ପୁରୀ/ ଭୁବନେଶ୍ୱର: ଫୋନି ବାତ୍ୟାକୁ ପୁରିଲାଣୀ 6 ମାସ ହେଲେ ଏବେବି ଖୋଲା ଆକାଶ ତଳେ ପଡିରହିଛନ୍ତି ଲୋକେ । ଫୋନି ବାତ୍ୟା ପରେ ଦିଆଯାଇଥିବା ସହାୟତାରେ ହୋଇଛି ବ୍ୟାପକ ଘୋଟାଲା । ଘର ହାତେଇନେଇଛନ୍ତି ନେତା ଓ ସରକାରୀ କର୍ମଚାରୀ । ଫୋନି ପାଇଁ ଆସିଥିବା ଘର ହୋଇଛି ହରିଲୁଟ୍ । ଘର ହାତେଇଛନ୍ତି ନେତା ଓ ସରକାରୀ ବାବୁ । ଯୋଗ୍ୟ ହିତାଧିକାରୀଙ୍କୁ କରାଯାଇଛି ଅଣଦେଖା ।
ଫୋନି ସହାୟତାରେ ହୋଇଥିବା କେଳାଙ୍କାରୀର ମାମଲା ପହଁଚିଛି ଲୋକାୟୁକ୍ତଙ୍କ ପାଖରେ । ଆଉ ସହାୟତାରେ ହୋଇଥିବା ଘୋଟାଲାକୁ ନେଇ ଏବେ ପ୍ରକାଶ ପାଇଛି ଅସନ୍ତୋଷ । ଅଭିଯୋଗ ଅନୁସାରେ ବାତ୍ୟାରେ ଘର ସମ୍ପୁର୍ଣ୍ଣ ଘର ଭାଙ୍ଗି ଯାଇଥିବା ବେଳେ 6 ମାସ ପରେ ବି ଘର ପାଇ ନାହାଁନ୍ତି ପ୍ରକୃତ ହିତାଧିକାରୀ । ଯାହାର ଅଧା ଘର ଭାଙ୍ଗିଛି ତାହାକୁ 95 ହଜାର ଟଙ୍କା ମିଳିଥିବା ବେଳେ ଶ୍ରୀହିନ ହୋଇ ପଡିଥିବା ଲୋକଙ୍କୁ ମିଳିଛି ମାତ୍ର ତିନି ହଜାର ଟଙ୍କା । ରାଜନୈତିକ ଆକ୍ରୋଶ ରଖି ଘର ଦିଆଯିବାରେ ପାତରଅନ୍ତର କରାଯାଉଥିବା ଅଭିଯୋଗ କରି ଆଜି ଲୋକାୟୁକ୍ତଙ୍କ ଦ୍ବାରସ୍ତ ହୋଇଛନ୍ତି ପୁରୀ ଜିଲ୍ଲାର 100ରୁ ଅଧିକ ପରିବାର ।
ପୁରୀର କଣାସ, ପିପିଲି, ସତ୍ୟବାଦୀ, ନିମାପଡା ଓ ପୁରୀ ସଦର ବ୍ଲକର ଶତାଧିକ ପରିବାର ଲୋକାୟୁକ୍ତଙ୍କୁ ସାକ୍ଷାତ କରିବା ସହ ପିଟିସନ ଦାଖଲ କରିଛନ୍ତି । ସେହିପରି ବାରମ୍ବାର ଘର ଘର ବୁଲି ସର୍ଭେ କରାଯାଇଥିଲେ ମଧ୍ୟ ତାଲିକାରେ ନା ନଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି ସ୍ଥାନୀୟ ବାସିନ୍ଦା । ସେପଟେ ମାନବାଧିକାର କର୍ମୀଙ୍କ କହିବାର କଥା ଏଭଳି ଘୋଟାଲା ପଛରେ ସରକାରୀ ବାବୁଙ୍କ ହାତ ରହିଥିବା ବେଳେ କେବଳ ପ୍ରଚାରରେ ବ୍ୟସ୍ତ ରହୁଛନ୍ତି ରାଜ୍ୟ ସରକାର ।
ଅନ୍ୟପଟେ ଫୋନି କ୍ଷତିଗ୍ରସ୍ତଙ୍କୁ ଘରଭଙ୍ଗା ସହାୟତାରେ ପାତର ଅନ୍ତରନେଇ ସରକାଙ୍କୁ ଘେରିଛନ୍ତି ବିରୋଧି । ଏନେଇ ଆଜି ବିଜେପିର ଏକ ପ୍ରତିନିଧୀ ଦଳ ପୁରୀ ଜିଲ୍ଲାପାଳଙ୍କୁ ସାକ୍ଷାତ କରିଛି । ଦଳୀୟ ଭିତିରେ ଘରଭଙ୍ଗା ସହାୟତା ଦିଆଯାଇଥିବା ଅଭିଯୋଗ କରିବା ସହ ବାଦ୍ ପଡିଥିବା ଯୋଗ୍ୟ ଓ ଗରିବ ହିତାଧିକାରୀଙ୍କୁ ଚିହ୍ନଟ ଓ ସହାୟତା ପ୍ରଦାନ, ଅଯୋଗ୍ୟ ହିତାଧିକାରୀଙ୍କ ଠାରୁ ଟଙ୍କା ଫେରସ୍ତ କରିବାକୁ ଦାବି କରିଛି ବିଜେପି। ସେହିପରି ବିଧାନସଭାରେ ସରକାରଙ୍କୁ ଜବାବ ମଗାଯିବ ବୋଲି କଂଗ୍ରେସ ଚେତାବନୀ ଦେଇଥିବା ବେଳେ ରାଜସ୍ୱ ମନ୍ତ୍ରୀ କହିଛନ୍ତି ରିପୋର୍ଟ ଆସିଲେ ଅନୁଧ୍ୟାନ କରାଯିବ ।
ଫୋନି କ୍ଷତିଗ୍ରସ୍ତଙ୍କ ପାଇଁ ପ୍ରଧାନମନ୍ତ୍ରୀ ଆବାସ ଯୋଜନାରେ ପ୍ରଥମେ 3 ଲକ୍ଷ 89 ହଜାର ଘର ଯୋଗାଇବାକୁ ଦାବି କରିଥିଲେ ରାଜ୍ୟ ସରକାର । ମାତ୍ର ତିନି ମାସ ପରେ ଏହା ତିନି ଗୁଣାବଢ଼ି 12 ଲକ୍ଷ ଛୁଇଁଥିଲା । ତେବେ ଶହ ଶହ ପ୍ରକୃତ ହିତାଧିକାରୀ ଘର ପାଇ ନଥିବା ବେଳେ ଜିଓ ଟ୍ୟାଙ୍ଗି ହୋଇଥିବା 12 ଲକ୍ଷ ଲୋକ କେଉଁଠୁ ଆସିଲେ ତାହାକୁ ନେଇ ସୃଷ୍ଟି ହୋଇଛି ବଡ ପ୍ରଶ୍ନ ।
ନୂଆଦିଲ୍ଲୀ: ଅଞ୍ଜଳୀଙ୍କ ହାତରେ ବିକ୍ରମଙ୍କ ନାମର ମେହେନ୍ଦୀ ଥିଲା। ଉଭୟଙ୍କ ବିବାହକୁ ମାତ୍ର ୧୭ ଦିନ ହେଇଥିଲା । ପରିବାରରେ ହର୍ଷଉଲ୍ଲାସର ମାହୋଲ ଥିଲା। ଠିକ୍ ଏହି ସମୟରେ ଅଞ୍ଜଳୀ ଏବଂ ବିକ୍ରମଙ୍କ ରୁମ୍ରୁ ଶୁଭିଲା ଚିତ୍କାର। ଏ ଭୟଙ୍କର ରଡି ଥିଲା ଅଞ୍ଜଳିଙ୍କର । ଚତ୍କାର ଶୁଣି ପରିବାର ଲୋକେ ଦୌଡିଲେ ନୂଆ ବିବାହିତ ଦମ୍ପତ୍ତିଙ୍କ ରୁମ୍ ଆଡେ। ସେଠି ପହଞ୍ଚି ପରବାର ଯାହା ଦେଖିଲେ ତାହା ଥିଲା ଏକ ଅସମ୍ଭବ ଘଟଣା। ବିକ୍ରମଙ୍କ ହାତ ରକ୍ତ ଯୁଡ଼ୁବୁଡୁ , ତଳେ ପଡିଛନ୍ତି ସ୍ତ୍ରୀ ଅଞ୍ଜଳି। ଯାହାଙ୍କ ନାମର ମେହେନ୍ଦୀ ଲାଗିଥିଲା ଅଞ୍ଜଳୀଙ୍କ ହାତରେ, ସେଇ ହାତ ଅଞ୍ଜଳୀଙ୍କ ହତ୍ୟାକାରୀ ସାଜିଛି।
ଏମିତି କଣ ହେଲା କେଜାଣି ଅମାନୁଶିକ ଭାବେ ୧୦ ଥର ଛୁରିରେ ଭୁଷି ହତ୍ୟାକଲା ସ୍ତ୍ରୀକୁ। ବିବାହର ମାତ୍ର ୧୭ ଦିନ ଆଉ ସ୍ୱାମୀର ଛୁରୀ ଚୋଟ ଥିଲା ୧୦ । ଏପରି ଛାତି ଥରା ଘଟଣା ଘଟିଛି ମଧ୍ୟପ୍ରଦେଶର ଇନ୍ଦୋର ଜିଲ୍ଲାରେ। ୨୧ ମେ ୨୦୨୩ରେ ଅଞ୍ଜଳୀଙ୍କ ହାତ ଧରିଥିଲେ ବିକ୍ରମ। ସାତ ଜନ୍ମ ପାଇଁ ସାଥି ହୋଇ ବାଟ ଚାଲିବାକୁ ଶପଥ କରିଥିଲା ବିକ୍ରମ। କିନ୍ତୁ ୧୭ ଟା ଦିନ ନ ହେଉଣୁ ସ୍ତ୍ରୀକୁ ହତ୍ୟା କରି ସଇତାନ ସାଜିଲା ବିକ୍ରମ। ସୁରକ୍ଷା କବଚ ହୋଇଥିଲା ସ୍ୱାମୀ। କିନ୍ତୁ ସାଜିଲା ପିସାଚ। ଅଞ୍ଜଳୀ ଏବେ ଆରପାରିରେ, ହତ୍ୟାକାରୀ ସ୍ୱାମୀ ଏକ ଘରୋଇ ହସ୍ପିଟାଲରେ ଚିକିତ୍ସିତ ଅବସ୍ଥାରେ ।
ଅଧିକ ପଢନ୍ତୁ ଭାରତ ଖବର
ଭୁବନେଶ୍ୱର: ହାଇ ସିକ୍ୟୁରିଟି ନମ୍ବର ପ୍ଲେଟ ନଲଗାଇଥିବା ଚାଳକଙ୍କୁ ଚେତାବନୀ। ଗାଡ଼ିରେ ହାଇସିକ୍ୟୁରିଟି ନମ୍ବର ପ୍ଲେଟ ଲାଗିନଥିଲେ ଗଣିବେ ତଣ୍ଡ। ଜୁନ୍ ୨୩ ତାରିଖରୁ ଏନେଇ ସ୍ପେଶାଲ ଡ୍ରାଇଭ୍ ଆରମ୍ଭ ହେବ। ନମ୍ବର ପ୍ଲେଟ ଲାଗିନଥିବା ଗାଡ଼ି ଗୁଡ଼ିକଠାରୁ ଜରିମାନା ଆଦାୟ ହେବ ।
ଇ-ଚାଲାଣ କଟାଯାଇ ୫ ହଜାର କିମ୍ବା ୧୦ ହଜାର ଜରିମାନା ହେବ । ଛକ ମାନଙ୍କରେ ଚେକିଂ ବ୍ୟତିତ ଇ-ଚାଲାଣ କଟାଯାଇ ୫ ହଜାର କିମ୍ବା ୧୦ ହଜାର ଜରିମାନା କରାଯିବ ।
ଅଧିକ ପଢନ୍ତୁ ଓଡ଼ିଶା ଖବର
