ଅର୍ଗସ ବ୍ୟୁରୋ: ଲୋକଙ୍କୁ ନିମ୍ନମାନର ଖାଦ୍ୟ ଦେବା ଅଭିଯୋଗ। ଅନିର୍ଦ୍ଦିଷ୍ଟ ସମୟ ପାଇଁ ବନ୍ଦ ହେଲା ମାଲକାନଗିରିର ହୋଟେଲ ସ୍ୱାଗତର ରେଷ୍ଟୁରାଣ୍ଟ। ଅଭିଯୋଗ ପାଇବା ପରେ ମାଲକାନଗିରି ଜିଲ୍ଲା ଖାଦ୍ୟ ସୁରକ୍ଷା ଅଧିକାରୀ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଖାଦ୍ୟ ସୁରକ୍ଷା ଅଧିକାରୀଙ୍କ ନିକଟରେ ହୋଟେଲ କର୍ମଚାରୀମାନେ ନିଜ ଭୁଲ ସ୍ୱୀକାର କରିଥିବା ବେଳେ ପୂର୍ବରୁ ମଧ୍ୟ ନିମ୍ନ ମାନର ଖାଦ୍ୟ ଲୋକଙ୍କୁ ପ୍ରଦାନ କରାଯିବାର ଅଭିଯୋଗ ହୋଇଥିଲା।
ଖାଦ୍ୟ ସୁରକ୍ଷା ବିଭାଗ ପକ୍ଷରୁ ମଧ୍ୟ ହୋଟେଲ ସ୍ୱାଗତର ରେଷ୍ଟୁରାଣ୍ଟକୁ ନୋଟିସ କରାଯାଇଥିଲେ ସୁଦ୍ଧା ହୋଟେଲ ପକ୍ଷରୁ କୌଣସି ଉତ୍ତର ଦେଇନଥିଲେ। ଏଭଳି ଭାବରେ ରାଜ୍ୟର ବିଭିନ୍ନ ସ୍ଥାନରୁ ଖବର ସାମ୍ନାକୁ ଆସୁଥିବାବେଳେ ଏନେଇ ସତର୍କ ହେବା ଆବଶ୍ୟକ ହୋଇପଡୁଛି। ଭଲ ଭାବରେ ଖାଦ୍ୟ ତଦାରଣ କରି ଲୋକଙ୍କୁ ଖାଇବାକୁ ଦେହା ଆବଶ୍ୟକ ଥିବାବେଳେ କେହି କେହି ଏହାକୁ ଅବମାନନା କରୁଥିବା ଜଣାପଡିଛି।
ଓଡ଼ିଶା ଖବର ଆହୁରି ପଢ଼ନ୍ତୁ ।
