ଅର୍ଗସ ବ୍ୟୁରୋ: ସ୍ତ୍ରୀ ଓ ଝିଅକୁ ହତ୍ୟା କରିବା ପରେ ନିଜେ ବେକରେ ରଶି ଲଗାଇ ଯୁବକ ଆତ୍ମହତ୍ୟା କରିଥିବା ସନ୍ଦେହ। କୋରାପୁଟ ଜିଲ୍ଲା ଲକ୍ଷ୍ମୀପୁର ଥାନା ତୟାପୁଟ ଗ୍ରାମରେ ପରିବାରର 3 ଜଣଙ୍କ ଶବ ଜବତ କରିଛି ପୋଲିସ । ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି । ଗତକାଲି ସନ୍ଧ୍ୟାରେ ତୟାପୁଟ ଗ୍ରାମର ବସଷ୍ଟାଣ୍ଡରେ ରହୁଥିବା ଲିଙ୍ଗରାଜ ବିଶୋଇ ନିଜ ସ୍ତ୍ରୀ ଜୋସ୍ନା ବିଶୋଇ ଓ ଝିଅ ଗୁଡୁଲିକୁ ହତ୍ୟା କରିବା ପରେ ନିଜେ ଆତ୍ମହତ୍ୟା କରିଥିବାର ସ୍ଥାନୀୟ ଲୋକେ କହିଛନ୍ତି ।
ଅଧିକ ପଢ଼ନ୍ତୁ: ଗୋଟିଏ ପରିବାରର ୩ ମୃତ, ହତ୍ୟା ନା ଆତ୍ମହତ୍ୟା ଖୋଳତାଡ କରୁଛି ପୋଲିସ
ଗତ କାଲି ସନ୍ଧ୍ୟା ସମୟରୁ ଘରର କବାଟ ବନ୍ଦ ରହିଥିଲା । ପଡ଼ୋଶୀ ଲୋକେ କବାଟ ଭାଙ୍ଗିବା ପରେ ୩ ଜଣଙ୍କ ମୃତ ଦେହ ଠାବ କରିଥିଲେ । ଆତ୍ମହତ୍ୟା କରିଥିବା ଯୁବକ ବିଶୋୟୀ IPL MATCH ରେ ଅର୍ଥ ନିବେଶ କରି କ୍ଷତିଗ୍ରସ୍ତ ହେବା ପରେ ମନସିକ ଚିନ୍ତାରେ ଭାରାକ୍ରାନ୍ତ ଥିବା ପଡୋଶୀ ଲୋକେ କହିଛନ୍ତି । ପୋଲିସ ତଦନ୍ତ ଜାରି ରହିଛି ।
ଓଡିଶା ନ୍ୟୁଜ ଆହୁରି ପଢନ୍ତୁ
