ଶେଷରେ ପ୍ରମିଳାଙ୍କୁ ମିଳିଲା ନ୍ୟାୟ, ପିସି ନଦେଇ ହଷ୍ଟେଲରେ ରହି ପଢ଼ି ପାରିବେ

ଶେଷରେ ପ୍ରମିଳାଙ୍କୁ ମିଳିଲା ନ୍ୟାୟ, ପିସି ନଦେଇ ହଷ୍ଟେଲରେ ରହି ପଢ଼ି ପାରିବେ

by Aryan Cross

ରାୟଗଡ଼ା: ଶେଷରେ ପ୍ରମିଳାଙ୍କୁ ମିଳିଲା ନ୍ୟାୟ । ପିସି ନଦେଇ ହଷ୍ଟେଲରେ ରହି ପାଠ ପଢ଼ିପାରିବେ ପ୍ରମିଳା । ଗୋଟିଏ ବର୍ଷ ହଷ୍ଟେଲରେ ରହି ପାଠ ପଢ଼ିସାରିଥିବା ବେଳେ ଏହା ପର ବର୍ଷ ପ୍ରମିଳାଙ୍କୁ ହଷ୍ଟେଲରେ ସ୍ଥାନ ମିଳିନଥିଲା । ଆଉ ହଷ୍ଟେଲରେ ସ୍ଥାନ ପାଇଁ ସ୍କୁଲ କର୍ତ୍ତୃପକ୍ଷ ତଥା ପ୍ରଧାନଶିକ୍ଷକ ମାଗିଥିଲେ ମାସକୁ 800 ଟଙ୍କା । ତେବେ ଏହି ଖବର ଅର୍ଗସରେ ପ୍ରକାଶ ପାଇବା ପରେ ସ୍ଥାନୀୟ ପ୍ରଶାସନ ଏନେଇ ଅବଗତ ହୋଇଥିଲା । ପରେ ଏହି ଘଟଣାର ତଦନ୍ତ ପାଇଁ ଜିଲ୍ଲାପାଳ ଦୁଇ ଜଣିଆ ଟିମ୍‌ ପଠାଇଥିଲେ । ଏହି ଟିମ୍‌ ଉକ୍ତ ଛାତ୍ରୀ ଓ ସ୍କୁଲ୍‌ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ । ଏବଂ ଏନେଇ ଜିଲ୍ଲାପାଳଙ୍କୁ ରିପୋର୍ଟ ପ୍ରଦାନ କରିଥିଲେ । ଜିଲ୍ଲାପାଳ ରିପୋର୍ଟ ଦେଖିବା ପରେ ଛାତ୍ରୀ ଜଣଙ୍କ ହଷ୍ଟେଲରେ ରହି, ପାଠ ପଢି ପାରିବେ ବୋଲି ନିର୍ଦ୍ଦେଶ ଦେଇଥିଲେ ।

ସୂଚନା ଅନୁଯାୟୀ, ହାଟମୁନିଗୁଡା ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଦେବେନ୍ଦ୍ର ପଣ୍ଡା, ପ୍ରମିଳା ହୁଇକା ନାମକ ଛାତ୍ରୀଙ୍କୁ ହଷ୍ଟେଲରେ ରହିବା ପାଇଁ ୮ ଶହ ଟଙ୍କା ମାଗିଥିଲେ । ତେବେ ଏହି ଖବର ପ୍ରଚାରିତ ହେବା ପରେ ଜାତି ଓ ଜନଜାତି ବିଭାଗର ୨ ଜଣିଆ ଟିମ୍, ଜିଲ୍ଲା ମଙ୍ଗଳ ଅଧିକାରୀ ନନ୍ଦଲାଲ୍ ବିଶ୍ବାଳ ଓ ଉପଖଣ୍ଡ ପ୍ରକଳ୍ପ ଅଧିକାରୀ ଗୋରାଚାନ୍ଦ ଗମାଙ୍ଗ ତଦନ୍ତ ଆରମ୍ଭ କରିଥିଲେ ।

ସ୍କୁଲ ପ୍ରଧାନ ଶିକ୍ଷକଙ୍କ ସହ ଆଲୋଚନା କରୁଛନ୍ତି ଜିଲ୍ଲାପାଳଙ୍କ ଟିମ୍‌ ।

ପ୍ରଥମେ ପ୍ରଧାନଶିକ୍ଷକଙ୍କ ନାମରେ ଅଭିଯୋଗ କରିଥିବା ପ୍ରମିଳା ହୁଇକା ନାମକ ଛାତ୍ରୀଙ୍କୁ ଭେଟି ଘଟଣାର ସତ୍ୟାସତ୍ୟ ବିଷୟରେ ଆଲଚନା କରିଥିଲା ଟିମ୍‌ । ଛାତ୍ରୀଙ୍କ ଠାରୁ ସବୁକିଛି ତଥ୍ୟ ଜାଣିବାପରେ ଟିମ୍ ପ୍ରଧାନଶିକ୍ଷକଙ୍କ ସହ ଆଲୋଚନା କରିଥିଲା । ପରେ ପ୍ରଧାନଶିକ୍ଷକଙ୍କ ଏଭଳି କାର୍ଯ୍ୟକୁ ନେଇ ତାଙ୍କ ଉପରେ ବର୍ଷିଥିଲେ ଜିଲ୍ଲା ମଙ୍ଗଳ ଅଧିକାରୀ ।

ମାନବିକତା ଦୃଷ୍ଟିକୋଣରୁ ଜଣେ ବାପ ଛେଉଣ୍ଡ ଆଦିବାସୀ ଛାତ୍ରୀଙ୍କୁ ହଷ୍ଟେଲରେ ରଖିବା ବଦଳରେ ପ୍ରଧାନଶିକ୍ଷକ ତାଙ୍କୁ ଏଭଳି ହଇରାଣ କରିବା କେତେ ଯୁକ୍ତି ଯୁକ୍ତ ବୋଲି ପ୍ରଶ୍ନ କରି କ୍ଷୋଭ ପ୍ରକାଶ କରିଥିଲେ ଅଧିକାରୀ । ରାଜ୍ୟ ସରକାର ଜାତି ଓ ଜନଜାତି ଛାତ୍ରଛାତ୍ରୀଙ୍କ ଶିକ୍ଷାର ବିକାଶ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ହେଲେ ତଳସ୍ତରରେ ଛାତ୍ରଛାତ୍ରୀ ଏହାର ଫାଇଦା ପାଇପାରୁ ନାହାନ୍ତି ବୋଲି କହିଛନ୍ତି ଅଧିକାରୀ ।

ତେବେ ଦେଖନ୍ତୁ ପୂର୍ବରୁ ଛାତ୍ରୀ ପ୍ରମିଳା ହୁଇକା କି ଅଭିଯୋଗ ଆଣିଥିଲେ..

କାଜୁ ଜଙ୍ଗଲରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସର ଚଢଉ

by Jitendra Dash

ଅର୍ଗସ ବ୍ୟୁରୋ : ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧୀନସ୍ଥ ଓସ୍ତପଡା ଗ୍ରାମ କାଜୁ ଜଙ୍ଗଲରେ ଚାଲିଥିଲା ଜୁଆ ଆଡ୍ଡା । ବିଶେଷ ସୂତ୍ରରୁ ଖବର ପାଇ ଚାନ୍ଦପୁର ପୋଲିସ ଚଢ଼ାଉ କରି ୩ ଜଣ ଜୁଆଡିଙ୍କୁ ଗିରଫ କରିବା ସହିତ ଜୁଆ ଖେଳରେ ବ୍ୟବହୃତ ସାମଗ୍ରୀ ଜବତ କରିଛି । ଘୁଡୁଘୁଡ଼ିଆ ପାଲି- ଗୋଟି, ୬ ଟି ମୋଟର ସାଇକେଲ, ୩ ଟି ମୋବାଇଲ ଏବଂ ନଗଦ ୩୫ ହଜାର ୬୭୦ ଟଙ୍କା ଜବତ କରିଛି ଚାନ୍ଦପୁର ପୋଲିସ ।

ଅଧିକ ପଢନ୍ତୁ ଓଡ଼ିଶା ଖବର

ଗିରଫ ଅଭିଯୁକ୍ତ ମାନେ ହେଲେ ଖୋର୍ଦ୍ଧା ଅଞ୍ଚଳର ପଲାହାଟ ଗ୍ରାମର ଉଚ୍ଚବ ପ୍ରଧାନ, ଭୁଷଣ୍ଡପୁର ଗ୍ରାମ ଉରୁମୁଖି ସାହିର ବ୍ରଜ ବେହେରା ଓ ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧିନସ୍ଥ କନ୍ଧନୟାଗଡ଼ ଗ୍ରାମର ଗଣେଶ ବେହେରା । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଚାନ୍ଦପୁର ଥାନା ଅଧିକାରୀ ଜଗଦୀଶ କର ସୂଚନା ଦେଇଛନ୍ତି

କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଲେ ବିଜେଡିର ପାୱାରଫୁଲ ବିଧାୟକ

by Jitendra Dash

ଅର୍ଗସ ବ୍ୟୁରୋ : ମାହାଙ୍ଗା ଡବଲ ମର୍ଡର ମାମଲାରେ କୋର୍ଟଙ୍କ ନିର୍ଦେଶରେ ଦଫା ୩୦୨ ଲାଗିବା ପରେ ହତାସ ହୋଇପଡ଼ିଛନ୍ତି ପ୍ରତାପ ଜେନା । କୋର୍ଟଙ୍କ ନିର୍ଦ୍ଦେଶ ପଛରେ ରାଜନୈତିକ ଚକ୍ରାନ୍ତ ଥିବା କହିଛନ୍ତି ବିଜେଡିର ପାୱାରଫୁଲ ପ୍ରତାପ । ସେ ନିର୍ଦ୍ଦୋଶ ତାଙ୍କୁ ଚକ୍ରାନ୍ତ କରି ଫସାଯାଇଥିବା ସଫେଇ ଦେଇଛନ୍ତି ପ୍ରତାପ ଜେନା ।

ଅଧିକ ପଢନ୍ତୁ : ବିଜେଡି ବିଧାୟକ ପ୍ରତାପ ଜେନାଙ୍କ ବିରୋଧରେ ବଡ଼ ପ୍ରମାଣ

ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ନାଁରେ ଲାଗିଛି 302, 120 ବି ଓ 506 । ଦଫା ୩୦୨ ଲାଗିବା ପରେ ଗିରଫ ନେଇ ପ୍ରତାପଙ୍କ ମନରେ ପଶିଛି କି ଛନକା ? ସେଥିପାଇଁ ହତାସ ହୋଇ ଦେଇଛନ୍ତି କି ଏପରି ବୟାନ ?

ଗାଁ ମଝିରେ ଠେଙ୍ଗା ଓ ମାରଣାସ୍ତ୍ର ଧରି ଖେଳାଇଲେ ଆତଙ୍କରାଜ

by Jitendra Dash

ଅର୍ଗସ ବ୍ୟୁରୋ : ହାତରେ ଠେଙ୍ଗା, ମୁହଁରୁ ବାହାରୁଛି ଅଶ୍ରାବ୍ୟ ଭାଷାର ଗାଳି । ସମସ୍ତଙ୍କର ବୟସ ପ୍ରାୟ ୧୮ ରୁ ୨୫ ଭିତରେ ହେବ । ଏ ଭଳିଆ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ବାଙ୍କୀ ଡମପଡା ଗାଁରେ । ଠେଙ୍ଗା ମାରଣାସ୍ତ୍ର ଧରିଥିବା ଯୁବକ ମାନେ ହେଲେ ବିଜୁ ଯୁବ ବାହିନୀର ଜଣେ ଜଣେ ସକ୍ରିୟ ସଦସ୍ୟ ।

ଡମପଡା ପଞ୍ଚାୟତରେ ହୋଇଥିବା ଉପ ନିର୍ବାଚନରେ ହାରି ଯାଇଥିବା କାରଣରୁ, ଗଣେଶ ମୂର୍ତ୍ତି ଭସାଣି ସମୟରେ ଡମପଡା ବ୍ଲକ ବିଜୁ ଛାତ୍ର ଜନତା ଦଳର ସଭାପତି ଗୌରବ ବଳିୟାରସିଂ ଓ ତାଙ୍କର କିଛି ସମର୍ଥକ ମିଶି ସାହିରେ ଥିବା ଗୋପୀନାଥ କ୍ଳବର ସଦସ୍ୟ ମାନଙ୍କୁ କରୁଛନ୍ତି ଗାଳି ଗୁଲଜ । ପୂର୍ବ ରାଜନୈତିକ ଆକ୍ରୋଶ ରଖି ଗଣେଶ ପୂଜାରେ ଡିଜେ ସାଉଣ୍ଡକୁ କେନ୍ଦ୍ରକରି ଏଭଳି ଘଟଣା ଘଟିଥିବା ଶୁଣିବାକୁ ମିଳୁଛି ।

ସେପଟେ ବାଙ୍କୀ ବିଜେପି ନେତା ଶୁଭ୍ରାଂଶୁ ମୋହନ ପାଢ଼ୀ ଏହି ଘଟଣାକୁ ନିନ୍ଦା କରିଥିବା ବେଳେ ବାଙ୍କୀରେ ବିଜେଡି ଗୁଣ୍ଡା ବାହିନୀ ଦ୍ୱାରା ଏକ ପ୍ରକାର ଆତଙ୍କରାଜ ଚାଲିଥିବା କହିଛନ୍ତି । ବିଗତ ଦିନରେ ମଧ୍ୟ ଏହିପରି ରାଜନୈତିକ ଶତ୍ରୁତା କାରଣରୁ ବାଙ୍କୀରେ ଡବଲ ମର୍ଡର ଭଳି ଘଟଣା ଘଟିଯାଇଛି । ତେଣୁ ଏ କ୍ଷେତ୍ରରେ ବିଜେଡିକୁ ସମାଲୋଚନା କରିବା ସହିତ ବାଙ୍କୀ ପୋଲିସର କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନ ଉଠାଇଛନ୍ତି । ଆଗକୁ ସାଧାରଣ ନିର୍ବାଚନ ଆସୁଥିବା ବେଳେ ବିଜେଡିର ଏହି ଆକ୍ରମାଣତ୍ମକ କାର୍ଯ୍ୟକଳାପକୁ ଦେଖି ବାଙ୍କୀ ଅଞ୍ଚଳ ବାସୀ ଆତଙ୍କିତ ହୋଇ ପଡିଛନ୍ତି ।