The rogue broke into the house and set fire to the bike

ଏହା ହିଁ ବିଶ୍ବରେ ଭାରତକୁ ସ୍ବତନ୍ତ୍ର କରି ଆସିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ।  ଆଗାମୀ ସମୟ ଭାରତର ହେବ ବୋଲି କହିଛନ୍ତି ସେ । ଯୁବଶକ୍ତି ସଂଘର୍ଷ ଜରିଆରେ ନିଜ ପାଇଁ ରାସ୍ତା ନିର୍ମାଣ କଲେ ସଫଳତା ନିଶ୍ଚିତ ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।  ଆଗାମୀ ଦିନରେ ଉତ୍ତରପ୍ରଦେଶ ରୋଜଗାରର ବଡ ହବ୍ ହେବାକୁ ଯାଉଛି ବୋଲି କହିଛନ୍ତି ଯୋଗୀ ।

ଆଜି  ଲାଓସ ପିଏମଙ୍କ ସହ ଦ୍ବିପାକ୍ଷିକ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ମୋଦି । ଚଳିତବର୍ଷ ଆସିଆନ ସମିଟିର ଅଧ୍ୟକ୍ଷତା କରୁଛି ଲାଓସ । ପ୍ରଧାନମନ୍ତ୍ରୀ ମୋଦିଙ୍କ ପୂର୍ବରୁ ଜୁଲାଇରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ଲାଓସ ଗସ୍ତ କରିଥିଲେ । ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ଲାଓସ ର ପ୍ରବାସୀ ଭାରତୀୟଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । 

ଖୋର୍ଦ୍ଧା ଓ ନୟାଗଡ଼ ଜିଲ୍ଲାର ସୀମାନ୍ତ ବୋଲଗଡ଼ ବ୍ଲକ ମାଣିକାଗୋଡା ଗାଁରେ ଦଶହରା ପର୍ବ ଧୁମଧାମରେ ଚାଲିଛି । ଏଠି ଦେଖିବାକୁ ମିଳେ ଭାଇଚାରାର ପ୍ରତୀକ । ବୈଦିକ ବ୍ରାହ୍ମଣ ମୁସଲମାନ ଦଳବେହେରାଙ୍କ ହାତରେ କୁଶ ବଟୁ ପିନ୍ଧାଇ ହୋମରେ ଘୃତ ଅର୍ଘ ଦେଇଥାଆନ୍ତି । ଯାହାକି ସମଗ୍ର ବିଶ୍ବରେ ଅନନ୍ୟ । 4 ଦିନ ରହଣି ଭିତରେ ମାଆଙ୍କ କ୍ଷେତ୍ରରେ ଭୋଗ ଲାଗି ସରଞ୍ଜାମ ମୁସଲମାନ ଦଳବେହେରା ବହନ କରିଥାଆନ୍ତି ।

ଭଦ୍ରକରେ ଧୁମଧାମରେ ପାଳିତ ହେଉଛି ମାଆଙ୍କ ପୂଜା । ବନ୍ତ ସ୍ଥିତ ଦୁର୍ଗା ମଣ୍ଡପରେ ମା'ଙ୍କ ସପ୍ତମୀ ପୂଜା ଅନୁଷ୍ଠିତ ହେଉଛି  l ପୂଜା ପାଉଛନ୍ତି ମାଆ ଦଶଭୂଜା l ଦାଣ୍ଡ ପୁଷ୍କରିଣୀରୁ ପବିତ୍ର ଜଳ ଅଣାଯାଇ ମଣ୍ଡପରେ ନବପତ୍ରିକା ପ୍ରବେଶ ସହ ମାଆଙ୍କୁ ଚକ୍ଷୁଦାନ କରାଯାଇଛି l 

ଯନ୍ତ୍ର, ମନ୍ତ୍ର ଓ ତନ୍ତ୍ରର ପୀଠ କୁଆଁରୀ ପାଟଣା ନାମରେ ପରିଚିତ ପାଟଣାଗଡ଼ ସହରରେ ଚାଲିଛି ସାରଦୀୟ ମାହୋଲ । ଦେବୀ ପୀଠମାନଙ୍କରେ ଶୋଡ଼ଷ ଉପଚାର ପୂଜା । ମଣ୍ଡପରେ ଆରମ୍ଭ ହୋଇଛି ଜଗତ ଜନନୀ ଦୁର୍ଗାଙ୍କ ପୂଜା । ଦିନବେଳେ ବିଭିନ୍ନ ଦେବୀ ମନ୍ଦିର ମାନଙ୍କରେ ଶ୍ରଦ୍ଧାଳୁମାନେ ଭିଡ ଲଗାଇଥିବାବେଳେ ସଂଧ୍ୟା ହେଲେ ଆଳତୀ ପାଇଁ ଲାଗୁଛି ଭକ୍ତଙ୍କ ଗହଳି । 

ଆସିକାର ଅରାଧ୍ୟ ଦେବୀ ମା ଖମ୍ବେଶ୍ବରୀ ଠାକୁରାଣୀଙ୍କ ନବରାତ୍ର ପୂଜାର ସପ୍ତମୀ ପୂଜା ଆରମ୍ଭ ହୋଇ ସୁନାବେଶରେ ପୂଜିତ ହୋଇଛନ୍ତି ମାଆ । ନବଦିନାତ୍ମକ ପୂଜାର ପ୍ରଥମ ଦିବସରୁ  ପୂଜାପାଠ, ହୋମଯଜ୍ଞ, ଅନ୍ନଯଜ୍ଞ ଓ  ଚଣ୍ଡୀପାଠ ଅନୁଷ୍ଠିତ ହୋଇଥିଲା । 

କେବଳ ଉପକୂଳ ନୁହେଁ ଦୁର୍ଗମ ଅଞ୍ଚଳରେ ପୂଜା ପାଉଛନ୍ତି ମାଆ । ୧୯୬୭ ମସିହାରେ ଆରମ୍ଭ ହୋଇଥିବା ମାଆ ଦୁର୍ଗାଙ୍କ ପୂଜା ଏବେ ବି  ସୁନ୍ଦରଗଡ ଜିଲ୍ଲା କୋଇଡା ମହକୁମାରେ ପୂଜା ହେଉଛନ୍ତି । 

ଏଥର ଦୁର୍ଗା ପୂଜା ମେଢ଼ ବୁଲିବେ ମୁଖ୍ୟମନ୍ତ୍ରୀ ମୋହନ ମାଝୀ । ଭୁବନେଶ୍ବର, କଟକ ଓ କେନ୍ଦୁଝରରେ ବିଭିନ୍ନ ମେଢ଼ ବୁଲି ମାଆଙ୍କ ଦର୍ଶନ କରିବେ । 11 ତାରିଖ ମହାଷ୍ଟମୀ ଦିନ ଭୁବନେଶ୍ବର, 12 ତାରିଖ ମହାନବମୀ ଦିନ କଟକରେ ମା ଦୁର୍ଗାଙ୍କ ଆଶୀର୍ବାଦ ନେବେ । ସେହିଦିନ ଅପରାହ୍ନ 4ଟାରେ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ । 13 ତାରିଖ ଦିନ ନିଜ ଜିଲ୍ଲାରେ ଦୁର୍ଗା ପୂଜାରେ ସାମିଲ ହେବେ ମୋହନ ମାଝୀ ।