ରାଜଧାନୀରେ ମାତିଛନ୍ତି ଦେହ ଦଲାଲ, 4 ଜଣଙ୍କୁ ଗିରଫ କଲା ଏସଟିଏଫ୍

ଭୁବନେଶ୍ୱର:  ରାଜଧାନୀରେ ମାତିଛନ୍ତି ଦେହ ଦଲାଲ। ଗତକାଲି ଚାରିଜଣ ଦେହ ଦଲାଲଙ୍କୁ ଗିରଫ କରି କୋର୍ଟ ଚାଲାଣ କରିଛି ଏସଟିଏଫ କ୍ରାଇମବ୍ରାଞ୍ଚ । ଏହି ଦଲାଲମାନେ ବାଲାଂଦେଶୀ ଦେହଜିବୀଙ୍କୁ ରାଜଧାନୀକୁ ଆଣି ନକଲି ଆଧାରକାର୍ଡ ଜରିଆରେ ସେକ୍ସ ରାକେଟରେ ନିୟୋଜିତ କରୁଥିଲେ । ତେବେ ଜଣେ ପରେ ଜଣେ ଦଲାଲ ଗିରଫ ହେବା ପରେ ଏବେ ସମ୍ପୂର୍ଣ୍ଣ ସେକ୍ସ ରାକେଟ ଘଟଣାର ଗୁମର ଖୋଲିଛି।

କେବଳ ବାଲାଂଦେଶୀ ଦେହଜିବୀ ନୁହଁନ୍ତି ଅର୍ଥ ଲୋଭରେ ରାଜ୍ୟରେ ବିଭିନ୍ନ ଅଞ୍ଚଳରୁ ଯୁବତୀମାନେ ଏହି ଦଲାଲମାନଙ୍କ କବଜ୍ଜାରେ ପଡ଼ିଛନ୍ତି। ସେମାନଙ୍କୁ ନିୟୋଜିତ କରି ଦଲାଲମାନେ ଫୋନ ମାଧ୍ୟମରେ ଗ୍ରାହକ ଯୋଗାଡ଼ କରି କାରବାର କରିଥାନ୍ତି। ରୂପଜିବୀଙ୍କ ସହିତ ଗୋଟିଏ ରାତି କଟାଇବାକୁ ଗ୍ରାହକ ମାନେ ମୋଟା ଅଙ୍କର ଅର୍ଥ ଦେଇଥାନ୍ତି। ଏପରିକି ଗୋଟିଏ ରାତି ପାଇଁ ଗ୍ରାହକମାନଙ୍କୁ ୧୦ ହଜାର ଟଙ୍କାରୁ ୨୦ ହଜାର ଟଙ୍କା ଦେବାକୁ ପଡ଼େ। ତେବେ ଏହି ଦେହ ଦଲାଲମାନଙ୍କୁ ଧରିବା ପାଇଁ ଏସଟିଏଫ କ୍ରାମବ୍ରାଞ୍ଚ ଏକ ଟିମ୍ ଗଠନ କରିଥିଲା। ସେମାନଙ୍କୁ ଧରିପାଇଁ କ୍ରାଇମବ୍ରାଞ୍ଚ ଜାଲ ବିଛାଥିଲା। ଏହାପରେ ଗତକାଲି ଚାରିଜଣ ଦଲାଲ କ୍ରାଇମବ୍ରାଞ୍ଚ ହାବୁଡ଼ରେ ପଡ଼ିଛନ୍ତି। ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ଏସଟିଏଫ କ୍ରାଇମବ୍ରାଞ୍ଚ । ଏହି ଦେହ ଦଲାଲଙ୍କ ନିକଟରୁ ୫ଜଣ ଦେହଜୀବୀଙ୍କୁ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରେ ତିନିଜଣ ବାଲାଂଦେଶୀ ଯୁବତୀ ଥିବା ବେଳେ କେନ୍ଦ୍ରାପଡା ଜିଲ୍ଲାର ଦୁଇ ଯୁବତୀଙ୍କୁ ଉଦ୍ଧାର କରାଯାଇଛି ।

ଗିରଫ ଅଭିଯୁକ୍ତମାନେ ହେଲେ ବିହାର ମହିଉଦ୍ଦିନଗରର ଅଜୟ ଓରଫ ବିଦ୍ୟାପତି ଶାହା, କଟକ କାଜିବଜାର ଅଞ୍ଚଳର ଦିନଦୟାଲ ରାଓ, ପିପିଲି ବାରାହଲାର ଅଲ୍ଲୀଉଦ୍ଦିନ ଖାଁ ଓ ଭୁବନେଶ୍ୱର ଓଲ୍ଡଟାଉନର ସୁନିଲ ମହାରଣା । ସେମାନଙ୍କ ନିକଟରୁ ଦୁଇଟି କାର ଓ ମୋବାଇଲ ଫୋନ ଜବତ କରିଛି ଏସଟିଏଫ କ୍ରାଇମବ୍ରାଞ୍ଚ । ତେବେ ଗତ କିଛିଦିନ ଧରି ଏସଟିଏଫ ବିଭିନ୍ନ ସ୍ଥାନରେ ଚଢାଉ କରି ୧୦ଜଣ ଦେହ ଦଲାଲଙ୍କୁ ଗିରଫ କରିବା ସହ ୧୬ଜଣ ଯୁବତୀଙ୍କୁ ଉଦ୍ଧାର କରିଛି ।