ଏଣିକି ଦାରୁଠେଙ୍ଗରେ ପଡ଼ିବନି ଆବର୍ଜନା, ସହରରେ ତିଆରି ହେବ କମ୍ପୋଷ୍ଟ ସେଣ୍ଟର...

ଭୁବନେଶ୍ୱର: ଏଣିକି ଦାରୁଠେଙ୍ଗରେ ପଡ଼ିବନି ସହରର ଆବର୍ଜନା । ଏନେଇ ବିଏମ୍‌ସି ପକ୍ଷରୁ ସ୍ଥିର କରାଯାଇଛି । ସହରରୁ ବାହାରୁଥିବା ଆବର୍ଜନାକୁ କମ୍ପୋଷ୍ଟ କରିବା ପାଇଁ ସହର ମଧ୍ୟରେ ତିଆରି ହେବ 43ଟି କମ୍ପୋଷ୍ଟ ସେଣ୍ଟର । ଶନିବାର ଏଭଳି ସୂଚନା ଦେଇଛନ୍ତି ବିଏମ୍‌ସି କମିଶନର । ଏହି 43ଟି କମ୍ପୋଷ୍ଟ ସେଣ୍ଟର ମଧ୍ୟରୁ, ପ୍ରତ୍ୟେକ ସେଣ୍ଟରର ଆବର୍ଜନା କମ୍ପୋଷ୍ଟ କରିବା କ୍ଷମତା ରହିବ ୫ ଟନ୍‌ । ତେବେ ଏହି ମାଇକ୍ରୋ କମ୍ପୋଷ୍ଟ ସେଣ୍ଟରର ନିର୍ମାଣ ଆଗାମୀ ୬ ରୁ ୮ ମାସ ମଧ୍ୟରେ ସରିବ ବୋଲି କହିଛନ୍ତି କମିଶନର ।

ସୂଚନା ଯୋଗ୍ୟ, ଦାରୁଠେଙ୍ଗରେ ଆବର୍ଜନା ପଡ଼ିବାରୁ ଅନେକ ସମୟରେ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଦାରୁଠେଙ୍ଗ ବିରୋଧରେ ମଧ୍ୟ ଲୋକମାନେ ଆନ୍ଦୋଳନ କରିଛନ୍ତି । ସେହିଭଳି ଏହି ଦାରୁଠେଙ୍ଗ ଆବର୍ଜନା ଯୋଗୁଁ ନନ୍ଦନକାନନରେ ଜୀବଜନ୍ତୁଙ୍କ ପ୍ରାଣହାନୀ ହେଉଛି ବୋଲି କହିଛନ୍ତି କଂଗ୍ରେସର ବରିଷ୍ଠ ବିଧାୟକ ସୁର ରାଉତରାଏ ।