ବିଜେପିର ମିଶ୍ରଣ ପର୍ବରେ ନବୀନଙ୍କୁ ଦାମଙ୍କ ଟାର୍ଗେଟ, କହିଲେ ବିଜେଡିର ଅତଡ଼ା ଖସୁଛି

ବିଜେପିର ମିଶ୍ରଣ ପର୍ବରେ ନବୀନଙ୍କୁ ଦାମଙ୍କ ଟାର୍ଗେଟ, କହିଲେ ବିଜେଡିର ଅତଡ଼ା ଖସୁଛି

by Aryan Cross

ଭୁବନେଶ୍ୱର: ବିଜେପିର ମିଶ୍ରଣ ପର୍ବ ଅବସରରେ ବିଜେଡି ଉପରେ ଖୁବ ବର୍ଷିଛନ୍ତି ଦମୋଦର ରାଉତ । ବରିଷ୍ଠ ବିଜେପି ନେତା ଦାମ ରାଉତ ରାଜ୍ୟର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଟାର୍ଗେଟ କରିବାକୁ ଭୁଲି ନାହାନ୍ତି । ନବୀନ କିଛି ନକରି ଶ୍ରେୟ ନେବାକୁ ଚେଷ୍ଟା କରୁଛନ୍ତି । ରାଜ୍ୟର ବିକାଶ ପାଇଁ ଧର୍ମେନ୍ଦ୍ର ପ୍ରଧାନ ପରିଶ୍ରମ କରୁଛନ୍ତି । କିନ୍ତୁ ଏହି ପରିଶ୍ରମର ଶ୍ରେୟ ନବୀନ ବାବୁ ନେଉଛନ୍ତି ବୋଲି କହିଛନ୍ତି ଦାମ ରାଉତ ।

ଏବେ ରାଜ୍ୟରେ ଟିକେଟ୍‌ ବଣ୍ଟାକୁ ନେଇ ଅସନ୍ତୋଷ ବଢୁଥିବା ବେଳେ ଦାମ ବାବୁ ଟିକେ ଏହାକୁ ମାଇଲେଜ୍‌ ଦେଇଛନ୍ତି । ସେ କହିଛନ୍ତି ବିଜେପିରେ ଆଶାୟୀ ଶ୍ରଦ୍ଧାର ସହ ଟିକେଟ୍‌ ନେଉଥିବା ବେଳେ ବିଜେଡିରେ ଟିକେଟ୍‌ ବିକ୍ରି ହେଉଛି । କେବେଳ ସେତିକିରେ ଅଟକି ନାହାନ୍ତି ଦାମ । ସେ ଆହୁରି ମଧ୍ୟ କହିଛନ୍ତି, ବିଜେଡିରେ ଅତଡ଼ା ଖସୁଛି । ଆଗକୁ ଆହୁରି ଖସିବ ହେଲେ ଏହି ଅତଡାକୁ କେହି ରୋକି ପାରିବେ ନାହିଁ । ବିଜୁ ପଟ୍ଟନାୟକଙ୍କ ନାଁକୁ ବିକି ଆଜି ବିଜେଡି ଚାଲୁଛି । ବିଜୁ ନାଁ କାଟି ନବୀନ ଜନତା ଦଳ କଲେ କେହି ଭୋଟ ଦେବେ ନାହିଁ ।

କିଛି ଲୋକ ନେତା ନାଁରେ ରାଜ୍ୟ ରାଜକୋଷ ଲୁଟିବା ପାଇଁ ନବୀନଙ୍କ ଚାରିପଟେ ବୁଲୁଛନ୍ତି । ରାଜ୍ୟରେ ଦୁର୍ନୀତି ଓ ଭ୍ରଷ୍ଟାଚାର ସୀମା ଟପିଲାଣି । ନବୀନ ସରକାରରେ ଦିନ ଦ୍ୱିପ୍ରହରରେ ମହିଳା ମାନଙ୍କ ଇଜ୍ଜତ ଲୁଟ ହେଉଛି ବୋଲି କହିଛନ୍ତି ଦାମ ରାଉତ । ଏହାସହ ରାଜ୍ୟରେ ବଢୁଥିବା ବେରୋଜଗାର ପ୍ରସଙ୍ଗରେ ରାଜ୍ୟ ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି ବରିଷ୍ଠ ଦାମ ବାବୁ ।

୪୦ ଲକ୍ଷ ଯୁବକ ଯୁବତୀ ଏମ୍ଲେୟମେଂଟ ଏକ୍ସଚେଞ୍ଜରେ ନାମ ପଞ୍ଜିକୃତ କରିଛନ୍ତି । ହେଲେ ୫ ବର୍ଷରେ ନବୀନ ପଟ୍ଟନାୟ ମାତ୍ର ୨୬ ହଜାର ନିଯୁକ୍ତି ଦେଇଛନ୍ତି ।

ଅନ୍ୟପଟେ ଆସନ୍ତା ନିର୍ବାଚନରେ ନିଜର ବିଜୟ ପାଇଁ ‘କାଳିଆ’କୁ ପ୍ରସଙ୍ଗ କରୁଛି ବିଜେଡି । କିନ୍ତୁ ଏହି ‘କାଳିଆ’କୁ ବିରୋଧ କରି ଦାମ ବାବୁ କହିଛନ୍ତି, କାଳିଆ ଯୋଜନା କଳା ଯୋଜନାରେ ପରିଣତ ହୋଇଛି । ବାସ୍ତବ ହିତାଧିକାରୀ ଯୋଜନାରେ ସାମିଲ ନହୋଇ ସାମିଲ ହୋଇଛନ୍ତି ମନ୍ତ୍ରୀ ବିକ୍ରମ ଆରୁଖ, ସୁଶାନ୍ତ ସିଂଙ୍କ ପରି ନେତାଙ୍କ ପରିବାରବର୍ଗ ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ମର୍ମନ୍ତୁଦ ସଡକ ଦୁର୍ଘଟଣା, ଜଣେ ମୃତ

by Banajyotshna Ray

ଅର୍ଗସ ବ୍ୟୁରୋ: ଦୁଇ ଟ୍ରକ ମୁହାଁମୁହିଁ ଧକ୍କା। ଜଣେ ମୃତ ଜଣେ ଗୁରୁତର। ଜମନକିରା ଥାନା ୫୩ନଂ ଜାତୀୟ ରାଜପଥ ଚିମିମହୁଲରେ ମର୍ମନ୍ତୁଦ ସଡକ ଦୁର୍ଘଟଣା। ସିମେଣ୍ଟ ବୋଝେଇ ଟ୍ରକ ଓ କଣ୍ଟେନର ମଧ୍ୟରେ ମଧ୍ୟରେ ମୁହାମୁହିଁ ଧକ୍କା । କଣ୍ଟେନର ଗାଡିର ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ସିମେଣ୍ଟ ବୋଝେଇ ଟ୍ରକ ଡ୍ରାଇଭରକୁ ଗୁରୁତର ଅବସ୍ଥାରେ ବୁର୍ଲା ଡାକ୍ତର ଖାନାକୁ ସ୍ଥାନାନ୍ତର କରାଯାଇଛି।

ଅଧିକ ପଢ଼ନ୍ତୁ ଓଡିଶା ଖବର:

ଆକ୍ସନ ମୋଡ୍ ରେ ରଣପୁର ଅବକାରୀ ବିଭାଗ

by Smruti Parija

135-liquor-seized-3-arrested-in-nayagarh

ନୟାଗଡ: ନୟାଗଡ ଜିଲ୍ଲା ରଣପୁର ଅଂଚଳରେ ଦିନକୁ ଦିନ ନିଶା କାରବାର ବଢୁଥିବା ବେଳେ ଏବେ ଆକ୍ସନ ମୋଡ଼୍ ରେ ରଣପୁର ଅବକାରୀ ବିଭାଗ । ବିଶେଷ ସୂତ୍ରରୁ ଖବର ପାଇ ରଣପୁର ଅବକାରୀ ଥାନା ଓଏସଆଇ ସୁବାଷ ସେଠୀଙ୍କ ନେତୃତ୍ୱରେ ଏକ ଟିମ୍ ରଣପୁର ବ୍ଲକର ନର୍ସିଙ୍ଗପୁର ଓ ଅମ୍ବାଝରରେ ଚଢ଼ାଉ କରିଥିଲା । ବିପୁଳ ପରିମାଣରେ ମଦ ତିଆରି ସାମଗ୍ରୀ , 135 ଲିଟର ଦେଶୀ ମଦ ଓ ଗୋଟିଏ ବାଇକ ଜବତ କରିବା ସହ 3 ଜଣଙ୍କୁ ଗିରଫ କରିଛି ଅବକାରୀ ପୋଲିସ ।

ଅଭିଯୁକ୍ତମାନେ ହେଲେ ଆମ୍ବାଝର ଗ୍ରାମର ଶରତ ଶ୍ରୀଚନ୍ଦନ ଓ ରାକେଶ ଶ୍ରୀଚନ୍ଦନ, ନର୍ସିଙ୍ଗପୁର ଗ୍ରାମର ଚିତ୍ତରଞ୍ଜନ ସାହୁ । ତେବେ ଜବତ ମଦ ଓ ମଦ ତିଆରି ସାମଗ୍ରୀର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ ବୋଲି ଅବକାରୀ ଥାନା ପକ୍ଷରୁ ସୂଚନା ଦିଆଯାଇଛି ।

ଆହୁରି ପଢନ୍ତୁ ଅପରାଧ ଖବର...

ରିଷିକେଶ AIIMSରୁ ଓଡ଼ିଶା ଅଭିମୁଖେ ବାହାରିଛନ୍ତି ଶ୍ରମିକ

by Banajyotshna Ray

5 odia workers rescued from tunnel are coming to Odisha

ଅର୍ଗସ ବ୍ୟୁରୋ: ଆଜି ଓଡ଼ିଶା ଆସୁଛନ୍ତି ଉତ୍ତରକାଶୀ ଟନେଲରୁ ପୁନର୍ଜନ୍ମ ଫାଇଥିବା 5 ଓଡ଼ିଆ ଶ୍ରମିକ । ଗତକାଲି ରିଷିକେଶ AIIMSରୁ ଓଡ଼ିଶା ଅଭିମୁଖେ ବାହାରିଛନ୍ତି ଶ୍ରମିକ । ରାଜ୍ୟ ଶ୍ରମ ବିଭାଗର ଅଧିକାରିଙ୍କ ସହ ଶ୍ରମିକଙ୍କ ପରିଜନ ବି ଡେରାଡୁନ ବିମାନବନ୍ଦରରେ ପହଁଚିଥିଲେ । ସେଠାରୁ ଦିଲ୍ଲୀ ବିମାନବନ୍ଦର ହୋଇ ଆଜି ଭୁବନେଶ୍ୱର ବିଜୁ ପଟନାୟକ ବିମାନବନ୍ଦରରେ ପାହଁଚିବେ। ଗତକାଲି ଋଷିକେଶ Aiims ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇ ଶ୍ରମିକଙ୍କ ସ୍ବାସ୍ଥ୍ୟ ସମ୍ପର୍କରେ ସୂଚନା ଦିଆଯାଇଥିଲା।

ସମସ୍ତଙ୍କ ସ୍ୱାସ୍ଥ୍ୟାବସ୍ଥା ଠିକ ରହିବା ସହ ସମସ୍ତଙ୍କୁ କ୍ଲିଅରାନ୍ସ ଦିଆଯାଇଛି। ସମସ୍ତ ଶ୍ରମିକ aiims ଡାକ୍ତରଙ୍କ ଯୋଗାଯୋଗରେ ରହିବେ। ଉତ୍ତରକାଶୀ ଟନେଲରେ 7 ରାଜ୍ୟର 41 ଶ୍ରମିକ ଫସି ରହିଥିଲେ । ଦୀର୍ଘ 17 ଦିନ ପରେ ଟନେଲ ଭିତରୁ ଶ୍ରମିକଙ୍କୁ ସୁରକ୍ଷିତ ବାହାର କରାଯାଇଥିଲା। ଯେଉଁଥିରେ ଓଡ଼ିଶାର 5 ଜଣ ଶ୍ରମିକ ରହିଥିଲେ । ଓଡ଼ିଶାର ମୟୂରଭଞ୍ଜ ଜିଲ୍ଲାରୁ 3 ଶ୍ରମିକ ରହିଥିବା ବେଳେ ଭଦ୍ରକ ଏବଂ ନବରଙ୍ଗପୁରରୁ ଜଣେ ଲେଖାଏଁ ଶ୍ରମିକ ରହିଥିଲେ ।