ପୁରୀ: ଶ୍ରୀମନ୍ଦିରରେ ବନବାସ ଓ କନ୍ଦର୍ପାଧୀବାସ ନୀତି ଅନୁଷ୍ଠିତ ହୋଇଯାଇଛି । ଏହି ଅବସରରେ ମହାପ୍ରଭୁଙ୍କ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି । ମହାପ୍ରଭୁଙ୍କ ଅଜ୍ଞାମାଳ ପାଇବା ପରେ ପ୍ରଭୁ ଶ୍ରୀରାମ ଓ ଲକ୍ଷ୍ମଣ ସୁସଜିତ ପାଲିଙ୍କିରେ ଶ୍ରୀମନ୍ଦିରରୁ ବାହାରି ଶ୍ରୀଜଗନ୍ନାଥ ବଲ୍ଳବ ମଠକୁ ବିଜେ କରି ନୀତିକାନ୍ତି ଶେଷ ହେବା ପରେ ପୁନର୍ବାର ଠାକୁର ଶ୍ରୀମନ୍ଦିରକୁ ବାହୁଡା଼ ବିଜେ କରିଥିଲେ ।
ଜଗନ୍ନାଥ ବଲ୍ଳବ ମଠରେ ବନବାସ ଓ କନ୍ଦର୍ପାଧୀବାସ ନୀତି ସମ୍ପନ୍ନ ହୋଇଥିଲା । ମାର୍କଣ୍ଡେଶ୍ୱର ସାହି ଭାଗବତକୋଟ ଆଖେଡା ପକ୍ଷରୁ ଶ୍ରୀରାମ, ଶ୍ରୀ ଲକ୍ଷ୍ମଣ, ବାଲ୍ମୀକି ଋଷି ଓ ଡଗର ବେଶଧାରୀ ମାନେ ନୀତିରେ ସାମିଲ ହୋଇଥିଲେ । ଆଜି ବିଶ୍ରାମ ଦିବସ ଥିବାବେଳେ ଆସନ୍ତାକାଲି ଚୈତ୍ର ଶୁକ୍ଳ ଚତୁର୍ଦଶୀ ତିଥି ଅବସରରେ କୁଣ୍ଢେଇବେଣ୍ଟ ସାହି ଆଖେଡା ପକ୍ଷରୁ ସୀତା ଚୋରି ନୀତି ଅନୁଷ୍ଠିତ ହେବ ।
