The public is the victim of domestic bank fraud

ଚିଠିଫଣ୍ଡ ପରେ ଏବେ ଘରୋଇ ବ୍ୟାଙ୍କ ଠକେଇର ଶିକାର ହେଉଛନ୍ତି ଜନତା

by Manini Pattanayak

The public is the victim of domestic bank fraud

ବ୍ରହ୍ମପୁର: ଲୋକେ ଚିଠିଫଣ୍ଡ ଶିକାରରୁ ମୁକ୍ତି ପାଇନଥିବା ବେଳେ ଏବେ ପୁଣି ଘରୋଇ ବ୍ୟାଙ୍କରେ ଠକାମିର ଶିକାର ହେବାକୁ ପଡୁଛି। ଏମିତି ଘଟଣା ଘଟିଛି ଆସ୍କାର ଏକ ଘରୋଇ ବ୍ୟାଙ୍କରେ। ପୁଣି ଗ୍ରାହକକୁ ଦିଆଯାଇଛି ମିଥ୍ୟା କେସର ଧମକ । ଚେକ ବୁକରେ ଚେକ ଅଛି କିନ୍ତୁ ସେହି ନମ୍ବରରେ ଉଠିଛି ଟଙ୍କା l ଏଭଳି ସଙ୍ଗିନ ଅଭିଯୋଗ ଆଣିଛନ୍ତି କବିସୂର୍ଯ୍ୟନଗର ଅଞ୍ଚଳର ଜମାକାରୀ ଭଗବାନ ଜେନା । ଆସିକା ଏକ୍ସିସ୍ ବ୍ୟାଙ୍କରେ ରହିଛି ତାଙ୍କର ଜମା ଖାତା l ସେହି ଜମା ଖାତା ରେ ଚେକ୍ ମଧ୍ୟରେ ଦେଣ ନେଣର ସୁବିଧା ମଧ୍ୟ ରହିଛି। ଆଶ୍ଚର୍ଯ୍ୟର କଥା ଏହାଯେ ,ଭଗବାନଙ୍କ ପାଖରେ ଅଧାବିଧି 001037ର ଚେକ ରହିଥିବା ଏହି ବେଳେ ଗତ 3-07-2021 ତାରିଖରେ କିନ୍ତୁ ସେହି ନମ୍ବର ଚେକରୁ ତାଙ୍କ ଆକାଉଣ୍ଟ 8100 ଟଙ୍କା ଉଠାଣ ହୋଇଥିବା ଜଣା ପଡ଼ିଛି ।

ଏ ସମ୍ପର୍କରେ ସେ ଶାଖା ପରିଚାଳକଙ୍କ ସହ ନିଜେ ଆଲୋଚନା କରିଥିଲେ ମଧ୍ୟ ବ୍ୟାଙ୍କ କତ୍ତୃପକ୍ଷଙ୍କ ନିକଟରୁ କୌଣସି ସନ୍ତୋଷ ଜନକ ଉତ୍ତର ପାଇନଥିଲେ l ଘଟଣା କୁ ନେଇ ସେ କବିସୂର୍ଯ୍ୟନଗର ଥାନାରେ ଅଭିଯୋଗ କରିଥିବା ସୂଚନା ରହିଛି l ଘଟଣା ନେଇ ଶାଖା ପରିଚାଳକଙ୍କ କୌଣସି ପ୍ରତିକ୍ରିୟା ମିଳିନଥିବା ବେଳେ କିଭଳି ଚେକ ଥାଇ ମଧ୍ୟ ଆକାଉଣ୍ଟରୁ ସେହି ଚେକ ନମ୍ବର ରେ ଟଙ୍କା ଉଠିଲା ତାହାକୁ ନେଇ ଏବେ ଉଠିଛି ବଡ ପ୍ରଶ୍ନ l