ସାମ୍ପ୍ରତିକ ରାଜନୈତିକ ଦୃଶ୍ୟପଟ୍ଟକୁ ଲକ୍ଷ କରି ସୌମ୍ୟ ବାବୁ ଏ କଥା କହିଛନ୍ତି। ନିଜ କଥାକୁ ବ୍ୟାକ୍ଷା କରିବାକୁ ଯାଇ ସୌମ୍ୟ କହିଛନ୍ତି ଯେ, ଗୋଟିଏ ଆଖି ତାଙ୍କ ଦଳର ଲୋକମାନେ କ’ଣ କରୁଛନ୍ତି ତାହା ଦେଖିବାକୁ ରହିଥିବା ବେଳେ ଆର ଗୋଟିଏ ପ୍ରଶାସନିକ କଳକୁ ନଜର ରଖିବା ପାଇଁ ରହିଛି।
ତେବେ ଏଥିରେ କିଛି ଅସୁବିଧା ନାହିଁ। ଦଳୀୟ ନେତାଙ୍କ ଭଳି ପ୍ରଶାସକମାନେ ରାଜ୍ୟ ଶାସନରେ ମୁଖ୍ୟମନ୍ତ୍ରୀଙ୍କୁ ସାହାଯ୍ୟ କରିବା ଦରକାର । ଏହା ଦ୍ଵାର ସବୁ ଠିକ ହୋଇ ପାରିବ। ଏହି ଦୁଇ ଆଖି ସଦାବେଳେ ତପ୍ତର ଥାଆନ୍ତି। ଆଉ ସଠିକ ଖବର ବି ଦିଅନ୍ତି। କିନ୍ତୁ ଏହା ବି ସତ ଯେ, ଏ ଦୁଇ ଆଖି ସବୁବେଳେ ସଠିକ ଦେଖିପାରୁ ନ ଥାଇ ପାରନ୍ତି। ସେଥିରେ କିଛି ଭରସା ନାହିଁ। ଏଣୁ ଶାସକଙ୍କୁ ୩ୟ ନୟନର ଆବଶ୍ୟକତା ରହିଛି।
ସୌମ୍ୟଙ୍କ ଏହି ବୟାନ ଆଜି ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଛି। ପୂର୍ବରୁ ନିଜ ଦ୍ବାରା ସଞ୍ଚାଳିତ ଖବର କାଗଜର ସମ୍ବାଦକୀୟରେ ସେ ସରକାରୀ ଅବ୍ୟବସ୍ଥାକୁ କଟାକ୍ଷ କରୁଥିବା ବେଳେ ଏବେ ଖୋଲାଖୋଲି ଆଉକିଛି କହିବାକୁ ହୁଏତ ଚେଷ୍ଟା କରୁଛନ୍ତି।
ଏମିତି ବି ସେ କହିଛନ୍ତି ଯେ, ଆମେ ଯଦି ସବୁବେଳେ ଦୁଇଟି ଆଖି ଉପରେ ଭରସା କରିବା ହୁଏତ ଶାସନ ଠିକସେ ଚାଲିବ ନାହିଁ । ସେଥିପାଇଁ ତୃତୀୟ ନୟନ ରହିବା ଦରକାର। ହେଲେ ଏହି ତୃତୀୟ ନୟନ କିଏ ତାହା କିନ୍ତୁ ସୌମ୍ୟ ସ୍ପଷ୍ଟ କରି ନାହାନ୍ତି। ଯେ କେହି ବି ଶାସକଙ୍କ ୩ୟ ନୟନ ହୋଇପାରନ୍ତି ବୋଲି ସେ କହିଛନ୍ତି। ଏହା ସାମ୍ବାଦିକଙ୍କୁ ଉପଲକ୍ଷ କରି କୁହାଯାଇଥାଇ ପାରେ ବୋଲି ମଧ୍ୟ ଚର୍ଚ୍ଚା ହେଉଛି। କାରଣ ସୌମ୍ୟ ଏ ସମସ୍ତ ବିବୃତ୍ତି ଦୈନିକ ଖବର କାଗଜ ପ୍ରଜାତନ୍ତ୍ରର ଏକ କାର୍ଯ୍ୟକ୍ରମରେ କହିଛନ୍ତି।
