ଅର୍ଗସ ବ୍ୟୁରୋ: କଟା ହେଲା ଗଛ। ଜଗନ୍ନାଥଙ୍କ ପାଇଁ ରଥ ନିର୍ମାଣ ନିମନ୍ତେ କଟା ହେଲା ରଥ କାଠ।କଣ୍ଟାମାଲ ରେଞ୍ଜର ଟିକ୍ରାପଡା ସ୍ଥିତ ତେଲ ନଦୀ କୂଳରେ ଥିବା ଗ୍ରାମ୍ୟ ଜଙ୍ଗଲରୁ ଶ୍ରୀଜଗନ୍ନାଥ ମହାପ୍ରଭୁଙ୍କ ରଥ ନିର୍ମାଣ ପାଇଁ ରଥ କାଠ ପାଇଁ ଫାସୀ ଗଛ କଟା ପ୍ରକ୍ରିୟା ଆରମ୍ଭ ହୋଇଛି । ଗଛ ନିକଟରେ ପାରମ୍ପରିକ ପୂଜାର୍ଚ୍ଚନା ଓ ଘଣ୍ଟଶଙ୍ଖ ଓ ହରିବୋଲ ଧ୍ୱନୀ ସହ କଣ୍ଟାମାଳ ରେଞ୍ଜର ସୁଶ୍ରୀ କ୍ଷିରାବ୍ଧି ପ୍ରଧାନ ଗଛ କଟାର ଶୁଭାରମ୍ଭ କରିଥିଲେ ।
କଣ୍ଟାମାଳ ବନପାଳ ହୃଦାନନ୍ଦ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବନରକ୍ଷୀ ଦିଗାମ୍ବର ପ୍ରଧାନଙ୍କ ସହ ଅନ୍ୟାନ୍ୟ କର୍ମଚାରୀଙ୍କ ସହ ସ୍ଥାନୀୟ ଲୋକେ ଉପସ୍ଥିତ ଥିଲେ ।ଟିକ୍ରାପଡ଼ା ଗ୍ରାମ୍ୟ ଜଙ୍ଗଲରୁ ୫ଗୋଟି ଫାଶୀ ଗଛ ଓ ଉଦେପୁର ସଂରକ୍ଷିତ ଜଙ୍ଗଲରୁ ୩ଗୋଟି ଗଛ କଟା ଯାଇଥିବା ନେଇ ରେଞ୍ଜର ସୁଶ୍ରୀ ପ୍ରଧାନ ସୂଚନା ଦେଇଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର:
