Primary school teachers across the state are on collective leave and are on strike to meet their three-phase demand.

ସେପଟେ କରଞ୍ଜିଆକୁ ଜିଲ୍ଲା ମାନ୍ୟତା ଦାବି କରିବା ବିଜେଡି ନେତା ଦିଲୀପ ସାହୁଙ୍କୁ ମହଙ୍ଗା ପଡ଼ିଛି । ବିଜେଡି ସୁପ୍ରିମୋଙ୍କ ଆକ୍ରୋଶର ଶିକାର ହୋଇ ଦଳରୁ ବହିଷ୍କୃତ ହୋଇଛନ୍ତି ଦିଲୀପ । ଗତ 3 ତାରିଖରେ କରଞ୍ଜିଆ ଉଚ୍ଚ ବିଦ୍ୟାଳୟର ହୀରକ ଜୟନ୍ତୀରେ  ଯୋଗଦେଇ ଗଣଶିକ୍ଷା ମନ୍ତ୍ରୀ ସୁଦାମ ମାରାଣ୍ଡି ଯିବାର ମାତ୍ର 10 ମନିଟ ପରେ ମଞ୍ଚରୁ ମୟୂରଭଞ୍ଜ ଜିଲ୍ଲାକୁ ବିଭାଜନ କରାଯାଉଥିବା ଅଭିଯୋଗ କରିଥିଲେ ବିଜେଡି ବରିଷ୍ଠ ନେତା ଦିଲୀପ ସାହୁ । ଯଦି ରାଇରଙ୍ଗପୁରକୁ ଜିଲ୍ଲା କରାଯାଉଛି ତେବେ କରଞ୍ଜିଆକୁ ମଧ୍ୟ ଜିଲ୍ଲା ମାନ୍ୟତା ଦେବାକୁ ସେ ଦାବି କରିଥିଲେ । ଏହାସହ କରଞ୍ଜିଆକୁ ଜିଲ୍ଲା ମାନ୍ୟତା ନ ମିଳିଲେ ଭୋଟ୍ ବର୍ଜନ କରିବାକୁ ଚେତାବନୀ ଶୁଣାଇଥିଲେ । ଏହାପରେ ତାଙ୍କ ବିରୋଧରେ ଦଳ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ।

1992 ମସିହାରେ ତତ୍କାଳୀନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ,  ଓଡ଼ିଶାରେ 13ରୁ 30 ଜିଲ୍ଲା ଘୋଷଣା କରିଥିଲେ । ତାଲିକାରୁ ବାଦ ପଡ଼ିଥିଲା ଆଠଗଡ଼ ଓ ଟିଟିଲାଗଡ଼ । ଦୀର୍ଘ 31 ବର୍ଷ ଜିଲ୍ଲା ମାନ୍ୟତା ଦାବିରେ ଆନ୍ଦୋଳନ କରିଆସୁଛି  ଜିଲ୍ଲା କ୍ରିୟାନୁଷ୍ଠାନ କମିଟି । ଟିଟିଲାଗଡ଼କୁ 31ତମ ଜିଲ୍ଲା ଭାବେ ମାନ୍ୟତା ଦେବାକୁ ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିଶ୍ରୁତି ଦେଇଥିଲେ। ତେବେ ତା ପୂର୍ବରୁ ପଦମପୁରକୁ 31 ନମ୍ବର ଜିଲ୍ଲା ମାନ୍ୟତା ମିଳିବାକୁ ଯାଉଛି। ଉପ ନିର୍ବାଚନ ଭୋଟ୍ ଜିତିବାକୁ ପଦମପୁରକୁ ଜିଲ୍ଲା ଘୋଷଣାର ପ୍ରତିଶ୍ରୁତି ଦେଇ ବିରୁଡ଼ି ବସାରେ ହାତ ମାରିଛନ୍ତି ବିଜେଡି ସରକାର। ଏବେ ଚାରିଆଡୁ ଉଠୁଥିବା ଦାବିକୁ କେମିତି କରିବେ ମ୍ୟାନେଜ୍। କାହା ଦାବିକୁ କରିବେ ସ୍ବୀକାର ଆଉ କାହା ଦାବିକୁ ପ୍ରତ୍ୟାଖ୍ୟାନ।  
 

ବାତ୍ୟାରେ ବ୍ୟାପକ ଫସଲ ନଷ୍ଟ ପରେ ଏବେ ଗୁରୁତ୍ବପୂର୍ଣ୍ଣ ଦିଗଟି ହେଲା କ୍ଷୟକ୍ଷତିର ଆକଳନ, ଫସଲବୀମା ଓ କ୍ଷତିପୂରଣ । ବାତ୍ୟାଜନିତ ବର୍ଷା ପ୍ରଭାବରେ ହୋଇଥିବା କ୍ଷୟକ୍ଷତିକୁ ଉଭୟ କୃଷି ଅଧିକାରୀ ଏବଂ ରାଜସ୍ବ ଅଧିକାରୀ ମିଳିତ ଭାବେ ପ୍ଲଟ ୱାରୀ ତଦନ୍ତ କରି 12 ତାରିଖରେ ସୁଦ୍ଧା ରିପୋର୍ଟ  ଦେବାକୁ ନିର୍ଦେଶ। ମାତ୍ର ଓଡ଼ିଶାରେ ଫସଲ ବୀମାକୁ ନେଇ ବଡ ଘୋଟାଲା ଅଭିଯୋଗ । ବଡ ପ୍ରଶ୍ନ, କ୍ଷୟକ୍ଷତି ଆକଳନରେ ବାସ୍ତବ ଚାଷୀଙ୍କୁ ମିଳିବ ତ କ୍ଷତିପୂରଣ ?

ଅଦିନିଆ ବର୍ଷା ଯୋଗୁଁ ବଦଳିଛି ପାଗ । ଉପକୂଳଠୁ ଉପାନ୍ତ ସବୁଠି କୋହଲା । ଗତ ୨୪ ଘଣ୍ଟାରେ ରାଜ୍ୟର ଅଧିକାଂଶ ସ୍ଥାନରେ ମଧ୍ୟମ ଧରଣର ବର୍ଷା । କୋହଲା ପାଗ ପ୍ରଭାବରେ ତଳମୁହାଁ ରାଜଧାନୀ ଭୁବନେଶ୍ବରର ତାପମାତ୍ରା । ଗତ ଦୁଇ ଦିନ ତୁଳନାରେ ତାପମାତ୍ରା ୫ ଡ଼ିଗ୍ରୀ କମିଛି। ଦାରିଙ୍ଗବାଡିରେ ଗତକାଲି ଦିନର ତାପମାତ୍ରା 17 ଡିଗ୍ରୀ ରହିଥିଲା। ଆସନ୍ତା ୫ ଦିନ ଯାଏଁ ରାତିର ତାପମାତ୍ରାରେ ବିଶେଷ ପରିବର୍ତ୍ତନ ହେବ ନାହିଁ ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।ଦକ୍ଷିଣ ଓଡ଼ିଶାରେ ବାତ୍ୟା ମୋଗଜିମ୍ ଆଣିଦେଲା ଦୁଃଖ। ବର୍ଷାରେ ବୁଡିଛି ପାଚିଲା ଧାନ। ଏବେ ବିଶେଷଜ୍ଞ କହୁଛନ୍ତି ଆଗାମୀ ୫ ଦିନ ଯାଏ ପାଣିପାଗରେ କୌଣସି ପରିବର୍ତ୍ତନ ହେବନାହିଁ। ଯାହା ବି ଧାନ ବିଲରେ ଅଛି ତାକୁ କେମିତି ଅମଳ କରିବେ ଚିନ୍ତାରେ ଚାଷୀ।

ଅଧିକ ପଢ଼ନ୍ତୁ ଓଡିଶା ଖବର:

ଗାଡି ନମ୍ବର OR-U-5867 । ଏ ଗାଡି ହିଁ ବିଜୁଙ୍କର ପ୍ରିୟ ଥିଲା । ନିର୍ବାଚନ ପ୍ରଚାର ବେଳେ ଏହି ଗାଡିରେ ବସି ବୁଲିଥିଲେ ବିଜୁ ବାବୁ । ୧୯୫୮ ରହୁ ୧୯୯୦ ପର୍ଯ୍ୟନ୍ତ ଏହି ଗାଡିରେ କେତେ ସ୍ମୃତି ଭରି ହୋଇ ରହିଛି । ହେଲେ ବିଜୁ ଯିବା ପରେ କାହିଁକି ହଠାତ୍‌ କଳିଙ୍ଗ ରଥକୁ ନେଇ ଚର୍ଚ୍ଚା ବଢିଲା ? ଏତେ ଦିନ ଯାଏ ଗାଡି ଥିଲା କେଉଁଠି ? ଗାଡି ସମ୍ପର୍କରେ ନବୀନ ଅବଗତ ଥିଲେ ତ ? କିଛି ଏମିତି ପ୍ରଶ୍ନ ଏବେ ସାଧାରଣରେ ଉଙ୍କିମାରୁଛି ।

ସେପଟେ ନିର୍ବାଚନ ପାଖେଇ ଆସୁଥିବାରୁ କେମିତି ବିଜେଡିର ଭୋଟ୍‌ ବ୍ୟାଙ୍କ ବଢିବ ସେନେଇ ଚିନ୍ତାରେ ନୀବନ ଓ ପାଣ୍ଡିଆନ୍‌ । ସ୍ଵେଚ୍ଛାକୃତ ଅବସର ପରେ ବିଜେଡିରେ ସାମିଲ ହୋଇସାରିଛନ୍ତି ପାଣ୍ଡିଆନ୍‌ । ତେଣୁ ଆଗାମୀ ନିର୍ବାଚନକୁ ନିଜସ୍ଵ ଢଙ୍ଗରେ ପରିଚାଳନା କରିବେ ବୋଲି ଏବେ ସବୁଠି ଚର୍ଚ୍ଚା ଥିବା ବେଳେ ଭୋଟରଙ୍କ ଦୃଷ୍ଟି ଆକର୍ଷଣ ଲାଗି ବିଜୁଙ୍କ ଗାଡିକୁ ନବୀନଙ୍କୁ ପାଣ୍ଡିଆନ ଦେଖାଉଥିବା ସୋସିଆଲ ମିଡିଆରେ ଚର୍ଚ୍ଚା ଚାଲିଛି । ତେବେ ଏନେଇ ମୁଖ୍ୟମନ୍ତ୍ରୀ, ପାଣ୍ଡିଆନ କିମ୍ବା ବିଜେଡି ନେତାଙ୍କର କୌଣସି ପ୍ରତିକ୍ରିୟା ଆମର ହସ୍ତଗତ ହୋଇନାହିଁ ।