ଅର୍ଗସ ବ୍ୟୁରୋ: ବ୍ରଜରାଜନଗର ଗାନ୍ଧି ଛକରେ ସ୍ବାସ୍ଥ୍ୟମନ୍ତ୍ରୀ ନବ ଦାସଙ୍କ ଉପରକୁ ଗୁଳିମାଡ଼ ପଛର କଣ କାରଣ କଣ। କାହିଁକି ନବ ଦାସଙ୍କୁ ହତ୍ୟା କଲେ ଏଏସଆଇ ଗୋପାଳ ଦାସ। ଜଣେ ମାନସିକ ରୋଗୀ କିଭଳି ଯୋଜନାବଦ୍ଧ ଭାବେ କଲେ ହତ୍ୟା, ତାକୁ ନେଇ ବଢିବାରେ ଲାଗିଛି ସସପେନ୍ସ । ଗୋପାଳ ଦାସଙ୍କ ଟ୍ରାକ୍ ରେକର୍ଡ ଉପରେ ନଜର ପକାନ୍ତୁ । ପୋଲିସ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ମିଳିଛି ଅନେକ ପୁରସ୍କାର । ନିଜ କ୍ୟାରିୟରରେ ମୋଟ ୧୮ଟି ମେଡାଲ ସାଙ୍ଗକୁ ୮ ଥର ଅର୍ଥରାଶି ପ୍ରଦାନ କରାଯାଇଥିଲା ଗୋପାଳଙ୍କୁ । ୨୦୦୯ ସେପ୍ଟେମ୍ବର ୯ ତାରିଖରେ ସେ ହାବିଲଦାରରୁ ASIକୁ ପଦୋନ୍ନତି ପାଇଥିଲେ ସେ। ଜଣେ କର୍ତ୍ତବ୍ୟନିଷ୍ଠ ପୋଲିସ କର୍ମଚାରୀ କିପରି ସ୍ବାସ୍ଥ୍ୟମନ୍ତ୍ରୀଙ୍କୁ କିପରି ଗୁଳି କଲା। ପରିବାର ଲୋକେ ବି ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ସେପଟେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଗୋପାଳଙ୍କୁ ଜେରା କରିଛନ୍ତି ।
ଗୋପାଳଙ୍କ ବିରୋଧରେ ୩୦୨ ଦଫା ଲାଗିଛି। ଏଫଆଇର କପିରେ ସ୍ପଷ୍ଟ ଭାବେ ଉଲ୍ଲେଖ କରାଯାଇଛି ହତ୍ୟା ଉଦ୍ଦେଶ୍ୟରେ ହିଁ ଗୁଳି ଚଳାଇଥିଲେ ଗୋପାଳ । ତେବେ କଣ ହୋଇପାରେ ହତ୍ୟା ପଛର କାରଣ, କିଛି ପୂର୍ବ ଶତ୍ରୁତା ଥିଲା କି ଗୋପାଳଙ୍କର ନବ ଦାସଙ୍କ ସହ ନା ଏହା ପଛରେ ରହିଛି ବଡ଼ ଷଡଯନ୍ତ୍ର। ପରିବାର ଲୋକେ ବି ଏନେଇ ଅନ୍ଧାରରେ ଅଛନ୍ତି।
ଓଡ଼ିଶା ଖବର ଆହୁରି ପଢ଼ନ୍ତୁ ।
