କେନ୍ଦୁଝର : କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଓ ଘଟଗାଁ ବନାଞ୍ଚଳରେ ମହାବଳ ବାଘ ଘୁରି ବୁଲୁଛି । ବାଘର ଗତିବିଧି ଜାଣିବା ପାଇଁ ବନ ବିଭାଗ ବିଭିନ୍ନ ଟ୍ରାପ କ୍ୟାମେରା ଲାଗାଇଛି । ଏହା ସହ ଅଟେଇ ସଂରକ୍ଷିତର ବିଭିନ୍ନ ପ୍ରବେଶ ପଥକୁ ସିଲ କରାଯାଇଛି । ବନ ବିଭାଗ ପେଟ୍ରୋଲିଙ୍ଗ କୁ ମଧ୍ୟ କଡ଼ାକଡ଼ି କରିଛି । ତେବେ ଏହା ପରେ ମଧ୍ୟ ଜଙ୍ଗଲ ଭିତରକୁ ଶିକାରୀ ଅବାଧରେ ପ୍ରବେଶ କରୁଥିବା ଦେଖାଯାଇଛି। ମଙ୍ଗଳବାର ପାଟଣା ବନାଞ୍ଚଳ ବଣ ମହୁଲଡିହା ନିକଟ ଅଟେଇ ସଂରକ୍ଷିତ ଜଙ୍ଗଲରୁ ବନ୍ୟଜନ୍ତୁ ଶିକାର ଉଦ୍ୟମ କରୁଥିବା ସମୟରେ ୬ ଜଣଙ୍କୁ ଗିରଫ କରିଛି ବନବିଭାଗ।
ଅଧିକ ପଢନ୍ତୁ ଓଡ଼ିଶା ଖବର
ସେମାନଙ୍କ ନିକଟରୁ ୧୪ଟି ଧନୁ, ୨୦ଟି କାଣ୍ଡ ତୀର ସହ ୨ଟି ଟାଙ୍ଗିଆ ଓ ଗୋଟିଏ କଟୁରୀ ଜବତ କରାଯାଇଛି। ଗିରଫ ଶିକାରୀ ମାନେ ବଣମହୁଲଡିହା ଗ୍ରାମର ପ୍ରଭାକର ମହାକୁଡ଼, କୈଳାଶ ମାଝୀ, ଗଣେଶ ମାଝୀ, ଲୁନା ମାଝୀ ଓ ବନବିର ଗ୍ରାମର ବୁଦ୍ଧିଆ ମୁଣ୍ଡା ଓ ପିଛୁଳାବେଡା ଗ୍ରାମର ଜଗ ମୋହନ ମୁଣ୍ଡା ବୋଲି ଜଣାପଡିଛି। ସମସ୍ତ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ତେବେ ଶିକାର ଦେଖିବାକୁ ଆସିଥିବା ୩ଜଣ ନାବାଳକଙ୍କୁ ବନ ବିଭାଗ ବନାଞ୍ଚଳ କାର୍ଯ୍ୟାଳୟକୁ ଆଣିଥିଲେ ମଧ୍ୟ ସେମାନଙ୍କୁ ଛାଡ଼ି ଦେଇଥିବା ଜଣାପଡିଛି।
ବଲାଙ୍ଗିର: ଗୋଚର ଜମି ଯବର ଦଖଲ କୁ ନେଇ ଦୁଇ ଗ୍ରାମ ମଧ୍ୟରେ ଗୋଷ୍ଠୀ ସଂଘର୍ଷ । ବଲାଙ୍ଗିର ଜିଲ୍ଲା ପୁଇଁନ୍ତଳା ଥାନା ଅନ୍ତର୍ଗତ ବାହାଲବୁକା ଏବଂ ଗଣ୍ଡବାହାଲ ମଧ୍ୟରେ ସଂଘର୍ଷ ଘଟିଥିବା ମହିଳା ମାନେ ଅଭିଯୋଗ କରିଛନ୍ତି ।
ସୂଚନା ଅନୁସାରେ ବାହାଲବୁକା ଗ୍ରାମରେ ଥିବା ଗୌଚର ଜମିକୁ ଗଣ୍ଡବାହାଲ ଗ୍ରାମର କିଛି ବ୍ୟକ୍ତି ଜେସିବି ଆଣି ଜମି ସାଯିବା ପାଇଁ ପ୍ରୟାସ ଆରମ୍ବ କରିଥିବା ବେଳେ ଏହାକୁ ବାହାଲବୁକା ଗ୍ରାମର ଏସଏଚଜି ମହିଳା ମାନେ ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ମହିଳା ମାନଙ୍କୁ ଅଶାଳୀନ ଭାଷାରେ ଗାଳି ଗୁଲଜ କରିବା ସହ ଜଣେ ବୃଦ୍ଧାଙ୍କୁ ଜାତିଆଣ ଆକ୍ଷେପ କରି ମାଡ଼ ମାରିଥିବା ଅଭିଯୋଗ ଆସିଛି ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ରାଜ୍ୟରେ ଏମିତି ଚାଲିଛି ଧନ୍ଦାମୂଳକ ଶିକ୍ଷା ବ୍ୟବସ୍ଥା । ଟଙ୍କା ନେଇ ଉପରିସ୍ଥ ଅଧିକାରୀ ଆଶାୟୀଙ୍କୁ ଦେଉଛନ୍ତି ଚାକିରି । ପୁଣି ଚୁକ୍ତି ମୁତାବକ ପଇସା ଦେଇନପାରିଲେ ଚାକିରିରୁ ବାହାର କରୁଛନ୍ତି । ଉପରିସ୍ଥ ଅଧିକାରୀ ଧମକ ମଧ୍ୟ ଦେଉଛନ୍ତି, ଅଭିଯୋଗ କଲେ ବି ତାଙ୍କର କେହି କିଛି କରିପାରିବେନି ବୋଲି କହୁଛନ୍ତି ।
ପୁଣି ବିଭାଗରେ ତଳୁ ଉପର ଯାଏ ସମସ୍ତେ ପଇସା ଖାଉଥିବା ସ୍ବୀକାର ମଧ୍ୟ କରୁଛନ୍ତି । ଆମେ ଆପଣଙ୍କୁ ଏହାର ପ୍ରମାଣ ମଧ୍ୟ ଦେଉଛୁ । ଶୁଣନ୍ତୁ ଏବେ ଛଟେଇ ହୋଇଥିବା ଧନ୍ଦାମୂଳକ ପ୍ରଶିକ୍ଷକ ମୟୂରଭଞ୍ଜ ଜିଲ୍ଲାର ସମ୍ବିତ ନାଏକ ଓ ଆସେନସିଭ ଡିରେକ୍ଟର ସୌମ୍ୟରଞ୍ଜନ ସାହୁଙ୍କ ମଧ୍ୟରେ ଫୋନ ବାର୍ତ୍ତାଳାପ ।
ଅଧିକ ପଢନ୍ତୁ ଓଡ଼ିଶା ଖବର
ଭୁବନେଶ୍ୱର: ବହୁ ଚର୍ଚ୍ଚିତ ଡିଜେ ଆଜେକ୍ସ ମୃତ୍ୟୁ ମାମଲା। ତଦନ୍ତର ଅଗ୍ରଗତି ନେଇ ରିପୋର୍ଟ ମାଗିଲେ ହାଇକୋର୍ଟ। ପୋଲିସ ନିଷ୍କ୍ରୟତା ନେଇ ହାଇକୋର୍ଟରେ ଦାୟର ମାମଲାର ଶୁଣାଣୀ କରି ତଦନ୍ତର ଅଗ୍ରଗତି ରିପୋର୍ଟ ମାଗିଛନ୍ତି କୋର୍ଟ। ଡିଜେ ଆଜେକ୍ସ ଓରଫ ଅକ୍ଷୟ କୁମାରଙ୍କ ମୃତ୍ୟୁର ତଦନ୍ତର ଅଗ୍ରଗତି ନେଇ ହାଇକୋର୍ଟଙ୍କୁ ଅବଗତ କରାଇବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ।
ଡିଜେ ଆଜେକ୍ସଙ୍କ ମାଁ ଲକ୍ଷ୍ମୀପ୍ରିୟା ମହାରଣାଙ୍କ ପକ୍ଷରୁ ଦାୟର ପୋଲିସ ନିଷ୍କ୍ରିୟତା ମାମଲାର ଶୁଣାଣୀ କରି ବିଚାରପତି ଗୌରୀଶଙ୍କର ଶତପଥୀଙ୍କ ଅବକାଶକାଳୀନ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଡିଜେ ଆଜେକ୍ସଙ୍କ ମୃତ୍ୟୁ ନେଇ ଖାରବେଳନଗର ଥାନାରେ ଏତଲା ଦିଆଯାଇଥିଲା। ଆସନ୍ତା ୧୭ ତାରିଖରେ ମାମଲାର ପରବର୍ତ୍ତୀ ଶୁଣାଣୀ।
ଅଧିକ ପଢନ୍ତୁ ଓଡିଶା ଖବର
