ମୟୂରଭଞ୍ଜ: ଅନ୍ଧବିଶ୍ୱାସର ଅନ୍ଧଗଳିରେ ବିଚିତ୍ର ପରମ୍ପରା । ଭିନ୍ନ ଜାତିରେ ବିବାହ କରିଥିବା ଝିଅ ପାଇଁ ଗାଁ ଅପବିତ୍ର ହୋଇଥିବା କହି ଗାଁକୁ କରାଯାଉଛି ପବିତ୍ର । କୁକୁଡା ଛେଳି ବଳିଦେବା ସହ କରାଯାଉଛି ପୂଜାର୍ଚ୍ଚନା । ଏଭଳି ଚିତ୍ର ସାମ୍ନାକୁ ଆସିଛି ପାହାଡ ଜଙ୍ଗଲ ଘେରା ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଶରତ ଅଂଚଳରୁ ।
ଶରତ ଥାନା ସିଲେଇପୋଖରୀ ଗ୍ରାମର ଜଣେ ସାନ୍ତାଳୀ ସଂପ୍ରଦାୟର ଝିଅ ଜଣେ ମୁଣ୍ଡାରୀ ସଂପ୍ରଦାୟର ଜଣେ ପୁଅକୁ ପ୍ରେମ ବିବାହ କରିଥିଲେ । ଯାହାକୁ ନେଇ ଗ୍ରାମରେ ହୋଇଥିଲା ଏକ ବୈଠକ । ଝିଅଟି ଅନ୍ୟ ଜାତିରେ ବିବାହ କରିଥିବାରୁ ଗ୍ରାମ ଅପବିତ୍ର ହୋଇଯାଇଥିବା ଅଭିଯୋଗ ହୋଇଥିଲା ।
ଯାହା ସଂପ୍ରଦାୟର ବିଚିତ୍ର ପରମ୍ପରା ଅନୁସାରେ ଝିଅର ବାପାକୁ ଗ୍ରାମ ପବିତ୍ର କରିବା ନିମନ୍ତେ ପୂଜାର୍ଚ୍ଚନା କରିବାକୁ କୁହାଯାଇଛି । ଝିଅର ବାପା ଗୋଟିଏ ବୋଦା, ତିନି ଗୋଟି କୁକୁଡା, ଚାଉଳ ଏଭଳି ଅନେକ ସାମଗ୍ରୀ ଗାଁ ମୁଖିଆଙ୍କୁ ପ୍ରଦାନ କରିଛନ୍ତି ।
ଭଦ୍ରକ : ଆସିଲାନି ଆମ୍ବୁଲାନ୍ସ , ଟେମ୍ପୁ ରେ ଚିକିତ୍ସାଳୟ ନେବା ବେଳେ ପ୍ରସବ କଲେ ଗର୍ଭବତୀ ମହିଳା . ଏଭଳି ଏକ ଅଭାବନୀୟ ଘଟଣା ଘଟିଛି କଣ୍ଟାମାଲ ଅଞ୍ଚଳରେ. ସୂଚନା ମୁତାବାକ କଣ୍ଟାମାଲ ବ୍ଲକ ଖଲିଆପାଳି ଅଂଚଳର ଏହି ମହିଳାଙ୍କୁ ପ୍ରସବ ଯନ୍ତ୍ରଣା ହୋଇଥିଲା . ଫଳରେ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ କିନ୍ତୁ ଆମ୍ବୁଲାନ୍ସ ଆସିନଥିଲା ଶେଷରେ ପରିବାର ଲୋକେ ଏକ ଟେମ୍ପୁ ସାହାଯ୍ୟରେ କଣ୍ଟାମାଲ ସ୍ବାସ୍ଥ୍ୟକେନ୍ଦ୍ରକୁ ଆଣୁଥିବା ସମୟ ରେ ଟେମ୍ପୁରେ ହିଁ ପ୍ରସବ ହୋଇଯାଇଥିଲା I
ଅଧିକ ପଢନ୍ତୁ : ୧ କି.ମି ଖଟିଆରେ ବୁହା ହେଲେ ଗର୍ଭବତୀ
ଏହି ଘଟଣାକୁ ନେଇ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି I ଏପଟେ କଣ୍ଟାମାଲ ଅଂଚଳରେ ବିଭିନ୍ନ ସ୍ଥାନରୁ ସ୍ବାସ୍ଥ୍ୟ ବ୍ୟବସ୍ଥାର ବିକଳ ଚିତ୍ର ଦେଖିବାକୁ ମିଳିଛି. କେଉଁଠି ଖଟିଆରେ ରୋଗୀ ତ କେଉଁଠି ଟେମ୍ପୁରେ ରୋଗୀଙ୍କ ଚିକିତ୍ସା ଚାଲିଥିବା ଦେଖିବାକୁ ମିଳିଛି.
ଭୁବନେଶ୍ୱର: କ୍ୟାନ୍ସରରେ ପୀଡ଼ିତ ହୋଇ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି କଣ୍ଠଶିଳ୍ପୀ ଶାନ୍ତିଲତା ବାରିକ । ବର୍ତ୍ତମାନ ଭେଣ୍ଟିଲେଟରରେ ଅଛନ୍ତି । ଶାନ୍ତିଲତା ବାରିକ ଛୋଟରାୟ ଓଡ଼ିଆ ଭକ୍ତି ସଙ୍ଗୀତର ଜଣେ ଅତି ପରିଚିତ ଓ ଆପଣାର ନାଁ ।
ନିଜ କଣ୍ଠର ମିଠାପଣ ସହିତ ଅପୂର୍ବ ଭକ୍ତି ଭାବନା ଯୋଡ଼ି ସେ ଯେଉଁ ସଙ୍ଗୀତ ପରିବେଷଣ କରନ୍ତି, ତାହା ଶ୍ରୋତାଙ୍କ ଭିତରେ ଭକ୍ତି, ସମର୍ପଣ ଏବଂ ବିଭୁ ଚେତନା ସୃଷ୍ଟି କରେ ।
ସେ ଗାଇଥିବା ଭକ୍ତି ସଙ୍ଗୀତ ପ୍ରତି ଦେଶ ବିଦେଶରେ ଲୋକଙ୍କର ବେଶ୍ ଆଦର ରହିଛି । ତାଙ୍କ ଭଜନ ଓଡ଼ିଶାର କଳା, ସଂସ୍କୃତି ଏବଂ ଶ୍ରୀ ଜଗନ୍ନାଥଙ୍କ ସହ ଲୋକଙ୍କୁ ଯୋଡ଼ିବାରେ ସକ୍ଷମ ହୋଇପାରିଛି ।
ଆହୁରି ପଢନ୍ତୁ ଓଡିଶା ଖବର...
