ଅର୍ଗସ ବ୍ୟୁରୋ:ଧରାକୋଟ ବ୍ଲକ ଜଗମୋହନ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର 15 ରୁ ଉର୍ଦ୍ଧ୍ୱ ଛାତ୍ର ଛାତ୍ରୀ କୁର୍ମୀ ଔଷଧ ଖାଇ ଅସୁସ୍ଥ ହୋଇଛନ୍ତି। ସେମାନଙ୍କ ମଧ୍ୟରୁ 5 ଜଣ ଛାତ୍ର ଛାତ୍ରୀ ଅଧିକ ଗୁରୁତର ଥିବାରୁ ସେମାନଙ୍କୁ ଧରାକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଅଣାଯାଇଛି। ସେଠାରେ ସେମାନଙ୍କ ଚିକିତ୍ସା ଜାରି ରହିଛି। ଆଜି ବିଶ୍ୱ କୁର୍ମୀ ନାଶକ ଦିବସ ହୋଇଥିବାରୁ ପିଲାମାନଙ୍କୁ ସ୍କୁଲ ପକ୍ଷରୁ କୁର୍ମୀ ଔଷଧ ଦିଆଯାଇଥିଲା। ହେଲେ ଔଷଧ ଖାଇବା ପରେ କେତେକ ପିଲାଙ୍କ ପେଟ ଯନ୍ତ୍ରଣା ହେବା ସହ ବାନ୍ତି ମଧ୍ୟ ହୋଇଥିଲା।
ଓଡିଶା ନ୍ୟୁଜ ଆହୁରି ପଢନ୍ତୁ
ଫଳରେ ସ୍କୁଲ କତ୍ତୃପକ୍ଷ ସେମାନଙ୍କ ମଧ୍ୟରୁ 5 ଜଣଙ୍କୁ ଏକ ଅଟୋ ଯୋଗେ ଧରାକୋଟ ମେଡିକାଲ କୁ ଆଣିଥିବା ବେଳେ ଏହି ଘଟଣା ପରେ ଗ୍ରାମରେ ଚାପା ଉତେଜନା ଲାଗି ରହିଛି। ଏପଟେ ଅସୁସ୍ଥ ଛାତ୍ର ଛାତ୍ରଙ୍କୁ ଉପଯୁକ୍ତ ଔଷଧ ପ୍ରଦାନ କରାଯାଇଛି । ଏବଂ ସେମାନଙ୍କ ଅବସ୍ଥା ସ୍ଥିର ରହିଛି ବୋଲି ଧରାକୋଟ ମେଡିକାଲ ଇଂଚାର୍ଜ କହିଛନ୍ତି।
