ବିଶେଷ କରି କୋରାପୁଟ, ମୟୂରଭଞ୍ଜ ଦେବଗଡରେ ସ୍ୱଭାବିକ ବୃଷ୍ଟିପାତ ହେବ। ବାଲେଶ୍ୱର, କେନ୍ଦ୍ରପଡାରେ କେତେକ ସ୍ଥାନରେ ବର୍ଷା ହେବାକୁ ଥିବା ବେଳେ ରାଜ୍ୟର ଅନ୍ୟ ସ୍ଥାନରେ ବର୍ଷା ଉଭାନ ହୋଇଯିବ ବୋଲି ପାଣିପାଗ ବିଶେଷଜ୍ଞ ମତ ଦେଇଛନ୍ତି । ତେବେ ଏଭଳି ପରିସ୍ଥିତି ସୃଷ୍ଟି ହେଲେ ଏହା ଦ୍ୱାରା କୃଷି କ୍ଷେତ୍ର ବ୍ୟାପକ ପ୍ରଭାବିତ ହେବ ବୋଲି ଜଣାପଡିଛି ।

ଭୁବନେଶ୍ୱର: ଅଗଷ୍ଟ ମାସରେ ରାଜ୍ୟରେ ନିଅଣ୍ଟିଆ ବର୍ଷା ସମ୍ଭାବନା ରହିଛି । ମାସର ପ୍ରଥମ ୧୫ଦିନ ରାଜ୍ୟରେ କେବଳ ୨, ୩ଟି ଜିଲ୍ଲାକୁ ଛାଡିଦେଲେ ଅନ୍ୟ ଜିଲ୍ଲା ଗୁଡିକରେ ବର୍ଷା ହେବନାହିଁ ବୋଲି ପାଣିପାଗ ବିଭାଗ ଆକଳନ କରିଛି । ଯଦି ଏମିତି ହୁଏ ତେବେ ରାଜ୍ୟରେ ବଡ ଧରଣର ମରୁଡି ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଥିବା ପାଣିପାଗ ବିଶେଷଜ୍ଞ ମାନେ ରାଜ୍ୟବାସୀଙ୍କୁ ସତର୍କ କରାଇଛନ୍ତି।

କଟକ: ଆସୁଛି ରଜ । ଗାଁରୁ ସହର ସବୁଠି ଚାଲିଛି ପ୍ରସ୍ତୁତି । କିନ୍ତୁ ଆପଣ ଜାଣନ୍ତି କି ଏମିତି ଗାଁ ଅଛି, ଯେଉଁଠି ରଜର ପ୍ରାୟ ମାସେ ପୂର୍ବରୁ ଆରମ୍ଭ ହୋଇଥାଏ ପ୍ରସ୍ତୁତି । ଗାଁରେ ସ୍ବତନ୍ତ୍ର ଆଖଡ଼ା ଘର ନିର୍ମାଣ ସହ ନାଟ, ଗୀତ ପାଇଁ ଦିଆଯାଇଥାଏ ତାଲିମ ।
ରଜ କମିଟି ପକ୍ଷରୁ ଶିଶୁଙ୍କୁ ଦିଆଯାଉଛି ଗୀତ, ନାଚ ପ୍ରଶିକ୍ଷଣ । ଏହାସହିତ ପାରମ୍ପରିକ ପୁଚି ଖେଳ, ରଜ ଗୀତ ଓ ପିଠା, ପଣା ଉପରେ ସ୍ବତନ୍ତ୍ର ଗୁରୁତ୍ବ ଦିଆଯାଉଛି । ରଜ ପର୍ବର ପ୍ରାୟ ମାସେ ପୂର୍ବରୁ ପ୍ରସ୍ତୁତି ଆରମ୍ଭ ହେଉଥିବା ନିଆରା ଗାଁ ହେଉଛି କଟକ ଜିଲ୍ଲା ନିଶ୍ଚିତକୋଇଲି ବ୍ଲକର ଗୋପପୁର ଗାଁ । ଆଖଡ଼ା ଘରେ କୁନୀ ପିଲାଙ୍କୁ ପ୍ରଶିକ୍ଷଣ ଦିଆଯାଉଛି । ଏଠାରେ ପ୍ରତିବର୍ଷ ରଜପର୍ବ ତିନି ଦିନ ଧରି ପିଲାମାନେ ମଞ୍ଚରେ ପୌରାଣିକ ନାଟକ ଓ ନୃତ୍ୟ ପରିବେଷଣ କରିଥାନ୍ତି । ଗାଁରେ ବିଭିନ୍ନ ପ୍ରକାର ଦୋଳି ପଡ଼ିବା ସହ ପାରମ୍ପରିକ ପୁଚି ଖେଳ ଦର୍ଶକଙ୍କ ମନ ମୋହିଥାଏ । 12 ବର୍ଷ ହେବ ଗାଁରେ ଏପରି ନିଆରା ଢଙ୍ଗରେ ପାଳନ ହୋଇଆସୁଛି ରଜ ।
ଓଡ଼ିଶାର ଗଣପର୍ବ ରଜକୁ ଖାସ୍ କରି କୁଆଁରୀମାନେ ପାଳନ କରିଥାନ୍ତି । ରଜ ପର୍ବ ପାଳନ ସମୟରେ ଗାଁର କୁନୀ ଝିଅମାନେ ନିଜ ପ୍ରତିଭା ପ୍ରଦର୍ଶନର ସୁଯୋଗ ପାଇଥାନ୍ତି । ରଜ ମହୋତ୍ସବକୁ ଧୂମଧାମରେ ପାଳନ କରିବା ପାଇଁ ଗ୍ରାମର ପ୍ରାୟ 50ରୁ 60ଜଣ ପିଲା ଦିନରେ 3ରୁ 4ଘଣ୍ଟା ଧରି ନାଚ, ଗୀତ ଅଭ୍ୟାସ କରୁଛନ୍ତି । ଗୋପପୁର ଗାଁରେ କମ୍ପୁଛି ଆଖଡ଼ା ଘର । ପରମ୍ପରାକୁ ବଞ୍ଚାଇବା ପାଇଁ ଗାଁ ଯୁବକଙ୍କ ଉଦ୍ୟମକୁ ବେଶ୍ ପ୍ରଶଂସା କରାଯାଉଛି ।
ଅଧିକ ପଢନ୍ତୁ ଓଡ଼ିଶା ଖବର

ନୂଆଦିଲ୍ଲୀ: ଆଜି ବିଶ୍ବ ପରିବେଶ ଦିବସ । ଲୋକଙ୍କ ମଧ୍ୟରେ ପରିବେଶ ସଂପର୍କରେ ସଚେତନତା ସୃଷ୍ଟି କରିବା ପାଇଁ ପାଳନ ହେଉଛି ପରିବେଶ ଦିବସ । ପ୍ରକୃତି ଆମ ଜୀବନର ଏକ ମୁଖ୍ୟ ଅଂଶ ଏବଂ ଏହାର ସୁରକ୍ଷା କରିବା ଆମର ଦାୟିତ୍ବ ।
ଅସହ୍ୟ ତାତିରେ କଲବଲ ହେଉଛି ମଣିଷ । ମୁନ୍ଦେ ପାଣି ପାଇଁ ଡହଳବିକଳ ହେଉଛନ୍ତି ଲୋକ । ସମୁଦ୍ର ଆଁରେ ଲୀନ ହେଉଛି ଗାଁ କିନ୍ତୁ ଏବେ ବି ମଣିଷ ହୋଇପାରିନି ପରିବେଶ ମନସ୍କ । ପରିବେଶବିତଙ୍କ ସତର୍କ ବାଣୀ ସତ୍ତ୍ବେ ବଢ଼ିଚାଲିଛି ପ୍ଲାଷ୍ଟିକ ପ୍ରଦୂଷଣ ।
ପ୍ଲାଷ୍ଟିକ ଆବର୍ଜନାର ଭୟାବହତାକୁ ଦୃଷ୍ଟିରେ ରଖି ଚଳିତବର୍ଷ ପରିବେଶ ଦିବସର ଧିମ ରହିଛି ବିଟ୍-ପ୍ଲାଷ୍ଟିକ-ପଲ୍ୟୁସନ । ଦୈନନ୍ଦିନ ଜୀବନରେ ପ୍ଲାଷ୍ଟିକର ବ୍ୟବହାର ଭବିଷ୍ୟତ ପାଇଁ ବଡ଼ ବିପଦକୁ ଆମନ୍ତ୍ରଣ କରୁଛି। ପରିବେଶପ୍ରତି ବିଶ୍ବବାସୀଙ୍କୁ ସଚେତନ କରିବା ପାଇଁ 1973 ମସିହାରୁ ପ୍ରତିବର୍ଷ ଜୁନ୍ 5 ତାରିଖରେ ପାଳନ ହେଉଛି ବିଶ୍ବ ପରିବେଶ ଦିବସ । ବୃକ୍ଷରୋପଣର ଆବଶ୍ୟକତା ପ୍ରତି ଲୋକଙ୍କୁ ସତେତନତାର ବାର୍ତ୍ତା ଦେଉଛି ଜାତିସଂଘ। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 2019ରେ ତାମିଲନାଡୁ ଗସ୍ତ ସମୟରେ ମାମଲ୍ଲାପୁରମ ବେଳାଭୂମିରୁ ପ୍ଲାଷ୍ଟିକ ଆବର୍ଜନା ଉଠାଇ ସାରା ବିଶ୍ବକୁ ସତେଚନାର ବାର୍ତ୍ତା ଦେଇଥିଲେ ।
କୋରାପୁଟର ପରିବେଶ ପ୍ରେମୀ ରବୀନ୍ଦ୍ର ରଣା ଲୋକଙ୍କୁ ପ୍ରକୃତି ପ୍ରତି ସଚେତନ କରିବାକୁ ଉଦ୍ୟମ ଜାରି ରଖିଛନ୍ତି । ଦୀର୍ଘ ୧୩ ବର୍ଷ ଧରି ପ୍ରକୃତିକୁ ବଞ୍ଚାଇବାକୁ ଜିଲ୍ଲାର ପ୍ରତି ବିଦ୍ୟାଳୟଠାରୁ ଆରମ୍ଭ କରି ବିଭିନ୍ନ ମନ୍ଦିର, ଅନୁଷ୍ଠାନରେ ଲକ୍ଷାଧିକ ବୃକ୍ଷ ରୋପଣ କରିଛନ୍ତି ରବୀନ୍ଦ୍ର ।
କେବଳ ଏତିକି ନୁହେଁ ଗାଁରୁ ଗାଁ ବୁଲି ବୁଲି ସଚେତନତା ଅଭିଯାନ ଜାରି ରଖିଛନ୍ତି। ସର୍ବେକ୍ଷଣ ମୁତାବକ, ସମୁଦ୍ରକୁ ବର୍ଷକୁ ପ୍ରାୟ ୧୩ ନିୟୁତ ଟନ୍ ପ୍ଲାଷ୍ଟିକ୍ ପଦାର୍ଥ ଯାଉଥିବାରୁ ୧ଲକ୍ଷ ସାମୁଦ୍ରିକ ଜୀବ, ୨ ନିୟୁତ ସାମୁଦ୍ରିକ ପକ୍ଷୀ ମୃତ୍ୟୁ ମୁଖରେ ପଡ଼ୁଛନ୍ତି। ସହରାଞ୍ଚଳରେ ଗଦାଗଦା ବର୍ଜ୍ୟବସ୍ତୁ ପୋଡ଼ାଯିବାବେଳେ ସେଥିରୁ ଡାଇଅକ୍ସିନ୍ ଓ ଫ୍ୟୁରାନ୍ ଭଳି ବିଷାକ୍ତ ବାଷ୍ପ ନିର୍ଗତ ହୋଇ ଆଖପାଖରେ ରହୁଥିବା ଲୋକଙ୍କ ଭିତରେ କ୍ୟାନସର ଭଳି ମହାବ୍ୟାଧି ସୃଷ୍ଟି କରୁଛି।
ପ୍ରକୃତି ବିନା ମାନବ ଜୀବନ ସମ୍ଭବ ନୁହେଁ, କିନ୍ତୁ ଏହା ସତ୍ତ୍ବେ ଆମେ ପରିବେଶକୁ କ୍ଷତି ପହଞ୍ଚାଉଛୁ ଓ ବିକାଶ, ଆଧୁନିକତାର ଦୌଡ଼ରେ ପ୍ରକୃତିଠାରୁ ଦୂରେଇ ଯାଉଛୁ। ବିଶ୍ବ ପରିବେଶ ଦିବସରେ ଏବେଠାରୁ ପର୍ଯ୍ୟାବରଣ ସୁରକ୍ଷା ପାଇଁ ସରକାରଙ୍କ ସମେତ ସମସ୍ତ ଜନତା ଯତ୍ନବାନ ହେବା ଆବଶ୍ୟକ ରହିଛି ।
ଅଧିକ ପଢନ୍ତୁ ଭାରତ ଖବର
