ଅର୍ଗସ ବ୍ୟୁରୋ : ରାସ୍ତାକଡ଼ରେ ଅଚଳ ହୋଇ ପଡ଼ି ରହିଥିବା ଗାଡ଼ିକୁ ହଟାଇବ ବିଏମସି । ଏନେଇ ଭୁବନେଶ୍ବର ମହାନଗର ନିଗମ ପକ୍ଷରୁ ନିର୍ଦ୍ଦେଶ ଦିଆଯିବା ସହ ଅଚଳ ହୋଇପଡ଼ିଥିବା ଗାଡ଼ି ଉପରେ ନୋଟିସ୍ ଲଗାଯାଇଛି । ୭ ଦିନ ମଧ୍ୟରେ ଗାଡ଼ି ମାଲିକ ନିଜ ଅକ୍ତିଆରକୁ ଗାଡ଼ିକୁ ନେବା ଲାଗି ନୋଟିସ୍ ଦିଆଯାଇଛି । ଯଦି ଗାଡ଼ି ମାଲିକ ଗାଡ଼ି ନ ଉଠାନ୍ତି, ତେବେ ବିଏମ୍ସି ଉଠାଇ ନେଇ ସେହି ଅଞ୍ଚଳକୁ ଖାଲି କରିବ । ଏନେଇ ବିଏମ୍ସି ପକ୍ଷରୁ ଟ୍ୱିଟ୍ କରାଯାଇ ସୂଚନା ମଧ୍ୟ ଦିଆଯାଇଛି ।
ଅଧିକ ପଢନ୍ତୁ ଓଡ଼ିଶା ଖବର
କେବଳ ଗାଡି ନୁହେଁ ରାସ୍ତାକଡ଼ରେ ପଡିଥିବା ଠେଲା ଓ ଭଙ୍ଗା ଫର୍ନିଚରକୁ ବି ହଟାଇବ ବିଏମସି । ଭୁବନେଶ୍ବର ବିଭିନ୍ନ ଜାଗାରେ ଏମିତି ଗାଡି ଗୁଡିକ ଖତ ହୋଇ ପଡିଛି । ଫଳରେ ଡ୍ରେନ ସଫା ହୋଇ ପାରୁନାହିଁ । ପୂର୍ବରୁ ଏହି ବାବଦରେ ନିଷ୍ପତ୍ତି ହୋଇଥିଲା । ତାହାର କାର୍ଯ୍ୟ ଆରମ୍ଭ ହୋଇଛି । ସେ ଗାଡି ଗୁଡିକକୁ ଖୋଜାଯାଇ ନୋଟିସ ଲଗାଯାଉଛି । ୨ରୁ ୩ ଦିନ ଭିତରେ ଗାଡି ମାଲିକ ସେଠୁ ଗାଡି ହଟାଇବ। ଯଦି ନ ଉଠାଇଲା ତେବେ ବିଏମସି ନିଜ ଅକ୍ତିଆରକୁ ନେଇ ଡିସପୋଜାଲ କରିବ ।
ବାଲେଶ୍ୱର: ଭୟାନକ ଦୁର୍ଘଟଣା, ବିପଦପୂର୍ଣ୍ଣ ସ୍ଥିତି । ବାହାନଗା ଟ୍ରେନ୍ ଟ୍ରାଜେଡିରେ ଅନେକ ଜୀବନ ଯାଇଛି । ବ୍ୟାପକ କ୍ଷୟକ୍ଷତି ହୋଇଛି । ଏପରି ପରିସ୍ଥିତିରେ ଦେବଦୂତ ସାଜିଛନ୍ତି କିଛି ବ୍ୟକ୍ତି ଓ ଅନୁଷ୍ଠାନ । କେଉଁଠି ଆହତଙ୍କ ପାଇଁ ରକ୍ତଦାନ ଶିବିରର ଆୟୋଜନ କରାଯାଇଛି, ତ ଆଉ କେଉଁଠି ଆର୍ଥିକ ସହାୟତା ପ୍ରଦାନ କରାଯାଇଛି । ଏମାନେ ପ୍ରମାଣିତ କରିଛନ୍ତି, ଆଜି ବି ବଞ୍ଚିଛି ମାନବିକତା ।
ବାହାନଗା ଟ୍ରେନ୍ ଦୁର୍ଘଟଣାରେ ଆହତଙ୍କ ପାଇଁ ରକ୍ତର ଆବଶ୍ୟକତା ଥିବା ବେଳେ, କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଭୁଇଁପୁର ପଞ୍ଚାୟତରେ ସରପଞ୍ଚ ରେଶ୍ମାରାଣୀ ମଲ୍ଲିକଙ୍କ ଉଦ୍ୟମରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏହି ରକ୍ତଦାନ ଶିବିରରେ ସ୍ବେଛାକୃତ ଭାବେ ଯୁବକ, ଯୁବତୀ ଆସି ରକ୍ତଦାନ କରିଛନ୍ତି । ରାଜଧାନୀ ଭୁବନେଶ୍ବରର ରେଡକ୍ରସ ଭବନରେ ବି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସ୍ଵେଚ୍ଛାକୃତ ଭାବେ ରାଜଧାନୀ ବାସିନ୍ଦା ଏବଂ ବିଭିନ୍ନ ସଂଗଠନର ସଦସ୍ୟ ଆସି ରକ୍ତଦାନ କରିଛନ୍ତି । ଏହି ଶିବିରରେ 100 ୟୁନିଟରୁ ଅଧିକ ରକ୍ତ ସଂଗ୍ରହ କରାଯାଇଛି ।
ଟ୍ରେନ୍ ଦୁର୍ଘଟଣାରେ ଗୁରୁତରଙ୍କର ରକ୍ତର ଅଭାବକୁ ଦୃଷ୍ଟିରେ ରଖି ସୋର ମେଡିକାଲ ପରିସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ବିନା କୌଣସି ପ୍ରଚାର ପ୍ରସାରରେ ଜିଲ୍ଲାର ବିଭିନ୍ନ ଅଞ୍ଚଳରୁ ଯୁବକ ଯୁବତୀମାନେ ଆସି ଘଣ୍ଟା ଘଣ୍ଟା ଧାଡିରେ ଛିଡା ହୋଇ ରକ୍ତଦାନ କରିଥିଲେ। ଦୁର୍ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟରେ ଲାଗିଥିଲେ ରାଷ୍ଟ୍ରୀୟ ସ୍ବୟଂ ସେବକ ସଂଘର କର୍ମକର୍ତ୍ତା । ରାତି ତମାମ ଉଦ୍ଧାରକାରୀ ଟିମ୍ ସହ RSS କର୍ମୀ ରେସକ୍ୟୁ ଅପରେସନ ତ୍ବରାନ୍ବିତ କରିବାରେ ସହାୟକ ହୋଇଥିଲେ ।
ସେହିପରି କଟକ ଏସ୍ସିବି ମେଡିକାଲରେ ଆହତଙ୍କ ଚିକିତ୍ସା ସହ ଚାଲିଛି ଲୋକଙ୍କ ସେବା । ଦଳମତ ନିର୍ବିଶେଷରେ ଉର୍ଦ୍ଧ୍ବରେ ରହି ବିଭିନ୍ନ ରାଜନୈତିକ ଦଳ, ସାମାଜିକ ସଂଗଠନ, ଜିଲ୍ଲା ପ୍ରଶାସନ ଓ ସ୍ବେଚ୍ଛାସେବୀ ଲୋକଙ୍କ ସେବା କରୁଛନ୍ତି । ଟ୍ରେନ ଦୁର୍ଘଟଣାରେ ଆହତ ଯାତ୍ରୀ ଚିକିତ୍ସା ପାଇଁ କଟକ ଏସସିବିରେ ଭର୍ତ୍ତି ହେଉଥିବା ବେଳେ, ବିଭିନ୍ନ ରାଜନୈତିକ ଦଳ ଓ ସାମାଜିକ ସଂଗଠନ ଲୋକଙ୍କୁ ଥଣ୍ଡା ପାଣି, ଗ୍ଲୁକୋଜ, ବିସ୍କୁଟ, ବିରିୟାନୀ, ଜୁସ୍ ଆଦି ବାଣ୍ଟିଛନ୍ତି । ଏହାସହ ସହାୟତା କେନ୍ଦ୍ର ଖୋଲି ଆହତଙ୍କ ସମ୍ପର୍କରେ ସୂଚନା ଦେବା ସହ ସେମାନଙ୍କ ସେବା କରାଯାଉଛି ।
ସେପଟେ ଗୁରୁତରଙ୍କ ପାଇଁ ରକ୍ତ ସଂଗ୍ରହ କରିବାକୁ ଏକାଠି ହେଲେ କଳାକାରମାନେ । ରେଡ୍ କ୍ରସ ଭବନରେ ଆୟୋଜିତ ଶିବିରରେ ସାଧାରଣ ଲୋକଙ୍କ ସହ ଅନେକ କଳାକାର ଯାଇ ରକ୍ତଦାନ କରିଛନ୍ତି । ଏହି ଶିବିରରେ ୨୪୦ ୟୁନିଟ ରକ୍ତ ସଂଗ୍ରହ ହୋଇଛି ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ବାହାନଗା ଟ୍ରେନ୍ ଦୁର୍ଘଟଣା ପରେ କୋଲକାତାକୁ ନିୟମିତ ଟ୍ରେନ୍ ସେବା ବ୍ୟାହତ ହୋଇଥିବାବେଳେ ଆରମ୍ଭ ହୋଇଛି ମାଗଣା ବସ୍ ସେବା । ପୁରୀ, ଭୁବନେଶ୍ବର ଓ କଟକରୁ 48 ଘଣ୍ଟା ପାଇଁ ସ୍ବତନ୍ତ୍ର ବସ୍ ସେବା ଯୋଗାଇ ଦେବାକୁ ପ୍ରେସ୍ ରିଲିଜ ଜରିଆରେ ରାଜ୍ୟ ସଡ଼କ ପରିବହନ ନିଗମ ତରଫରୁ କୁହାଯାଇଛି ।
ସେପଟେ ବିପଦ ସମୟରେ ଫାଇଦା ନେଇ ଅନେକ ବସରେ ଭଡା ମନ ଇଚ୍ଛା ନିଆଯାଉଥିବା ଅଭିଯୋଗକୁ ଘରୋଇ ବସ୍ ମାଲିକ ସଂଘ ଖଣ୍ଡନ କରିଛି । ଗତକାଲି କୋଲକାତା ଯାଉଥିବା ଏକାଧିକ ବସରେ ଯାତ୍ରୀଙ୍କଠାରୁ ମନଇଚ୍ଛା ଭଡ଼ା ଆଦାୟ ଅଭିଯୋଗ ହୋଇଥିଲା । ନିର୍ଦ୍ଧାରିତ ଭଡ଼ାଠାରୁ ଅଧିକ ଆଦାୟ କରାଯାଇଥିବା ସଂପୃକ୍ତ ବସ୍ ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ବସ୍ ମାଲିକ ସଂଘ ଯୁଗ୍ମ ସମ୍ପାଦକ ।
ମାଗଣା ବସ୍ ସେବାର ସମସ୍ତ ଖର୍ଚ୍ଚ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ବହନ କରାଯିବ । ଯେଉଁ ଯାତ୍ରୀମାନେ କୋଲକାତା ଯିବା ପାଇଁ ପୂର୍ବରୁ ଟିକେଟ୍ କିଣି ସାରିଛନ୍ତି, ସେମାନେ ଏହାକୁ ବସ୍ଷ୍ଟାଣ୍ଡରେ ଫେରାଇ ଟିକେଟ ମୂଲ୍ୟ ପାଇପାରିବେ । ଯାତ୍ରୀମାନେ ହେଲ୍ପଲାଇନ୍ ଜରିଆରେ ବସ୍ ଯାତ୍ରା ସଂପର୍କିତ ତଥ୍ୟ ହାସଲ କରିପାରିବେ । ହେଲ୍ପଲାଇନ୍ ନମ୍ବରଗୁଡ଼ିକ ହେଲା - ୮୮୯୫୭୫୪୨୬୨- ଭୁବନେଶ୍ବର ବସ୍ ସଂଘ, ୯୮୬୧୦୯୫୭୬୨-ପୁରୀ ବସ୍ ସଂଘ, ୭୦୦୮୩୨୧୩୯୯- କଟକ ବସ୍ ସଂଘ । ପୁରୀରେ ଜିଆରପି, ଆରଟିଓ ଓ ପୋଲିସ ବିଭାଗ ପକ୍ଷରୁ କୋଲକାତା ଯାତ୍ରୀଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଥିବା ପୁରୀ ଏସପି କହିଛନ୍ତି ।
ବାହାନଗା ରେଳଷ୍ଟେସନ ନିକଟରେ ଗତ ୨ ତାରିଖ ସନ୍ଧ୍ୟା ସମୟରେ ଶାଲିମାର-ଚେନ୍ନାଇ ଏକ୍ସପ୍ରେସ୍, ବେଙ୍ଗାଲୁରୁ-ହାୱଡ଼ା ଏକ୍ସପ୍ରେସ୍ ଏବଂ ଏକ ମାଲଗାଡ଼ି ଦୁର୍ଘଟଣାଗ୍ରସ୍ତ ହେବା ପରେ ଅଭାବନୀୟ ପରିସ୍ଥିତି ଲାଗି ରହିଛି । ବାଲେଶ୍ବର ମାର୍ଗରେ ସାଧାରଣ ଟ୍ରେନ ସେବା ଆରମ୍ଭ ନହେବା ଯାଏ ମାଗଣା ବସ୍ ସେବା ଅବଧି ବୃଦ୍ଧି କରାଯିବ ବୋଲି ବିଜ୍ଞପ୍ତିରେ ସ୍ପଷ୍ଟ କରାଯାଇଛି।
ଆହୁରି ପଢନ୍ତୁ ଓଡିଶା ଖବର...
