ତୃତୀୟ ଲହର ରାଜ୍ୟବାସୀଙ୍କ ପାଇଁ ସଙ୍କଟ ଆଣିବ: ବିଜେପି/ The third wave will bring crisis to the people of the state

ତୃତୀୟ ଲହର ରାଜ୍ୟବାସୀଙ୍କ ପାଇଁ ସଙ୍କଟ ଆଣିବ: ବିଜେପି

by Banajyotshna Ray

ଅର୍ଗସ ବ୍ୟୁରୋ: କୋରୋନା ମହାମାରୀର ତୃତୀୟ ଲହର ମୁକାବିଲା କରିବାକୁ ପ୍ରସ୍ତୁତ ନାହାଁନ୍ତି ସରକାର। ଜିଲ୍ଲାମାନଙ୍କର ସ୍ୱାସ୍ଥ୍ୟ ଭିତ୍ତିଭୂମିର ଘୋର ଅଭାବ ଥିବା ସଙ୍ଗୀନ ଅଭିଯୋଗ ଆଣିଛି ବିଜେପି । ରାଜ୍ୟ ଖାଲି ପଡିଥିବା ଡାକ୍ତରୀ ପଦବୀକୁ ନେଇ ସରକାରଙ୍କ ଉପରେ ବର୍ଷିଛନ୍ତି ବିଜେପି ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତିପଟ୍ଟନାୟକ । କହିଛନ୍ତି ରାଜ୍ୟରେ ୫୨.୭୦% ଡାକ୍ତରୀ ପଦବୀ ଖାଲି ପଡ଼ିଛି । ବର୍ତ୍ତମାନ ଆବଶ୍ୟକ ଥିବା ୮ହଜାରରୁ ଅଧିକ ଡାକ୍ତରଙ୍କ ମଧ୍ୟରୁ ମାତ୍ର ୪୫୯୫ ଜଣଙ୍କୁ ନିଯୁକ୍ତି ମିଳିଛି । ଉଦବେଗଜନକ ବିଷୟ ହେଲା, ଶିଶୁ ବିଶେଷଜ୍ଞ ନଥିବାରୁ ତୃତୀୟ ଲହର ମୁକାବିଲା ସରକାରଙ୍କ ପାଇଁ କଷ୍ଟକର ହେବ ବୋଲି ସେ କହିଛନ୍ତି ।

ରାୟଗଡ଼ା ଜିଲ୍ଲା ଯାଇ ଗ୍ରାଉଣ୍ଡ ଜିରୋରୁ ସ୍ଥିତି ପରଖିଥିଲା ବିଜେପି ମହିଳା ଟିମ୍ । ଯେଉଁଠି ଅନେକ ମେଡିକାଲରେ ଶିଶୁ ବିଶେଷଜ୍ଞ ନାହାନ୍ତି। ଅନେକ ହସ୍ପିଟାଲରେ ଆବଶ୍ୟକତାଠାରୁ ବହୁତ କମ୍ ଡାକ୍ତର ଅଛନ୍ତି । ଏମିତିକି ଅନେକ ମେଡିକାଲରେ ମାତ୍ର ୨ ଜଣ ଶିଶୁ ବିଶେଷଜ୍ଞ ଅଛନ୍ତି। କୌଣସିଠାରେ ଡେଡିକେଟେଡ୍ ଚାଇଲ୍ଡ କେୟାର ବେଡ୍ ବ୍ୟବସ୍ଥା ନାହିଁ। କେବଳ ରାୟଗଡା ନୁହେଁ ଅନ୍ୟ ଜିଲ୍ଲା ଗୁଡିକେରେ ମଧ୍ୟ ସମାନ ସ୍ଥିତି। ଏସବୁକୁ ଦେଖିଲେ ତୃତୀୟ ଲହର ରାଜ୍ୟବାସୀଙ୍କ ପାଇଁ ସଙ୍କଟ ଆଣିବ ବୋଲି କହିଛି ବିଜେପି।