ଜଗନ୍ନାଥ ଏବଂ ପ୍ରିୟଙ୍କାଙ୍କ ମଧ୍ୟରେ ପୂର୍ବରୁ ସମ୍ପର୍କ ଥିଲା। ପରବର୍ତ୍ତି ସମୟରେ ପ୍ରିୟଙ୍କା ପ୍ରତାରଣା କରିବାରୁ ପ୍ରତିହିଂସା ପରାୟଣ ହୋଇ ଜଗନ୍ନାଥ ଏଭଳି କାଣ୍ଡ ଘଟାଇଥିବା ପ୍ରାଥମିକ ତଦନ୍ତରୁ ସ୍ପଷ୍ଟ ହୋଇଛି । ଘଟଣା ସ୍ଥଳରୁ ମିଳିଥିବା ଚିଠିରୁ ଅଭିଯୁକ୍ତ ଉଭୟ ପ୍ରିୟଙ୍କା ଏବଂ ତାଙ୍କ ପୁଅକୁ ମାରିବାକୁ ଯୋଜନା କରିଥିଲା । ତେବେ ଛୋଟ ପୁଅ ଉପର ଘରେ ଘର ମାଲିକଙ୍କ ପାଖରେ ଥିବାରୁ ସେ ବର୍ତ୍ତିଯାଇଥିବା ଜଣାପଡିଛି ।
ଜବତ ହୋଇଥିବା ଏହି ହାତଲେଖା ଚିଠିକୁ ପୋଲିସ ଫରେନସିକ ଲ୍ୟାବକୁ ପଠାଇଛି। ଅନ୍ୟପଟେ ଅଭିଯୁକ୍ତ ବର୍ତ୍ତମାନ ଚିକିତ୍ସାଧୀନ ରହିଛି। ସେ ସୁସ୍ଥ ହୋଇ ଜେରା ହେବା ପରେ ଘଟଣାରୁ ଉପରୁ ସମ୍ପୂର୍ଣ୍ଣ ପରଦା ଉଠିବ ବୋଲି ତଦନ୍ତକାରୀ ଅଧିକାରୀ କହିଛନ୍ତି।
