The driver has been detained and is being questioned

ପରିବାର ଲୋକଙ୍କ ପକ୍ଷରୁ ଜଗନ୍ନାଥଙ୍କୁ ଆଠଗଡ ମେଡିକାଲ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।  ଉକ୍ତ ଘଟଣାରେ ଅଭିଯୁକ୍ତ ଟୁକୁନା ପ୍ରଧାନକୁ ଆଠଗଡ଼ ଥାନାରେ ଅଟକ ରଖି ପଚରାଉଚରା ଜାରି ରଖିଛି । ହତ୍ୟା ବେଳର ସିସିଟିଭି  ଫୁଟେଜ ଆଧାରରେ ତଦନ୍ତ ଜାରି ରଖିଥିବା ସୂଚନା ଦେଇଛନ୍ତି ଆଠଗଡ଼ SDPO ବିଜୟ କୁମାର ବିଶି ।

ଆହୁରି ପଢନ୍ତୁ ଅପରାଧ ଖବର...

ଜାଣିଛନ୍ତି ଏଡେବଡ ଦିନଟାରେ ଆମ କାଳିଆ ସାଆନ୍ତର ମୁହଁ ଶୁଖିଯାଇଛି। କାଳ ଶୁକ୍ରବାରର କାଳିମା ଓଡ଼ିଶାର ଛାତି ଉପରେ ଛାଡି ଯାଇଛି ଗଭୀର କ୍ଷତ। ଆମ ଭଳି ଆମ କାଳିଆ ସାଆନ୍ତ ବି ଆଜି ମର୍ମାହତ।
ସ୍ନାନ ମଣ୍ଡପରେ ମଣିମାଙ୍କ ମୁହଁ ସୁଖିଛି। ସତେ ଯେମିତି ଲାଗୁଛି, ଆମ ଦିଅଁଙ୍କ ମନ ଆଉ ଦେହ ଆଦୌ ଭଲନାହିଁ। ଉତ୍ତର ଖୋଜୁ ଖୋଜୁ ଆମେ ଓଡ଼ିଆଏ ପହଞ୍ଚିଲୁ ଆମ ରାଇଜର ଉତ୍ତର ଦିଗରେ। ଲୌହ ଦାନବର ରକ୍ତ ଭୋଜିରେ ଖିନଭିନ୍ ହୋଇଛି ପ୍ରେମର ସହର ବାଲେଶ୍ବର। ଆହତର ବାହୁ ଧରି ଟେକି ନେଲା ବେଳେ ବାହାନଗାର ପ୍ରତିଟି ସହୃଦୟ ମଣିଷର ବାହୁ ହୋଇଛି ରକ୍ତ ରଞ୍ଜିତ।
ରକ୍ତ କଥା ଭାବୁ ଭାବୁ ଟିଭିରେ ଚମକେଇ ଗୋଟାଏ ଖବର। ସ୍ନାନ ବେଦୀରେ ପଡିଛି ରକ୍ତର ଛିଟା। ହେଲେ ଆହତର ପରିଚୟ ଏବେ ବି ମିଳିନି।

କି ସଂଯୋଗ ମଣିମା, ଓଡ଼ିଶାର ଏ ମହାବିପତ୍ତିକୁ ତୁମ ମହାଭୁଜ କ'ଣ ବଳେଇ ଯିବ। ଯିଏ ଗଲା ତାଙ୍କୁ ଶ୍ରୀଅଙ୍ଗରେ ସ୍ଥାନ ଦିଏ। ଯିଏ କଷ୍ଟ ପାଉଛି, ତୁମ ଆଶିଷ ଚନ୍ଦନ ପ୍ରଲେପରେ ତା ଅଙ୍ଗ ସୁସ୍ଥ କରିଦିଅ। କାଳିଆ ସୁନା ବିରସମନା ହେଲେ ଆଖିକୁ ଭଲ ଦିଶୁନି। ଟିକେ ହସିଦିଅ ପ୍ରଭୁ, ଶୃଙ୍ଖଳିତ ହେଇଯାଉ ମଣିଷର ଜୀବନ, ତୁମ ପ୍ରେମର ଆବେଗରେ ଆନନ୍ଦିତ ହେଉ ସଂସାର। ଭୋଗଭାଗ୍ୟମୟ ହେଉ ଜୀବନ ଚଳଣୀ। ପ୍ରେମରେ ପ୍ଲାବିତ ହେଉ ଧରା। ଆମକୁ ଏତେ ରାଗ କାଇଁ ଯେ, ଆମେ ପରା ଯୁଗ ଯୁଗ, କାଳ କାଳାନ୍ତରକୁ ତୁମର...।  
 

ବାହାନଗା ଟ୍ରେନ୍ ଦୁର୍ଘଟଣାରେ ଆହତଙ୍କ ପାଇଁ ରକ୍ତର ଆବଶ୍ୟକତା ଥିବା ବେଳେ, କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଭୁଇଁପୁର ପଞ୍ଚାୟତରେ ସରପଞ୍ଚ ରେଶ୍ମାରାଣୀ ମଲ୍ଲିକଙ୍କ ଉଦ୍ୟମରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏହି ରକ୍ତଦାନ ଶିବିରରେ ସ୍ବେଛାକୃତ ଭାବେ ଯୁବକ, ଯୁବତୀ ଆସି ରକ୍ତଦାନ କରିଛନ୍ତି । ରାଜଧାନୀ ଭୁବନେଶ୍ବରର ରେଡକ୍ରସ ଭବନରେ ବି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସ୍ଵେଚ୍ଛାକୃତ ଭାବେ ରାଜଧାନୀ ବାସିନ୍ଦା ଏବଂ ବିଭିନ୍ନ ସଂଗଠନର ସଦସ୍ୟ ଆସି ରକ୍ତଦାନ କରିଛନ୍ତି । ଏହି ଶିବିରରେ 100 ୟୁନିଟରୁ ଅଧିକ ରକ୍ତ ସଂଗ୍ରହ କରାଯାଇଛି  । 

ଟ୍ରେନ୍ ଦୁର୍ଘଟଣାରେ ଗୁରୁତରଙ୍କର ରକ୍ତର ଅଭାବକୁ ଦୃଷ୍ଟିରେ ରଖି ସୋର ମେଡିକାଲ ପରିସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ବିନା କୌଣସି ପ୍ରଚାର ପ୍ରସାରରେ ଜିଲ୍ଲାର ବିଭିନ୍ନ ଅଞ୍ଚଳରୁ ଯୁବକ ଯୁବତୀମାନେ ଆସି ଘଣ୍ଟା ଘଣ୍ଟା ଧାଡିରେ ଛିଡା ହୋଇ ରକ୍ତଦାନ କରିଥିଲେ। ଦୁର୍ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟରେ ଲାଗିଥିଲେ ରାଷ୍ଟ୍ରୀୟ ସ୍ବୟଂ ସେବକ ସଂଘର କର୍ମକର୍ତ୍ତା । ରାତି ତମାମ ଉଦ୍ଧାରକାରୀ ଟିମ୍ ସହ RSS କର୍ମୀ ରେସକ୍ୟୁ ଅପରେସନ ତ୍ବରାନ୍ବିତ କରିବାରେ ସହାୟକ ହୋଇଥିଲେ ।

ସେହିପରି କଟକ ଏସ୍‌ସିବି ମେଡିକାଲରେ ଆହତଙ୍କ ଚିକିତ୍ସା ସହ ଚାଲିଛି ଲୋକଙ୍କ ସେବା । ଦଳମତ ନିର୍ବିଶେଷରେ ଉର୍ଦ୍ଧ୍ବରେ ରହି ବିଭିନ୍ନ ରାଜନୈତିକ ଦଳ, ସାମାଜିକ ସଂଗଠନ, ଜିଲ୍ଲା ପ୍ରଶାସନ ଓ ସ୍ବେଚ୍ଛାସେବୀ ଲୋକଙ୍କ ସେବା କରୁଛନ୍ତି । ଟ୍ରେନ ଦୁର୍ଘଟଣାରେ ଆହତ ଯାତ୍ରୀ ଚିକିତ୍ସା ପାଇଁ କଟକ ଏସସିବିରେ ଭର୍ତ୍ତି ହେଉଥିବା ବେଳେ,  ବିଭିନ୍ନ ରାଜନୈତିକ ଦଳ ଓ ସାମାଜିକ ସଂଗଠନ ଲୋକଙ୍କୁ ଥଣ୍ଡା ପାଣି, ଗ୍ଲୁକୋଜ, ବିସ୍କୁଟ, ବିରିୟାନୀ, ଜୁସ୍ ଆଦି ବାଣ୍ଟିଛନ୍ତି । ଏହାସହ ସହାୟତା କେନ୍ଦ୍ର ଖୋଲି ଆହତଙ୍କ ସମ୍ପର୍କରେ ସୂଚନା ଦେବା ସହ ସେମାନଙ୍କ ସେବା କରାଯାଉଛି ।

ସେପଟେ ଗୁରୁତରଙ୍କ ପାଇଁ ରକ୍ତ ସଂଗ୍ରହ କରିବାକୁ ଏକାଠି ହେଲେ କଳାକାରମାନେ । ରେଡ୍ କ୍ରସ ଭବନରେ ଆୟୋଜିତ ଶିବିରରେ ସାଧାରଣ ଲୋକଙ୍କ ସହ ଅନେକ କଳାକାର ଯାଇ ରକ୍ତଦାନ କରିଛନ୍ତି । ଏହି ଶିବିରରେ ୨୪୦ ୟୁନିଟ ରକ୍ତ ସଂଗ୍ରହ ହୋଇଛି ।
ଅଧିକ ପଢନ୍ତୁ ଓଡ଼ିଶା ଖବର