ଚାନ୍ଦବାଲି ବଡ଼ବଜାର ସିମୁଳିଆ ମୈାଜାରେ ୫ ଏକର ପରିମିତ ଜାଗାରେ ଆରଏମସି ବିଭାଗ ପକ୍ଷରୁ ଏକ ବିଶାଳ ଗୋଦାମ ଘର ନିର୍ମାଣ ସହ ଖୋଲା ମାର୍କେଟ ୟାର୍ଡ଼ ନିର୍ମାଣ କରାଯାଇଛି । ଏଠାରେ ୧୦୦ରୁ ଅଧିକ ଦୋକାନ ଚାଲିପାରିବାର ବ୍ୟବସ୍ଥା ରହିଛି । ଏହାସହ ଯେଉଁ ଗୋଦାମ ଗୃହ ବନ୍ଦ ଅବସ୍ଥାରେ ରହିଛି ସେଥିରେ ପ୍ରାୟ ୧ ହଜାର ଚାଷୀ ସେମାନଙ୍କର ଶସ୍ୟ ଜମା ରଖିପାରିବେ । କିନ୍ତୁ ଅଧିକାରୀଙ୍କ ଅବହେଳା ଯୋଗୁଁ 5 ବର୍ଷ ପରେ ବି ଚାଷୀ ଏବଂ ବ୍ୟବସାୟୀଙ୍କ କାମରେ ଲାଗି ପାରୁନି ଏହି ଗୋଦାମ ଏବଂ ଦୋକାନ ଗୃହ। ସେପଟେ ଯଦି ବ୍ୟବସାୟୀଙ୍କୁ ଏହି ଗୋଦାମ ଗୃହ ଦିଆଯାଏ ତେବେ ବର୍ଷକୁ ୫ ଲକ୍ଷ ଟଙ୍କା ରାଜସ୍ୱ ଆଦାୟ ହୋଇପାରିବ । ଏପଟେ ଆର.ଏମ.ସି ଅଧିକାରୀଙ୍କ କହିବା କଥା ଚାଷୀମାନଙ୍କ ଓ ବ୍ୟବସାୟୀଙ୍କ ପାଇଁ ବିଭାଗ ପକ୍ଷରୁ ଏକ ଓଜନ କଂଟାର ଆବଶ୍ୟକତା ରହିଛି । ଯେଉଁଥି ପାଇଁ ଚାଷୀ ଓ ବ୍ୟବସାୟୀ ଘରୋଇ ମିଲ ମାଲିକଙ୍କ ଓଜନ କଣ୍ଟାରେ ମାପ କରି ସେଠାରେ ଷ୍ଟକ ରଖୁଛନ୍ତି ଏବଂ ଆର.ଏମ.ସି ଷ୍ଟକ ପଏଟଣ୍ଟକୁ ଆଣୁନାହାନ୍ତି ।
ସମସ୍ତ ଭିତିଭୂମି ଥାଇ ମଧ୍ୟ ଚାଷୀଙ୍କ କାର୍ଯ୍ୟରେ ଲାଗିପାରୁନି ପ୍ରକଳ୍ପ । ଯଦି ପ୍ରକଳ୍ପ କୋଲଙ୍କ ହିତରେ ଲାଗୁନି ତେବେ ସରକାର କାହିଁକି ଲୋକଙ୍କ ଟଙ୍କା ଏଭଳି କାର୍ଯ୍ୟଦେଶରେ ବିନିଯୋଗ କରୁଛନ୍ତି । ଏଥିପାଇଁ କିଏ ରହିବ ଜନତାଙ୍କ ପାଖରେ ଉତ୍ତରଦାୟୀ ? ସବୁପରେ ଚାଷୀ ଉନ୍ନତି ପାଇଁ ସରକାର ଏହି ପ୍ରଳ୍ପକୁ ତୁରନ୍ତ କାର୍ଯ୍ୟକାରୀ କରିବାକୁ ସବୁ ବର୍ଗରେ ଦାବି ହୋଇଛି ।
