ଅର୍ଗସ ବ୍ୟୁରୋ: ସସପେନ୍ସରେ ଡିଜେ ଆଜେକ୍ସଙ୍କ ମୃତ୍ୟୁ। ଗତକାଲି ସନ୍ଧ୍ୟାରେ ଆଜେକ୍ସ ନିଜ ଘରେ ବେକରେ ବେଡସିଟ ବାନ୍ଧି ଆତ୍ମହତ୍ୟା କରିଛନ୍ତି। ହେଲେ ଡିଜେ ଆଜେକ୍ସଙ୍କ ମୃତ୍ୟ ପଛରେ କିଏ । କାହିଁକି ଜୀବନ ହାରିଲେ ଡିଜେ ଆଜେକ୍ସ। ଏ ଭିତରେ ତାଙ୍କ ମୃତ୍ୟୁକୁ ନେଇ ପରିବାର ଲୋକ ଆଣିଛନ୍ତି ସାଘାଂତିକ ଅଭିଯୋଗ। ଅକ୍ଷୟ ଜଣେ ଯୁବତୀଙ୍କୁ ପ୍ରେମ କରୁଥିଲେ। ସେପଟେ ଯୁବତୀଙ୍କର ଅନ୍ୟ ଜଣେ ଯୁବକ ରଶ୍ମି ସହ ମଧ୍ୟ ସଂପର୍କ ଥିଲା। ରଶ୍ମିଙ୍କ ସହ କଥା ହେବାକୁ ମନା କରିବାରୁ ସେ ଅକ୍ଷୟଙ୍କୁ ହାଇରାଣ ଏବଂ ବ୍ଲାକମେଲିଂ ମଧ୍ୟ କରୁଥିଲେ। ଏମିତିକି କିଛି ଦିନ ତଳେ ଯୁବତୀ ଜଣଙ୍କୁ 15 ହଜାର ଟଙ୍କା ଫୋନ୍ ପେରେ ଅକ୍ଷୟ ଦେଇଥିବାର କହିଛନ୍ତି ପରିବାର ଲୋକ। ତେଣୁ ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ଅଭିଯୋଗ ଆଣିଛନ୍ତି ପରିବାର ଲୋକ।
ଅନ୍ୟପଟେ ସମ୍ପୃକ୍ତ ଯୁବତୀଙ୍କ ସହ ‘ଡିଜେ ଆଜେକ୍ସ’ ଅକ୍ଷୟ କୁମାର ଫଟୋରେ ନଜର ଆସିବା ସହ ଏକାଠି ଜନ୍ମ ଦିନ ପାଳନ କରାଯାଉଥିବା ଫଟୋରେ ଦେଖିବାକୁ ମିଳିଛି। ସେହିପରି ମୋବାଇଲରେ ଯୁବତୀଙ୍କ ସହ ଚାଟ ମଧ୍ୟ ସାମ୍ନାକୁ ଆସିଛି। ଖାଲି ସେତିକି ନୁହେଁ ପ୍ରେମ ବ୍ୟାପାର ଜନିତ ଘଟଣାକୁ ନେଇ ଗତ ବର୍ଷ ଭୁବନେଶ୍ବରରେ ଆଜେକ୍ସଙ୍କୁ ଆକ୍ରମଣ ମଧ୍ୟ ହୋଇଥିଲା। ତେବେ ପ୍ରାଥମିକ ତଦନ୍ତରୁ ମାନସିକ ଚାପ ପାଇଁ ସେ ଆତ୍ମହତ୍ୟା କରିଥିବା ଜଣା ପଡିଥିବା ବେଳେ ଶବ ବ୍ୟବଚ୍ଛେଦ ଚାଲିଛି। ରିପୋର୍ଟ ଆସିବା ପରେ ରିପୋର୍ଟ ଏବଂ ଡିଜିଟାଲ ପ୍ରମାଣକୁ ଭିତ୍ତିକରି ତଦନ୍ତ କରାଯିବ ବୋଲି ପୋଲିସ କହିଛି।
ଅଧିକ ଓଡ଼ିଶା ଖବର ପଢ଼ନ୍ତୁ
