Rescue of the skeleton from the forest

ମିଳିଲା ନରକଙ୍କାଳ, ପୋଲିସର ତଦନ୍ତ ଜାରି

by Banajyotshna Ray

ଅର୍ଗସ ବ୍ୟୁରୋ: ବଲାଙ୍ଗିର ତୁରେକେଲା ମହନିଲହ ଗାଁ ନିକଟରେ ଥିବା ବେଳବାଞ୍ଜି ଜଙ୍ଗଲରୁ ନରକଙ୍କାଳ ଉଦ୍ଧାର ହୋଇଛି । ଘଟଣାସ୍ଥଳରେ ତୁରେକେଲା ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି। ନରକଙ୍କାଳ କାହାର ଓ କେଉଁ ପରିସ୍ଥିତିରେ ଏଠାକୁ କିଏ ଆଣିଲା ତାହା ଜଣାପଡିନାହିଁ । ସଙ୍ଗେ ସଙ୍ଗେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଖବରପାଇ ବଲାଙ୍ଗିରରୁ ସାଇଣ୍ଟିଫିକ ଟିମ ପହଞ୍ଚି ଅଧିକ ତଦନ୍ତ ଜାରି ରହିଛି। ପ୍ରକୃତ ତଥ୍ୟ ପଦାକୁ ଆସିବ ବୋଲି ଜଣାପଡିଛି ।

ତେବେ ସନ୍ଦେହ ଘେରକୁ ଅନେକ କିଛି କଥା ଆସିଥିବାବେଳେ କିଏ ଏବଂ କେଉଁ ପରିସ୍ଥିତିରେ ଏସବୁ ଘଟଣା ଘଟିଛି ତାହା ଉପରେ ସମସ୍ତଙ୍କ ନଜର ରହିଛି।

ଅଧିକ ପଢ଼ନ୍ତୁ ଓଡିଶା ଖବର:

ଓଡ଼ିଶାରେ ଆଉ ଏକ ମେଡିକାଲ କଲେଜକୁ ଅନୁମତି

by Manini Pattanayak

Permission for another medical college in Odisha, A new medical college will be established in Tangi, Cuttack

ଭୁବନେଶ୍ୱର: ରାଜ୍ୟରେ ସ୍ବାସ୍ଥ୍ୟ କ୍ଷେତ୍ରରେ ଭଲ ଖବର । ଏବେ ରାଜ୍ୟରେ ରହିବନି ଡାକ୍ତର ଅଭାବ । ଓଡ଼ିଶାରେ ଆଉ ଏକ ମେଡିକାଲ କଲେଜକୁ ଅନୁମତି ମିଳିଛି । କଟକ ଟାଙ୍ଗିରେ ହେବ ନୂଆ ମେଡିକାଲ କଲେଜ । ଡ୍ରିମସ ଇନଷ୍ଟିଚ୍ୟୁଟ ଅଫ ହେଲ୍ଥ ସାଇନ୍ସକୁ ଅନୁମତି ଦେଇଛି NMC । 100 ସିଟ ବିଶିଷ୍ଟ ମେଡିକାଲ କଲେଜ ନେଇ ଅନୁମତି ମିଳିଛି । ତେବେ କଟକରେ SCB ପରେ ଏହା ହେବ ଦ୍ବିତୀୟ ମେଡିକାଲ କଲେଜ । ରାଜ୍ୟ ସରକାରଙ୍କ ପକ୍ଷରୁ ଏନେଇ ଆବେଦନ କରାଯାଇଥିବା ବେଳେ ଏନେଇ ତୁରନ୍ତ ପଦକ୍ଷେପ ନିଆଯିବା ସହ ମେଡିକାଲ କଲେଜକୁ ଅନୁମତି ଦିଆଯାଇଛି । ଓଡ଼ିଶାରେ ଏବେ ବି ୫୦ ପ୍ରତିଶତ ଡାକ୍ତର ଓ ପାରା ମେଡିକାଲ, ନର୍ସ ପଦବୀ ଖାଲି ରହିଛି । ତେବେ ଆଉ ଏକ ମେଡିକାଲ କଲେଜକୁ ଅନୁମତି ମିଳିବା ପରେ ଏଠାରୁ ଯେଉଁ ଡାକ୍ତର ବାହାରିବେ ସେମାନଙ୍କୁ ରାଜ୍ୟର ବିଭିନ୍ନ ସ୍ଥାନରେ ନିଯୁକ୍ତି ମିଳି ପାରିବ । ଅଧିକ ପଢନ୍ତୁ ଓଡ଼ିଶା ଖବର

ମେ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୫୭ ହଜାର କୋଟିକୁ ବୃଦ୍ଧି

by Manini Pattanayak

In May 2023, the country's GST collection increased to 1 lakh 57 thousand crores, This is 12 percent more than May 2022.

ନୂଆଦିଲ୍ଲୀ: ମେ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୫୭ ହଜାର କୋଟିକୁ ବୃଦ୍ଧି ପାଇଛି। ଏହା ମେ ୨୦୨୨ ତୁଳନାରେ ୧୨ ପ୍ରତିଶତ ଅଧିକ । କିନ୍ତୁ ଏପ୍ରିଲ ୨୦୨୩ରେ ଆଦାୟ ହୋଇଥିବା ରେକର୍ଡ ୧ ଲକ୍ଷ ୮୭ ହଜାର କୋଟିର ଜିଏସଟି ସଂଗ୍ରହ ତୁଳନାରେ ୧୭ ପ୍ରତିଶତ କମ । ଅର୍ଥ ମନ୍ତ୍ରଣାଳୟ ଆଜି ଏହି ତଥ୍ୟ ଜାରି କରିଛି । ମାର୍ଚ୍ଚରେ ମୋଟ ଜିଏସଟି ଆଦାୟ ମଧ୍ୟରେ ୨୮,୪୧୧ କୋଟି ଟଙ୍କାର ସିଜିଏସଟି, ୩୫୮୨୮ କୋଟି ଟଙ୍କାର ଏସଜିଏସଟି ଏବଂ ରେକର୍ଡ ୮୧୩୬୩ କୋଟି ଟଙ୍କାର ଆଇଜିଏସଟି ଅନ୍ତର୍ଭୁକ୍ତ । ଏଥିରେ ୧୧,୪୮୯ କୋଟି ଟଙ୍କା ସେସ୍ ଅନ୍ତର୍ଭୁକ୍ତ, ଯେଉଁଥିରୁ ୧୦୫୭ କୋଟି ଟଙ୍କା ସାମଗ୍ରୀ ଆମଦାନୀରୁ ଆସିଛି ବୋଲି ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି । ଗତ ମେ ମାସରେ ଓଡ଼ିଶାରେ ୪୩୯୮ କୋଟି ଟଙ୍କାର ଜିଏସଟି ଆଦାୟ ହୋଇଛି, ଯାହାକି ମାର୍ଚ୍ଚ ୨୦୨୨ରେ ୩୯୫୬ କୋଟି ଟଙ୍କା ଥିଲା । ଏଣୁ ଗତ ଆର୍ଥିକ ବର୍ଷର ମେ ମାସ ତୁଳନାରେ ମେ ୨୦୨୩ରେ ଓଡ଼ିଶାର ଜିଏସଟି ସଂଗ୍ରହ ୧୧ ପ୍ରତିଶତ ବୃଦ୍ଧି ପାଇଛି । ଅଧିକ ପଢନ୍ତୁ ଭାରତ ଖବର

ଆଜି ପୂର୍ବାହ୍ନ 11ଟାରେ ପ୍ରକାଶ ପାଇବ ଫଳ

by Manini Pattanayak

OJEE Result will be released today, The results will be released today at 11 am

ଭୁବନେଶ୍ୱର: ଆଜି ପ୍ରକାଶ ପାଇବ OJEE ରେଜଲ୍ଟ । ଆଜି ପୂର୍ବାହ୍ନ 11ଟାରେ ପ୍ରକାଶ ପାଇବ ଫଳ । OJEE ୱେବସାଇଟରେ www.ojee.nic.in ରେ ରେଜଲ୍ଟ ଦେଖିପାରିବେ ପରୀକ୍ଷାର୍ଥୀ । ଏଥର ପରୀକ୍ଷା ଦେଇଥିଲେ ୫୫ ହଜାର ୯୭୯ ଜଣ ପରୀକ୍ଷାର୍ଥୀ । ଏଥିପାଇଁ ରାଜ୍ୟରେ ୪୪ଟି କେନ୍ଦ୍ର ସହ ରାଜ୍ୟ ବାହାରେ ୩ଟି କେନ୍ଦ୍ର କରାଯାଇଥିଲା । ରାଜ୍ୟରେ ଥିବା ସରକାରୀ ଓ ଘରୋଇ ବେଷୟିକ ଶିକ୍ଷାନୁଷ୍ଠାନର ଏମ୍‌ବିଏ, ଏମ୍‌ସିଏ, ଏମଏସ୍‌ସି, ଏମେ୍‌ଟେକ ଭଳି ୧୧ଟି ପାଠ୍ୟକ୍ରମରେ ନାମଲେଖା ଲାଗି ଗତ ମେ’ ମାସ ୮ରୁ ୧୫ତାରିଖ ପର୍ଯ୍ୟନ୍ତ ପରୀକ୍ଷା ହୋଇଥିଲା। ଏଥିପାଇଁ ମୋଟ ୪୭ ପରୀକ୍ଷା କେନ୍ଦ୍ର ହୋଇଥିଲା । ଚଳିତବର୍ଷ ସମ୍ପୂର୍ଣ୍ଣ କମ୍ପ୍ୟୁଟର ବସଡ୍‌ ମୋଡରେ ହୋଇଥିଲା ପରୀକ୍ଷା। ତେବେ ଆଜି ପୂର୍ବାହ୍ନ 11ଟାରେ OJEE ରେଜଲ୍ଟ ପ୍ରକାଶ ପାଇବ । ଅଧିକ ପଢନ୍ତୁ ଓଡ଼ିଶା ଖବର

Download Argus News App