ଭୁବନେଶ୍ୱର: ରାଜ୍ୟର ବିଭିନ୍ନ ସ୍ଥାନରେ ଆଗାମୀ ଆସନ୍ତା ୪/୫ ଦିନ ଯାଏଁ ଝଡ଼ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ବିଜୁଳି, ଘଡ଼ଘଡ଼ି ସହ ବର୍ଷା ହେବାକୁ ଥିବାରୁ ସତର୍କ ରହିବା ପାଇଁ ଲୋକଙ୍କୁ କହିଛି ଆଞ୍ଚଳିକ ପାଣିପାଗ କେନ୍ଦ୍ର । ପାଣିପାଗ କେନ୍ଦ୍ର ପକ୍ଷରୁ ୟେଲୋ ୱାର୍ଣ୍ଣିଂ ମଧ୍ୟ ଜାରି କରାଯାଇଛି।
ଉପକୂଳ ସମେତ ଆଭ୍ୟନ୍ତରୀଣ ଓଡ଼ିଶାର କିଛି କିଛି ସ୍ଥାନରେ ଝଡ଼ତୋଫାନ ହେବାର ସମ୍ଭାବନା ରହିଛି। ବାଲେଶ୍ବର, ଭଦ୍ରକ, କଟକ, ଜଗତସିଂହପୁର, ଯାଜପୁର, କେନ୍ଦ୍ରାପଡ଼ା, ସୁନ୍ଦରଗଡ଼, ଝାରସୁଗୁଡ଼ା, ଦେବଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ, କନ୍ଧମାଳ, କଳାହାଣ୍ଡି, ପୁରୀ, ନୟାଗଡ଼, କୋରାପୁଟ ଓ ରାୟଗଡ଼ାର ଗୋଟିଏ ଦୁଇଟି ସ୍ଥାନରେ ବିଜୁଳି, ଘଡ଼ଘଡ଼ି ସହ ସ୍ବଳ୍ପ ବର୍ଷା ହୋଇପାରେ। ତେବେ ମୟୂରଭଞ୍ଜ, କେନ୍ଦୁଝର ଓ ବାଲେଶ୍ବରର କିଛି କିଛି ଅଞ୍ଚଳରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।
ଅର୍ଗସ ବ୍ୟୁରୋ: ଶେଷରେ ନିଜ ଭୂଲ୍ ସ୍ୱୀକାର କଲେ କଂଗ୍ରେସ ନେତା ରାହୁଲ ଗାନ୍ଧୀ । ଓବିସି କୋଟା ପ୍ରଦାନ ନକରି ତାଙ୍କ ସରକାର ଅନ୍ୟାୟ କରିଛନ୍ତି । ଆଉ ଏହାକୁ ନେଇ ରାହୁଲଙ୍କୁ ଆଇନା ଦେଖାଇଛନ୍ତି ଧର୍ମେନ୍ଦ୍ର । ଟ୍ୱିଟ୍ କରି ରାହୁଲଙ୍କୁ ଜାବାବ ଦେଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଏକ ପ୍ରେସ୍ ମିଟ୍ ରେ ଯେତେବେଳେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ପଚରାଯାଇଥିଲା ଯେ 2010 ରେ ୟୁପିଏ ସରକାର ଆଣିଥିବା ବିଲ୍ ଅନୁଯାୟୀ ଓବିସି କୋଟା ପ୍ରଦାନ କରାଯାଇ ନ ଥିବାରୁ ସେ ଦୁଃଖିତ କି । ଏହି ପ୍ରଶ୍ନରେ ରାହୁଲ ଗାନ୍ଧୀ କହିଛନ୍ତି ସେ ଶହେ ପ୍ରତିଶତ ଦୁଃଖି । ଏହା ସେତେବେଳେ କରିବାର ଥିଲା । ହେଲେ ବର୍ତ୍ତମାନ ଆମେ ଏହା କରିବୁ ବୋଲି କହିଛନ୍ତି ରାହୁଲ ଗାନ୍ଧୀ ।
ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରି କହିଛନ୍ତି ଯେ, ପ୍ରକୃତ କଥା ହେଉଛି 60 ବର୍ଷ ଧରି କଂଗ୍ରେସ ଦେଶକୁ ଶାସନ କରିଥିବାରୁ ଦେଶ ଆଜି ଦୁଃଖିତ । କଂଗ୍ରେସ ଯେତେବେଳେ କ୍ଷମତାରେ ଥିଲା ସେତେବେଳେ ଓବିସି ଏବଂ ପଛୁଆବର୍ଗର ବିକାଶକୁ ବିରୋଧ କରୁଥିଲା । ଦଶନ୍ଧି ପରେ ଦଶନ୍ଧି ଧରି କଂଗ୍ରେସ ଓବିସିର ସ୍ୱାର୍ଥର ବିରୋଧ କରିଥିଲା । କଂଗ୍ରେସ ଶାସନ କାଳର ଏମିତି ଅନେକ କଥା ଅଛି । ଯଦି ଚର୍ଚ୍ଚା ଚାଲିଛି ତେବେ ରାହୁଲ ଗାନ୍ଧୀ ବି ସେ ସବୁ କଥାର ଖୁଲାସା କରିଦିଅନ୍ତୁ ।
ମହିଳା ସଂରକ୍ଷଣ ବିଲ୍ ଉଭୟ ଲୋକସଭା ଓ ରାଜ୍ୟସଭାରେ ପାରିତ ହୋଇଯାଇଛି । ରାଷ୍ଟ୍ରପତିଙ୍କ ମୋହର ସହ ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ । ଏହି ବିଲ୍ ଆଧାରରେ ଏସି ଓ ଏସଟି ସମୁଦାୟ ମହିଳାଙ୍କ ପାଇଁ କୋଟା ମଧ୍ୟରେ ମଧ୍ୟ କୋଟାର ବ୍ୟବସ୍ଥା ରହିଛି । ଯେତେବେଳେ କି ଓବିସି ସମୁଦାୟର ମହିଳାଙ୍କ ପାଇଁ ଅଲଗା କୌଣସି ବ୍ୟବସ୍ଥା କରାଯାଇନାହିଁ । ଯାହାକୁ ନେଇ ଯୋଜନା ମଧ୍ୟ ହେଉଛି । ତେବେ ଏହାରି ମଧ୍ୟରେ ଲୋକସଭାରେ ରାହୁଲ ଗାନ୍ଧୀ ଏହି ମୁଦ୍ଦାକୁ ଉଠାଇଥିଲେ ।
असली बात तो ये है कि देश को 'अफ़सोस' है कि कांग्रेस ने 60 साल देश पर शासन किया।
कांग्रेस जब सत्ता में रहती है तो ओबीसी और पिछड़े वर्गों के विकास का विरोध करती है। दशक दर दशक कांग्रेस ने ओबीसी हितों के विपरीत स्टैंड लिया।कांग्रेस शासन काल के और कितने अफ़सोस हैं? जब चर्चा चली है… https://t.co/nfZB3CK8U1 — Dharmendra Pradhan (@dpradhanbjp) September 22, 2023
ରାଜନଗର: ରୋଗୀଙ୍କ ଜୀବନ ବଞ୍ଚାଇଲେ ଡାକ୍ତର ଗୌରାଙ୍ଗ ଘଡେଇ । ସଙ୍କଟାପନ୍ନ ରୋଗୀଙ୍କୁ ନିଜେ ବେଡ୍ କୁ ଟେକି ଟେକି ଆଣିବା ସହ ତାଙ୍କୁ ତୁରନ୍ତ ଚିକିତ୍ସା ଯୋଗାଇଦେଲେ । ତାଙ୍କ ତପ୍ତରତା ଦେଖି ନର୍ସଠୁ ଆରମ୍ଭ କରି ସିକ୍ୟୁରିଟି ଗାର୍ଡ ପର୍ଯ୍ୟନ୍ତ ସମସ୍ତେ ଯେମିତି ଧାଇଁଯାଇଥିଲେ । କିଛି ସମୟ ପାଇଁ ସେହି କ୍ଷଣ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।
ଡାକ୍ତର ଖାଲି ଚେୟାର ବସି ନିର୍ଦ୍ଦେଶ ଦେଉଥିବେ ତାହା ଭୂଲ୍ ପ୍ରମାଣିତ ହେଲା । ବରଂ ଦରକାର ପଡିଲେ ନିଜେ ଉଠି ଯାଇ ରୋଗୀଙ୍କ ସେବା କରି ପ୍ରକୃତ ଡାକ୍ତରର ପରିଚୟ ଦେଇଛନ୍ତି ଗୌରାଙ୍ଗ ଘଡେଇ । ଏହି ଦୃଶ୍ୟ ହେଉଛି ରାଜନଗର ତାଳଚୁଆ ସ୍ୱାସ୍ଥ୍ୟ କେନ୍ଦ୍ରର । ଏହି ଅଞ୍ଚଳର ଡାକ୍ତର ଗୌରାଙ୍ଗ ଘଡ଼ାଇ ନିଜେ ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ଅଛନ୍ତି । ଜଣେ ରୋଗୀଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ଥିବାରୁ ରୋଗୀ ଜଣକୁ ନିଜ କୋଳରେ ବୋହି ଡାକ୍ତରଖାନା ନେଇଛନ୍ତି ।
ଏହି ଘଟଣା ପରେ ସାରା ଅଞ୍ଚଳରେ ଡାକ୍ତର ଗୌରାଙ୍ଗଙ୍କ ପାଇଁ ବାଃ ବାଃ ଶବ୍ଦ ଗୁଞ୍ଜରିତ ହେଉଛି । ଯାହା ଏହି ଚିତ୍ର ବୟାନ କରୁଛି । ପ୍ରକୃତରେ ଜଣେ ଡାକ୍ତର ହେଉଛନ୍ତି ଭଗବାନ ।
ଡାକ୍ତରଙ୍କୁ ପୃଥିବୀରେ ଭଗବାନଙ୍କ ଦ୍ୱିତୀୟ ରୂପ ବୋଲି କୁହାଯାଏ । ଯିଏ ରୋଗୀଙ୍କୁ ନୂଆ ଜୀବନ ଦେଇଥାନ୍ତି । ହେଲେ ଆଜିକା ସ୍ୱାର୍ଥପର ଯୁଗରେ ଏସବୁ କମ୍ ଦେଖିବାକୁ ମିଳୁଛି । ହେଲେ ଡାକ୍ତର ଗୌରାଙ୍ଗ ଘଡେଇ ଏକ ନୂଆ ଉଦାହରଣ ସୃଷ୍ଟି କରିଛନ୍ତି । ରୋଗୀଙ୍କୁ ଡାକ୍ତରଖାନା ଆସିବାକୁ ନିବେଦନ କରିବା ସହ ସମସ୍ତ ସୁବିଧା ଯୋଗାଇଦେବା ନେଇ କହିଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ମୁମ୍ବାଇର ପ୍ରସିଦ୍ଧ ଲାଲବାଗଚା ରାଜା । ଲାଲବାଗଚା ଗଣେଶ ପୂଜା ଦେଶ ସମେତ ବିଦେଶରେ ବି ପ୍ରସିଦ୍ଧ । ଯେଉଁଠିକୁ ବାପ୍ପାଙ୍କ ଦର୍ଶନ ପାଇଁ ଦେଶ ତଥା ବିଦେଶରୁ ବି ଶ୍ରଦ୍ଧାଳୁଙ୍କ ଭିଡ ଜମେ । ଏଠାରେ ବଡ ବଡ ତାରକା ଓ ବଲିଉଡ ରାନଜେତାଙ୍କ ଭିଡ ଜମେ । ବାପ୍ପାଙ୍କ ଦର୍ଶନ କରି ହସ୍ତଖୋଲା କରି ଦାନ ଦିଅନ୍ତି ଶ୍ରଦ୍ଧାଳୁ ।
ତେବେ ଚଳିତ ବର୍ଷ ଲାଲବାଗଚା ରାଜା ଗଣେଷ ପୂଜା ମଣ୍ଡପକୁ ଦୁଇ ଦିନ ମଧ୍ୟରେ ଏକ କୋଟିରୁ ଅଧିକ ଟଙ୍କା ଦାନ ଆକାରରେ ମିଳିଛି । ପ୍ରଥମ ଦିନ ଏହି ପୂଜା ମଣ୍ଡପକୁ ୪୦ ଲକ୍ଷ ଟଙ୍କାର ଦାନ ମିଳିଥିଲା ଓ ଦ୍ଵିତୀୟ ଦିନ ଏଥିରେ ଵୃଦ୍ଧି ହୋଇ ୬୦ ଲକ୍ଷ ୬୨ ହଜାରୁ ଅଧିକ ଟଙ୍କା ଦାନ ଆକାରରେ ମିଳିଥିଲା । ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ଵାନୀଙ୍କ ପୁଅ ଅନନ୍ତ ଅମ୍ଵାନୀ ମଧ୍ୟ ମୋଟା ଆକାର ଟଙ୍କା ଲାଲବାଗଚା ରାଜାଙ୍କୁ ଦାନ ଆକାରରେ ଦେଇଥିଲେ। ଯାହା ପାଇଁ ପୂଜା ମଣ୍ଡପର କାର୍ଯ୍ୟକର୍ତ୍ତା ତାଙ୍କୁ ଧନ୍ୟବାଦ ଜଣାଇଥିଲେ।
ଵର୍ତ୍ତମାନ ସୁଦ୍ଧା ଲାଲବାଗଚା ରାଜାଙ୍କୁ ୧୮୩ ଗ୍ରାମ ସୁନା ଓ ୬୨୨ ଗ୍ରାମ ରୁପା ଶ୍ରଦ୍ଧାଳୁଙ୍କ ନିକଟରୁ ମିଳିଛି। ୧୯୩୪ ମସିହାରୁ ପୁତଲାଵି ଚୌଲରେ ଲାଲବାଗଚା ରାଜାଙ୍କ ପୂଜାର୍ଚ୍ଚନା ହୋଇ ଆସୁଛି। ସେପ୍ଟେମ୍ଵର ୧୯ରୁ ୨୯ ୧୦ ଦିନ ଧରି ମୁମ୍ଵାଇରେ ଵିଘ୍ନଵିନାଶକ ଗଣେଶଙ୍କ ଆଗମନ ପାଇଁ ଉତ୍ସବ ମୁଖର ହୋଇ ଉଠିଛି ।
ସୁନାର ମୁକୁଟ , ଗଣେଶଙ୍କ ପାଇଁ ସ୍ଵତନ୍ତ୍ର ଗଦା, ସୁନା ଓ ରୂପାର ଗଣେଶ ପ୍ରତିମା, ଗଣେଶ ଓ ଲକ୍ଷ୍ମୀ ଵିରାଜିତ ଥିଵା ସୁନା ଓ ରୂପାର ଅନେକ କଏନ, ଦାମୀ ସୁନା ଚେନ, ସୁନା ମୁଦି, ରୂପାର ମୂଷା, ପିତଳ ଘଣ୍ଟି, ରୂପା ଓ ସୁନାରେ ତିଆରି ଗଣେଷ ଭଗଵାନଙ୍କ ପ୍ରିୟ ପ୍ରସାଦ ମୋଦକ, ସୁନା ଏଵଂ ରୁପାର ଖଟ, ସୁନାରେ ତିଆରି ଘର କିଛି ଆଭୁସଣ ଯେପରି - ଖଡୁ, କାନର ନୋଳି, ରୁପାର ପାଦୁକା, ମୁକୁଟ,ହାର, ରୁପାର ପାଉଁଜି, ଗଦା ଆଦିକୁ ଶ୍ରଦ୍ଧାଳୁ ମାନେ ଦାନ ଆକାରରେ ଦେଇଛନ୍ତି । କେଵଳ ଭାରତୀୟ ମୁଦ୍ରା ନୁହଁ ଡଲାର ମଧ୍ୟ ଦାନ ଆକାରରେ ମିଳିଛି ।
ଆହୁରି ପଢନ୍ତୁ ଭାରତ ଖବର...
