କଲ୍ୟାଣୀଙ୍କ କହିବା ଅନୁସାରେ, ଜଣେ ସ୍ୱିମର୍ଙ୍କୁ ସୁଧାର ଜାରି ରଖିବା ପାଇଁ ଦୈନିକ ପୁଲ୍ ଟାଇମ୍ର ଆବଶ୍ୟକତା ରହିଛି । ପ୍ରତିଯୋଗିତାର ମାନ ମଧ୍ୟ ଏକ ବE ପରିବର୍ତନ ଆଣିଥାଏ । ଏଠାରେ ଭୁବନେଶ୍ୱରରେ ତାଙ୍କ ଇଭେଂଟରେ ପ୍ରତିଯୋଗିତାର ମାନ ଖୁବ୍ ଉଚ୍ଚ ଥିଲା, ତେଣୁ ତାଙ୍କ ଟାଇମିଙ୍ଗ୍ରେ ସୁଧାର ଆସିଥିଲା । ଏଠାରେ କଲ୍ୟାଣିଙ୍କଠାରୁ ବୟସରେ ବଡ଼ ତଥା ଅଧିକ ଅଭିଜ୍ଞତା ଥିବା ସ୍ୱିମର୍ମାନଙ୍କ ସହ ପ୍ରତିଯୋଗିତା କରିବା ତାଙ୍କ ପାଇଁ ଲାଭଦାୟକ ଥିଲା । ଏଠାରେ ସେ କିଛି ଇଭେଂଟରେ ଛୋଟ ଛୋଟ ଭୁଲ କରିଛନ୍ତି, ଯାହାକୁ ସୁଧାରିବାର ଆବଶ୍ୟକତା ରହିଛି ବୋଲି କହିଛନ୍ତି କଲ୍ୟାଣୀ ।
ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡା ପରେ କଲ୍ୟାଣୀ କିଛି ମାସ ପାଇଁ ପ୍ରତିଯୋଗିତାରୁ ଦୂରେଇ ରହି ନିଜ ପ୍ରଶିକ୍ଷଣ ଉପରେ ଅଧିକ ଧ୍ୟାନ ଦେବେ ବୋଲି କହିଛନ୍ତି । ସେ ଜାତୀୟ ସ୍ତରରେ ନିଜର ୫୦ତମ ସ୍ୱର୍ଣ୍ଣ ପଦକ ଜିତିଥିବାରୁ ଖୁସି ବ୍ୟକ୍ତ କରିଛନ୍ତି । ସେହିପରି କଲ୍ୟାଣୀଙ୍କ ପିତା ତଥା କୋଚ୍ ଅଜୟ ସକ୍ସେନା କହିଛନ୍ତି ଯେ, ‘ମୁଁ ଗତ କିଛି ସପ୍ତାହ ହେବ ତାଙ୍କ ଉପରେ କାମ କରି ଆସୁଛି ଓ ତାଙ୍କର ଦୁର୍ବଳ ଷ୍ଟ୍ରୋକ୍ଗୁଡିକୁ ମଜଭୁତ୍ କରିବାକୁ ଚେଷ୍ଟା କରୁଛି । କଲ୍ୟାଣୀଙ୍କର ସବୁଠାରୁ ମଜଭୁତ ଷ୍ଟ୍ରୋକ୍ ହେଉଛି ବଟର୍ଫ୍ଲାଏ, ତେଣୁ ସେ ୨୦୦ ମିଟରରେ ସ୍ୱର୍ଣ୍ଣ ପଦକ ଜିତିପାରିଛନ୍ତି । ତାଙ୍କର ମୁଖ୍ୟ ଧ୍ୟାନ ପ୍ରଶିକ୍ଷଣ ଓ ଫ୍ରିଷ୍ଟାଇଲ ଉପରେ ରହିଛି ।’
