Padampur election update 29.73 percentage voting till 11 am

ଅଧିକରୁ ଅଧିକ ମତଦାନ ପାଇଁ ଅପିଲ କଲେ ମୁଖ୍ୟ ନିର୍ବାଚନ ଅଧିକାରୀ

by Smruti Parija

Padampur election update 29.73 percentage voting till 11 am

ଅର୍ଗସ ବ୍ୟୁରୋ: ଚାଲିଛି ପଦମପୁର ଉପନିର୍ବାଚନ ପାଇଁ ଭୋଟିଂ । ମକ୍‌ ପୋଲ୍‌ ପରେ ମତଦାନ ଆରମ୍ଭ ହୋଇଛି । ଦିନ 11ଟା ସୁଦ୍ଧା 29.73% ମତଦାନ ହୋଇଛି । ଅପରାହ୍ନ ୪ ଟା ପର୍ଯ୍ୟନ୍ତ ଚାଲିବ ଭୋଟ । ଅଧିକରୁ ଅଧିକ ଭୋଟର ମତଦାନ ପାଇଁ ପ୍ରେସମିଟ କରି ଅପିଲ କଲେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ । ରାଜ୍ୟ ପୋଲିସ ବ୍ୟତୀତ ୯ କମ୍ପାନୀ ପାରା ମିଲିଟାରୀ ଫୋର୍ସ ମୁତୟନ ହୋଇଛନ୍ତି । ଭୋଟ ସରିବା କ୍ଷଣି ପୋଲିଂ ପାର୍ଟିଙ୍କୁ ସ୍ଥାନାନ୍ତର ପାଇଁ ବ୍ୟବସ୍ଥା ହୋଇଛି । ମାଓପ୍ରବଣ ଅଞ୍ଚଳ ସହ ମୋଟ ୭୭ଟି ସମ୍ବେଦନଶୀଳ ବୁଥ୍‌ ପାଇଁ ଆଜି ସକାଳୁ ପୋଲିଂ ବୁଥ୍‌କୁ ଯାଇଛନ୍ତି ପୋଲିଂ କର୍ମଚାରୀ ।

୯ଟା ସୁଦ୍ଧା ୮.୫୦ ପ୍ରତିଶତ ମତଦାନ ହୋଇଥିଲା । ସବୁଠି ଶାନ୍ତି ଶୃଙ୍ଖଳାର ସହ ଚାଲିଛି ଭୋଟିଂ । କୌଣସି ସ୍ଥାନରେ ଆଇନ ଶୃଙ୍ଖଳା ସ୍ଥିତି ଆସି ନାହିଁ । ଭୋଟର ମାନଙ୍କୁ ସବୁ ପ୍ରକାର ସହଯୋଗ କରାଯାଉଛି । ୧୨ ଜଣ ଯୋନାଲ ମାଜିଷ୍ଟ୍ରେଟ, ୩୬ ସେକ୍ଟର ଅଫିସର, ୪୫ ମୋବାଇଲ ପୋଲିସ ପାର୍ଟି ତନଖି କରୁଛନ୍ତି । ମକ୍‌ ପୋଲ୍‌ ସମୟର ୪ଟି ବୁଥ୍‌, ମତଦାନ ସମୟରେ ୪ଟା ବୁଥ୍‌ରେ ଇଭିଏମ ତ୍ରୁଟି ହୋଇଥିଲା । ବର୍ତ୍ତମାନ୍ ସୁଦ୍ଧା ୪ଟା ବ୍ୟାଲଟ ୟୁନିଟ, ୩ଟା କଣ୍ଟ୍ରୋଲ ୟୁନିଟ, ୮ ଟା ଭିଭିପାଟ ରିପ୍ଲେସ କରାଯାଇଛି । ଅପରାହ୍ନ ୪ ଟା ପର୍ଯ୍ୟନ୍ତ ଚାଲିବ ଭୋଟ।

ରାଜନୀତି ଖବର ଆହୁରି ପଢନ୍ତୁ ।