ଅର୍ଗସ ବ୍ୟୁରୋ: ବିଧାନସଭାରେ ଆଜି ପାରିତ ହେବ ବ୍ୟୟ ମଞ୍ଜୁରୀ ବିଲ୍। ପୁର୍ବରୁ ସବୁ ବିଭାଗର ଖର୍ଚ୍ଚଦାଦି ନେଇ ଆଲୋଚନା ହୋଇସାରିଛି। ଯେଉଁ ବିଭାଗ ଗୁଡିକ ଆଲୋଚନା ହୋଇନଥିଲା ସେଗୁଡିକୁ ଗିଲୋଟିନ ଆକାରରେ ପାରିତ କରାଯାଇଛି । ବ୍ୟୟ ମଜୁରୀ ବିଲ ଆଲୋଚନା ସମୟରେ ବିଭିନ୍ନ ପ୍ରସଙ୍ଗ ଉଠାଇ ସରକାରଙ୍କୁ ସମାଲୋଚନା କରିପାରନ୍ତି ବିରୋଧୀ।
ଚଳିତ ଥର ବଜେଟ୍ ୨ଲକ୍ଷ ୩୦ହଜାର କୋଟିର ରହିଛି। ବ୍ୟୟମଜୁରୀ ବିଲ ପାରିତ ହେଲେ ଆସନ୍ତା କାଲିଠାରୁ ଆରମ୍ଭ ହେଉଥିବା ନୂଆ ଆର୍ଥିକ ବର୍ଷ ପାଇଁ ବଜେଟରୁ ଖର୍ଚ୍ଚ କରିବେ ସରକାର। ସେହିପରି ପ୍ରଶ୍ନ କାଳରେ ଶିଳ୍ପ,ଏମଏସଏମଇ, ଶକ୍ତି, ସାମାଜିକ ସୁରକ୍ଷା, ଭିନ୍ନକ୍ଷମ ସଶକ୍ତିକରଣ,ବିଗ୍ୟାନକାରିଗରୀ,ସରକାରୀ ଉଦ୍ୟୋଗ, ହସ୍ତତନ୍ତ ବୟନ ଶିଳ୍ପ ବିଭାଗ ଉପରେ ଆଲୋଚନା ହେବାର କାର୍ଯ୍ୟକ୍ରମ ରହିଛି। ଯାହା ଉପରେ ସମସ୍ତଙ୍କର ନଜର ରହିଛି।
ଅଧିକ ପଢ଼ନ୍ତୁ ଓଡିଶା ଖବର:
ଭୁବନେଶ୍ୱର: ବାହାନଗା ଟ୍ରେନ ଦୁର୍ଘଟଣାରେ ଆହତ ହୋଇଥିବା ଯାତ୍ରୀଙ୍କ ପାଇଁ ୨୪୦ ୟୁନିଟ ବ୍ଲଡ ସଂଗ୍ରହ କଲେ ଅଭିନେତ୍ରୀ ଏଲିନା ସାମନ୍ତରାୟ। ଏକାଠି ହେଲେ ସାଧାରଣ ଲୋକଙ୍କ ସହ ଅନେକ ନାମୀ ଦାମୀ କଳାକାର।
ଆହତ ଯାତ୍ରୀଙ୍କ ଅବସ୍ଥାରେ ସୁଧାର ଆଣିବାକୁ ହେଲେ ରକ୍ତର ଆବଶ୍ୟକତା ରହିଛି ତେଣୁ ଆଜି ରେଡ କ୍ରସ ଭବନରେ ରକ୍ତଦାନ ଶିବିର ଆୟୋଜନ କରିଛନ୍ତି ଅଭିନେତ୍ରୀ ଏଲିନା ସାମନ୍ତରାୟ। କହିଛନ୍ତି ଏହି ଟ୍ରେନ ଦୁର୍ଘଟଣା ତାଙ୍କୁ ବ୍ୟଥିତ କରିଛି ସମସ୍ତେ ସ୍ଵଇଛାରେ ରକ୍ତ ଦେବାକୁ ଆଗେଇ ଆସିବା ଦରକାର।
ଅଧିକ ପଢନ୍ତୁ :ଏମ୍ସ ଆସି ସମ୍ପର୍କୀୟ ମାନେ ଫଟୋ ଦେଖାଇ ଶବ ନେଇ ପାରିବେ
ଅର୍ଗସ ବ୍ୟୁରୋ: ବାଲେଶ୍ବର ଜିଲ୍ଲା ବାହାନଗା ଟ୍ରେନ ଦୁର୍ଘଟଣାରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ବାଇ.ଏସ. ଜଗନ ମୋହନ ରେଡ୍ଡି ଅନୁକମ୍ପାମୂଳକ ସହାୟତା ରାଶି ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଏହି ସହାୟତା ରାଶି ପ୍ରଦାନ କରାଯିବ।
ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା ମୃତକଙ୍କ ପରିବାରକୁ ୧୦ଲକ୍ଷ ଟଙ୍କାର ସହାୟତା ରାଶି ଘୋଷଣା କରାଯାଇଥିବାବେଳେ ଆହତମାନଙ୍କୁ ୫ ଲକ୍ଷ ଟଙ୍କାର ସହାୟତା ରାଶି ଦିଆଯିବ ବୋଲି ଆନ୍ଧ୍ର ସରକାର ରବିବାର ଘୋଷଣା କରିଛନ୍ତି। ଶୋକସନ୍ତପ୍ତ ପରିବାରବର୍ଗଙ୍କୁ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ଗଭୀର ସମବେଦନା ଜଣାଇବା ସହ ଆହତମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି।
ଅଧିକ ପଢ଼ନ୍ତୁ ଓଡ଼ିଶା ଖବର
ମୟୂରଭଞ୍ଜ: ସାଙ୍ଗସାଥିଙ୍କ ସହିତ ବୁଲିବାକୁ ଆସିଥିଲେ ୮ ଜଣ ମେଡିକାଲ ଛାତ୍ର । ହେଲେ ଜଳପ୍ରପାତରେ ସମସ୍ତେ ମିଳିମିଶି ଗାଧଉଥିବା ବେଳେ ଜଣଙ୍କର ଗୋଡ଼ ଖସିଗଲା । ଫଳରେ ପାଣିରେ ବୁଡି ଚାଲିଗଲା ଛାତ୍ରଙ୍କ ଜୀବନ । ଏଭଳି ଘଟଣା ଘଟିଛି ଉଦଳା ଥାନା ପର୍ଯ୍ୟଟନସ୍ଥଳୀ ଦେବକୁଣ୍ଡରେ ।
ବାରିପଦା ପିଆରଏମ ମେଡିକାଲ କଲେଜର ତୃତୀୟ ବର୍ଷର ଛାତ୍ର ଲିପେନ ସାହୁ ନିଜର ୭ ଜଣ ସାଙ୍ଗଙ୍କ ସହିତ ଦେବକୁଣ୍ଡ ବୁଲିବାକୁ ଆସିଥିଲେ । ଦେବକୁଣ୍ଡ ଜଳପ୍ରପାତରେ ଗାଧଉଥିବା ବେଳେ ହଠାତ ଲିପେନଙ୍କର ଗୋଡ଼ ଖସି ଯାଇଥିଲା । ଗୋଡ଼ ଖସିଯିବା ଫଳରେ ସେ ପାଣି ଭିତରେ ବୁଡି ଯାଇଥିଲେ ।
ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରିବା ପରେ ଶ୍ରୀଦାମଚନ୍ଦ୍ରପୁର ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ଉଦଳା ପୋଲିସ ଡାକ୍ତରଖାନାରେ ପହଞ୍ଚି ମୃତଦେହ ଜବତ କରି ତଦନ୍ତ ଜାରି ରଖିଛି । ମୃତ ଛାତ୍ର ଜଣଙ୍କ ବ୍ରହ୍ମପୁର ଥାନା ଗଳନ୍ଥରା ଅଞ୍ଚଳର ବୋଲି ଜଣାପଡିଛି ।
ଆହୁରି ପଢନ୍ତୁ ଓଡିଶା ଖବର...
