ଅର୍ଗସ ବ୍ୟୁରୋ: ଆଜି ପବିତ୍ର ଶ୍ରୀରାମ ନବମୀ। ଉତ୍ସବ ମୁଖର ଭଦ୍ରକ ସହର। ସହରରେ ଥିବା ମା' ବଙ୍କବାସୁଳି ମନ୍ଦିର ପ୍ରାଣଙ୍ଗନରେ ଥିବା ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମଙ୍କ ମନ୍ଦିରରେ ରୀତିନୀତି ଅନୁଯାୟୀ ପୂଜା ଅର୍ଚନା କରାଯାଉଛି। ଧୂପ, ଦ୍ବୀପ, ନୈବେଦ୍ୟ ସହ ଆଧ୍ୟମିକ ପରିବେଶ ସୃଷ୍ଟି ହୋଇଛି। ଭକ୍ତ ଭଗବାନ ଏକାକୀ ହୋଇଛନ୍ତି। ଭକ୍ତ ଭଗବାନଙ୍କ ଅପୂର୍ବ ମିଳନରେ ମୁଖରିତ ପରିବେଶ। ଭାବ ବିହ୍ବଳ ହୋଇପଡିଛନ୍ତି ଭକ୍ତ। ପ୍ରଭୂ ଶ୍ରୀରାମଙ୍କ ଜନ୍ମ ଉତ୍ସବରେ ଭଗବାନଙ୍କୁ ଦର୍ଶନ କରି ନିଜକୁ ଧନ୍ୟ ମନେ କରିଛନ୍ତି ଭକ୍ତ।
ଅନ୍ୟପଟେ ଐତିହାସିକ ଶ୍ରୀରାମ ନବମୀ ପାଇଁ ସ୍ଥାନୀୟ ଗାନ୍ଧୀପଡିଆ ଠାରେ ହୋମ ଯଜ୍ଞ ସହ ପୂଜା ପାଠ କରାଯାଉଛି। ସାରା ସହର ଗେରୁଆ ମୟ ହୋଇଛି। ଆଜି ପ୍ରଭୁ ଶ୍ରୀରାମ ଙ୍କର ବିଶାଳ ଶୋଭାଯାତ୍ରା ଅପରାହ୍ନ 3ଟା ସମୟରେ ନେହୁରୁ ଷ୍ଟାଡିୟମ ଠାରୁ ବାହାରି 12 କିଲୋମିଟର ସହର ପରିକ୍ରମା କରିବ। ଏହି ଶୋଭାଯାତ୍ରାରେ ଲକ୍ଷାଧିକ ଶ୍ରୀରାମ ଭକ୍ତ ମାନେ ସାମିଲ ହେବେ।
ଅଧିକ ପଢନ୍ତୁ ଓଡିଶା ଖବର
ଝାରସୁଗୁଡା: ବାରମ୍ବାର ବିଦ୍ୟୁତ ଦର ବୃଦ୍ଧି ଓ ଅଘୋଷିତ ବିଦ୍ୟୁତ କାଟକୁ ନେଇ ଶେଷରେ ଝାରସୁଗୁଡା ସ୍ଥିତ ବିଦ୍ୟୁତ କାର୍ଯ୍ୟାଳୟ ଜିଲ୍ଲା ବିଜେପି ପକ୍ଷରୁ ଘେରାଉ କରି ଦାବିପତ୍ର ପ୍ରଦାନ କରାଯାଇଛି । ଟାଟା ପାୱାର ଓ ରାଜ୍ୟ ସରକାରଙ୍କ ବିଦ୍ୟୁତ ବିଭାଗ ପକ୍ଷରୁ କୁହାଯାଇଥିଲା ଯେ ପୂର୍ବ ଭଳି ବିଦ୍ୟୁତ କାଟ୍ ହେବ ନାହିଁ ।
ଟାଟା କମ୍ପାନୀ ନେବାପରେ ସମସ୍ତ ସୁବିଧା ମଧ୍ୟ ମିଳିପାରିବ । କିନ୍ତୁ ତାହା ଓଲଟା ଦେଖିବାକୁ ମିଳୁଛି ବୋଲି ବିଜେପି ପକ୍ଷରୁ କୁହାଯାଇଛି । ଏତତ ବ୍ୟତୀତ ସ୍ୱଳ୍ପ ବର୍ଷା କିମ୍ବା ପବନ ହୋଇଗଲେ ଦୀର୍ଘ ସମୟ ପର୍ଯ୍ୟନ୍ତ ବିଦ୍ୟୁତ ସରାବରାହ ବନ୍ଦ ରହୁଛି । ଏ ସବୁର କିପରି ଶୀଘ୍ର ସମାଧନ ହେବ ଏ ଉପରେ ଦୃଷ୍ଟି ଦେବାକୁ ଦାବିପତ୍ର ଦିଅଯାଇଛି । ବିଦ୍ୟୁତ୍ ବିଲ୍ ଆଦାୟ କରିବା ବାହାନାରେ ସାଧାରଣ ଉପଭୋକ୍ତାଙ୍କ ପ୍ରତି ଅତ୍ୟାଚାର କରୁଛି ଟାଟା ପାୱାର୍ ।
ଏଥିରେ ଝାରସୁଗୁଡା ବିଜେପି ପକ୍ଷରୁ ବିଜେପି ରାଜ୍ୟ ସମ୍ପାଦକ ଟଙ୍କଧର ତ୍ରିପାଠୀଙ୍କ ନେତୃତ୍ୱରେ ଅନ୍ୟ ବିଜେପି କର୍ମୀମାନେ ପ୍ରମୁଖ ଯୋଗଦାନ କରିଥିଲେ ଓ ଟାଟା ପାୱାର କାର୍ଯ୍ୟଳୟରେ ଦାବି ପତ୍ର ପ୍ରଦାନ କରିଥିଲେ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ବନ୍ଧୁକ ଦେଖାଇ ଲୁଟିନେଲେ।ନୂଆପଡା ଜିଲ୍ଲା ଖଡ଼ିଆଳ ଥାନା ଖୁଦପେଜ ଗାଁରେ ସୁନ୍ଦରଶ୍ୟାମ ଶତପଥୀଙ୍କ ଘରେ ରାତ୍ରି ସାଢେ ନଅରେ ସଶସ୍ତ୍ର ଡକାୟତି । ମୁଖା ପିନ୍ଧା ସଶସ୍ତ୍ର ଡ଼କାୟତ ଘରେ ପଶି ପରିବାର ସଦସ୍ୟଙ୍କ ହାତଗୋଡ଼ ବାନ୍ଧି ଅତର୍କିତ ଆକ୍ରମଣ କରିଥିଲେ । ଘରର ଜଣେ ଶିଶୁ ମୁଣ୍ଡରେ ବନ୍ଧୁକ ରଖି ପରିବାର ଲୋକଙ୍କୁ ଭୟଭୀତ କରି ଘରରୁ ଲକ୍ଷାଧିକ ଟଙ୍କା ଓ ସୁନା ରୁପା ନେଇ ଯାଇଛନ୍ତି।
ଡକାୟତ ମାନେ ୩ଜଣଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରି ଲହୁଲୁହାଣ କରି ଆଘାତ କରିଛନ୍ତି। ସୁନ୍ଦର ଶ୍ୟାମଙ୍କୁ ମୁଣ୍ଡ ପଛ ପଟେ ବନ୍ଧୁକରେ ଆଘାତ କରିଥିବା ବେଳେ ତାଙ୍କୁ ପ୍ରଥମେ ଖଡ଼ିଆଳ ହସ୍ପିଟାଲ ଓ ପରେ ନୂଆପଡା ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଥିବା ପରିବାର ଲୋକେ କହିଛନ୍ତି । ସୁନ୍ଦର ଙ୍କ ବାପା ଭରତଙ୍କ ମୁଣ୍ଡରେ ଆଘାତ କରିଛନ୍ତି ଓ ମାଆ ଜମ୍ବୁଙ୍କ ଗୋଡ଼ରେ ବାଡେଇଛନ୍ତି। ସଶସ୍ତ୍ର ଡ଼କାୟତ ମାନଙ୍କ ମଧ୍ୟରୁ କିଛି ଚିହ୍ନା ମୁହଁ ଥିବା ବେଳେ ଅନେକ ମୁଖା ପିନ୍ଧିଥିବା ପରିବାର ଲୋକେ କହିଛନ୍ତି । ଘଟଣା ପରେ ଖଡ଼ିଆଳ ପୋଲିସକୁ ଯୋଗାଯୋଗ କରିବାରୁ ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଥିବା ସୂଚନା ମିଳିଛି ।
ଅଧିକ ପଢ଼ନ୍ତୁ ଓଡିଶା ଖବର:
ଢେଙ୍କାନାଳ: ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ୍ ଅନ୍ତର୍ଗତ ଗୋରିଲ ଗ୍ରାମର କାଜୁ ଜଙ୍ଗଲରେ ଦୁଇଦିନ ହେବ ଏକ ଦନ୍ତା ହାତୀଟି ଅସୁସ୍ଥ ଥିବାରୁ ହିନ୍ଦୋଳ ବନ ବିଭାଗ ଅସୁସ୍ଥ ହାତୀର ଯତ୍ନ ନେଉଥିବା ଜଣାପଡିଛି ।
ହାତୀ ଆସନ୍ତାକାଲି ସକାଳ ସମୟରେ ଗାଁ ପୋଖରୀରେ ଗାଧୋଇବା ବେଳେ ହାତୀଟି କୁଆଡେ ଯାଇପାରି ନଥିବା ହେତୁ, ଗ୍ରାମର ଲୋକମାନେ ବନବିଭାଗକୁ ଖବର ଦେଇଥିଲେ । ଏବଂ ବନ ବିଭାଗର କର୍ମଚାରୀମାନେ ଆସି ହାତୀଟିକୁ ପାଖ କାଜୁ ଜଙ୍ଗଲକୁ ନେଇ ତାର ଯତ୍ନ ନେଉଥିବା ଜଣାପଡିଛି ।
ଦିନକୁ ଦିନ ଜନବସତି ମୁହାଁ ହେଉଛନ୍ତି ହାତୀ । ହାତୀ ମୃତ୍ୟୁ ବଢୁଥିବାବେଳେ ଜଙ୍ଗଲୀ ଜନ୍ତୁଙ୍କ ସୁରକ୍ଷା ଏକ ପ୍ରକାର ଜରୁରୀ ହୋଇପଡିଛି । ଗତ 1 ତାରିଖରେ ଢ଼େଙ୍କାନାଳରେ ଏକ ହାତୀର ମୃତ୍ୟୁ ଘଟିଥିଲା । ସଦର ରେଞ୍ଜ ବୋରାପଦା ଖମାର ନିକଟରେ ଏକ ଆମ୍ବ ତୋଟାରେ ହାତୀର ମୃତ୍ୟୁ ହୋଇଥିଲା । ବିଦ୍ୟୁତ ତାର ସଂସ୍ପର୍ଷରେ ଆସି 15 ବର୍ଷର ହାତୀଟିର ମୃତ୍ୟୁ ହୋଇଥିଲା ।
ଆହୁରି ପଢନ୍ତୁ ଓଡିଶା ଖବର...
