ତେଣୁ ଆମେ ଓଡ଼ିଶାର ବିକାଶ ଦିଗରେ ସବୁବେଳେ ସାହାଯ୍ୟ କରିବା ପାଇଁ ଆଗେଇ ଆସିବୁ । ପଶୁ ପାଳନ ଏବଂ ଦୁଗ୍ଧ ଉତ୍ପାଦନ କ୍ଷେତ୍ରର ମୌସୁମୀ ବୈଠକରେ ଯୋଗ ଦେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗୋଲଡ଼ ପ୍ଲସ କ୍ଷୀର ପ୍ୟାକେଟର ଉଦଘାଟନ କରିଛନ୍ତି। ବଜାରରେ ଉପଲବ୍ଧ ହେବ ଏହି ଗେରୁଆ ରଙ୍ଗର ପ୍ୟାକେଟ କ୍ଷୀର। ଏହି ନୂଆ କ୍ଷୀର ପ୍ୟାକେଟ ଅନ୍ୟ କ୍ଷୀର ଅପେକ୍ଷା ଅଧିକ ଗୁଣବତ୍ତା ବହନ କରୁଛି ବୋଲି କହିଛନ୍ତି ପଶୁ ପାଳନ ଓ ମତ୍ସ୍ୟ ସମ୍ପଦ ମନ୍ତ୍ରୀ ଗୋକୁକନନ୍ଦ ମଲିକ। ଏଥିସହ ଭୁବନେଶ୍ବରରେ ଖୁବଶୀଘ୍ର ଆରମ୍ଭ ହେବାକୁ ଯାଉଛି ଓମଫେଡ ଭେଣ୍ଡିଂ ମେସିନ। ଡିଜିଟାଲ ପେମେଂଟ ମାଧ୍ୟମରେ ଗ୍ରାହକ ପାଇପାରିବେ ଓମ୍ଫେଡ଼ର ସମସ୍ତ ସାମଗ୍ରୀ। ନୂଆ ସରକାରର ୧୦୦ ଦିନିଆ ଟାର୍ଗେଟ ଭିତରେ ପଶୁ ସମ୍ପଦ ବିଭାଗକୁ ମିଳିବ ଅଗ୍ରାଧିକାର। ରାଜ୍ୟରେ ଦୁଗ୍ଧ ଉତ୍ପାଦନ ବୃଦ୍ଧି ପାଇଁ ମୁଖ୍ୟମନ୍ତ୍ରୀ କାମଧେନୁ ଯୋଜନା ଲାଗୁ ହେବାକୁ ଯାଉଛି। ସେଥିପାଇଁ ପ୍ରାୟ ୧୪୨୪ କୋଟି ଟଙ୍କା ଖର୍ଚ୍ଚ ହେବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି। ଏହି ମୌସୁମୀ ବୈଠକରେ ୧୫ ରାଜ୍ୟର ବିଭିନ୍ନ ଉଦ୍ୟୋଗୀ ଓ ଅଧିକାରୀ ସାମିଲ ହୋଇଥିଲେ ।
The present government is working day and night for the development of Odisha
- Follow us |
|
|
|
ଭୁବନେଶ୍ୱର: ଓଡ଼ିଶାର ବିକାଶ ପ୍ରସଙ୍ଗରେ ପୂର୍ବ ବିଜେଡି ସରକାର ଉପରେ ବର୍ଷିଲେ କେନ୍ଦ୍ର ମନ୍ତ୍ରୀ ରାଜୀବ ରଞ୍ଜନ ସିଂ । କହିଲେ, ଓଡ଼ିଶାରେ ଦୀର୍ଘ ସମୟ ଧରି ଚାଲିଥିଲା ଏକଛତ୍ରବାଦ ଶାସନ । କେବଳ ନିର୍ବାଚନ ଜିତିବା ପାଇଁ ପ୍ରୟାସ କରିଥିଲା ବିଜେଡି ସରକାର । ଓଡ଼ିଶାର ବିକାଶ ପାଇଁ ଦିନରାତି ପ୍ରୟାସ କରୁଛି ବର୍ତ୍ତମାନର ସରକାର । ଓଡିଶାର ବିକାଶ ପ୍ରସଙ୍ଗରେ ପୂର୍ବ ବିଜେଡି ସରକାରକୁ ଟାର୍ଗେଟ୍ କରିଛନ୍ତି କେନ୍ଦ୍ର ପଞ୍ଚାୟତିରାଜ, ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ରାଜୀବ ରଞ୍ଜନ ସିଂ। ଭୁବନେଶ୍ବରରେ ଆୟୋଜିତ ପଶୁ ପାଳନ ଏବଂ ଦୁଗ୍ଧ ଉତ୍ପାଦନ କ୍ଷେତ୍ରର ମୌସୁମୀ ବୈଠକରେ ଯୋଗ ଦେଇ କେନ୍ଦ୍ର ମନ୍ତ୍ରୀ କହିଛନ୍ତି , ଓଡ଼ିଶାରେ ଦୀର୍ଘ ସମୟ ଧରି ଚାଲିଥିଲା ଏକଛତ୍ରବାଦ ଶାସନ। କେବଳ ନିର୍ବାଚନ ଜିତିବା ପାଇଁ ବିଜେଡି ସରକାର ପ୍ରୟାସ କରିଥିଲା । କିନ୍ତୁ ବର୍ତ୍ତମାନର ସରକାର ଓଡ଼ିଶାର ବିକାଶ ପାଇଁ ଦିନ ରାତି ପ୍ରୟାସ କରୁଛନ୍ତି।
ଅର୍ଗସ ବ୍ୟୁରୋ: ସାରାରାଜ୍ୟରେ ପୂଜା ଧୁମ୍ । ନୂଆପଡ଼ାରୁ ନବରଙ୍ଗପୁର । ମୟୂରଭଞ୍ଜରୁ ମାଲକାନଗିରି । ଶକ୍ତିପୀଠରେ ଭକ୍ତିମୟ ପରିବେଶରେ ଆଦିଶକ୍ତିଙ୍କୁ ଆବାହନ କରାଯାଉଛି । ଘଣ୍ଟଘଣ୍ଟା, ଶଙ୍ଖ ଓ ମନ୍ତ୍ର ଉଚ୍ଚାରଣରେ କମ୍ପୁଛି ପୂଜା ମଣ୍ଡପ । ଦୁର୍ଗତୀ ନାଶିନୀଙ୍କ ଦର୍ଶନ ପାଇଁ ସଂଧ୍ୟା ହେଲେ ମଣ୍ଡପରେ ଲାଗୁଛି ପ୍ରବଳ ଗହଳି । ନବରଙ୍ଗପୁର ଜିଲ୍ଲାରେ ଆକର୍ଷଣ ସାଜିଛି ପାପଡ଼ାହାଣ୍ଡି ଦୁର୍ଗାପୂଜା । ଏଠି ୨ଟି ସ୍ଥାନରେ ପୂଜା ହେଉଥିବା ବେଳେ, ପୂଜାକୁ ପୁରିଛି ୨୫ ବର୍ଷ । ଏହି ଅବସରରେ ଅଯୋଧ୍ୟାର ରାମ ମନ୍ଦିର ଆକୃତିର ମଣ୍ଡପ କରାଯାଇଛି । ଯାହାକୁ ଦେଖିବାକୁ ଶ୍ରଦ୍ଧାଳୁଙ୍କ ସୁଅ ଛୁଟୁଛି ।
ଭଦ୍ରକର ବହୁ ପୁରାତନ ଜାନୁଗଞ୍ଜ ପୂଜା ମଣ୍ଡପରେ ବେଶ ଧୂମଧାମରେ ମାଆଙ୍କ ପୂଜାର୍ଚନା କରାଯାଉଛି । ଆଜି ମାଙ୍କ ମହାନବମୀ ପୂଜା ଥିବା ବେଳେ ଶ୍ରଦ୍ଧାଳୁଙ୍କ ଭିଡ଼ ଲାଗିଥିଲା ମଣ୍ଡପରେ । ମାଙ୍କ ପାଖରେ ହୋମଯଜ୍ଞ ସହ ପୂଜା ପାଠ କରାଯାଉଛି । ଏହି ପୂଜା କମିଟିର ବିଶେଷ ଆକର୍ଷଣ ହେଉଛି ରାବଣ ପୋଡି ଉତ୍ସବ । ସାଳନ୍ଦୀ ନଦୀ କୂଳରେ ଏହି ରାବଣ ପୋଡି ଦେଖିବା ପାଇଁ ଶହ ଶହ ଶ୍ରଦ୍ଧାଳୁ ମାନଙ୍କ ସମାଗମ ହୋଇଥାଏ । ମୟୂରଭଞ୍ଜ ଜିଲ୍ଲା ମୋରଡ଼ା ବ୍ଲକ ସାତଭାୟାରେ ମହା ଆଡ଼ମ୍ବରରେ ମହା ନବମୀ ପୂଜା ହେଉଛି । ୧୧ ବର୍ଷ ଧରି ଏଠି ମାଆ ପୂଜା ପାଇ ଆସୁଛନ୍ତି । ଦିନେ ଏଠି ଚୋରି ଡକାୟତି ଲୁଟପାଟ୍ ସହ ମାଓବାଦୀଙ୍କ ଉପଦ୍ରବ ଥିଲା । ହେଲେ ମାଆଙ୍କ ପୂଜାର୍ଚ୍ଚନା ପରେ ଲୋକେ ନିର୍ଭୟରେ ଏଠି ବସବାସ କରୁଛନ୍ତି ।
କଳାହାଣ୍ଡି ନର୍ଲା ରୋଡ଼ ଦୁର୍ଗା ପୀଠ ସମେତ ନର୍ଲାର ବିଭିନ୍ନ ସ୍ଥାନରେ ନବରାତ୍ର ଦୁର୍ଗା ପୂଜା ପାଇଁ ଉତ୍ସବ ମୁଖର ହୋଇଉଠିଛି । ଚଳିତ ବର୍ଷ ସାର୍ବଜନୀନ ନବରାତ୍ର ଦୁର୍ଗାପୂଜା ଏଠି 52 ବର୍ଷରେ ପଦାର୍ପଣ କରିଛି । ପ୍ରତ୍ୟେକ ଦିନ ସନ୍ଧ୍ୟା ଆଳତୀରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ଲାଗୁଛି । ପୂର୍ବରୁ ମାଆଙ୍କ ମୂର୍ତ୍ତି ପୂଜା ହେଉଥିଲା ଗତ ଦୁଇ ବର୍ଷ ହେଲାଣି ମନ୍ଦିର ନିର୍ମାଣ ହୋଇ ପୀଠରେ ପୂଜା ପାଉଛନ୍ତି l ସେପଟେ ଉପାନ୍ତ ନୂଆପଡ଼ା ବୋଡେନରେ ଜମୁଛି ଦୁର୍ଗାପୂଜା । କେଦାରନାଥ ମନ୍ଦିର ସଦୃଶ୍ୟ ପୂଜା ମଣ୍ଡପରେ ପୂଜା ପାଉଛନ୍ତି ମାଆ ଦୁର୍ଗା l ଯେଉଁଠି ପ୍ରତିଦିନ ଦୁର୍ଗମ ବାସୀଙ୍କ ଜମୁଛି ଭିଡ଼ । ଆକର୍ଷଣୀୟ ତୋରଣ ସାଙ୍ଗକୁ ଆଲୋକ ମାଳାରେ ଝଲସୁଛି ଉପାନ୍ତ ବୋଡେନ l ପ୍ରତିଦିନ ସାଂସ୍କୃତିକ ସନ୍ଧ୍ୟାରେ ଜମୁଛି ଉପାନ୍ତ ବାସୀଙ୍କ ଭିଡ଼ l
ଗଞ୍ଜାମ ଜିଲ୍ଲା ମାଣ୍ଡିଆପୁଲ୍ଲୀ ଠାରେ ଗୁପ୍ତା ସମାଜ ପକ୍ଷରୁ ଦୁର୍ଗା ପୂଜା ଅନୁଷ୍ଠିତ ହୋଇଯାଇଛି l ପ୍ରତ୍ୟେକ ଦିନ ଏଠାରେ ମାଁଙ୍କ ପୂଜା ନୀତିକାନ୍ତି ସହିତ ଅନୁଷ୍ଠିତ ହେଉଥିବା ବେଳେ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଓ ପ୍ରସାଦ ସେବନ ମଧ୍ୟ ଅନୁଷ୍ଠିତ ହେଉଛି l
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ଇରାନରେ ବଡ ସାଇବର୍ ଆଟାକ୍ । ଶନିବାର ଇରାନ୍ ର ନିଉକ୍ଲିଅର୍ ସାଇଟ ସହିତ ଆହୁରି ଅନେକ ପ୍ରତିଷ୍ଠାନ ଉପରେ ସାଇବର୍ ଆଟାକ୍ ହୋଇଛି ।ଏହି ଆଟାକ୍ ପରେ ଇରାନ ର ସମସ୍ତ ସରକାରୀ ଏଜେନ୍ସିର କାର୍ଯ୍ୟ ବାଧାପ୍ରାପ୍ତ ହୋଇଛି । ଇରାନ ଏବଂ ଇସ୍ରାଏଲ୍ ମଧ୍ୟରେ ବିବାଦ ଅଧିକ ରୁ ଅଧିକ ଘନିଭୁତ ହେଉଥିବା ବେଳେ ଇରାନ୍ ଉପରେ ଏପରି ସାଇବର୍ ଆଟାକ୍ ଇସ୍ରାଏଲ୍ ର ପ୍ଲାନ ବୋଲି କୁହାଜାଇଛି ।
ଅଧିକ ପଢନ୍ତୁ : ମଧ୍ୟପ୍ରାଚ୍ୟ ଯୁଦ୍ଧ : ଋଷିଆ ଶରଣ ପଶିଲା କି ଇରାନ ?
ସାଇବର୍ ଆଟାକ୍ ରେ ଇରାନ ର ପରମାଣୁ କେନ୍ଦ୍ରର କାଯ୍ୟାଳୟ ଉପରେ ଇସ୍ରାଏଲ୍ ଆଟାକ୍ କରିବା ପରେ ଇରାନ୍ ପାଇଁ ଚିନ୍ତା ବଢିଛି । ଅକ୍ଟୋବର ୧ ରେ ଇସ୍ରାଏଲ ଉପରେ ଇରାନର ନିସାଇଲ୍ ଆଟାକ୍ ପରେ ଇସ୍ରାଏଲ୍ ଏହାର ପ୍ରତିଶୋଧ ନେବା ପାଇଁ ପ୍ରସ୍ତୁତି କରୁଥିଲା । ତେବେ ଏହି ସାଇବର ଆଟାକ୍ ଏହାତ ଫାଷ୍ଟ ସ୍ଟେପ୍ ବୋଲି କୁହାଯାଉଛି ।
ଝାରସୁଗୁଡା: ଆଜି ସନ୍ଧ୍ୟାରେ ଝାରସୁଗୁଡା ଜିଲ୍ଲାର ବିଭିନ୍ନ ପୂଜା ମଣ୍ଡପ ବୁଲିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦରରେ ପହଁଚିବା ପରେ ଜିଲ୍ଲାରେ ଭବ୍ୟ ସ୍ୱାଗତ କରାଯାଇଛି ।
ସମ୍ବଲପୁର ଯିବା ବାଟରେ ସମୟରେ ଝାରସୁଗୁଡା ଜିଲ୍ଲାର ଶୁକ୍ରବଜାର ରେଳଇନଷ୍ଟିଚ୍ୟୁଟ ପୁଜାମଣ୍ଡପ, ଝଣ୍ଡାଛକ ପୂଜା ମଣ୍ଡପ, ଝାରସୁଗୁଡା ଟାଉନ ପୂଜା ମଣ୍ଡପ ଯାଇ ମା' ଙ୍କ ଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ l ମା' ଙ୍କ ଦର୍ଶନ କରି ଆଶୀର୍ବାଦ ନେବାସହ ଜନ ସାଧାରଣଙ୍କ କଲ୍ୟାଣ କାମନା କରିଛନ୍ତି । ଏହି ଅବସରରେ ଝାରସୁଗୁଡା ବିଧାୟକ ଟଙ୍କଧର ତ୍ରିପାଠୀ ଏବଂ ପୂଜାକମିଟିର ସଦସ୍ୟମାନେ ଉପସ୍ଥିତ ଥିଲେ । ଜଗଦଜନନୀଙ୍କ ଦର୍ଶନ ପରେ ସମ୍ବଲପୁର ଅଭିମୁଖେ ଯାତ୍ରା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଆହୁରି ପଢନ୍ତୁ ଓଡିଶା ଖବର...
