Bhubaneswar: ABVP welcomes decision to suspend Odisha University Amendment Act 2020

ସୁପ୍ରିମକୋର୍ଟଙ୍କ ରାୟ ପରେ ଶିକ୍ଷାବିତ୍ ଖୁସି

by Rakesh Kumar Barik

Bhubaneswar: ABVP welcomes decision to suspend Odisha University Amendment Act 2020 | Argus News

ଅର୍ଗସ ବ୍ୟୁରୋ: ୯୦ ଦିନ ପାଇଁ ଓଡ଼ିଶା ବିଶ୍ବବିଦ୍ୟାଳୟ ସଂଶୋଧନ ଆଇନକୁ ସ୍ଥଗିତ ରଖିଛନ୍ତି ସୁପ୍ରିମକୋର୍ଟ । ଏହାସହ ୪ ସପ୍ତାହରେ ଉତ୍ତର ରଖିବାକୁ ରାଜ୍ୟ ସରକାରଙ୍କୁ କୋର୍ଟଙ୍କ ନିର୍ଦ୍ଦେଶ । ଶିକ୍ଷାବିତଙ୍କ ଅଭିଯୋଗ ଥିଲା, ଅଧିନିୟମ ବିଶ୍ବବିଦ୍ୟାଳୟର ସ୍ବାୟତତ୍ତାକୁ ନଷ୍ଟ କରୁଥିଲା । ୟୁଜିସି ଗାଇଡ୍‌ଲାଇନ୍‌ର ବିରୋଧଚରଣ କରୁଥିଲା । ଏହା ଆଇନସଙ୍ଗତ ହୋଇ ନ ଥିବା ହୃଦୟଙ୍ଗମ କରିଥିଲେ ସର୍ବୋଚ୍ଚ ନ୍ୟାୟାଳୟ । ରାଜ୍ୟ ସରକାର ବିଶ୍ବବିଦ୍ୟାଳୟର ସ୍ବାୟତତ୍ତା ଉପରେ ହସ୍ତକ୍ଷେପ କରିଥିବା ଅଭିଯୋଗ ଆସୁଥିଲା । ଭିସି ଚୟନ ପାଇଁ ୟୁଜିସି ଗାଇଡ୍‌ଲାଇନ୍ ଆଧାରରେ ସର୍ଚ୍ଚ କମିଟି, ଚୟନ କମିଟି ବଦଳରେ ଭିସି ନିଯୁକ୍ତିରେ ରାଜ୍ୟ ସରକାରଙ୍କର ଭୂମିକାକୁ ଏହି ଅଧିନରେ ଶକ୍ତିଶାଳୀ କରାଯାଇଥିଲା । ପ୍ରଫେସର, ଆସିଷ୍ଟାଣ୍ଟ ପ୍ରଫେସର ଓ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ଏକାଡେମିକ ପଦ ପୂରଣ ପାଇଁ କୁଳପତି ଏବଂ ୟୁଜିସି ଗାଇଡ୍‌ଲାଇନ୍‌ ଆଧାରରେ ଚୟନ କମିଟି ବଦଳରେ ଓଡ଼ିଶା ପବ୍ଲିକ ସର୍ଭିସ କମିଶନ ଏହି ନିଯୁକ୍ତି ପ୍ରକ୍ରିୟା ପରିଚାଳନା କରିବାର ଆଇନରେ ବ୍ୟବସ୍ଥା କରାଯାଇଥିଲା ।

ବିଶ୍ବବିଦ୍ୟାଳୟର ସ୍ବାୟତତ୍ତା ପାଇଁ ଓ ନିର୍ଣ୍ଣୟ ପ୍ରକ୍ରିୟାରେ ସିନେଟ୍ ସିଣ୍ଡିକେଟ୍ ଭଳି ସ୍ବାୟତ୍ତ ବ୍ୟବସ୍ଥା ବଦଳରେ ରାଜ୍ୟ ସରକାରଙ୍କ ଅଧିକାରକୁ ବିଶ୍ବବିଦ୍ୟାଳୟ ଉପରେ ଲଦି ଦେବାର ଆଇନର ବ୍ୟବସ୍ଥା ରହିଥିବା ଅଭିଯୋଗ ଆଣୁଥିଲେ ବିରୋଧୀ । ଏବେ ସୁପ୍ରିମକୋର୍ଟରେ ଶୁଣାଣି ପରେ ବିଭିନ୍ନ ମହଲରେ ରାୟକୁ ସ୍ବାଗତ କରାଯାଇଛି ।

କହିଲେ ପୁଅ ଜନ୍ମ ହୋଇଛି ଦେଲେ ଝିଅ

by Jitendra Dash

ଅର୍ଗସ ବ୍ୟୁରୋ : କ୍ୟାପିଟାଲ ହସ୍ପିଟାଲରେ ପିଲା ଅଦଳବଦଳ ଅଭିଯୋଗ । କହିଲେ ପୁଅ ଜନ୍ମ ହୋଇଛି ଦେଲେ ଝିଅ । ଆଜି ସକାଳୁ ପ୍ରାଣକୃଷ୍ଣ ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ସମିତାଙ୍କ ଗର୍ଭ ଯନ୍ତ୍ରଣା ହେବାରୁ କ୍ୟାପିଟାଲ ହସ୍ପିଟାଲକୁ ଆଣିଥିଲେ । ହସ୍ପିଟାଲରେ ପୁତ୍ର ସନ୍ତାନ ଜନ୍ମ ହେଇଥିବା ପରିବାର ଲୋକଙ୍କୁ ଜଣାଇଥିଲେ ହସ୍ପିଟାଲର ନର୍ସ ।

ଅଧିକ ପଢନ୍ତୁ ଓଡ଼ିଶା ଖବର

କିନ୍ତୁ କିଛି ସମୟରେ ପରେ କନ୍ୟା ସନ୍ତାନ ଆଣି ଦେଇଥିଲେ । ପ୍ରାଣ କୃଷ୍ଣ ନିଜ ପୁତ୍ର ସନ୍ତାନ କୁଆଡେ ଗଲା ପଚାରି ଥିଲେ । କିନ୍ତୁ ଭୁଲରେ ପୁତ୍ର ସନ୍ତାନ ଜନ୍ମ ହେଇଥିବା କୁହାଯାଇଥିଲା ବୋଲି କହିଥିଲେ ହସ୍ପିଟାଲ କର୍ତ୍ତୃପକ୍ଷ । ଏନେଇ କ୍ୟାପିଟାଲ ଥାନାରେ ଅଭିଯୋଗ କରିଛନ୍ତି ପ୍ରାଣକୃଷ୍ଣ ।

ଅସ୍ତ୍ରୋପଚାର ସମୟର ଥିବା ସମସ୍ତ ଡ଼ାକ୍ତର, ଅନ୍ୟ ଷ୍ଟାଫକୁ ତଦନ୍ତ ପରିସରଭୁକ୍ତ କରିବା ସହ ସିସିଟିଭିକୁ ଯାଞ୍ଚ କରାଯାଉ ଓ ଡିଏନଏ ଟେଷ୍ଟ କରାଯାଉ ବୋଲି ସେ ଦାବି କରିଛନ୍ତି । ତେବେ ଅଭିଯୋଗ ପରେ ହସ୍ପିଟାଲ ପକ୍ଷରୁ ଆରମ୍ଭ ହୋଇଛି ତଦନ୍ତ
।

ଅଦା ତୁଳସୀ କାଢା

by Smruti Parija

ଅର୍ଗସ ବ୍ୟୁରୋ: କାଢା । ସାଧାରଣତଃ ଥଣ୍ଡା ହେଲେ ବିଭିନ୍ନ ପ୍ରକାରର କାଢା ବନାଇ ଲୋକେ ପିଇଥାନ୍ତି । ତେବେ ଆଜି ଆମେ ଆପଣଙ୍କୁ ଏକ ଏମିତି କାଢା ବିଷୟରେ କହିବୁ ଯାହାକୁ ବନାଇବା ଅତି ସହଜ ଆଉ ସୁଆଦିଆ ।

ସାମଗ୍ରୀ- ଅଦା, ଗୋଲମରିଚ, ଡାଲଚିନି,ଲବଙ୍ଗ,ମହୁ,ତୁଳସୀ ପତ୍ର

ପ୍ରସ୍ତୁତି ପ୍ରଣାଳୀ- ପ୍ରଥମେ ଏକ ପାତ୍ରରେ କିଛି ପାଣି ନେବେ । ପାଣି ଫୁଟି ଆସିଲେ ସେଥିରେ ଅଦା ଛେଚା, ଗୋଲମରିଚ, ଡାଲଚିନି, ଲବଙ୍ଗ, ଅଳ୍ପ ମହୁ ଓ ତୁଳସୀ ପତ୍ର ପକାଇ ଫୁଟାଇବେ । ଭଲ ଭାବରେ ଫୁଟି ଆସିଲେ ତାକୁ ଛାଣି ପିଇବେ । ତେବେ ଥଣ୍ଡା ସମୟରେ ଏହାକୁ ପିଇବା ଦ୍ୱାରା ଆରାମ ମିଳିଥାଏ ।

ଫାଇଦା-

- ତୁଳସୀରେ ଭିଟାମିନ ସି ଏବଂ ଜିଙ୍କ୍ ଥାଏ । ଏହା ପଇବା ଦ୍ୱାରା ଶରୀରରେ ରୋଗ ପ୍ରତିରୋଧକ ଶକ୍ତି ବଢିଥାଏ ।
- ଯେଉଁମାନଙ୍କ ଥଣ୍ଡା, କାଶ ହେଉଥିବା ତୁଳସୀ କାଢା ପିଇବା ଦ୍ୱାରା ଆରାମ ମିଳିଥାଏ ।
- ହୃଦ ଜନିତ ସମସ୍ୟାରୁ ମଧ୍ୟ ମୁକ୍ତି ଦିଏ ତୁଳସୀ କାଢା ।

ଓ୍ବାହିଦା ରେହମାନଙ୍କୁ ମିଳିବ `ଦାଦାସାହେବ ଫାଲକେ' ପୁରସ୍କାର

by Ritu Das

ଅର୍ଗସ ବ୍ୟୁରୋ: ବଲିଉଡର ଭେଟେରାନ ଅଭିନେତ୍ରୀ ଓ୍ବାହିଦା ରେହମାନଙ୍କୁ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯିବ। ଓ୍ବାହିଦା ସେ ସମୟରେ ଜଣେ ଲିଡିଂ ଅଭିନେତ୍ରୀ ଥିଲେ। ଫିଲ୍ମ ପ୍ୟାସା, କାଗଜ କେ ଫୁଲ, ଚୌଦବୀ କା ଚାନ୍ଦ ଏବଂ ଗାଇଡ ଭଳି ଫିଲ୍ମରେ ଲିଡ ରୋଲରେ କାମ କରିଥିଲେ।

I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.

Waheeda ji has been critically acclaimed for her… — Anurag Thakur (@ianuragthakur) September 26, 2023

ଏନେଇ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଏହି ଘୋଷଣା କରିଛନ୍ତି ଏବଂ ନିଜ ଖୁସି ଜାହିର କରିଛନ୍ତି। ଅନୁରାଗ ଲେଖିଛନ୍ତି ଚଳିତବର୍ଷ ଦାଦା ସାହେବ ଫାଲକେ ଲାଇଫଟାଇମ ଆଚିଭମେଣ୍ଟ ପୁରସ୍କାର ଦିଆଯିବ କାରଣ ଓ୍ବାହିଦାଜୀଙ୍କର ବଲିଉଡ ତଥା ହିନ୍ଦୀ ସିନେମା ପ୍ରତି ଥିଲା ଅନନ୍ୟ ଯୋଗଦାନ। ମୁଁ ଏହି ପୁରସ୍କାରର ଘୋଷଣା କରିଥିବାରୁ ଅତ୍ୟନ୍ତ ଖୁସି।