ଅର୍ଗସ ବ୍ୟୁରୋ : ସୁନ୍ଦରଗଡ଼ରେ ସଙ୍ଗୀନ ହେବାରେ ଲାଗିଛି ସ୍କ୍ରବ୍ ଟାଇଫସ୍ । ସୁନ୍ଦରଗଡ଼ରେ ଆଜି ପୁଣି ୧୦ ସ୍କ୍ରବ୍ ଟାଇଫସ୍ ରୋଗୀ ଚିହ୍ନଟ ହୋଇଛନ୍ତି । ଗତକାଲି ୫୯ ଟି ନମୁନା ପରୀକ୍ଷା କରିଥିବା ବେଳେ ୧୦ ଜଣ ପୋଜେଟିଭ ଚିହ୍ନଟ ହୋଇଛନ୍ତି । ବର୍ତ୍ତମାନ ସୁଦ୍ଧା ସୁନ୍ଦରଗଡ଼ ଜିଲ୍ଲାରେ ୧୯୩ ଜଣ ସ୍କ୍ରବ୍ ଟାଇଫସ୍ ରୋଗୀ ଚିହ୍ନଟ ହୋଇଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଏନେଇ ସୂଚନା ଦେଇଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ । ସେ କହିଛନ୍ତି, ହସ୍ପିଟାଲରେ ପର୍ଯ୍ୟାପ୍ତ ପରିମାଣର ଔଷଧ ମହଜୁଦ ରଖାଯାଇଛି । ଏହା ସହ ସ୍ୱତନ୍ତ୍ର ଡାକ୍ତରୀ ଦଳ ପ୍ରସ୍ତୁତ ହୋଇରହିଛନ୍ତି । ସେହିଭଳି ଜିଲ୍ଲପାଳଙ୍କ ସ୍ତରରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି । ଜିଲ୍ଲାର ସମସ୍ତ ଏଏନଏମ , ପିଏସଚସି ଓ ସିଏଚସି ଏବଂ ଜିଲ୍ଲା ମୁଖ୍ୟଚିକିତ୍ସାଳୟର ସ୍ଥିତିକୁ ନଜରରେ ରଖି ତ୍ୱରିତ ବ୍ୟବସ୍ଥା ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ।
ଅର୍ଗସ ବ୍ୟୁରୋ: ଜାମିନ ପାଇବା ସତ୍ତ୍ବେ ଜଣେ କଏଦୀଙ୍କୁ ଅଧିକ ୩ ବର୍ଷ ଜେଲରେ ରହିବାକୁ ପଡ଼ିଥିବାରୁ ରାଜ୍ୟ ସରକାର ସମ୍ପୃକ୍ତ ବ୍ୟକ୍ତିଙ୍କୁ ଏକ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିବାକୁ ଗୁଜରାଟ ହାଇକୋର୍ଟ ଆଦେଶ ଦେଇଛନ୍ତି। ଜେଲ କର୍ତ୍ତୃପକ୍ଷ କୋର୍ଟଙ୍କୁ ଜଣାଇଥିଲେ ଯେ, ୨୦୨୦ରେ ଇମେଲ ମାଧ୍ୟମରେ କୋର୍ଟରୁ ସେମାନଙ୍କ ପାଖକୁ ଯେଉଁ ଜାମିନ ଆଦେଶ ଆସିଥିଲା, ସେହି ଇମେଲର ଆଟାଚମେଣ୍ଟକୁ ଖୋଲିବାରେ ସେମାନେ ବିଫଳ ହୋଇଥିଲେ। ତେଣୁ ସେମାନେ ସମ୍ପୃକ୍ତ ବ୍ୟକ୍ତିଙ୍କୁ ଜାମିନରେ ମୁକ୍ତ କରିପାରି ନ ଥିଲେ। ସେତେବେଳେ କୋଭିଡ୍ ମହାମାରୀ ଚାଲିଥିବାରୁ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରି ନ ଥିଲା। ଚନ୍ଦନଜୀ ଟାକୋର ନାମକ ସମ୍ପୃକ୍ତ ବ୍ୟକ୍ତିଙ୍କ ବୟସ ବର୍ତ୍ତମାନ ୨୭।
ଏକ ହତ୍ୟା ମାମଲାରେ ତାଙ୍କୁ ଆଜୀବନ ଜେଲଦଣ୍ଡ ହୋଇଥିଲା। ପରେ କୋର୍ଟ ତାଙ୍କ ଦଣ୍ଡାଦେଶକୁ ଖାରଜ କରି ଜାମିନ ପ୍ରଦାନ କରିଥିଲେ। କିନ୍ତୁ ଜାମିନ ପାଇବା ସତ୍ତ୍ବେ ଜେଲ କର୍ତ୍ତୃପକ୍ଷଙ୍କ ଅବହେଳାରୁ ତାଙ୍କୁ ଅଧିକ ତିନିବର୍ଷ ଜେଲରେ ରହିବାକୁ ପଡ଼ିଥିଲା। ଗୁଜରାଟ ହାଇକୋର୍ଟ କହିଲେ ଯେ, ଇମେଲ ଖୋଲିଲାନି ବୋଲି ଜେଲ କର୍ତ୍ତୃପକ୍ଷ ଚୁପ୍ଚାପ୍ ବସିଯିବା ଚରମ ଅବହେଳାର ନିଦର୍ଶନ। ଜେଲ କର୍ତ୍ତୃପକ୍ଷ ରେଜିଷ୍ଟ୍ରି ବା ଦୌରା କୋର୍ଟ ସହ ଏ ବାବଦରେ ଯୋଗଯୋଗ କରିପାରିଥାନ୍ତେ। ଗୁଜରାଟ ସରକାର ୧୪ ଦିନ ଭିତରେ ସମ୍ପୃକ୍ତ ବ୍ୟକ୍ତିଙ୍କୁ ୧ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିବାକୁ କୋର୍ଟ ଆଦେଶ ଦେଇଛନ୍ତି।
ଅଧିକ ପଢ଼ନ୍ତୁ ଭାରତ ଖବର
ଗାଁ ମୁଣ୍ଡରେ ଜଙ୍ଗଲୀ ହାତୀପଲ। ମଝି ନଦୀରେ ଫସିଲେ ହାତୀପଲ। କଣ୍ଟାମାଳ ରେଞ୍ଜ ଅନ୍ତର୍ଗତ ଘଣ୍ଟାପଡା ପଞ୍ଚାୟତ ମାଣିକପୁର ଗ୍ରାମର ନଦୀରେ ଦେଖିବାକୁ ମିଳିଛି ହାତୀପଲଙ୍କୁ। ଆଜି ସକାଳୁ ହାତୀପଲ ନଦୀରେ ଗାଧୋଉଥିବା ଦେଖିବାକୁ ପାଇଥିଲେ ଲୋକେ।
ଗାଁଲୋକେ ଏତେ ହାତୀଙ୍କୁ ନଦୀରେ ଦେଖି ବନବିଭାଗ କୁ ଖବର ଦେଇଥିଲେ। ବନବିଭାଗ କର୍ମୀ ଘଟଣାସ୍ଥଳରେ ପହଞ୍ଚି ହାତୀ ମାନଙ୍କ ଗତିବିଧି ଉପରେ ନଜର ରଖିଛନ୍ତି। ଏପଟେ ବିଭିନ୍ନ ସମୟରେ ହାତୀ ଆସି ଗାଁରେ ଘରଦ୍ବାର ଭଙ୍ଗିବା ସହ ଚାଷ ଜମି କ୍ଷତି କରିଦେଉଛନ୍ତି। ସେଥିପାଇଁ ଭୟଭୀତ ଅବସ୍ଥାରେ ଗ୍ରାମବାସୀ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ତାମ୍ପରା ହ୍ରଦକୁ ସଙ୍କୁଚିତ କରି ବେଆଇନ ନିର୍ମାଣ ସମ୍ପର୍କରେ ଏନଜିଟି ପୂର୍ବାଞ୍ଚଳ ବେଞ୍ଚରେ ସତ୍ୟପାଠ ଦାଖଲ କରାଯାଇଛି । ଗଞ୍ଜାମ ଜିଲ୍ଲାପାଳ ଏବଂ ୱେବ ଅଭିଯୋଗକାରୀଙ୍କ ପକ୍ଷରୁ ପୃଥକ ଭାବେ ସତ୍ୟପାଠ ଦାଖଲ ହୋଇଛି । କମିଟିର ଅନୁଧ୍ୟାନ ରିପୋର୍ଟ ଦାଖଲ ପାଇଁ ତିନି ସପ୍ତାହ ସମୟ ଦେବାକୁ ଏନଜିଟିକୁ ପ୍ରତିପକ୍ଷ ତରଫରୁ ନିବେଦନ କରାଯାଇଛି । ନଭେମ୍ବର ୩ରେ ଏହାର ପରବର୍ତ୍ତୀ ଶୁଣାଣି ହେବ।
ପୂର୍ବରୁ ତାମ୍ପରା ହ୍ରଦରେ ବେଆଇନ ଭାବେ ନିର୍ମାଣ କାର୍ଯ୍ୟ ହେଉଥିବା ନେଇ ଏନଜିଟିରେ ପିଟିସନ ଫାଇଲ ହୋଇଥିଲା ଏହାର ଶୁଣାଣି କରି ଗତ ଅଗଷ୍ଟ ୧୧ ତାରିଖରେ ଏନଜିଟି ବେଞ୍ଚ ନୋଟିସ ଜାରି କରିବା ସହ ୪ ସପ୍ତାହ ମଧ୍ୟରେ ଉତ୍ତର ରଖିବା ସହ ବେଆଇନ ନିର୍ମାଣ କାର୍ଯ୍ୟକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। ତେବେ ଏନଜିଟିଙ୍କ ନିର୍ଦ୍ଦେଶ ପରେ ଗତ ୨୫ ତାରିଖ ଦିନ ଗଞ୍ଜାମ ଜିଲ୍ଲାପାଳ ଏ ସମ୍ପର୍କରେ ସତ୍ୟପାଠ ଦାଖଲ କରିଛନ୍ତି ।ଏହି ସତ୍ୟପାଠରେ ଉଲ୍ଲେଖ ଅଛି ଯେ, ଏନଜିଟିଙ୍କ ନିର୍ଦ୍ଦେଶକ୍ରମେ ଚଳିତ ମାସ ୫ ତାରିଖରେ ଏକ ବୈଷୟିକ କମିଟି ଗଠନ ହୋଇଛି । ଏହି କମିଟି ୨୨ ତାରିଖରେ ତାମ୍ପରା ହ୍ରଦ ପରିଦର୍ଶନ କରିଥିବା ଏବଂ ଅଗଷ୍ଟ ୧୨ ତାରିଖରୁ ତାମ୍ପରା ସୌନ୍ଦର୍ଯ୍ୟକରଣ ନିର୍ମାଣ କାର୍ଯ୍ୟ ବନ୍ଦ ଥିବା ସତ୍ୟପାଠରେ ଉଲ୍ଲେଖ ଅଛି।
ଅଧିକ ପଢ଼ନ୍ତୁ ଓଡ଼ିଶା ଖବର
