ଅର୍ଗସ ବ୍ୟୁରୋ: ପାରାଦୀପ ନିକଟସ୍ଥ ଭୂତମୁଣ୍ଡାଇ ପୋଲ ନିକଟରେ ଚମଡା ଚୋରା ଚାଲାଣ ଗାଡି ଜବତ ସହ ଦୁଇ ଅଭିଯୁକ୍ତ ଗିରଫ। ସୋମବାର ୨୦୦ ରୁ ଉର୍ଦ୍ଧ ଗୋରୁ ଓ ଛେଳି ଚମଡା ଚୋରା ଚାଲାଣ ବେଳେ ଭୂତମୁଣ୍ଡାଇ ପୋଲ ନିକଟରୁ ପିକଅପ୍ ଗାଡିକୁ ଧରିଲେ ବଜରଙ୍ଗୀ ଦଳର କର୍ମକର୍ତ୍ତା । OD 21 F 3739 ନମ୍ବର ବିଶିଷ୍ଟ ଏକ ପିକଅପ୍ ଭ୍ୟାନ ରେ ଏହି ଚମଡା ଚାଲାଣ ହେଉଥିବାର କୌଣଷି ସୂତ୍ରରୁ ଖବର ପାଇ ବଜରଙ୍ଗୀ ଦଳ ର କର୍ମକର୍ତ୍ତା ମାନେ ଗାଡିଟିକୁ ଭୂତମୁଣ୍ଡାଇ ପୋଲ ଉପରେ ଅଟକାଇବା ସହ ସ୍ଥାନୀୟ ଲକ୍ ଥାନା ପୋଲିସ କୁ ଖବର ଦେଇଥିଲେ ।
ପୋଲିସ ଡ୍ରାଇଭର ଓ ହେଲପର ସହ ଗାଡିକୁ ଜବତ କରି ମାମଲା ରୁଜୁ କରି ଅଧିକ ତଦନ୍ତ ଚଳାଇଛି | ଏହି ଗାଡିଟି କୁଜଙ୍ଗ ଅଞ୍ଚଳରୁ ଆସି ଭୂତମୁଣ୍ଡାଇ ପୋଲ ଉପର ଦେଇ କଲିକତା ଯାଉଥିଲା ବୋଲି ଜଣାପଡିଛି। ତେବେ ଗତ ବର୍ଷ ମଧ୍ୟ ଗୋ ଚାଲାଣ ବେଳେ ଏହି ପିକଅପ୍ ଗାଡି ଟିକୁ କୁଜଙ୍ଗ ପୋଲିସ ଜବତ କରିଥିଲା।
ଓଡିଶା ନ୍ୟୁଜ ଆହୁରି ପଢନ୍ତୁ
ନୂଆଦିଲ୍ଲୀ: ବିଷ୍ଣୁଦେଓ ସାଏ ଛତିଶଗଡର ହେଲେ ମୁଖ୍ୟମନ୍ତ୍ରୀ । ବିଜେପି ବିଧାୟକ ଦଳ ବୈଠକରେ ବିଷ୍ଣଦେଓଙ୍କ ନାଁ ଲାଗିଲା ମୋହର। କୁନକୁରୀ ବିଧାନସଭା ଆସନରୁ ବିଧାୟକ ନିର୍ବାଚିତ ହୋଇଛନ୍ତି ବିଷ୍ଣୁଦେଓ।
ଛତିଶଗଡ଼ ବିଜେପିର ଆଦିବାସୀ ଚେହେରା ହେଉଛନ୍ତି ସାୟ। ବିଷ୍ଣୁଦେଓ ସାୟ 4 ଥର ସାଂସଦ ଓ 2 ଥର ବିଧାୟକ ନିର୍ବାଚିତ ହୋଇଛନ୍ତି। ମୋଦି ସରକାରର ପ୍ରଥମ ପାଳରି କେନ୍ଦ୍ରମନ୍ତ୍ରୀ ଥିଲେ ସାୟ। ଅଜିତ ଯୋଗୀଙ୍କ ପରେ ସାୟ ହେବେ ଛତିଶଗଡ଼ର ଦ୍ବିତୀୟ ଆଦିବାସୀ ମନ୍ତ୍ରୀ
ଅଧିକ ପଢନ୍ତୁ ଭାରତ ଖବର
ଅର୍ଗସ ବ୍ୟୁରୋ: ଆଜି ବିଜେପି ରାଜ୍ୟ କାର୍ଯ୍ୟାଳୟରେ ବସିଲା ମହିଳା ମୋର୍ଚ୍ଚାର ରାଜ୍ୟ କାର୍ଯ୍ୟକାରୀଣୀ ବୈଠକ। ବୈଠକରେ ଯୋଗଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାଜ୍ୟ ମହିଳା ମୋର୍ଚ୍ଚା ସଭାନେତ୍ରୀ ଐଶ୍ୱର୍ଯ୍ୟା ବିଶ୍ୱାଳଙ୍କ ଅଧ୍ୟକ୍ଷତାରେ ବସିଛି ବୈଠକ । ମହିଳା ମୋର୍ଚ୍ଚା ରାଜ୍ୟ ସଭାପତି ଐଶ୍ୱର୍ଯ୍ୟା ବିଶ୍ୱାଳ କହିଛନ୍ତି। ରାଜ୍ୟରେ ମହିଳା ସୁରକ୍ଷିତ ନୁହନ୍ତି । ମହିଳା ମାନଙ୍କ ସୁରକ୍ଷା କେମିତି ଆଗକୁ ବଢାଯିବ ଏବଂ ସୁରକ୍ଷା ଦିଆଯିବ ଓ ତାଙ୍କୁ କିପରି ଭାବେ ତାଙ୍କର ଅଧିକାର ମିଳିପାରିବ ସେ ବିଷୟରେ ବିସ୍ତୁତ ଆଲୋଚନା ହେବ ।
ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଓଡ଼ିଶା ସରକାର ରାଜ୍ୟକୁ ନିନ୍ଦିତ କରିଛନ୍ତି । ରାଜ୍ୟରେ ମହିଳା ମାନଙ୍କ ଅତ୍ୟାଚାର ପାଇଁ ଆଜି ସମସ୍ତଙ୍କ ମୁଣ୍ଡ ତଳକୁ ହୋଇଛି । ଅଧଡଜନ ମନ୍ତ୍ରୀଙ୍କ ନାରେ କେଳେଙ୍କାରୀ ଅଭିଯୋଗ ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ପାନ ମସଲା କମ୍ପାନୀର ବିଜ୍ଞାପନ କରିବା ଏବେ ମହଙ୍ଗା ପଡ଼ିଛି। ଏହି ମାମଲାରେ ବଲିଉଡ ଅଭିନେତା ଅକ୍ଷୟ କୁମାର, ଶାହାରୁଖ ଖାନ ଏବଂ ଅଜୟ ଦେବଗନଙ୍କୁ ନୋଟିସ ଜାରି କରାଯାଇଛି। ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚର ଅବମାନନା ଆବେଦନ ଉପରେ କେନ୍ଦ୍ର ସରକାର ଉତ୍ତର ଦେିଛନ୍ତି। ଗୁଟଖା ବିଜ୍ଞାପନ ମାମଲାରେ ତିନି କଳାକାରଙ୍କୁ ନୋଟିସ ଜାରି କରାଯାଇଥିବା ଲକ୍ଷ୍ନୌ ବେଞ୍ଚକୁ କେନ୍ଦ୍ର ସରକାର ସୂଚନା ଦେଇଛନ୍ତି।
କେନ୍ଦ୍ର ସରକାରଙ୍କ ଓକିଲ କହିଛନ୍ତି ଯେ, ସୁପ୍ରିମକୋର୍ଟ ମଧ୍ୟ ଏହି ମାମଲାରେ ଶୁଣାଣି କରୁଛନ୍ତି ଏହି ଆବେଦନକୁ ଖାରଜ କରାଯିବା ଉଚିତ। ଏହି ମାମଲାର ପରବର୍ତ୍ତୀ ଶୁଣାଣି ତାରିଖ ୨୦୨୪ ମେ' ୯ ପାଇଁ ସ୍ଥିର କରାଯାଇଛି। ଜଷ୍ଟିସଙ୍କ ଏକକ ବେଞ୍ଚ ଅବମାନନା ଆବେଦନ ଉପଳରେ ଏହି ଆଦେଶ ଦେଇଛନ୍ତି।
ଅଧିକ ପଢ଼ନ୍ତୁ ମନୋରଞ୍ଜନ ଖବର
