ଅର୍ଗସ ବ୍ୟୁରୋ : ଶେଷ ହେଲା ବିଜେପିର ପ୍ରଶୀକ୍ଷଣ-ଏବେ ପରିକ୍ଷାର ବେଳ । ପୁରୀରେ ତିନି ଦିନ ଧରି ଚାଲିଥିବା ରାଜ୍ୟ ବିଜେପିର ପ୍ରଶୀକ୍ଷଣ ସିବିର ଆଜି ଶେଷ ହୋଇଛି । ଶେଷ ଦିନରେ ଦଳୀୟ କାର୍ଯ୍ୟକର୍ତ୍ତାଙ୍କୁ ପାଠ ପଢାଇଛନ୍ତି କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ, ରାଷ୍ଟ୍ରୀୟ ଉପାଧ୍ୟକ୍ଷ ରାଧାମୋହନ ସିଂହ ଓ ରାଷ୍ଟ୍ରୀୟ ସଂଗଠନ ମହାମନ୍ତ୍ରୀ ବି ଏଲ ସନ୍ତୋଷ । ପ୍ରଥମ ଦୁଇ ଦିନରେ ହୋଇଥିବା ବେଳେ ରାଜ୍ୟ ନେତୃତ୍ୱଙ୍କୁ ଶେଷ ଦିନରେ ମିଳିଛି 2024 ନିର୍ବାଚନର ରୋଡ ମ୍ୟାପ । ବିଶେଶ କରି ଶେଷ ଦିନରେ ତୃଣମୂଳସ୍ତରରେ ସଂଗଠନକୁ ଅଧିକ ମଜବୁତ କରିବାକୁ ଆହ୍ବାନ ଦେଇଛନ୍ତି ଏହି ସବୁ କେନ୍ଦ୍ରୀୟ ନେତୃତ୍ବ । ଏହା ବାଦ୍ ଚାଷୀ, ଗରିବଙ୍କ ଲାଗି କେନ୍ଦ୍ର ସରକାରଙ୍କ ଯୋଜନା ଆଭିମୁଖ୍ୟ କଣ ରହିଛି ତାହା ଘରେ ଘରେ ପହଞ୍ଚାଇବାକୁ ବି କର୍ମୀଙ୍କୁ କହୁଯାଇଛି ।
ସେପଟେ କେନ୍ଦ୍ରୀୟ ଯୋଜନାର ବାଟମାରଣା ପ୍ରସଙ୍ଗକୁ ନେଇ 37 ହଜାର ବୁଥରେ ଆନ୍ଦୋଳନର ଖସଡା ପ୍ରସ୍ତୁତ କରିଛି ଦଳ । କମ ଭୋଟ ବ୍ୟବଧାନର ବୁଥକୁ ଦଳ ଫୋକସ କରିବାକୁ ନିଆଯାଇଛି ନିଷ୍ପତ୍ତି ଗତ ସାଧାରଣ ନିର୍ବାଚନରେ ଅନେକ ପ୍ରାର୍ଥୀ 10 ହଜାରରୁ କମ ବ୍ୟବଧାନରେ ହାରିଥିଲେ । ଏସବୁ ଆସନକୁ ଏଥର ଅଧିକ ଗୁରୁତ୍ବ ଦେବ ଦଳ । ମିଶନ 24 ପାଇଁ ଲକ୍ଷ୍ୟ 50 ପ୍ରତିଶତ ଭୋଟ । କେନ୍ଦ୍ରମନ୍ତ୍ରୀ ଅମିତ ଶାହଙ୍କ ଗସ୍ତ ପରେ ଚଳଚଞ୍ଚଳ ହୋଇଛି ବିଜେପି କ୍ୟାମ୍ଫ..କ୍ଷେତ୍ରୀୟ ପ୍ରଭାରୀ ସୁନିଲ ବଂଶଲ ଦାୟିତ୍ବ ନେବା ପରେ ପ୍ରଶିକ୍ଷଣ ଶିବର କରି 24ର ଖସଡା ପ୍ରସ୍ତୁତ କରିଛି ଦଳ ।
ରାଜନୀତି ଖବର ଆହୁରି ପଢନ୍ତୁ ।
ଅର୍ଗସ ବ୍ୟୁରୋ: ମଦ ବ୍ୟବସାୟୀଙ୍କ ଘରେ ଆଇଟି ରେଡ କରିବା ପ୍ରସଙ୍ଗରେ ବିଜେଡି ଉପରେ ବର୍ଷିଛନ୍ତି ବିଜେପି ଉପସଭାନେତ୍ରୀ ଲେଖାଶ୍ରୀ ସାମନ୍ତସିଂହାର।
ବିଜେଡ଼ି ନେତା ଏବଂ ରାଜ୍ୟ ସରକାରଙ୍କ ସଂପୃକ୍ତି ନେଇ ସାଂଘାତିକ ଅଭିଯୋଗ ଆଣିଲା ବିଜେପି । ସେ କହିଛନ୍ତି ଯେ, ମନ୍ତ୍ରୀ ନିରଞ୍ଜନ ପୂଜାରୀ, ପ୍ରଦୀପ ଅମାତ, ଟୁକୁନି ସାହୁ ଏବଂ ବିଜେଡ଼ି ନେତା ଯୋଗେଶ ସିଂଙ୍କ ଭଳି ନେତା ସଂପୃକ୍ତ ଅଛନ୍ତି ବୋଲି ବିଜେପିର ଅଭିଯୋଗ । କଂଗ୍ରେସର ଝାଡ଼ଖଣ୍ଡ ସାଂସଦ ହେଉଛନ୍ତି ମାଲିକ । କିନ୍ତୁ ବିଜେଡ଼ି ହେଉଛି ମ୍ୟାନେଜର । ଭିଜିଲାନ୍ସ, କ୍ରାଇମ ବ୍ରାଞ୍ଚ, ଅବକାରୀ ବିଭାଗ, ଇଓଡବ୍ଲ୍ୟୁ କଣ କରୁଥିଲେ ? ଏହି ମଦ ବ୍ୟବସାୟୀ ହିଁ ନିର୍ବାଚନ ସମୟରେ ବିଜେଡିର ମଦ ଏବଂ ଟଙ୍କାର ସୋର୍ସ ।
ବାରମ୍ବାର ଗୋଟିଏ କମ୍ପାନୀକୁ ଟେଣ୍ଡର ନେଇ ମଧ୍ୟ ପ୍ରଶ୍ନ ଉଠାଇଛି ବିଜେପି । ମୁଖ୍ୟମନ୍ତ୍ରୀ ତାଙ୍କ ନେତା ଏବଂ ମନ୍ତ୍ରୀଙ୍କ ସଂପୃକ୍ତି ନେଇ ସ୍ପଷ୍ଟ କରନ୍ତୁ । ମୋଦିଙ୍କ ଗ୍ୟାରେଣ୍ଟି ଯୋଗୁଁ ଏତେ ବଡ ରେଡ ସମ୍ଭବ ହୋଇଛି । ପୂର୍ବରୁ କଂଗ୍ରେସ ଶାସନରେ କେତେ ଟଙ୍କା ଆତ୍ମସାତ ହେଇଥିଲା କେହି ଜାଣି ପାରୁନଥିଲେ । ମୋଦି ଗ୍ୟାରେଣ୍ଟି ଦେଇଛନ୍ତି, ଯେଉଁଠି ଦୁର୍ନୀତି ହେବ ସେ ଟଙ୍କା ଧାରା ପଡ଼ିବ ଏବଂ ଲୋକଙ୍କ ପାଖକୁ ଫେରିବ ।
ଅଧିକ ପଢ଼ନ୍ତୁ ଓଡିଶା ଖବର:
