ହୋଇ ଲାଗିପଡିଛନ୍ତି ଚାଷୀ। 

ବର୍ଷା ଆଶଙ୍କାରେ ଗଜପତି ଜିଲ୍ଲାରେ ସମସ୍ତ ସ୍କୁଲ, କଲେଜ ଓ ଅଙ୍ଗନୱାଡ଼ି କେନ୍ଦ୍ରକୁ ଛୁଟି ଘୋଷଣା କରାଯାଇଛି । ବୁଧବାର ମଧ୍ୟ ଜିଲ୍ଲାର ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ର ମଧ୍ୟକୁ ନ ଯିବାକୁ ବାରଣ କରାଯାଇଛି । ମଙ୍ଗଳବାର ମଧ୍ୟରାତ୍ର ବେଳକୁ ବାତ୍ୟା ମେଗଜୋମ୍ ଦୁର୍ବଳ ହୋଇଯିବ । ଦୁର୍ବଳ ହୋଇ ଏହା କ୍ରମେ ଗଭୀର ଅବପାତରେ ପରିଣତ ହେବା ସହ ପ୍ରଭାବ କମିବ ବୋଲି କହିଛି ପାଣିପାଗ ବିଭାଗ ।

ସ୍ଥଳଭାଗ ଛୁଉଁଛି 'ମିଗଜୋମ୍'

ନିର୍ବାଚନ ହାରିବା ପରେ ଇସ୍ତଫା ଦେବେ କଂଗ୍ରେସ ନେତା କମଲନାଥ । ପଦ ଛାଡିବାକୁ କହିଲା କଂଗ୍ରେସ । ମଧ୍ୟପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ରାଜ୍ୟ ସଭାପତି ପଦରୁ କମଳନାଥଙ୍କୁ ଇସ୍ତଫା ଦେବାକୁ ଦଳ କହିଛି । କାରଣ ନିର୍ବାଚନ ପୂର୍ବରୁ ଏମପିରେ କଂଗ୍ରେସର ମଙ୍ଗ ଧରିଥିଲେ କମଲନାଥ । ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଚେହେରା ମଧ୍ୟ ଥିଲେ। ହେଲେ ରବିବାର ପ୍ରକାଶ ପାଇଥିବା ନିର୍ବାଚନ ଫଳାଫଳରେ ବିଜେପି ୧୬୩ଟି ଆସନ ଏବଂ କଂଗ୍ରେସ ମାତ୍ର ୬୬ଟି ଆସନ ଜିତିଛି । ଯେଉଁଥି ଲାଗି କମଲନାଥଙ୍କୁ ସିଂହାସନ ଛାଡିବାକୁ ପଡିବା ନେଇ ଚର୍ଚ୍ଚା ଜୋର ଧରିଛି । 

ଏମିତିକି ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଇଣ୍ଡିଆ ମେଣ୍ଟର ନେତାଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିଲେ କମଲନାଥ । ଯାହାକୁ ନେଇ ଶୀର୍ଷସ୍ତରର ନେତା ଖପ୍ପା ଥିଲେ । ଆଉ ଏହି ମୌକାରେ ଚୌକା ମାରିଛି ଦଳ, କମଲନାଥଙ୍କୁ ହାତରୁ ଯାଉଛି କଂଗ୍ରେସ ରାଜ୍ୟ ସଭାପତି ଚୌକି ।

ରାଜ୍ୟ ସଭାରେ ଆକ୍ରମଣାତ୍ମକ ମୁଦ୍ରାରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ତୃଣମୂଳ କଂଗ୍ରେସ ସାସଂଦଙ୍କୁ ଜମେଇକି ଧୋଇ ଦେଲେ ଧର୍ମେନ୍ଦ୍ର । ପଶ୍ଚିମବଙ୍ଗକୁ ମନରେଗା ଅନୁଦାନ ଦେବାରେ ବିଳମ୍ବ ନେଇ ଗୃହରେ ଆଲୋଚନା କରିବାକୁ ଦାବି କରିଥିଲେ ଟିଏମସି ସାଂସଦ । ଖାଲି ଦାବି କରିଥିଲେ ତାହା ନୁହେଁ ବରଂ ଗୃହରେ ହଟ୍ଟଗୋଳ ବି କରିଥିଲେ । ଆଉ ବିରୋଧୀଙ୍କୁ ଜବାବ ଦେବା ଲାଗି ଉଠିଥିଲେ ଧର୍ମେନ୍ଦ୍ର ।

ଭାଷଣ ଆରମ୍ଭରୁ ସିଧା ଖୋଲି ଦେଇଥିଲେ ମମତା ସରକାରର ଦୁର୍ନୀତିର ଗୁମର । ଏମିତିକି ଅନ୍ୟ ରାଜ୍ୟ ଅପେକ୍ଷା ଟିଏମସି ସରକାର ନିଜକୁ ଉପରେ ଭାବେ । ୪ ହଜାର ଟଙ୍କାର ମଧ୍ୟାହ୍ନ ଭୋଜନ ଦୁର୍ନୀତି ପ୍ରସଙ୍ଗ ଉଠାଇ ଟିଏମସିକୁ ଧୋଇଥିଲେ ଧର୍ମେନ୍ଦ୍ର । ଏମିତିକି ରାଜ୍ୟର ଅଧଡଜନ ମନ୍ତ୍ରୀ ଦୁର୍ନୀତି ଅଭିଯୋଗରେ ଏବେ ଜେଲରେ । ଯାହାର ଯାଞ୍ଚ ସିବିଆଇ କରୁଛି । ଦୁର୍ନୀତି ମାମଲାରେ ମୁଖିଆ ବନ୍ଧା ହେବା ଭୟରେ ଟିଏମସି ସାଂସଦ ଗୃହର ସମୟ ଖରାପ କରୁଥିବା କହିଥିଲେ କେନ୍ଦ୍ରମନ୍ତ୍ରୀ । ଶିକ୍ଷକ ଭର୍ତ୍ତି ସ୍କାମରେ ପଶ୍ଚିମବଙ୍ଗର ପୂର୍ବତନ ଶିକ୍ଷାମନ୍ତ୍ରୀ ପାର୍ଥ ଚାଟାର୍ଜୀ ଏବେ ଜେଲରେ । ତାଙ୍କ ସହଯୋଗୀ ଅର୍ପିତା ମୁଖାର୍ଜୀଙ୍କ ଗରୁ 20 କୋଟି ନଗଦ ଟଙ୍କା ଜବତ କରିଥିଲା ଇଡି। ଏଥିସହ ବିଭିନ୍ନ ଘୋଟାଲାରେ ମମତା ସରକାରର ବହୁ ମନ୍ତ୍ରୀ ଓ ବିଧାୟକ ଏବେ ଜେଲରେ ଦିନ କାଟୁଛନ୍ତି ବୋଲି କହିଲେ ଧର୍ମେନ୍ଦ୍ର ।

ଗୃହରେ ଧର୍ମେନ୍ଦ୍ର ନିଶାନା କରି ଟିଏମସିକୁ କହିଥିଲେ, ସବୁ ସତ ଜଣାପଡିବା ପରେ କେନ୍ଦ୍ର ଉପରେ ଦୋଷ ଓଗାଳୁଛନ୍ତି ଟିଏମସି ନେତା । ଏଥିସହ ପ୍ରଶ୍ନ ପାଇଁ ଟଙ୍କା ମାମଲାରେ ତୃଣମୂଳ ସାଂସଦ ମହୁଆ ମୈଇତ୍ରାଙ୍କ ସଦସ୍ୟତା ବି ଏବେ ସଂକଟରେ ରହିଛି । ତେଣୁ ଔଷଧ ବିକଳରେ ତାଟିଆ କାମୁଡୁଛନ୍ତି ଟିଏମସି ସାଂସଦ। ପ୍ରସଙ୍ଗ ବାହର କଥା ଉଠାଇ ସଂସଦରେ ଅଯାଥାରେ ହଙ୍ଗାମା କରିବାକୁ ଉଦ୍ୟମ କରିଆସୁଛନ୍ତି। ଯାହାର ମୁହଁତୋଡ ଜବାବ ଦେଇ ତୃଣମୂଳ କଂଗ୍ରେସକୁ ଆଇନା ଦେଖାଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।