ଅର୍ଗସ ବ୍ୟୁରୋ : ବସ୍ କୁ ଜଗିଥିବା ବେଳେ ମାଡିଗଲା କାର। ବିଳମ୍ବିତ ରାତିରେ ଅଜଣା କାର ଧକ୍କା ରେ ଦୁଇ ଜଣ ଙ୍କ ମୃତ୍ୟ। ଗଞ୍ଜାମ ପାଟପୁର ଥାନା ପୋଡାମାରି ବସ୍ ଷ୍ଟାଣ୍ଡ ମୁଖ୍ୟ ରାସ୍ତାରେ ଘଟିଛି ଏହି ଘଟଣା। ବିଳମ୍ବିତ ରାତିରେ ପାର୍ଶ୍ଵ ରେ ଛିଡା ହୋଇଥିବା ବେଳେ ଗାଡି ଧକ୍କା ଦେଇ ଚାଲିଯାଇଥିବା ଜଣାପଡିଛି। ଘଟଣା ସ୍ଥଳରେ ପୋଲିସ ତଦନ୍ତ କରୁଥିବା ସୂଚନା। ମୃତକ ଦୁଇ ଜଣ ହେଲେ ଗଂଜାମ ସାନଖେମୁଣ୍ଡି ପାଟପୁର ଥାନା ପୋଡାମାରି ଗ୍ରାମର ସିମାଞ୍ଚଳ ପ୍ରଧାନ ଓ ପି, ରାମଚନ୍ଦ୍ରପୁର ର ନିରୁ ମହାନ୍ତି।
ଅଧିକ ପଢନ୍ତୁ : ଟ୍ରାକ୍ଟର ଓଲଟି ଦୁଇ ମୃତ, ୧୦ରୁ ଉର୍ଦ୍ଧ୍ବ ଆହତ
ରାସ୍ତାରେ ଛିଡା ହୋଇ ଏମାନେ ଭୁବନେଶ୍ୱର ଯିବା ପାଇଁ ଅପେକ୍ଷା କରିଥିବା ବେଳେ ଦୃତ ଗତିରେ ଗୋଟିଏ କାର ଆସି ମଡ଼ାଇ ଚାଲିଯାଇଥିବା ସୂଚନା। 5ଜଣ ଙ୍କୁ କାର ଟି ଧକ୍କା ଦେଇଥିଲା।ଦୁଇଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଥିବାବେଳେ ଅନ୍ୟ ଦୁଇଜଣ ସାମାନ୍ୟ ଆହତ ଥିବା ଜଣାପଡିଛି।
ନୂଆପଡା : ଲଗାଣ ବର୍ଷାରେ ଵେହାଲ ନୂଆପଡ଼ା ସହର ବାସି ।ନୂଆପଡ଼ା ଜିଲ୍ଲାରେ ଲଗାଣ ବର୍ଷା ଯୋଗୁଁ ଏବେ ସମସ୍ୟାରେ ସହର ବାସିନ୍ଦା ।ଲଗାତାର ବର୍ଷା ଯୋଗୁଁ ଘର ସମ୍ମୁଖରେ ତିନି ଫୁଟ ପାଣି ଜମି ରହିଛି ।ଏମିତି କି ଯିବା ଆସିବା ମଧ୍ୟ କରି ହେଉନାହି ।ଘର ଭିତରେ ପାଣି ପଶିବା ସହ ଘର ଅଗଣାରେ ପାଣି ଲହଡ଼ି ମାରୁଛି । ନୂଆପଡ଼ା ସହର ର ସତସଙ୍ଗ ବିହାର ନିକଟରେ ପାଞ୍ଚ ନମ୍ବର ୱାର୍ଡ ସମେତ ପତୋରା ଯିବା ରାସ୍ତାରେ ମଧ୍ୟ ଏଭଳି ଦୃଶ୍ୟ ଦେଖିବାକୁ ମିଳିଛି ।
ଅଧିକ ପଢନ୍ତୁ : ରାଜ୍ୟରେ ପ୍ରବଳ ବର୍ଷା ନେଇ ସତର୍କ କଲେ SRC
ଅନେକ ଥର ବିଜ୍ଞାପିତ ଅଞ୍ଚଳ ପରିଷଦ କୁ ଜଣାଇଥିଲେ ମଧ୍ୟ ସୁଫଳ ମିଳୁନଥିବା ଅଭିଯୋଗ କରିଛନ୍ତି ସହର ବାସିନ୍ଦା । ଆଗକୁ ପୁଣି ବର୍ଷା ହେବାର ସୂଚନା ଥିବାରୁ ଏବେ ସହର ବାସି ଚିନ୍ତାରେ ଅଛନ୍ତି ।ଯଥାଶୀଘ୍ର ସେହି ଅଞ୍ଚଳରୁ ପାଣି କୁ ନିଷ୍କାସିତ କରିବା ପାଇଁ ଦାବି କରିଛନ୍ତି ।
ଅର୍ଗସ ବ୍ୟୁରୋ: ବୌଦ୍ଧ ଜିଲ୍ଲା ମହାନଦୀରେ ବୁଡି ଜଣେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଜଣକ ସ୍ଥାନୀୟ ନୂଆସାହିର ଜଗନ୍ନାଥ ବେହେରା । ସୂଚନା ଅନୁଯାଇ ବୌଦ୍ଧ ସହର ସ୍ଥିତ ନୂଆସାହିର ଯୁବକ ଗତକାଲି ଶୌଚ ହେବା ପାଇଁ ମହାନଦୀକୁ ଯାଇଥିଲେ । ମର୍ଜlକୁଦ ସ୍ଥିତ ବ୍ରିଜ ତଳେ ଗାଧଉଥିବା ସମୟରେ ଅସାବଧାନତା ବଶତଃ ସେ ବୁଡ଼ିଯାଇଥିଲେ ।ପରିବାର ଲୋକେ ବହୁ ଖୋଜାଖୋଜି ପରେ ପାଇ ନ ଥିଲେ l ଆଜି ସ୍ଥାନୀୟ ଲୋକେ ଉକ୍ତ ଯୁବକ ଦେଖି ପରିବାର ଲୋକଙ୍କୁ ଖବର ଦେଇଥିଲେ l ଘଟଣା ସ୍ଥଳରେ ପରିବାର ସହ ସ୍ଥାନୀୟ ଲୋକଙ୍କ ସହାୟତାରେ ଉକ୍ତ ଯୁବକୁ ଉଦ୍ଧାର କରି ବୌଦ୍ଧ ମେଡିକାଲ ନେଇଥିଲେ l ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ l ଘଟଣା ସ୍ଥଳରେ ବୌଦ୍ଧ ପୋଲିସ ପହଂଚି ତଦନ୍ତ ଆରମ୍ଭ କରିଥିବା ଜଣା ପଡିଛି l
ଅଧିକ ପଢ଼ନ୍ତୁ ଓଡିଶା ଖବର:
